Sog‘liqni saqlash vazirligi 500 ming to‘plam gidroksixloroxin sotib oldi. Avvalroq JSST ushbu preparatning koronavirusga qarshi kurashda samarasiz ekanini ma’lum qilgan edi.
Ilk bor 1968 yilda tashkil etilgan Toshkent Xalqaro kinofestivali qayta tiklanadi. Rossiyalik teleboshlovchi va prodyuser Valdis Pelsh va rejissyor Djanik Fayziyev bilan xalqaro memorandum imzolandi.
Sirdaryo viloyatida fermer ko‘rsatmasi bilan 7 tup daraxt noqonuniy kesilgani aniqlandi. Tabiatga yetkazilgan zarar miqdori 113 mln so‘mga baholandi.
Toshkent viloyati bosh infeksionisti Guljahon Yo‘ldoshevaning advokati u Farrux Rustamovning o‘limida umuman aloqasi yo‘qligini aytganini ma’lum qildi. Guljahon Yo‘ldoshevaga nisbatan jinoyat ishi yuzasidan sud jarayonida uning ko‘rsatmasi tinglandi.
Toshkent viloyatida eriga achchiq qilib bolalarini cho‘ktirib yubormoqchi bo‘lgan ayol videotasviri bo‘yicha munosabat bildirildi. Ayolni ekologlar to‘xtatib qolgan.
Nukusda yozda, karantin vaqtida jamoat ishlariga jalb qilingan ayollar ish haqlarini ololmagani uchun shahar markazidagi ko‘chani to‘sib qo‘ydi.
YUNISEF ko‘magida Qoraqalpog‘istondagi 15 maktabning sanitariya-gigiyena sharoitlarini yaxshilashga 3,5 million dollar ajratiladi. Ushbu maktablarda o‘g‘il va qiz bolalar uchun zamonaviy hojatxonalar va yuvinish xonalari, maktablarni chiqindilardan tozalash sharoiti barpo etiladi.
Namanganda MAN yuk avtomashinasi chorrahada Nexia bilan to‘qnashdi. Olti kishi vafot etdi, ulardan uch nafari voyaga yetmaganlar.
O‘zbekistonda yil boshidan beri is gazidan zaharlanish va gaz chaqnashi oqibatida 106 nafar fuqaro vafot etgan. Prezident FVVning Yong‘in xavfsizligi boshqarmasi faoliyatini tubdan qayta ko‘rib chiqish bo‘yicha topshiriq berdi.
Prezident Shavkat Mirziyoyev bayramdan oldin go‘sht, shakar, guruch, o‘simlik yog‘i narxini oshirishga yo‘l qo‘ymaslikni buyurdi. Bosh vazirga ushbu mahsulotlar zaxirasini to‘ldirish topshirig‘i berildi.
Quacquarelli Symonds xalqaro agentligi tomonidan Rivojlanayotgan Yevropa va Markaziy Osiyo davlatlari bo‘yicha 2021 yil uchun eng kuchli universitetlar reytingiga O‘zbekistonning to‘rtta universiteti — Toshkent irrigatsiya va qishloq xo‘jaligini mexanizatsiyalashtirish muhandislari instituti kiritildi.
Bugungi kunda gaz ta’minotida sutkasiga 20 million metr kub tanqislik mavjud, deya ta’kidladi prezident. Shavkat Mirziyoyev gaz eksportini qisqartirish bo‘yicha topshiriq berib, buning hisobiga, kuniga 7−8 million metr kub gaz qo‘shimcha ravishda aholi ehtiyoji uchun yo‘naltirilishini aytdi.
Qish mavsumida uzluksiz elektr ta’minoti uchun qo‘shimcha ravishda 10−12 million kilovatt-soat ishlab chiqarish zarur, dedi prezident bo‘lib o‘tayogan yig‘ilishda. Davlat rahbari 10 kun ichida yetishmayotgan elektr energiyasini ishlab chiqarishni yo‘lga qo‘yish bo‘yicha buyruq berdi.
17 dekabr kuni Oskar-2020 mukofotiga nomzod etib ko‘rsatilgan rejissyor Yolqin To‘ychiyevning «Faridaning ikki ming qo‘shig‘i» badiiy filmi namoyish etiladi. Shuningdek, 23 dekabr kuni rejissyor Ayub Shahobiddinovning «Rangsiz tushlar» badiiy filmining ham katta premerasi bo‘lib o‘tishi rejalashtirilgan.
G‘uzor tumanining sobiq hokimi Sa’dulla Boboqulov va Qashqadaryo hokimligi hokim sudyaga bosim o‘tkazgani uchun ishdan bo‘shatilganini rad etdi. Sa’dulla Boboqulov sudya mojaroga sabab bo‘lgan dehqon bozori raisining o‘g‘li bilan birga o‘qigani va bir kvartirada yashaganini aytdi.
Toshkent shahar hokimligi tomonidan «Toshkent shahar suv ta’minoti» MCHJning hozirgi kunda amalda bo‘lgan tarifini oshirish taklif qilinmoqda. Qayd etilishicha, «Toshkent shahar suv ta’minoti» MCHJ 2019 yilda moliyaviy iqtisodiy faoliyatdan 58,8 mlrd so‘m, hamda 2020 yil 8 oyligida 21,3 mlrd so‘m zarar ko‘rgan.
Kunning yorug‘ vaqtida barcha avtomototransport vositalarining yaqinni yorituvchi chirog‘ini yoqib yurish tartibi 1 yanvardan kuchga kiradi. Ushbu tartibni bekor qilish bo‘yicha bir guruh deputatlar tomonidan Vazirlar Mahkamasiga hamda Ichki ishlar vazirligiga so‘rov xati kiritilgani ma’lum qilindi.
Hukumat qarori loyihasiga ko‘ra, davlat organlari jamoatchilik kengashlari tarkibiga kamida bir nafar jurnalist va/yoki blogerning kiritilishi belgilanmoqda. Shuningdek,tanqidiy materiallarga bir kun ichida javob beriladi, har bir rahbar ijtimoiy tarmoqlarda o‘z sahifalarini ochadi.
Yangi Chevrolet Tracker’ning birinchi partiyasi O‘zbekistonga jo‘natildi. Yangi krossover 2019 yilda taqdim etilgan bo‘lib, shu vaqtga qadar faqat Xitoy va Braziliyada sotilayotgan edi.
O‘zbekiston 2025-yil IV yoshlar Osiyo o‘yinlariga mezbonlik qilishi munosabati bilan Otabek Umarov Osiyo Olimpiya Kengashining vitse-prezidenti etib saylandi. “Toshkentda o‘tadigan 2025-yilgi yoshlar Osiyo o‘yinlarini o‘tkazish Yangi O‘zbekiston uchun jahon hamjamiyati oldidagi jiddiy sinovlardan biri”, — deya ta’kidladi Otabek Umarov.
Qo‘shimcha imkoniyatlarga ega bulish uchun saytda ro‘yxatdan o‘ting