Jamiyat
2 ta OTMga rektor tayinlandi
Bahodirjon Shermuhammadov Farg‘ona davlat universitetiga va Dilnoza Xodjayeva Qo‘qon davlat pedagogika institutiga rektor tayinlandi.
Dam olish kunlari quruq va o‘rtacha issiq ob-havo bo‘lishi kutilmoqda
Dam olish kunlari respublika bo‘yicha asosan quruq ob-havo saqlanib turadi. Faqat respublikaning tog‘ oldi va tog‘li hududlarida ba’zi joylarda momaqaldiroq bilan qisqa muddatli yomg‘ir yog‘ishi mumkin. Respublikaning ayrim hududlarida shamol ba’zi joylarda changli bo‘ron bilan 17−22 m/s gacha kuchayadi.
Ekologiya qo‘mitasi Amudaryo katta kurakburunining ovlanayotgani haqidagi xabarlarga munosabat bildirdi
Ekologiya qo‘mitasining ma’lum qilishicha, «Qizil kitob» ga kiritilgan 10 dona Amudaryo katta kurakburun baliq turiga kvota ajratilgan. Biroq, Amudaryo katta kurakburuni baliq turini ovlashga ruxsat berish bo‘yicha ariza kelib tushmagan va ruxsatnoma ham rasmiylashtirilmagan.
“Bek baraka” bozorida firibgarlikda gumonlangan 6 nafar shaxs qo‘lga olindi
“Bek baraka” bozorida savdo qiluvchilardan shu joyda ishlashi uchun har oyda 100 dollar miqdorida tovon puli talab qilib, shu yo‘l bilan savdo qiluvchilardan jami 9 mln so‘m miqdorda pul olganlikda gumonlangan 6 nafar shaxs qo‘lga olindi. Ular savdo qiluvchilarga talab bajarilmagan taqdirda savdo rastasi faoliyatini cheklash bilan tahdid qilishgan.
Samarqandda terroristik guruhlar safiga qo‘shilmoqchi bo‘lgan 14 kishi ushlandi
Samarqandda Suriya va Yaqin sharqdagi terroristik tashkilotlar jangarilari safiga borib qo‘shilishni rejalashtirgan 14 nafar shaxslardan iborat guruh faoliyatiga chek qo‘yildi.
USAID missiyasi birinchi direktori O‘zbekistonga yetib keldi
Mikaela Meredit o‘tgan yili ochilgan AQShning Xalqaro taraqqiyot agentligi (USAID) ning O‘zbekistondagi missiyasi birinchi direktori bo‘ldi.
«Turkish Airlines» Istanbuldan Urganchga ilk parvozini amalga oshirdi
Istanbul — Urganch — Istanbul yo‘nalishi bo‘yicha «Turkish Airlines» aviakompaniyasining ilk parvozi amalga oshirildi. Endilikda parvozlar haftada bir marotaba, juma kuni bo‘lishini rejalashtirilgan.
Toshkentda Lacetti haydovchisi qizil chiroqda to‘xtab turgan yuk avtomobiliga urilishi oqibatida vafot etdi
Poytaxtning Chilonzor tumanida Lacetti avtomobili svetoforning qizil chirog‘ida to‘xtab turgan yuk mashinasiga urildi. Lacetti haydovchisi olgan tan jarohatlari bilan shifoxonada vafot etdi.
10 iyun kuni O‘zbekistonda sodir bo‘lgan eng muhim xabarlar dayjesti
Shavkat Mirziyoyevning Tojikistonga tashrifi, O‘zbekistonga olib kelingan vaksinalar, avtobuslar ishtirokidagi YTHlar statistikasi, Jasur Umirovning ozod etilishi, 15 mln so‘mga ruchka xarid qilinishi — “Gazeta.uz"ning 10 iyundagi eng muhim xabarlari dayjestida.
«Xalqaro nufuzga loyiq bo‘lishi shart». Mudofaa vazirligi 30 mlnlik ruchkalar haqida
Mudofaa vazirligi 30 mln so‘mlik ikkita oltin ruchka xaridi haqidagi xabarga munosabat bildirdi. Unda aytilishicha, vazirlikning kanselyariya jihozlarini yangilashga ehtiyoj paydo bo‘lgan. «Xalqaro tadbirlarda qo‘llaniladigan ashyolar xalqaro nufuzga loyiq darajada bo‘lishi shart, deya hisoblanadi», deyiladi vazirlik xabarida. Bunga qadar, vazirlik vakili anglashilmovchilik bo‘lgani va vazirlik 15 mln so‘mga tilla ruchka olishday dabdabaga o‘ch emasligini aytgandi.
Jasur Umirovning jazosi yengillashtirilib, ozod qilindi
Xonanda Jasur Umirovga nisbatan chiqarilgan ozodlikdan mahrum qilish jazosi ozodlikni cheklash jazosiga o‘zgartirildi. U 2 fevral kuni voyaga yetmagan qizni zo‘rlagani sabab 5 yilga qamalgan edi.
O‘zbekiston Botkenda 400 va 300 o‘rinli qishloq maktablarini quradi
O‘zbekiston ko‘magi bilan Qirg‘izistonning Botken va Leylek tumanlarida 400 va 300 o‘rinli maktablar quriladi. Ular 2021 yilda — yangi o‘quv yiliga qadar foydalanishga topshirilishi ko‘zda tutilgan.
Sud raislari uchun 10,1 mlrd so‘mga Kodiaq va Malibu avtomobillari xarid qilindi
Viloyat sudlari raislari uchun 26 ta Skoda Kodiaq va 3 ta Malibu avtomobillari xarid qilindi. Avtomobillar narxi 10,1 mlrd so‘mga teng deya baholanmoqda. Oliy sudning izohlashicha, oldingi xizmat avtomobillarining «yaroqlilik muddati o‘tgan, shuningdek ular ma’naviy va jismoniy jihatdan ham eskirgan».
Yerga oid prezident farmonidan eng muhim o‘zgarishlar
Shavkat Mirziyoyev yerga bo‘lgan huquqni bozor aktiviga aylantirish to‘g‘risidagi farmonni imzoladi. Hokimiyatlar yerlarni to‘g‘ridan-to‘g‘ri ajratish, zaxiralash, obodonlashtirishga ajratish va boshqa vakolatlaridan mahrum etiladi. Yerga bo‘lgan huquqlarning turlari 6 dan 3 gacha qisqartiriladi. Yer uchastkalari xususiy sektorga mulk huquqi va ijara huquqi asosida, davlat tashkilotlariga esa doimiy foydalanish huquqi asosida beriladi. «Gazeta.uz» ushbu farmon bo‘yicha barcha muhim o‘zgarishlarni taqdim etadi.
Mudofaa vazirligi 30 mln so‘mga ikki dona tilla ruchka sotib olishni rejalashtirmoqda
Mudofaa vazirligi 30 mln so‘mga ikkita oltindan ishlangan qalam sotib olishni rejalashtirmoqda. Avval ham premium toifadagi ish yuritish materiallari sotib olingan. Bunga misol qilib, Buxoro viloyati hokimligi huzuridagi rasmiy delegatsiyalarni qabul qilish uyi va prezident administratsiyasi ma’muriy bo‘limi davlat qarorgohlari direksiyasi amalga oshirgan xaridlarni olish mumkin.
«Murod Nazarovning bildirgan fikrlari xaqiqiy holatga to‘g‘ri kelmaydi» — Tashkent city direksiyasi
Murod Nazarovning «Tashkent city» ishbilarmonlik markazidagi qurilishlar tasdiqdan o‘tmagani, hattoki Hilton mehmonxonasi hujjatlari ham endi tayyorlanayotganini aytgan edi. Bunga «Tashkent city» direksiyasi munosabat bildirib, «Murod Nazarovning fikrlari xaqiqiy holatga to‘g‘ri kelmasligi va asossiz"ligini aytdi. Mazkur holatga Adliya vaziri Ruslanbek Davletov ham izoh berdi.
OTB O‘zbekistonda STEM ta’limni rivojlantirishga 100 mln dollar ajratadi
OTB O‘zbekiston maktablarida STEM ta’limni rivojlantirishga 100 mln dollar ajratadi. Loyiha bo‘yicha darsliklarning standartlarini yaxshilash, o‘qituvchilarni tayyorlash, maktablar uchun zarur jihozlarni sotib olish ko‘zda tutilgan.
Toshkentda 5 oyda avtobuslar ishtirokida 35 ta avariya sodir etilgan
O‘tgan besh oy ichida poytaxt ko‘chalarida avtobuslar ishtirokida haydovchilari aybi bilan 35 ta YTH sodir bo‘lgan. Ularning 21 tasi avtobus ichida yo‘lovchilarning yiqilib, jarohat olishi bilan bog‘liq. Avariyalardan biri esa fuqaro o‘limiga olib kelgan.
24 ta tuman va shahar qurilish materiallari ishlab chiqarishga ixtisoslashtiriladi
Prezident farmoniga muvofiq, 24 ta tuman va shahar qurilish materiallari ishlab chiqarishga ixtisoslashtiriladi. Ularga bank kreditlari bo‘yicha imtiyozlar hamda bir qator kompensatsiyalar taqdim etiladi. Qurilish materiallari sanoatidagi loyihalarni moliyalashtirishga Tiklanish va taraqqiyot jamg‘armasidan 200 mln dollar jalb etiladi.
Qoraqalpog‘istonda suv quvurini qazish paytida 4 kishini tuproq bosib qoldi. 3 nafari vafot etdi
Qoraqalpog‘istonning Qo‘ng‘irot tumanidagi cho‘l qumlik hududida suv quvurini qazigan 4 kishini tuproq bosib qoldi. Ulardan 3 nafari vafot etdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting