Ijtimoiy tarmoqlarda Surxondaryodagi To‘palang suv omboridan suv chiqayotgani aks etgan videolar tarqaldi. FVV buni suv omboridan chiqayotgan suv tashlamasi rejaviy ko‘rsatkichdan oshib ketgani bilan izohladi. «O‘zbekgidroenergo» esa suv ombori to‘g‘oni suv qo‘yib yuborganligi haqidagi xabarlarni rad etib chiqdi.
O‘zbekistonga kelgan Ozarbayjon prezidenti va imzolangan 18 ta hujjat, O‘zbekistonning qariyb $500 mlnga kamaygan oltin-valyuta zaxirasi, Samarqandda aholiga ajratilgan 85 tonna un qimmatga sotilgani va boshqalar — «Gazeta.uz» ning 21 iyundagi eng muhim xabarlari dayjestida.
BMTTD va Senat hamkorligida ayollarning huquq va erkinliklarini oshirishga qaratilgan O‘zbekiston yetakchi ayollar muloqoti o‘z ishini boshladi. Muloqot mamlakatdagi gender tenglik muammolarini hal qilish uchun 14 mintaqadan turli sohalardagi 180 dan ortiq ayollarni birlashtirishni maqsad qilgan.
Toshkentda o‘rtacha oylik miqdor 17 mm ni tashkil etgan bir vaqtda, oy boshidan buyon 22 mm yoki me’yordagidan 130 foiz ko‘proq yog‘ingarchilik yog‘di. 20 iyun kuni poytaxt markazida 15 mm, xalqaro aeroport hududida 21 mm yomg‘ir yog‘di.
O‘zbekistonda xizmat ko‘rsatgan jurnalist Ahmadjon Toshxo‘jayev 70 yoshida vafot etdi.
Samarqand va Toshkent shaharlarida fuqarolarni 40 ming dollar evaziga viza rasmiylashtirib berishni va’da qilib, AQShga jo‘natishga uringanlikda gumonlangan shaxslar qo‘lga olindi.
Koreyaga ishga ketish uchun EPS-Topik test imtihonlariga boshqa fuqaroning o‘rniga kirish va qo‘shimcha vositalardan foydalanishga urinish bilan bog‘liq 23 ta holat aniqlandi. Tashqi mehnat migratsiyasi agentligi qoidabuzarlar 3 yilgacha qaytib imtihonda qatnasha olmasligidan ogohlantirmoqda.
Surxondaryoning Qumqo‘rg‘on tumaniga Anvar Normamatov hokim etib tayinlandi. Sobiq hokim tumanning ijtimoiy-iqtisodiy ko‘rsatkichlari pastligi uchun tanqid qilingan edi.
JSST ruhiy salomatlik birlamchi tibbiy yordamning bir qismi bo‘lishi kerak deb hisoblaydi. Maktab o‘quvchilari ruhiy salomatlik uchun ijtimoiy va emotsional ta’lim dasturlariga, kattalar esa arzon yordam va ijtimoiy xizmatlarga muhtoj.
Seshanba kuni quyi palata majlisida Rasul Kusherbayev va Alisher Qodirov o‘rtasida bahs yuzaga keldi. Bunga fuqarolarning shaxsiy elektron ma’lumotlarini olishga imkon beruvchi qonun loyihasi sabab bo‘ldi. Rasul Kusherbayev hamkasbining gapini bo‘lib qo‘ygan bo‘lsa, Alisher Qodirov esa shaxsiyatga o‘tib ketdi.
UNICEF O‘zbekistonda ayollar va bolalarga nisbatan zo‘ravonlik holatlaridan xavotirda: ayrim hodisalar, jumladan, go‘daklar bilan bog‘liq bo‘lganlari jamoatchilik ko‘z oldida va kuzatuvchilar ishtirokida sodir bo‘lmoqda. Tashkilot ijtimoiy ishchilar institutini tashkil etish kerakligini aytdi.
Samarqandda ikkita holatda qariyb 16 kilorgammga yaqin giyohvandlik vositalarini yetkazib berish va sotish bilan shug‘ullangan uch nafar shaxsga sud hukmi o‘qildi. Ularga nisbatan 11 yildan 13 yilgacha qamoq jazosi tayinlandi.
Ishtixon tumanida tadbirkor aholiga ajratilgan arzon narxdagi 84,5 tonna un mahsulotini belgilangan mahallalarga yetkazib bermasdan, savdo nuqtalari orqali qimmat narxlarda sotib yuborgani aniqlandi. Unga nisbatan jinoyat ishi qo‘zg‘atildi.
20 iyundan Toshkent shahri, Qoraqalpog‘iston Respublikasi va viloyatlar markazlaridagi maktablarga onlayn-qabul boshlandi. «Gazeta.uz» ota-onalar uchun my.maktab.uz platformasi orqali elektron shaklda maktabga hujjat topshirish bo‘yicha qo‘llanmani taqdim etadi.
Qashqadaryo viloyati Koson tumanidagi 10-sonli koloniyada tibbiyot xodimlari yetishmaydi. U yerda har kuni 70−80 nafar mahkumga tibbiy yordam ko‘rsatilmoqda. Ombudsman ofisi muassasadagi mahkumlarni saqlash va qarindoshlari bilan uchrashish uchun yaratilgan sharoitlarni o‘rgandi.
Shavkat Mirziyoyev Konstitutsiyaga o‘zgartirish kiritish bo‘yicha qator takliflarini bildirdi: «O‘zbekistan — ijtimoiy davlat», fuqarolarning (100 ming kishidan kam bo‘lmagan guruhda) qonunchilik takliflarini bildirishi, mahalla maqomini Konstitutsiyada belgilash.
Andijon shahrida 2 nafar bolaning o‘limida gumonlanib, 27 yoshli ayol hibsga olindi. Bosh prokuraturaning ma’lum qilishicha, u ushbu jinoyatni oilasi buzilib ketishiga sababchi bo‘lgan xolavachchasi bilan tortishib qolgani uchun sodir etganini tan olgan. U shu yo‘l orqali xolavachchasidan qasd olgani aytilmoqda.
Konstitutsiyani referendum orqali o‘zgartirish taklifi, Toshkent aeroportini ko‘chirish muhokamasi, ayrim prezident vakolatlarini Senatga o‘tkazishni taklif qilgan Shavkat Mirziyoyev, suv bosgan ko‘chalar, o‘lim jazosini taqiqlash bo‘yicha norma va boshqalar — «Gazeta.uz» ning 20 iyundagi eng muhim xabarlari dayjestida.
Poytaxtdagi yuqori bosimli magistral gaz quvurida yuzaga kelgan nosozlik sababli sakkizta tumanning ayrim hududlarida issiq suv ta’minoti seshanba kuni soat 6:00 ga qadar to‘xtatiladi.
Shahrisabzda BMT Taraqqiyot dasturi ko‘magida Hisor qo‘riqxonasining tashrif markazi ochildi. Markaz qo‘riqxonaning yovvoyi hayvonlari va faoliyat yo‘nalishi hamda yovvoyi tabiat duch kelayotgan xavf-xatarlar haqida ma’lumot beradi.
Qo‘shimcha imkoniyatlarga ega bulish uchun saytda ro‘yxatdan o‘ting