USAID “Energiya” muvofiqlashtirish va dispetcherlik markaziga energetika sektorini boshqarish bo‘yicha 1,4 mln dollarlik asbob-uskunalar va dasturiy ta’minot topshirdi. Mazkur texnologiyalar markaz dispetcherlariga mintaqadagi energiya rejimini saqlash uchun dolzarb ma’lumotlarni namoyish qilish imkonini beradi.
Hukumat qarori bilan begona shaxslarni uy doimiy ro‘yxatidan chiqarish uchun ularning roziligini olish bekor qilindi. Shuningdek, jismoniy va yuridik shaxslarga yetkazilgan mulkiy zararlarni kompensatsiya qilish bo‘yicha maqsadli jamg‘armalar mablag‘larini shakllantirish to‘g‘risidagi nizomning yangi tahriri tasdiqlandi.
Yunusobod tumanida Matiz butunlay yonib ketdi. Yong‘in kelib chiqishiga qisqa tutashuv sabab bo‘lgan. Toshkent shahar IIBB haydovchilardan avtomobilning texnik sozligiga e’tiborli bo‘lishni so‘radi.
Rossiyaning Penza viloyatida sodir bo‘lgan baxtsiz hodisada halok bo‘lgan 8 nafar O‘zbekiston fuqarosi jasadlari maxsus reys bilan Urganchga olib kelindi. Barcha vafot etganlar Xorazm viloyatidan bo‘lgan.
Havo sifatini yaxshilash bo‘yicha takliflar bergan Ekologiya vazirligi, elektrotexnika jihozlari uchun uzaytirilayotgan imtiyozlar, yoshlarni vatanparvar qilib tarbiyalash tizimini yaxshilashni aytgan prezident, tadbirkorlar uchun bekor qilinayotgan litsenziyalar va boshqalar — “Gazeta.uz"ning kunlik dayjestida.
Istanbulda 2017 va 2018-yillardan buyon odam savdosida ayblanib qidiruvda bo‘lgan ikki nafar O‘zbekiston fuqarosi qo‘lga olindi. Bir necha kun avval “Madam Klod” nomi bilan tanilgan yana bir o‘zbekistonlik ayol qo‘lga olingani xabar qilingan edi.
Shanba kuni O‘zbekiston hududiga nam havo massasi, yakshanba kuni esa antitsiklon kirib kelishi boshlanadi. Dam olish kunlari ba’zi joylarda qor va yomg‘ir yog‘ishi kutilmoqda. Kunduzi harorat +10…+15 daraja bo‘ladi.
O‘tgan 2023-yil davomida O‘zbekiston davlat boshqaruvi tizimida keng ko‘lamli yangiliklar kiritilib, fuqarolarga xizmat ko‘rsatish jarayoni yanada yengillashdi. Asosiy e’tibor iqtisodiy o‘sishni ta’minlashga qaratildi.
6 ta kinopremera, “Men g‘olib” yugurish musobaqasi, o‘zbek tiliga bag‘ishlangan ko‘rgazma, spektakllar, havaskorlar o‘rtasidagi shaxmat turniri, “Sahna” stendap klubdagi yumoristik tadbirlar, do‘konlardagi chegirmalar va dam olish kunlaridagi boshqa qiziqarli tadbirlar — Afisha.uz jamlanmasida.
Ichki ishlar vaziri o‘rinbosari, Tergov departamenti rahbari Yaxyojon Abdulxakov boshqa ishga o‘tishi munosabati bilan lavozimidan ozod etildi.
Toshkentdan Istanbulga uchgan Uzbekistan Airways samolyotida fuqaro vafot etdi. Parvoz chog‘ida surunkali kasallikka chalingan yo‘lovchi yurak xurujini boshdan kechirgan. Turkiyadagi elchixona marhumning jasadi O‘zbekistonga jo‘natilganini bildirdi.
Ekologiya vazirligi Toshkent shahrida havoni muhofaza qilish choralarini taklif qildi. IESlarda mazut va ko‘mirdan foydalanishni, Ai-80 rusumli benzinni taqiqlash, yuk mashinalarining tig‘iz vaqtlarda harakatlanishini cheklash va markaziy ko‘chalarda mashinalardan xoli hududlar tashkil etish shular jumlasidan.
Ekologiya vazirligi Toshkent shahrida havo ifloslanishining asosiy omillari sifatida IESlarda ko‘mir va mazutdan foydalanish, qurilishlar va daraxtlarni kesish ko‘paygani, sifatsiz yonilg‘ida yuruvchi transportlardan chiqayotgan tashlamalar ortgani kabilarni sanadi. Havoni yaxshilash bo‘yicha takliflarini bildirdi.
DXX Shayxontohur tumanida “logistika bilan shug‘ullanuvchi” uyda narkolaboratoriya tashkil etgan ikki shaxsni ushladi. 26 kiloga yaqin mefedron, 400 kilodan ortiq kimyoviy moddalar hamda asbob-uskunalar rasmiylashtirib olindi. Narkotik moddalarning qora bozordagi qiymati 900 ming dollarga tengligi aytilmoqda.
Asosiy vaqti kompyuter qarshisida o‘tadigan ofis xodimlarining katta qismi kamharakat, ularga jismoniy faollik yetishmaydi. Kamharakatlilik esa aksariyat xastaliklar boshi. Buning oldini olish uchun nima qilish kerak? Respublika travmatologiya markazi rahbari bu boradagi oson tavsiyalar bilan o‘rtoqlashdi.
Boyovut tumanidagi metan “zapravka”lardan biri 62,4 mlrd so‘mlik tabiiy gazdan noqonuniy foydalangani aniqlandi.
Ichki ishlar xodimlari tasvirini obro‘sizlantirish maqsadida tarqatganlik uchun jazo, Rossiyadagi YTHda halok bo‘lgan o‘zbekistonliklar, taqiqlangan sahifalarning yangi ro‘yxati, Dauletmurat Tajimuratov bilan uchrashgan ombudsman va boshqalar — “Gazeta.uz"ning kunlik dayjestida.
Prezident Rossiyaning Penza viloyatida sodir bo‘lgan YTHda halok bo‘lgan yetti nafar O‘zbekiston fuqarosining jasadini, shuningdek, jabrlangan ikki nafar fuqaroni Mudofaa vazirligining maxsus samolyotida vatanga qaytarish bo‘yicha topshiriq berdi.
Sud Telegram`dagi pulli kanallarda ayollarning intim suratlarini tarqatgan bir guruh shaxslarni 3 yildan 7 yilgacha qamoq jazosiga hukm qildi. Sud ishi bo‘yicha 62 kishi, jumladan, 55 nafar ayol jabrlanuvchi va da’vogar bo‘lgan.
Toshkent viloyatida Mudofaa sanoati agentligining ishlab chiqarish klasteri tashkil etildi. Uning bir-biriga bog‘langan ustaxonalari harbiy texnika, radiolokatsiya qurilmalari, o‘qotar va artilleriya qurollarini ta’mirlash va modernizatsiya qilish bilan shug‘ullanadi. obyektga prezident tashrif buyurdi.
Qo‘shimcha imkoniyatlarga ega bulish uchun saytda ro‘yxatdan o‘ting