Jamiyat
Talabaning onasini haqorat qilgan O‘zMU prorektori ishdan vaqtincha chetlatildi
Ijtimoiy tarmoqlarda O‘zbekiston Milliy universiteti prorektori talabaning onasini haqorat qilayotgani aks etgan video paydo bo‘ldi. Universitet xabar qilishicha, surishtiruv ishlari boshlangan va u lavozimidan vaqtincha chetlashtirilgan.
Odam savdosida gumonlangan ayol Ummondan O‘zbekistonga ekstraditsiya qilindi
Qizlarni BAA va Ummonda fohishalik qilishga majburlashda gumonlangan ayol O‘zbekistonga ekstraditsiya qilindi. Uni qo‘lga olish Toshkent va Maskat Interpol Milliy markazi byurolari hamkorligida amalga oshirildi.
4-oktabr kuni O‘zbekistonda sodir bo‘lgan eng muhim voqealar dayjesti
Shavkat Mirziyoyevning kutilayotgan Rossiyaga rasmiy tashrifi, Samarqandda to‘rt kishi bir qizni zo‘rlagani voqeasi, elektr energiyasini hisoblash bo‘yicha yangi billing tizimi, poyezd chiptalari narxi oshishiga faollarning munosabati, 9 ta viloyatda sel-suv toshqini xavfi va boshqalar — “Gazeta.uz”ning kun dayjestida.
Germaniya olti davlat, jumladan, O‘zbekiston bilan noqonuniy migrantlarni qaytarish bo‘yicha kelishuv tayyorlamoqda
Germaniya olti davlat, jumladan, O‘zbekiston va Qirg‘iziston bilan noqonuniy migratsiyaga qarshi kurash bo‘yicha kelishuvga erishmoqchi. Bu, jumladan, noqonuniy migrantlarning o‘z vatanlariga tezroq qaytishlariga imkon beradi.
Toshkent viloyatida taksichi o‘ldirilib, mashinasi yoqib yuborildi
Toshkent viloyatining Yangiyo‘l tumanida taksi haydovchisi bo‘lib ishlagan 24 yoshli yigit o‘ldirilgan, mashinasi esa yoqib yuborilgan. Ijtimoiy tarmoqlarda yo‘lda yonayotgan mashina videosi paydo bo‘ldi.
Chirchiqdagi qiyshaygan ko‘p qavatli uy bo‘yicha rasmiy izoh berildi
Chirchiq shahridagi ko‘p qavatli uy og‘ishiga bino poydevoriga kirgan yomg‘ir suvlari oqibatida vertikal seysmik choklarning loyihaviy holatidan ko‘chishi sabab bo‘lgani ma’lum qilindi. Qurilish vazirligi bino holati o‘rganilib, pudratchiga “zudlik bilan chora ko‘rish” talabi qo‘yilganini qayd etdi.
Bosh prokuraturadan Samarqandda to‘rt kishi bir qizni zo‘rlagan voqeani nazoratga olish so‘ralmoqda
Nemolchi.uz loyihasi Samarqandning Kattaqo‘rg‘on tumanida bir qiz 4 nafar qo‘shnisi tomonidan zo‘rlanganini ma’lum qildi. Qizning qarindoshlari aytishicha, ekspertiza tuman IIB xodimining harakatsizligi sababli voqeadan 3 kun o‘tib o‘tkazilgan, jinoyat ishi esa faqat bitta gumonlanuvchiga nisbatan qo‘zg‘atilgan.
“Faqat ish haqi 100 foizga oshmaydi, xolos”. Faollar — poyezd chiptalari narxi oshishi haqida
O‘zbekistonda 20-oktabrdan mahalliy poyezd chiptalari narxlarining tarif qismi 50 foizga, “Afrosiyob” chiptasi narxi 100 foizga oshadi. Tarmoqlar foydalanuvchilari esa “bir faqat oylik 100 foizga oshmasligini” kinoya qilib, narsh oshsa ham “chipta bemalolroq bo‘lib qolsa go‘rga edi”, demoqda.
O‘zbekistonning 9 ta viloyatida sel-suv toshqini xavfi e’lon qilindi
6−7-oktabr kunlari kutilayotgan kuchli yomg‘irlar yog‘ishi sababli O‘zbekistonning 9 ta viloyatida sel-suv toshqini xavfi yuzaga kelishi mumkin.
Uzbekistan Airways senatorning aviakassalardagi byurokratiya haqidagi tanqidiga javob qaytardi
O‘tgan hafta Senatda Uzbekistan Airways kassalarida chipta sotib olishda pasportning asl nusxasi talab qilinishini tanqid qilindi. Kompaniyaning qayd etishicha, bunday talab yo‘q, biroq xorijga chiptalar sotilayotganda yo‘lovchi va aviakompaniyaga jarima sanksiyalari qo‘llanmasligi uchun vizali pasport so‘raladi.
