Jamiyat
Karantin qoidalariga amal qilmaslik bilan bog‘liq holatlar 22 mingdan oshdi
O‘zbekistonda karantin qoidalariga amal qilmaslik bilan bog‘liq jami 22286 ta holat aniqlandi. Bir kun davomida eng ko‘p qoidabuzarlik Qashqadaryo viloyati (+390), Toshkent shahri (+344) va Farg‘ona viloyatida (+250) qayd etildi.
Aprel oyida ob-havo qanday bo‘ladi?
Aprel oyida ob-havoning beqaror bo‘lishi kutilmoqda: quruq va iliq davr yomg‘irli kunlar bilan o‘rin almashadi. Kunduzgi harorat 25−30 daraja issiq atrofida bo‘ladi.
«Elektr energiyasi narxining oshirilishi rejalashtirilmagan» — Energetika vazirligi
O‘zbekistonda elektr energiyasining narxi oshirilishi yaqin orada kutilmayapti. Energetika vazirligi davlat-xususiy sherikligi bo‘yicha loyihalarning elektr energiya qiymatiga ijobiy ta’sir ko‘rsatayotganligini ma’lum qildi.
Koronavirus holatlari soni 200 dan oshdi
O‘zbekistonda tasdiqlangan koronavirus holatlari soni 15 taga ko‘payib, jami 205 taga yetdi.
Moskva aeroportlarida o‘zbekistonliklar yo‘q — elchixona
O‘zbekistonning Moskvadagi elchixonasi 160 nafarga yaqin o‘zbekistonliklarni charter reyslari qayta tiklangunga qadar xostellarga joylashtirdi. Rossiya poytaxtidagi aeroportlarda fuqarolar to‘plangani yo‘q.
Koronavirusga chalingan yana 13 bemor sog‘aydi
Koronavirusga chalingan yana 13 bemorning sog‘aygani xabar qilindi. Ularning ikki nafari mart o‘rtasida xorijdan kelgan, 11 nafari esa infeksiya yuqtirgan fuqarolar bilan muloqotda bo‘lgan. Shunday qilib, O‘zbekistonda COVID-19 infeksiyasidan tuzalganlar soni 25 kishiga yetdi.
Bloger «Mehr-shafqat va salomatlik» jamg‘armasiga 30 mln so‘m xayriya qildi
Huquqshunos va bloger Xushnudbek Xudoyberdiyev Telegram-kanalida o‘tkazgan reklama aksiyasidan tushgan 30 mln so‘mni «Mehr-shafqat va salomatlik» jamg‘armasiga o‘tkazib berdi.
Maktab bitiruvchilari uchun Yagona test sinovlari joriy etilishi mumkin
O‘zbekistonda maktab bitiruvchilari uchun yakuniy imtihonlar va bakalavriatga kirish sinovlari birlashtirilishi mumkin. Yagona test sinovlarida qoniqarli natija ko‘rsatgan bitiruvchilar qo‘shimcha test sinovlarisiz OTMlarga kirish tanlovida qatnashadi.
Karantin qoidabuzarligi bilan bog‘liq holatlar 19 mingdan oshdi
O‘zbekistonda karantin qoidalariga amal qilmaslik bilan bog‘liq jami 19 843 ta holat aniqlandi.
Toshkentdagi xayriya tadbirlari markazi o‘z ishini boshladi
Toshkentdagi «O‘zekspomarkaz»da ish boshlagan xayriya tadbirlarini muvofiqlashtirish markazi 2 aprel kuni poytaxtdagi 350 ta xonadonga 8 turdagi oziq-ovqat mahsulotlarini tarqatadi. Ularni yetkazish uchun har bir tumanga 2 tadan — jami 22 ta «Damas» avtomashinasi ajratilgan.
O‘zbekistonda COVID-19 tasdiqlangan holatlar soni 181 taga yetdi
O‘zbekistonda koronavirus infeksiyasi tasdiqlangan bemorlar soni 8 nafarga oshib, jami 181 kishiga yetdi.
O‘zbekiston Qirg‘izistonga insonparvarlik yordami jo‘natdi
O‘zbekiston Qirg‘izistonga un, oziq-ovqat mahsulotlari va infeksiyadan himoya vositalaridan iborat insonparvarlik yordami jo‘natdi.
Tibbiyot xodimlari karantindan chiqqanlarni raqslar bilan kuzatib qo‘yishdi (video)
Tibbiyot xodimlari «Chotqol» sanatoriyasida karantindan chiqarilgan 212 fuqaroni raqs tushgan holda kuzatib qo‘yishdi. Video.
Koronavirusga qarshi kurash bo‘yicha xayriya tadbirlarini markazlashtirish tavsiya etildi
1 apreldan yakka tartibda xayriya tadbirlarini o‘tkazish vaqtincha taqiqlandi. Ehtiyojmand oilalarga xayriya yordamlari markazlashtirilgan holda yetkaziladi. Ushbu ishga NNT va ko‘ngillilar (volontyor) qo‘shilishga chaqirildi.
1 apreldan O‘zbekistonda «samoizolyatsiya» tartibi joriy etiladi
O‘zbekistonda 1 apreldan boshlab «o‘zini yakkalash» (samoizolyatsiya) hayot tarzi joriy etiladi. Zarurat bo‘lgan taqdirdagina yaqin atrofdagi dorixona, oziq-ovqat va birinchi galdagi tovarlar do‘koniga chiqishga ruxsat etiladi. 65 yoshdan yuqori bo‘lgan fuqarolarga uyidan tashqariga chiqish qat’iyan man etiladi.
IIV: Kun davomida 2700 marotaba karantin qoidalari buzildi
Karantin e’lon qilingandan buyon O‘zbekistonda 17 mingdan ziyod karantin qoidalarini buzish holatlari aniqlandi. Ushbu qoidabuzarliklarning aksariyati tibbiy niqob taqmaganlik bilan bog‘liq.
Toshkentda stikersiz haydovchilarni jarimaga tortish boshlandi
Toshkentda o‘tkazilayotgan reyd tadbirlari doirasida 11 soat ichida 168 nafar haydovchi maxsus ruxsatnomasiz avtomobil boshqargani aniqlandi. Ular jarimaga tortildi, avtomobillar esa jarima maydonchasiga olindi.
Qo‘qonda koronavirus haqida yolg‘on xabar tarqatgan mahalliy deputatga jinoiy ish qo‘zg‘atildi
Qo‘qonda 2 kishida koronavirus aniqlangani va ular karantinga olingani haqida yolg‘on xabar tarqatgan shahar kengashi deputatiga nisbatan jinoiy ish qo‘zg‘atildi.
Alisher Usmonov O‘zbekistonda koronavirusga qarshi kurashga 20 mln dollar ajratdi
Milliarder Alisher Usmonov «O‘zbekiston Mehr-shafkat va salomatlik» jamg‘armasiga o‘z hisobidan 20 million dollar beg‘araz yordam ajratdi. Ushbu mablag‘ Zangiota tumanida qurilayotgan 10 ming o‘rinli tibbiy muassasani zamonaviy uskunalar bilan jihozlash uchun sarflanadi.
Bog‘cha bolalari uchun ta’limiy teleloyiha efiri boshlandi
MTV 1 apreldan «Bolajon» kanalida bog‘cha bolalari uchun ingliz tili, arifmetika, ertalabki badantarbiya va logopedik mashg‘ulotlardan iborat ta’limiy teleloyihani ishga tushirdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting