Jamiyat
Oliy ta’lim vazirligi OTMlardagi nazorat testlari bilan bog‘liq holatni mas’uliyatsizlik deya baholadi
Ijtimoiy tarmoqlarda Andijon davlat tibbiyot instituti va Farg‘ona davlat universitetida qishki semestrni yakunlashga mo‘ljallangan imtihon savollarida kamchilik va xatolar aks etgan suratlar tarqaldi. ADTI ushbu xatoliklarni tan olib, «talabalardan uzr so‘radi». FarDU esa xabarlar feyk ekanligini aytmoqda. Oliy ta’lim vazirligi «Gazeta.uz»ga bergan izohida mazkur holatlarni «OTMlarning mas’uliyatsizligi sifatida baholadi».
28 yanvar kuni O‘zbekistonda sodir bo‘lgan eng muhim xabarlar dayjesti
Maktab ta’limidagi muammolarni tanqid qilgan prezident, kichik qizaloqni ayiqlar voleriga tashlab yuborgan ayol, budjetdan 100 mlrd so‘m ajratilgan 1hls platformasi, Farg‘onada quriladigan O‘zbekistondagi ilk ekoshahar, O‘zbekistondan xorijga ko‘chib ketgan 20 mingdan ortiq fuqaro va boshqalar — «Gazeta.uz» ning 28 yanvardagi eng muhim xabarlari dayjestida.
So‘rov: 81 foiz yoshlar korrupsion holatlar haqida xabar berishga tayyor
Antikorrupsiya agentligi va U-Report birgalikda 7 yoshdan 35 yoshgacha bo‘lgan 18 mingdan ortiq fuqarolar orasida korrupsiyaga oid so‘rov o‘tkazdi. Respondentlarning 51 foizi korrupsiyaning mohiyatini to‘g‘ri tushunadi, 46 foizi esa poraxo‘rlikka salbiy munosabatda. So‘rovning 81 foiz qatnashchisi korrupsion holatlar haqida xabar berishga tayyorligini ma’lum qilgan. Qolaversa, yoshlar ularni pora berishdan to‘xtatadigan 4 ta asosiy sababni ham keltirgan.
Toshkent hayvonot bog‘ida ayol kishi qiz bolani ayiqlar voleriga tashlab yubordi (yangilandi)
Toshkent hayvonot bog‘ida ayol kishi kichik qizaloqni 5 metr balandlikdan ayiqlar voleriga tashlab yubordi. Bola faqat tushish natijasida jarohat oldi. Ayolning qilmishi sabablari o‘rganilmoqda. Holat yuzasidan qasddan odam o‘ldirishga suiqasd qilish moddasi bilan jinoyat ishi qo‘zg‘atilib, ayol hibsga olingan.
Payshanba kuni vaksina olmagani uchun 202 nafar xodim vaqtincha ishdan chetlatildi
27 yanvar kuni Toshkent shahrida 302 ta tadbirkorlik subyekti va 15 ta budjet tashkilotida xodimlarning emlanganligi bo‘yicha tekshiruv o‘tkazildi. Natijada 202 nafar hodim emlanmagani uchun vaqtinchalik ishdan chetlatildi, 196 ta tashkilot rahbariga ogohlantirish berildi.
O‘zbekistonda har to‘rtinchi ayol ba’zi hollarda zo‘ravonlikka duch kelgan, 7 foiz ayol uchun esa bu odatiy hol
«Mahalla va oila» ilmiy-tadqiqot instituti 6 ta hududda yashovchi 800 nafar xotin-qiz o‘rtasida so‘rovnoma o‘tkazdi. Uning natijalariga ko‘ra, ayollarning 60 foizga yaqini turmush hayotida zo‘ravonlikka duch kelmaganini qayd etgan bo‘lsa, qolgan 40 foizi kamsitish va zug‘um o‘tkazilayotganini bayon qilgan. Har to‘rtinchi ayol ba’zi hollarda zo‘ravonlikka duch kelishini, 7 foiz ayol esa bu odatiy hol ekanligini ta’kidlagan.
Namanganda sobiq uchastkavoyga 7 ta modda bo‘yicha ayblov e’lon qilindi
Namanganda sud IIB rahbariyatining noqonuniy xatti-harakatlari haqida ma’lum qilgan sobiq profilaktika inspektori Sardorbek Otaboyevga nisbatan jinoyat ishini ko‘rib chiqishni boshladi. U Jinoyat kodeksining 7 moddasi, jumladan, firibgarlik, mansab vakolatini suiiste’mol qilish va boshqalar bo‘yicha ayblanmoqda. Sudlanuvchi ayblovlarni rad etmoqda.
O‘zbekiston bo‘ylab svet, gaz va ichimlik suvi to‘liq tiklandi
Energetika vazirligi O‘zbekistonning barcha hududlarida elektr energiyasi ta’minoti to‘liq tiklanganini xabar berdi. «Hududgazta’minot» va «O‘zsuvta’minot» ham tabiiy gaz hamda ichimlik suvi ist’emolchilarga avvalgidek yetkazib berilayotganini ma’lum qildi.
«Sog‘lom turmush tarzi» platformasi uchun budjetdan 100 mlrd so‘m ajratiladi
Prezident qaroriga asosan «Sog‘lom turmush tarzi» platformasidan foydalanuvchilarni rag‘batlantirish maqsadida davlat budjetidan 100 mlrd so‘m ajratiladi. Bundan tashqari, har yili tuman va shaharlardagi namunali mahallalarda zamonaviy fitnes ko‘chalari tashkil etiladi.
Endokrin kasalliklar mavjud oilalarga patronaj hamshirasi biriktiriladi
Prezident qaroriga asosan endokrin kasalliklar mavjud oilalarga maxsus tayyorgarlikdan o‘tgan patronaj hamshirasi biriktiriladi. Har yili kamida bir marta 40 yoshdan oshgan aholi qandli diabet uchun maqsadli skriningdan o‘tkaziladi. Qolaversa, 25 yoshdan oshgan bemorlarga insulin, metformin va boshqa dori vositalari bilan bepul beriladi.
Beeline mobil abonentlarida vaqtincha internet ishlamay qoldi
Juma kuni Beeline mobil aloqa operatori abonentlarida internet xizmati vaqtincha ishlamay qoldi. «O‘zkomnazorat» bunga dasturiy ta’minotdagi nosozlik sabab bo‘lganini ma’lum qildi.
Endilikda 18 yoshdan 40 yoshgacha bo‘lgan aholining salomatlik profili baholanadi
Prezident qaroriga muvofiq, har yili bir marotaba 18 yoshdan 40 yoshgacha bo‘lgan aholining ovqatlanishi, tamakiga qaramliligi, tana vazni, arterial bosimi, qondagi qand va xolesterin darajasiga qarab, ularning salomatlik profili baholanadi. 40 yoshdan oshganlar yiliga kamida bir marta skrining tekshiruvlaridan o‘tkaziladi. Yurak-qon tomir kasalliklari bor 200 mingdan ortiq aholiga esa enalapril dori vositasi bepul beriladi.
COVID-19: Qariyb 1200 kishida virus aniqlandi
Payshanba kuni 1186 kishi topshirgan test tahlillarida koronavirus infeksiyasi aniqlandi. 3 nafar bemor esa kasallik asoratlari oqibatida vafot etdi. Qolaversa, 216 kishida pnevmoniya qayd etildi.
O‘zbekistondagi ilk ekoshahar Farg‘onada quriladi
«Yangi O‘zbekiston» massivlari turkumiga kiruvchi ilk ekoshahar Farg‘ona viloyati markazida 300 gektar maydonda bunyod etiladi. Viloyat hokimi Xayrullo Bozorov birinchi bosqichda 80 ta ko‘p qavatli uy qurish rejalashtirilgani, ekoshahar ikki yilda foydalanishga topshirilishini ta’kidladi.
27 yanvar kuni O‘zbekistonda sodir bo‘lgan eng muhim xabarlar dayjesti
Blekaut vaqtida yaroqsiz bo‘lib qolmagan vaksinalar, isitish tizimi ishlamagan kunlar uchun chegirib tashlanadigan to‘lov, Samarqandda 5 yilda loy yo‘l qolmasligini aytgan Erkinjon Turdimov, Xorazmda chiqindixonadan murdasi topilgan chaqaloq, shaharlararo yo‘llarda ishlay boshlagan AGTKSHlar, qonuniylashtirilgan aviaspotting va boshqalar — «Gazeta.uz» ning 27 yanvardagi eng muhim xabarlari dayjestida.
25 kun ichida O‘zbekistonda 28 kishi is gazidan vafot etdi
2022 yilning ilk 25 kunida O‘zbekistonda is gazi bilan bog‘liq 16 ta holat qayd etilgan, buning oqibatida esa 9 kishi zaharlangan va 28 kishi vafot etgan. Baxtsiz hodisalarga asosan qo‘lbola yasalgan pechlardan foydalanish, dudbo‘ronlarni noto‘g‘ri o‘rnatish, havo almashmaydigan xonalarda ko‘mir va o‘tin yoqish sabab bo‘lgan.
Bloger Fozilxodja Arifxodjayev 7,5 yilga qamaldi
Sud diniy bloger Fozilxodja Arifxodjayevni jamoat xavfsizligi va tartibiga tahdid soladigan materiallarni tayyorlash, saqlash, tarqatish yoki namoyish etishda aybli deb topib, uni 7,5 yilga ozodlikdan mahrum etdi. U o‘tgan yili diniy bloger Abror Muxtor Aliy bilan bo‘lgan mojarodan so‘ng hibsga olingandi. Sudlanuvchining advokati ayblovni rad etib, sud jarayoni tafsilotlarini so‘zlab berdi.
Harbiy tavsiyanoma uchun imtihon — foto
25 yanvardan boshlab respublika miqyosida muddatli harbiy xizmatchilar OTMlarga kirishda imtiyoz beradigan tavsiyanomalar uchun test sinovlaridan o‘tmoqda. Toshkent garnizonidagi xarbiy qism va muassalalarda hizmat qilayotgan harbiylarning imtihon jarayoni — “Gazeta.uz” muxbiri Madina A’zam fotoreportajida.
«Elektr energiyasi o‘chgan vaqtda birorta ham vaksina yaroqsiz holga kelmagan» — SES
Sanitariya-epidemiologik xizmati «Gazeta.uz»ga izoh berishicha, 25 yanvar kuni kuzatilgan elektr ta’minotidagi uzilishlar paytida hududlardagi vaksinalarni saqlash omborlari va vaksinalar mavjud poliklinikalar elektr toki bilan uzluksiz ta’minlangan. «Elektr energiyasi o‘chishi natijasida bironta ham vaksina yaroqsiz holga kelmagan», — deydi SES matbuot kotibi Muhammadjon Bozorov.
Isitish tizimi ishlamagan kunlar uchun to‘lov chegirib tashlanadi
Uy-joy kommunal xizmat ko‘rsatish vazirligi matbuot xizmati rahbari Jamoliddin Qalandarovning ta’kidlashicha, “blekaut” vaqtida isitish tizimi ishlamagan kunlar uchun to‘lovlar, albatta chegirib tashlanadi. Uning so‘zlariga ko‘ra, Toshkentda isitish tizimi 27-yanvar kuni tungacha avvalgidek ishlay boshlaydi.
Qo‘shimcha imkoniyatlardan foydalanish uchun saytda ro‘yxatdan o‘ting