Jamiyat
Qashqadaryoda O‘zbekiston bayrog‘i rangidagi tasma taqqan yigit qo‘lga olindi
Qamashi tumanidagi bozorda IIO xodimlari O‘zbekiston bayrog‘i rangidagi tasma taqqan yigitni qo‘lga oldi. U tasmani yechishdan bosh tortdi, shundan so‘ng yigit bilan profilaktik suhbat o‘tkazilib, sudga taqdim etish uchun hujjatlar rasmiylashtirildi.
Namanganda erkak o‘zi va sobiq xotinini pichoqlashi oqibatida ayol vafot etdi
To‘raqo‘rg‘on tumanida yashovchi 26 yoshli fuqaro 23 yoshli sobiq xotinini pichoqlab o‘ldirdi. Shundan so‘ng o‘ziga ham pichoq urgan erkak shifoxonaga olib ketildi. Bosh prokuratura ular 2022-yilda ajrashgani, ammo majburan birga yashab kelganini bildirdi. Tergov harakatlari olib borilmoqda.
Farg‘onada erkak mushukni otib, bug‘uni esa bo‘g‘izlab o‘ldirgani nazoratga olindi
Farg‘ona tumanida erkak “jo‘jalarni yeb ketayotgani uchun” mushukni pnevmatik ov quroli bilan otib o‘ldirgani aniqlandi. Shuningdek, bug‘uni bo‘g‘izlab o‘ldirgani aks etgan surat tarqaldi. Tuman IIB tomonidan uning quroli olib qo‘yilib, ish bo‘yicha hujjatlar huquq-tartibot organlariga taqdim etildi.
Qashqadaryo va Jizzaxda qor yog‘di: mevalarni sovuq urgan bo‘lishi mumkin
Shanba kuni Qashqadaryo va Jizzax viloyatlari bo‘ylab qor yog‘ishi kuzatilmoqda. Xorazm markazi Urganchda esa 1 sutka davomida 23.7 mm yomg‘ir yog‘ib o‘tgan. “Qor va haroratning nolgacha pasayishi meva va gullarni sovuq urishiga olib kelgan bo‘lishi mumkin”, — deb yozmoqda O‘zgidromet xodimi Erkin Abdulaxatov.
Qashqadaryoda 2 ta Nexia to‘qnashishi oqibatida 2 kishi halok bo‘ldi
Qarshi tumanida Nexia-3 qarama-qarshi tomondan kelayotgan Nexia-2 bilan to‘qnashib ketdi. Oqibatda 2 yo‘lovchi hodisa joyida vafot etdi, yana 2 kishi shifoxonaga yotqizildi.
Nima tayyorlaymiz: Qulupnayli shirinliklar
Qulupnayli pechenelar, mini-pirog, qulupnayli muzqaymoq, pishirishni talab etmaydigan qulupnay va tvorogli tort va boshqalar — Zira.uz shirin va tez tayyorlanadigan qulupnayli shirinliklar ro‘yxatini taqdim etadi.
Farg‘onada bir qiz va ikki yigit psixotrop modda bilan ushlangani haqidagi xabarga munosabat bildirildi
Tarmoqlarda 15−18 yoshlardagi qiz va ikki o‘g‘il yigitning psixotrop modda bilan ushlab turgani aks etgan video tarqaldi. Farg‘ona viloyati IIBga ko‘ra, ularda psixotrop modda yoki sovuq qurol aniqlanmagan. Ammo ulardan ikkisi va videoni tarqatgan shaxs jarimaga tortilgan.
5-may kuni O‘zbekistonda sodir bo‘lgan eng muhim xabarlar dayjesti
Fransiya prezidentining O‘zbekistonga kutilayotgan tashrifi, Nukus voqealari bo‘yicha apellyatsiya sudi, Surxondaryodagi chang bo‘ronlari, poytaxt avtobuslarida yo‘qolayotgan “kunlik plan”, o‘g‘li 4 nafar qizga tegajog‘lik qilgani aytilgan bog‘cha direktori ishdan olingani va boshqalar — “Gazeta.uz”ning kun dayjestida.
Qoraqalpog‘iston voqealari bo‘yicha apellyatsiya jarayoni kechiktirildi
Sud Dauletmurat Tajimuratovning asosiy advokati kelmagani sababli Qoraqalpog‘iston voqealari bo‘yicha jinoyat ishi doirasida apellyatsiya jarayoni boshlanishini 10-mayga qoldirdi. Ayblanuvchi prokurorlarni almashtirish va ishni qayta ko‘rib chiqish uchun qaytarishni so‘radi, biroq rad javobini oldi.
