Jamiyat
2020−2021 yilgi qabul testlari faqat 2 ta mutaxassislik fanidan o‘tkaziladi
2020−2021 o‘quv yili uchun istisno tariqasida qabul test sinovlari majburiy fanlarsiz, 2 ta mutaxassislik fanlaridan o‘tkazilishi rejalashtirilmoqda. Qabul jarayoni abituriyentlar uydan chiqmagan holda tashkil etilishi kutilmoqda. Test sinovlari o‘tkaziladigan binolarda har bir abituriyent uchun kamida 3 kv.m joy ajratiladi, ularda niqob, qo‘lqop bilan testda ishtirok etishi ta’minlanadi.
Xorijdagi fuqarolarni qaytarish bo‘yicha charter reyslar jadvali e’lon qilindi
13 maydan 24 mayga qadar O‘zbekiston fuqarolarini xorijdan olib kelish bo‘yicha charter reyslar tashkillashtiriladi. Mamlakatga qaytarilganlar 14 kunlik karantinga joylashtiriladi.
NASA Sardobadagi suv toshqini oqibatlarining fotosuratlarini e’lon qildi
NASA O‘zbekiston va Qozog‘iston hududlarining Sardoba suv ombori to‘g‘oni o‘pirilishidan oldingi va keyingi holatlarning sun’iy yo‘ldoshdan olingan rasmlarini e’lon qildi.
Alisher Usmonov Qozog‘istonga ajratgan pullar xalqqa tarqatilmoqda
Alisher Usmonov jamg‘armasi tomonidan ajratilgan 5 mln dollar suv toshqini natijasida evakuatsiya qilingan Turkiston viloyati Maqtaaral tumanidagi 30 mingdan ortiq kishiga bo‘lib beriladi. Evakuatsiya qilingan 5202 ta oilaning hujjatlari to‘liq to‘plangandan so‘ng, ularga belgilangan 422 ming tenge (1000 AQSH dollari) beriladi.
Bosh prokuratura va IIV quvasoylik shaxsning IIBda vafot etganini rad etdi
Bosh prokuratura va IIV o‘g‘rilikda gumon qilingan quvasoylikning IIB xodimlari tomonidan kaltaklab o‘ldirilgani haqidagi xabarlarni rad etib, uning tirikligi va hozirda davolanayotganini ma’lum qildi.
Samarqand shahrida karantin qoidalari kuchaytiriladi
13 maydan Samarqandda karantin choralari kuchaytiriladi. Avtomobilda stikersiz harakatlanish cheklanadi, faoliyatiga ruxsat berilgan tadbirkorlik sub’ektlari har bir mijoz haroratini o‘lchab, ularga bepul yangi niqob va qo‘lqop tarqatishi shart.
Surxondaryodagi avariyada “muravey” haydovchisi vafot etdi
Surxondaryo viloyatida qarama-qarshi yo‘nalishga chiqib ketgan Lacetti motoroller bilan to‘qnashdi. “Muravey” haydovchisi voqea joyida hayotdan ko‘z yumdi.
“Qanotchi” restoranining ishi sudga kiritildi
Sanitariya-epidemiologiya nazorati Davlat inspeksiyasi “Qanotchi” restorani karantin talablariga rioya etmasdan o‘zboshimchalik yo‘li bilan faoliyat yuritgan deya bayonot berdi va ushbu ish Ma’muriy sudga kiritilganini ma’lum qildi. Oldinroq, Toshkent shahar IIBB hamda poytaxt hokimligi ushbu restoranning faoliyati “sinov” tariqasida amalga oshirilganligi haqida xabar berishgan edi.
Pensionerlarga o‘z banklarini tanlash imkoniyati beriladi
Pensionerlarga bank xizmatlaridan foydalanishda qulaylik yaratish maqsadida xizmat ko‘rsatadigan banklarni tanlash imkoniyati beriladi. Markaziy bank pensiya mablag‘larini yagona bank orqali pensionerlarga yetkazish tizimining samarasiz ekanligi va bu amaliyotdan voz kechish lozimligi bo‘yicha xulosaga kelgan.
91 nafar “Bilayn” ishchisi karantin poligoniga joylashtirildi — Toshkent viloyati hokimligi
Toshkent viloyati hokimligi viloyatda koronavirus infeksiyasiga qarshi olib borilayotgan ishlar yuzasidan axborot berdi. Jumladan, “Bilayn” kompaniyasining 91 nafar ishchisi Yuqori Chirchiq karantin poligoniga joylashtirilgani ma’lum qilindi.
Yerni noqonuniy tortib olgan amaldorlar uchun javobgarlik kuchaytiriladi
Ma’muriy javobgarlik to‘g‘risidagi kodeksga yerni noqonuniy tortib olgan mansabdor shaxslar uchun javobgarlik kiritilmoqda. Qoidabuzarlik takror sodir etilsa, jinoiy javobgarlikka tortiladi. Senatorlar MJTK va JKga tuzatishlar kiritilishini ma’qulladi.
800 nafardan ortiq o‘zbekistonlik qaytarildi
Prezident topshirig‘i bilan Dubay, Minsk, Seul va Dehliga charter reyslar tashkil etildi. 8−10 may kunlari O‘zbekistonga 800 nafardan ziyod fuqaro qaytarildi. Frankfurtdan reys amalga oshirilishi kutilmoqda.
Qirg‘iziston Sirdaryodagi jabrlanganlarga yordam jo‘natdi
Qirg‘iziston Sardoba suv ombori to‘g‘oni o‘pirilishidan jabrlangan sirdaryoliklarga insonparvarlik yordami yubordi.
Farhod avtoqismlar bozorida sanitariya kuni e’lon qilindi
Toshkentdagi Farhod avtomobil ehtiyot qismlar bozorida faoliyat ko‘rsatayotgan tadbirkorda isitma aniqlangani sababli bozor faoliyati to‘xtatilib, sanitariya kuni e’lon qilindi.
Janubiy Koreyadan insonparvarlik yordamining ikkinchi partiyasi yetib keldi
Janubiy Koreya yuborgan insonparvarlik yordamining ikkinchi partiyasi Toshkentga yetib keldi. Yuk tarkibidan qariyb 192 ming dollarlik tibbiy vositalar o‘rin oldi.
Haftaning yomg‘irli bo‘lishi kutilmoqda
13 maydan butun mamlakat bo‘ylab momaqaldiroqli yomg‘ir yog‘ib, shamol tezligi kuchayishi kutilmoqda. Havo harorati +18…+23 darajagacha tushadi, bu — may oyi uchun o‘rtacha ko‘rsatkichlardan past.
Senat tomorqa uchun javobgarlikni joriy etishni rad etdi
Senat Ma’muriy javobgarlik to‘g‘risidagi kodeksga tomorqadan oqilona foydalanish bo‘yicha tuzatishlar kiritishni ko‘zda tutgan qonunni rad etdi. Senatorlar fikricha, qonundagi noaniq tushunchalar korrupsiyaga olib kelishi mumkin.
“Salomatlik” ordeni va “Sog‘lom turmush” medali ta’sis etiladi
Senatorlar “Salomatlik” ordeni (ikki darajadan iborat) va “Sog‘lom turmush” medalini ta’sis etishni ma’qulladi. Ular sog‘liqni saqlash va sog‘lom turmush tarzini rivojlantirishda munosib hissa qo‘shganlarga taqdim etiladi.
Toshkentda Britaniya menejment universiteti tashkil etiladi
2020−2021 o‘quv yilidan boshlab Toshkent shahrida Britaniya menejment universiteti faoliyat olib boradi. Ta’lim ingliz tilida to‘lov-kontrakt asosida amalga oshiriladi. Universitetda loyihalarni boshqarish, tadbirkorlik va innovatsiyalar hamda raqamli iqtisodiyot kabi ta’lim yo‘nalishlari mavjud bo‘ladi.
“Qanotchi” restoranining ochilishi sinov maqsadida bo‘lgan — Toshkent shahar IIBB
“Qanotchi” restoranining faoliyati davom etayotganligi haqidagi ma’lumotlarga Toshkent shahar IIBB o‘z munosabatini bildirdi. Ma’lum qilinishicha, restoran umumiy ovqatlanish joylarining sanitariya-epidemiologiya me’yorlariga rioya qilgan holda ishlash imkoniyatini o‘rganish maqsadida sinov tariqasida ochilgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting