Jamiyat
Wizz Air aviakompaniyasi Abu-Dabi — Toshkent reyslarini yo‘lga qo‘yadi
Yanvar oyining oxiridan Vengriyaning Wizz Air aviakompaniyasi Abu-Dabi — Toshkent reyslarini yo‘lga qo‘yishni rejalashtiryapti. Samolyot haftasiga uch marta — dushanba, chorshanba va juma kunlari uchadi. Avvalroq WizzAir Abu Dhabi BAA poytaxtidan Samarqandga parvozlarni amalga oshirishi xabar qilingandi.
13 noyabr kuni O‘zbekiston bo‘ylab «Yangi nafas» yugurish musobaqalari o‘tkaziladi
O‘zbekiston davlat bayrog‘i qabul qilingan kun munosabati bilan 13 noyabrda mamlakatning 15 ta shahri va poytaxtning uch nuqtasida ommaviy yugurish musobaqalari bo‘lib o‘tadi. Buning uchun homiylar va davlat budjeti hisobidan 3 mlrd so‘mdan ko‘proq mablag‘ ajratildi.
BAA kompaniyasi Toshkent viloyatida yangi suv inshootini quradi
BAA kompaniyasi tomonidan Quyi Chirchiq tumani «Surum» mahallasida kunlik quvvati 1 mln metr kubdan ziyod bo‘lgan zamonaviy oqova suv tozalash inshooti quriladi. Yangi nasos stansiyasi ishga tushishi natijasida bir kecha kunduzda 55,4 kVt elektr energiyasini tejash ko‘zda tutilgan.
Andijonda o‘quvchilarga viloyat hokimi savollariga «shukronalik hissi bilan javob berish» buyurildi
Jalaquduq tumanidagi maktabda «Hokim va yoshlar» uchrashuvida ustozlardan o‘quvchilari hokim savollariga «shukronalik hissi bilan javob berishi» so‘ralgan xabar tarqaldi. XTV matbuot kotibi o‘qituvchilardan bunday narsalarni talab qilmaslikni so‘radi. Tuman hokimligi esa bunday topshiriq berilmaganini aytdi.
11-noyabrdan Qoraqalpog‘istonda maktab o‘quvchilarini bepul ovqat bilan ta’minlash boshlanadi
Qoraqalpog‘iston Respublikasi XTV maktablarda boshlang‘ich sinf o‘quvchilariga bepul ovqat berish 11-noyabrdan boshlanishini ma’lum qildi. Jarayonlar hukumatning tegishli nizomi buzilishi ortidan g‘olib deb topilgan lotlar bekor qilinishi oqibatida kechikkan.
2 noyabr kuni O‘zbekistonda sodir bo‘lgan eng muhim xabarlar dayjesti
Sammit sabab yana yopiladigan Samarqand aeroporti, Sho‘rchida o‘quvchilar uyda o‘qitilayotganini tanqid qilgan Sardor Umurzakov, Toshkent va Qashqadaryodagi suv toshqini, Muzrabotning sobiq hokimiga jinoyat ishi qo‘zg‘atilgani, prezident Administratsiyasida yangi tayinlov va boshqalar — «Gazeta.uz»ning kun dayjestida.
Toshkentda YPX inspektori ogohlantirishlarga bo‘ysunmagan «Nexia-2» oynasini sindirdi
Tarmoqlarda Toshkentda YPX inspektori Nexia-2 avtomobili oynasini sindirayotgani aks etgan video tarqaldi. Poytaxt IIBB YHXB holatni haydovchi 4 marta ogohlantirishga bo‘ysunmagani va eshikni ichkaridan qulflab olgani bilan izohladi. Holat yuzasidan haydovchi jarimaga tortildi.
Tojikiston bilan chegaradagi «Jartepa» bojxona postida 5−12 noyabr kunlari cheklov o‘rnatiladi
Samarqandning O‘zbekiston — Tojikiston chegarasidagi «Jartepa» chegara bojxona postida 5−12 noyabr kunlari fuqarolar va transport vositalari harakatlanishi vaqtinchalik cheklanadi. Bunga binolarni kapital ta’mirlash va hududda obodonlashtirish ishlari olib borilayotgani sabab qilib ko‘rsatildi.
Qashqadaryoda ham kuchli yomg‘ir sabab yo‘llarga suv toshib chiqdi
Chorshanba kuni yog‘gan kuchli yomg‘ir sabab Qashqadaryo viloyatining Kitob, Qamashi, G‘uzor va Dehqonobod tumanlaridagi ariqlar, lotoklar hamda boshqa suv o‘tkazish inshootlarida yig‘ilgan yomg‘ir suvlari toshib chiqdi. FVV aholi va xonadonlarga ziyon yetmaganini ma’lum qildi.
