26-aprel kuni Uzbekistan Airways`ning Toshkentdan Istanbulga uchayotgan samolyoti bortida o‘g‘il bola dunyoga keldi. Styuardessalar “Gazeta.uz”ga tug‘ruq qanday ro‘y berganini so‘zlab berishdi. “Samolyotda bitta katta oiladek edik — 246 qarindosh va hamma kutardi: kimdir nabirasini, kimdir jiyanini, ukasini”.
Toshkentni $250 mlrdga sotishga e’lon bergan maktab o‘quvchisi, referendumda oldinroq ovoz bergan 611 ming fuqaro, “Mening yo‘lim” loyihasi takliflariga ovoz berish boshlangani, ajrashishlar ko‘paygani uchun o‘zgartirish taklif qilingan Yunusoboddagi mahalla nomi va boshqalar — “Gazeta.uz”ning kun dayjestida.
Qoraqalpog‘istonlik musiqachilar Germaniya, Belgiya va Niderlandiya davlatlarida 11−28-aprel kunlari “Orol dengizi shamollari” nomli ijodiy safarda bo‘ldi. Ular qoraqalpoq dostonlari hamda xalq qo‘shiqlaridan iborat 10 dan ortiq konsert hamda mahorat darslarini qoraqalpoq tilida namoyish etdi.
Endilikda “Asakabank” tomonidan nafaqat O‘zbekistonda ishlab chiqarilgan, balki chet eldan import qilingan avto va mototransport vositalari uchun ham avtokredit ajratiladi.
O‘zbekistonni ham o‘z ichiga olgan JSST Yevropa mintaqasida qizamiq bilan kasallanish holatlari ko‘paygan. O‘zbekistonda uch oy davomida 26 ta (o‘tgan yili — 8), Tojikistonda — 199 (451) holat tasdiqlangan.
Bahor-yoz mavsumiga tayyorgarlik uchun ta’mirlash ishlari olib borilishi munosabati bilan Toshkentning turli hududlarida navbat bilan sovuq suv o‘chiriladi.
Toshkentda bo‘lib o‘tayotgan xalqaro investitsiya forumida “Agrobank” Germaniya banklari bilan jami qiymati 50 mln yevrolik ikkita hamkorlik bitimini imzoladi.
IIV Kiberxavfsizlik markazi 8-sinf o‘quvchisi Toshkent shahrini onlayn sotuv platformasida 250 mlrd dollarga sotish haqida e’lon joylashtirganini aniqlandi. O‘smir buni hazil tariqasida qilganini bildirdi.
Arxitektura va qurilish sanoati uchun dasturiy ta’minot ishlab chiqaruvchi Autodesk korporatsiyasi samarali hamkorlikni tavsiya etmoqda.
O‘zbekistonga noqonuniy ravishda kuchli ta’sir qiluvchi dori vositalarini olib kirish va ularni mamlakat bo‘ylab tarqatish bilan shug‘ullanganlikda gumonlangan 30 nafar shaxs ushlanib, ularga tegishli 75 275 dona dorilar olib qo‘yildi.
Yunusobodda salkam 30 yil “Shodlik” deb nomlangan mahalla nomi “tarixiy ahamiyat kasb etishi uchun” 2016-yili “Yo‘layriq” deb o‘zgartirilgan. Oradan yetti yil o‘tib, mahalla nomini endi “Obihayot” deb o‘zgartirishmoqchi. Ta’kidlanishicha, mahallaning hozirgi nomi yosh oilalarning totuvligiga xalal bermoqda.
Toshkent shahri va viloyatida jami 2,6 kg “gashish”, 800 gramm “opiy” va boshqa psixotrop dorilarning savdosiga chek qo‘yildi. Gumondorlarga nisbatan jinoyat ishi ochildi.
Toshkent shahrida Reproduktiv tibbiyot va genetika instituti ochildi. 2023−2024 o‘quv yilidan ushbu institutda klinik ordinatura tashkil qilinib, reproduktolog va akusher-ginekolog kabi mutaxassislar tayyorlash boshlanadi.
Buxoroda erkak soxta pasport va shartnomani ko‘rsatib, birovning do‘konini ikki ayolga 50,8 ming dollarga sotmoqchi bo‘ldi.
Shanba va yakshanba kunlari O‘zbekiston hududining katta qismida havo ochiq va quyoshli bo‘lishi kutilmoqda. Tog‘oldi va tog‘li hududlarda havo o‘zgarib turadi, qisqa muddatli yomg‘ir yog‘ishi, momaqaldiroq bo‘lishi mumkin. Yakshanba kuni harorat kunduzi 28−33 daraja atrofida bo‘ladi.
Open budget axborot portalidagi “Mening yo‘lim” loyihasi doirasida 10 mingtadan ortiq tashabbusli taklifga ovoz berish jarayoni boshlandi, u 7-maygacha davom etadi.
Kattaqo‘rg‘on tumanida yashovchi 16 yoshli bola PUBG profilini sotishini aytib 14 yoshli boladan 4,5 ming dollar olgan. Biroq profilni unga bermay, pullarni shaxsiy ehtiyojlari uchun ishlatib yuborgan. Holat yuzasidan jinoyat ishi ochilgan.
Ikki haftadan buyon Sudanda davom etayotgan qurolli to‘qnashuvlar sababli xorijlik fuqarolar Saudiya Arabistoniga evakuatsiya qilinmoqda. Ko‘chirilayotganlar orasida o‘zbekistonliklar ham bor. Saudiya “ularning o‘z mamlakatlariga jo‘nab ketishiga tayyorgarlik ko‘rish uchun barcha zaruriy ehtiyojlarni ta’minlab beradi”.
Yunusobod tumanida 4 ta yuk mashinasi va 8 ta yengil avtomobil ishtirokida YTH sodir bo‘ldi. Oqibatda bir yo‘lovchi jarohat olib, shifoxonaga yetkazildi.
Sirdaryo viloyatining Sardoba tumanida hojatxonaga tushib ketgan telefonni olishga uringan bir oilaning uch nafar a’zosi halok bo‘ldi.
Qo‘shimcha imkoniyatlarga ega bulish uchun saytda ro‘yxatdan o‘ting