Pedagogika yo‘nalishidagi sirtqi ta’limga faqat 5 yillik stajga ega o‘qituvchilar qabul qilinadi
2023/2024 o‘quv yilidan OTMlarning pedagogika yo‘nalishidagi sirtqi ta’limda o‘qishni istagan o‘qituvchilar kamida 5 yillik pedagogik stajga ega bo‘lishi shart. Bu bo‘yicha prezident qarori qabul qilindi.
Tizimda yil boshidan beri 9 nafar xodim javobgarlikka tortildi — “Hududgazta’minot”
2023-yil boshidan beri gaz ta’minoti korxonalarining 9 nafar xodimi firibgarlik va boshqa jinoyatlar uchun javobgarlikka tortildi. Qo‘lga olinganlarga nisbatan tergov choralari ko‘rilmoqda, fuqarolardan xodimlar bilan til biriktirmaslik va noqonuniy xatti-harakatlar haqida xabar berish so‘raldi.
Surxondaryoda chang bo‘ronlari kuzatilmoqda. Video
Juma kuni tushdan so‘ng O‘zbekistonning janubiy qismi, xususan, Surxondaryo viloyatining Termiz shahrida chang bo‘ronlari sodir bo‘ldi.
Toshkentda fuqaroni $25 ming evaziga AQShga jo‘natmoqchi bo‘lganlar ushlangani aytilmoqda
Toshkent shahrida kompaniya rahbari va boshqa shaxslar fuqaroni $25 ming evaziga Turkiya va Meksika orqali AQShga jo‘natishga uringanlikda ayblanib ushlandi.
Samarqandda ELSA jamiyatining birinchi bahorgi Kongressi bo‘lib o‘tdi
27−29-aprel kunlari Osiyo endoskopik va laporoskopik xirurglar jamiyatining (ELSA) Kongressi Samarqandda “Ipak yo‘lida minimal invaziv xirurgiya” mavzusida bo‘lib o‘tdi.
Toshkentdagi barcha avtobus yo‘nalishlarida kunlik reja avgust oyiga qadar bekor qilinishi kutilmoqda
Avgust oyiga qadar Toshkent shahridagi barcha — 160 ta avtobus yo‘nalishida naqd pul tushumlari bo‘yicha kunlik reja bekor qilinishi rejalashtirilmoqda. Hozirda poytaxt transport boshqarmasi ularning narxini hisoblab chiqmoqda, yozda tenderlar o‘tkaziladi.
Bo‘kadagi sayyor qabulda ayol bosh prokuror qabuliga kiritmagani uchun Svetlana Artikova bilan janjallashdi
Bosh prokuror o‘rinbosari Svetlana Artikova sayyor qabulda eri bilan bog‘liq ishni hal qilish uchun kelgan ayol bilan janjallashdi. Aniqlanishicha, u ayolni bosh prokuror bilan uchrashishga qo‘ymagan. Yakunda bosh prokuror ayolni qabul qilib, murojaatni nazoratga oldi.
Toshkentda Nukus voqealari bo‘yicha apellyatsiya ko‘rib chiqilmoqda
Toshkent shahrida Qoraqalpog‘iston voqealari bo‘yicha qo‘zg‘atilgan jinoyat ishi bo‘yicha 16 nafar mahkum (shu jumladan, marhum Polat Shamshetov)ning birinchi sud jarayoni bo‘yicha shikoyatlari, shuningdek, shartli ravishda hukm qilingan 4 kishiga nisbatan prokuratura protestini ko‘rib chiqish boshlandi.
O‘zbekistonda dam olish kunlari havo salqin bo‘ladi
Shanba kuni O‘zbekistonga Kaspiy dengizidan nam va nisbatan salqin havo massalari kirib keladi. Havo harorati kunduzi +18 darajagacha pasayadi. Yakshanba kuni qator viloyatlarda qisqa muddatli yomg‘ir yog‘ib, momaqaldiroq bo‘lishi mumkin.
Aprelda O‘zbekistonda 29 mlrd so‘mlik tabiiy gazdan noqonuniy foydalanildi
Aprel oyida O‘zbekistonda ulgurji iste’molchilar tomonidan qariyb 30 mln kub metr hajmdagi (28,9 mlrd so‘mlik) tabiiy gazdan noqonuniy foydalanildi.
Surxondaryoda chegaradan o‘tkazilayotgan anor sharbatlari tarkibida giyohvand modda aniqlandi
Surxondaryodagi “Ayritom” chegara bojxona postidan o‘tkazilayotgan anor sharbatlari tarkibida 103 kg metamfetamin sintetik giyohvandlik moddasi borligi aniqlandi. Ular Toshkentdagi kompaniyalardan biriga yuborilayotgan bo‘lgan. Holat yuzasidan jinoyat ishi qo‘zg‘atildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting