Olimpiada-2024
Parij-2024: Olimpiadaning 12-kunida bahsga kirishadigan o‘zbekistonliklar ro‘yxati
Parij Olimpiadasining 12-kunida o‘zbekistonliklar 3 ta sport turida qatnashadi. Unda eshkak eshuvchilar Yekaterina Shubina va Shaxriyor Mahkamov startga chiqadi. Bokschi Bahodir Jalolov yarim finalda jang qiladi. Yunon-Rum kurashchilari esa bronza medali uchun harakatini boshlaydi.
Bokschi Asadxo‘ja Mo‘ydinxo‘jayev Olimpiada finaliga chiqdi (video)
O‘zbekistonlik bokschi Asadxo‘ja Mo‘ydinxo‘jayev amerikalik Omar Jonsni mag‘lub etib, Olimpiada oltini uchun jang qiladigan uchinchi o‘zbekistonlik bokschi bo‘ldi. Shu kuni yana uch nafar o‘zbekistonlik kurashchi ham bahslarini o‘tkazdi, ulardan ikki nafari bronza medali uchun imkoniyatlarini saqlab qoldi.
Parij-2024: Bugun sport kurashchilari gilamga chiqadi, bokschi Asadxo‘ja Mo‘ydinxo‘jayev yarim finalda jang qiladi
Parij Olimpiadasining 11-kunida Aram Vardanyan va Rustam Assakalov Yunon-rum kurashi bo‘yicha, Aktenge Keunimjayeva esa erkin kurash bo‘yicha gilamga chiqadi. 7-avgustga o‘tar kechasi bokschi Asadxo‘ja Mo‘ydinxo‘jayev amerikalik raqibiga qarshi yarim finalda jang qiladi.
Olimpiya o‘yinlarida qirg‘izistonlik bokschiga o‘zbekistonlik murabbiy sekundantlik qildi. Nega?
Parijdagi Olimpiya o‘yinlarida qirg‘izistonlik bokschi Munarbek Seyitbek o‘g‘liga o‘zbekistonlik murabbiy sekundantlik qildi. Sportchining shaxsiy murabbiyi akkreditatsiya muammolari sabab Parijga borolmagani uchun jangni o‘z uyida ekran qarshisida tomosha qildi.
“Tayyorgarlik uchun vaqtimiz yetmadi”. Timur Kapadze — futbolchilarning Olimpiadadagi ishtiroki haqida
Futbol bo‘yicha O‘zbekiston U-23 jamoasi bosh murabbiyi Timur Kapadze Olimpiada uchun tarkibni shakllantirishda qiyinchiliklar bo‘lgani va musobaqaga tayyorgarlik ko‘rish uchun vaqt yetarli bo‘lmaganini ta’kidladi. U hech bir futbolchiga e’tirozi yo‘qligini aytib, ta’tilga chiqish rejasini e’lon qildi.
Bokschi Lazizbek Mullojonov ham Olimpiada finaliga chiqdi (video)
O‘zbekistonlik bokschi Lazizbek Mullojonov yarim finalda tojikistonlik raqibini mag‘lub etib, Olimpiya o‘yinlari finaliga chiqdi.
Bokschi Hasanboy Do‘smatov Olimpiada finaliga chiqdi (video)
Parij-2024 Olimpiadasining yarim final uchrashuvida o‘zbekistonlik bokschi Hasanboy Do‘smatov Kabo-Verdelik raqibini mag‘lub etdi. O‘zbekiston vakili Olimpiya o‘yinlarining final bosqichiga chiqdi.
Parij-2024: 4-avgust kuni o‘zbekistonliklarni qanday musobaqalar kutmoqda?
Yakshanba kuni Parijdagi Olimpiya o‘yinlarida bokschilar Hasanboy Do‘smatov va Lazizbek Mullojonov final uchun jang qiladi. Yengil atletikachi Anvar Anvarov o‘z ishtirokini boshlasa, Safina Sadullayeva finalda qatnashadi. Olga Zabelinskaya va Yanina Kuskova veloshosse bo‘yicha guruh bahslarida kurash olib boradi.
Parij Olimpiadasidagi o‘zbekistonlik bokschilar: kim qaysi bosqichda?
2024-yilgi Olimpiya o‘yinlarida o‘zbekistonlik 6 nafar bokschi medallar uchun jangni davom ettirmoqda. 5 nafar bokschi esa musobaqadan chiqib ketdi. “Gazeta.uz” sportchilarning natijalari haqida ma’lumot beradi.
Parij 2024. 3-avgustda O‘zbekiston sportchilarining ishtiroki taqvimi
Parij Olimpiadasining 8-kunida Abdumalik Xalokov, Asadxo‘ja Mo‘ydinxo‘jayev va Navbahor Hamidova chorak final jangini o‘tkazadi. Velosportchi Nikita Svetkov guruh poygasida qatnashadi. Akademik eshkak eshishda Anna Prakaten B finalda o‘ynasa, dzyudo bo‘yicha O‘zbekistonga nimchorak finalda Kanada raqib bo‘ladi.