Toshkentda suv toshishining yagona sababi yo‘l va ariqlarga chiqindi tashlanishi bilan bog‘liq — poytaxt hokimligi
2 noyabr kuni kuchli yomg‘ir yog‘ishi oqibatida Toshkentning ayrim ko‘chalarida suv toshishi kuzatildi. Shahar hokimligi ushbu toshqinlarga yagona sabab sifatida aholi tomonidan yul va ariqlarga tashlangan chiqindilarni ko‘rsatmoqda. Drenaj tizimining holati haqida esa ma’lumot berilmagan.
«Maktab tiklanmasa, bolalar hokimiyat binosida o‘qishadi». Sardor Umurzakov Sho‘rchida o‘quvchilar uyda o‘qitilayotganini tanqid qildi
Prezident Administratsiyasi rahbari Sho‘rchida o‘quvchilar uyda o‘qitilayotganini keskin tanqid qildi. Tuman hokimiga hayfsan berildi, uning o‘rinbosari va XTB boshlig‘i ishdan bo‘shatildi. «Zudlik bilan vaziyat o‘zgarmasa, bolalar hokimiyat binosida ta’lim olishadi», — dedi Sardor Umurzakov.
Tuproqsiz sun’iy muhitda o‘simliklarni yetishtirish uskunalarini sotib olishga subsidiya beriladi
Hukumatning tegishli qarori bilan gidroponika (tuproqsiz sun’iy muhit) usulida ozuqa yetishtirish uskunalarini xarid qilish xarajatining 20 foizi, jumladan, uskuna qiymatining 100 mln so‘mdan oshmagan qismini respublika budjetidan qoplab berishni ko‘zda tutuvchi vaqtinchalik nizom tasdiqlandi.
«O‘z hayotimni parvozlarsiz tasavvur qila olmayman». Ekipaj a’zolari — bulutlar orasida ishlash haqida
Uzbekistan Airways bu yil o‘zining 30 yilligini nishonlamoqda. Har yili aviakompaniya xizmatlaridan 2 mlndan ortiq kishi foydalanadi, samolyotlar esa dunyoning 50 dan ortiq shaharlariga parvoz qiladi. Uchuvchilar va bort kuzatuvchilari «Gazeta.uz»ga osmonda ishlashning o‘ziga xos jihatlari haqida so‘zlab berdi.
Muzrabot tumani sobiq hokimiga nisbatan jinoyat ishi qo‘zg‘atildi
Surxondaryoda Muzrabot tumanining sentabrda ishdan olingan sobiq hokimi Erkin Alimov davlat mablag‘larini o‘zlashtirish, mansab vakolatini suiiste’mol qilishda gumonlanmoqda. U 4,2 gektar yerni qarindoshlariga rasmiylashtirgani, banklar ham uning qarindoshlariga 166 mlrd so‘mlik kredit ajratgani aytilmoqda.
Botir Kudratxodjayev harbiy prokuror lavozimiga tayinlandi
Xorazm viloyati prokurori lavozimida faoliyat yuritib kelgan Botir Kudratxodjayev bosh prokuror o‘rinbosari — harbiy prokuror lavozimiga tayinlandi.
Onix savdosining birinchi kunida 28 mingdan ortiq shartnoma imzolandi
Chevrolet Onix avtomobili sotuvi boshlangan kuni 28 mingdan ortiq mijoz uni xarid qilish uchun shartnoma imzoladi (umumiy tuzilgan shartnomalar soni 30 mingta yaqin). Biroq, avtomobil «Uzavto Motors» vakili 2021 yilda aytganidek, 9−12 ming dollar emas, balki 13−16 ming dollar atrofida sotilmoqda.
Germaniya «Yallama» chegara bojxona postiga qariyb 100 ming dollarlik texnik vositalar berdi
Germaniya xalqaro agentligi — GIZ Davlat bojxona qo‘mitasining «Yallama» chegara bojxona postiga qiymati salkam 100 ming AQSh dollarini tashkil qiluvchi bojxona nazoratining texnik vositalari taqdim etdi.
Prezident Administratsiyasi rahbariga yangi o‘rinbosar tayinlandi
Ulug‘bek Kurbanov prezident Administratsiyasi rahbari Sardor Umurzakovning o‘rinbosari — prezident protokoli rahbari lavozimiga tayinlandi.
Samarqand aeroporti sammit munosabati bilan yana yopiladi
Samarqand aeroporti to‘rt kun — 8−11 noyabr kunlari yopiladi. Bu kunlarda shahar Turkiy davlatlar tashkilotining sammitiga mezbonlik qiladi.
1 noyabr kuni O‘zbekistonda sodir bo‘lgan eng muhim xabarlar dayjesti
Eski pasportlarni ID-kartaga almashtirishga chaqirgan IIV, Qoraqalpog‘iston voqealarida qatnashgan yana 35 nafar ayblanuvchi ozodlikka chiqarilgani, bir qator to‘lov turlarini o‘chirgan tizimlar, imtiyozlar samaradorligini oshirish bo‘yicha ko‘rsatmalar bergan prezident va boshqalar — «Gazeta.uz»ning kun dayjestida.
Qo‘shimcha imkoniyatlardan foydalanish uchun saytda ro‘yxatdan o‘ting