Namangan viloyatining sobiq hokimi To‘lqin Jabborov vafot etdi
Namangan viloyatini 1996−2004-yillarda boshqargan hokim To‘lqin Jabborov 73 yoshida vafot etdi. Uning o‘limiga og‘ir xastalik sabab bo‘lgani aytilmoqda.
Fizikaviy elektronika sohasidagi yirik olim Nazar To‘rayev vafot etdi
Fizikaviy elektronika sohasidagi taniqli olim, fizika-matematika fanlari doktori, professor, akademik Nazar To‘rayev 85 yoshida vafot etdi. Uning yaqinlariga O‘zbekiston prezidenti va boshqa rasmiy shaxslar hamdardlik bildirdi.
3-oktabr kuni O‘zbekistonda sodir bo‘lgan eng muhim voqealar dayjesti
Narxi oshgan poyezd chiptalari, bolalarda ichak gelmintiozidan ommaviy davolash o‘tkazilishi, kollej va texnikumdagi xotin-qizlarga davlat granti ajratilishi, Toshkent viloyatida hojatxonadan topilgan yosh bola jasadi, “elektr zapravkalar”da narxlar ko‘tarilgani va boshqalar — “Gazeta.uz”ning kun dayjestida.
O‘zbekiston Raqamli texnologiyalar vazirligi IMEI-kodlarni ro‘yxatdan o‘tkazishni soddalashtirishni taklif qilmoqda
Raqamli texnologiyalar vazirligi O‘zbekistonda IMEI-kodlarni ro‘yxatdan o‘tkazishni soddalashtirish bo‘yicha qaror loyihasini hukumatga kiritdi. Xususan, xorijdan kelayotganlar uchun IMEI-kodlarni ro‘yxatdan o‘tkazish muddatini uzaytirish rejalashtirilmoqda.
Toshkent viloyatida hojatxonadan to‘rt yoshli bolaning jasadi topildi
Toshkent viloyatining Zangiota tumanidagi xususiy uylardan birining hojatxonasidan to‘rt yoshli bolaning jasadi topildi. Qasddan odam o‘ldirish moddasi bo‘yicha jinoyat ishi ochildi.
O‘zbekistonga 15 mlrd so‘mlik qariyb bir million quti sigaretlar noqonuniy olib kirilishiga chek qo‘yildi
Turkmanistondan O‘zbekistonga poyezd vagonida umumiy qiymati 15 mlrd so‘mlik qariyb bir million quti sigaretlarning noqonuniy olib kirilishiga chek qo‘yildi. Bu butun sentabr oy davomida bojxonada aniqlangan va olib qo‘yilgan hajmdan ham ko‘proq.
Har yili aholi zilzila vaqtida qanday harakatlanish bo‘yicha o‘qitiladi
Hukumat qarori bilan har yili aholi zilzila vaqtida harakatlanish bo‘yicha mashg‘ulotlarda o‘qitiladi. Qolaversa, bog‘cha bolalari, maktab, texnikum o‘quvchilari, oliygoh talabalari, shuningdek, ishchi-xodimlar ham maxsus tayyorgarlikdan o‘tkaziladi. Turistlarga esa qo‘llanmalar tarqatiladi.
1-oktabrdan nimalar o‘zgaradi?
Biznes uchun elektr energiyasi va gaz narxi oshadi, og‘ir vaziyatga tushib qolgan oilalarga kompleks yordam ko‘rsatiladi, qamoqdan chiqqanlarni ishga olganlarga subsidiya ajratiladi, eksklyuziv huquqqa ega subyektlarning reyestri shakllantiriladi — 1-oktabrdan nimalar o‘zgaradi?
Buxoroda 1500 bosh noyob tuvaloq qushi ochiq tabiatga qo‘yib yuborildi
Buxoroning cho‘l hududlariga noyob va yo‘qolib ketish xavfi ostida turgan 1500 bosh yo‘rg‘a tuvalog‘i qo‘yib yuborildi. Qushlar BAA moliyalashtiruvchi “Amirliklarning yo‘rg‘a tuvaloqni asrash markazi” tomonidan yetishtirilgan.
Kollej va texnikumlarda ta’lim olayotgan xotin-qizlarga davlat granti ajratiladi
O‘zbekistonda qurilish, transport, kommunal, qishloq xo‘jaligi va xizmat ko‘rsatish sohalaridagi kasb bo‘yicha ta’lim olayotgan xotin-qizlar uchun davlat granti ajratiladi.
Qo‘shimcha imkoniyatlardan foydalanish uchun saytda ro‘yxatdan o‘ting