Dzyudochi Alisher Yusupov Olimpiadada bronza medalini qo‘lga kiritdi
Dzyudochi Alisher Yusupov bronza medali uchun kechgan bellashuvda yaponiyalik Tatsuro Saitoni mag‘lub etdi. Shunday qilib, O‘zbekiston delegatsiyasi hisobida barchasi dzyudochilar tomonidan qo‘lga kiritilgan 1 ta oltin va 2 ta bronza medali mavjud.
Parij-2024: 7-kunda yengil atletikachilar bahsga kirishadi, 3 nafar bokschi chorak finalda jang qiladi
Parij Olimpiadasining 7-kunida bokschilar Bahodir Jalolov, Hasanboy Do‘smatov va To‘rabek Habibullayev chorak final jangini o‘tkazadi. Yengil atletikachi Sharifa Davronova va Safina Sadullayeva o‘z ishtirokini boshlaydi. So‘nggi dzyudochi Alisher Yusupov esa yakkalik bahslarining saralash bosqichida qatnashadi.
Olimpiadaning oltinchi kuni: O‘zbekiston uchun dzyudoda bronza, boksda esa mag‘lubiyat
Olimpiadaning oltinchi kunida Muzaffarbek To‘raboyev bronza medalini qo‘lga kiritgan bo‘lsa, bokschi Navbahor Hamidova chorak finalga chiqdi. Eshkak eshuvchi Anna Prakaten finalga chiqa olmadi. Bokschilar Sabina Boboqulova va Ruslan Abdullayev, shuningdek, dzyudochi Irisxon Qurbonboyeva musobaqadan chiqib ketdi.
Muzaffarbek To‘raboyev — Olimpiada bronza medali sovrindori
O‘zbekistonlik dzyudochi Muzaffarbek To‘raboyev (-100 kg) Parij-2024 Olimpiadasining bronza medalini qo‘lga kiritdi.
Parijdagi Olimpiadaning 6-kuni: Anna Prakaten yarim finalda, 2 bokschi chorak finalda o‘ynaydi
Parijdagi Olimpiya o‘yinlarining 6-kunida akademik eshkak eshuvchi Anna Prakaten yarim finalda qatnashadi. Dzyudochilar Muzaffarbek To‘raboyev va Irisxon Qurbonboyeva o‘z yurishini boshlaydi. Bokschilardan Lazizbek Mullojonov va Ruslan Abdullayev chorak, Sabina Boboqulova va Navbahor Hamidova 1/16 finalda bellashadi.
Parij-2024: O‘zbekistonning yana ikki bokschisi chorak finalga chiqdi
Bokschilar Abdumalik Xalokov va Asadxo‘ja Mo‘ydinxo‘jayev Parij Olimpiadasidagi debyutini g‘alaba bilan boshlab, chorak finalga yo‘l oldi. 31-iyul kungi bahslarda qatnashgan kamonchilar va dzyudochilar musobaqani medallarsiz yakunladi.
“Bu O‘zbekiston va Qozog‘iston uchun zo‘r jang bo‘ladi”. Hasanboy Do‘smatov — chorak finaldagi jangi oldidan
Parij Olimpiadasining 1/8 finaliga yetib kelgan bokschi Hasanboy Do‘smatov 3-avgustda qozog‘istonlik Saken Bibossinovga qarshi ringga chiqadi. 31 yoshli Do‘smatov raqibi bilan tanish ekani, u bilan ringda ko‘p to‘qnash kelganini aytdi. Kim kuchli, yaxshi tayyorgarlik ko‘rgan bo‘lsa, o‘sha yutadi, dedi sportchi.
“Biz bundan ham ko‘piga loyiq edik va kuchimiz yetardi”. Timur Kapadze Olimpiadadagi ishtirok yakunlarini sarhisob qildi
Futbol bo‘yicha O‘zbekiston olimpiya terma jamoasi murabbiyi Timur Kapadze Olimpiadadagi natijalarni sarhisob qildi. Uning aytishicha, jamoa raqiblarini mag‘lub etishi uchun kuchi yetardi, ammo “qayerdadir omad, qayerdadir mahorat, tajriba yetishmadi”. Turnir katta tajriba berdi va jamoani kuchliroq qildi, dedi u.
Parij-2024: 31-iyul kuni musobaqalarga kirishadigan o‘zbekistonliklar va ularning raqiblari (ro‘yxat)
Parij Olimpiadasining 5-kunida 6 nafar o‘zbekistonlik sportchi medal uchun kurashni boshlaydi. Dzyudochi Gulnoza Matniyozova va Davlat Bobonov nimchorak final uchun bellashadi. Abdumalik Xalokov va Asadxo‘ja Muydinxo‘jayev boks, Amirxon Sadikov va Ziyodaxon Abdusattorova esa kamondan otish bahsida qatnashadi.
Parij-2024: Bugun yana 4 nafar bokschi o‘z yurishini boshlaydi
Parij Olimpiadasining 4-kunida O‘zbekiston terma jamoasi 4 ta sport turida ishtirok etadi. Sharofiddin Boltaboyev dzyudo, Anna Prakaten esa akademik eshkak eshish bo‘yicha bahslarga kirishadi. Shuningdek, 4 nafar bokschi o‘z yurishini boshlaydi. Futbolchilar esa Dominikanga qarshi o‘ynaydi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting