Jamiyat
Farg‘onadagi YTH oqibatida 2 nafar ayol vafot etdi
Farg‘ona viloyatida «Lasetti-2» avtomashinasi «Matiz» bilan to‘qnashib, YTH sodir etdi. Hodisa oqibatida «Matiz» dagi ikki yo‘lovchi vafot etdi. Mashina haydovchilari tan jarohatlari bilan shifoxonaga yotqizilgan.
Toshkent yaqinida dendropark va Olimpiya shaharchasi quriladi
Yangi aerodrom yaqinida faqat daraxtzor, buta va gullardan iborat dendropark (155 gektar), shuningdek, uning yonida Olimpiya shaharchasi (160 gektar) qurilishi rejalashtirilmoqda. Chirchiq daryosining qirg‘oqlarida ham park (270 gektar) bunyod etilishi ko‘zda tutilgan.
O‘zbekistonda xalqaro ko‘rgazma va yarmarkalarni o‘tkazishga ruxsat berildi
Respublika maxsus komissiyasining qaroriga asosan 20-fevraldan O‘zbekistonda xalqaro ko‘rgazma va yarmarkalarni o‘tkazishga ruxsat berildi. Tashkilotchilarga sanitariya-epidemiologiya xizmati xodimlarini shartnoma asosida jalb qilish, ekspozitsiyalar orasida 3 metr masofani ta’minlash kabi talablar qo‘yilmoqda.
Toshkentda 400 dan ortiq avariya holatidagi uylar buzib tashlanadi (aniqlashtirildi)
Toshkentning Yangihayot tumanida joylashgan 400 dan ortiq avariya holatidagi uylar buziladi, deya ma’lum qildi tuman hokimi Hayot Inog‘omov. Shuningdek, yog‘och uylarning buzilishi ham boshlanadi. Hokimning so‘zlariga ko‘ra, bu yili shuningdek, ikkita maktabni ochish, ikkita poliklinika qurish, tuman tez yordam xizmatini tashkil etish va boshqa loyihalarni amalga oshirish reja qilingan.
Qishloq xo‘jaligi vaziriga yangi o‘rinbosar tayinlandi
Qahramon Yo‘ldoshev Qishloq xo‘jaligi vazirining agrar sohani jadal raqamlashtirish, qishloq xo‘jaligi va oziq-ovqat xavfsizligi sohalariga zamonaviy axborot tizimlari va dasturiy mahsulotlarni joriy etish masalalari bo‘yicha o‘rinbosari lavozimiga tayinlandi. Bungacha u Axborot texnologiyalarini rivojlantirish vazirining agrar sohani raqamlashtirish bo‘yicha axborot texnologiyalarini rivojlantirish bo‘yicha o‘rinbosari lavozimida ishlayotgan edi.
«Avval bir rahbarning og‘ziga hamma qarab turar edi» — Tanzila Narbayeva
«Avval bir rahbarning og‘ziga hamma qarab turar edi», dedi Senat raisi Tanzila Narbayeva America Ovozi`ga bergan intervyusida. Uning aytishicha, hozirga qadar hududlarga «bir tiyin ham berilmas edi». Ayni shu sabab «paxtani yig‘ib olishda majburiy mehnat bo‘lgan». Narbayeva ikki davr rahbarlarining o‘rtasidagi farq juda kattaligini aytgan.
Farg‘onada ota bilan o‘g‘il voyaga yetmagan bolani kaltaklashdi
Farg‘ona viloyatida ota o‘z o‘g‘li bilan birga voyaga yetmagan bolani do‘pposlayotgani aks etgan video tarqaldi. Farg‘ona viloyati IIB ma’lumotlariga ko‘ra, fuqarolar o‘zaro kelishmovchiliklar tufayli bolani urib, tan jarohati yetkazgan. Tergov harakatlari olib borilmoqda.
1-martdan ko‘chaboshi va uyboshilarga har oyda kompensatsiyalar to‘lanadi
Ko‘chaboshi va uyboshilarga kommunal xizmatlar uchun majburiy to‘lovlar bo‘yicha har oyda kompensatsiya to‘lanadi. Bunda ularga biriktirilgan ko‘cha yoki uyda kamida 3 oy davomida faoliyat ko‘rsatgani inobatga olinadi va 70 balldan yuqori ball to‘plagan taqdirda kompensatsiya puli beriladi.
Gaz quyish shohobchalari ish vaqti cheklanishi mumkin
Aholi va ijtimoiy soha ob’ektlarini uzluksiz ravishda tabiiy gaz bilan ta’minlash maqsadida 25 fevraldan gaz quyish shohobchalari ish vaqti cheklanishi mumkin. «Hududgazta'minot» gaz to‘ldirish ishlarini ertalabki 05:00 dan — kechki 15:00 vaqt oralig‘ida amalga oshirishni tavsiya qildi.
Turkmaniston poytaxtida «Toshkent» bog‘ini qurish uchun tender e’lon qilindi. Unda o‘zbek kompaniyalari ham qatnashishi mumkin
Turkmanboshi O‘zbekiston prezidentiga maktub yo‘llab, Ashxobodda «Toshkent» madaniyat va istirohat bog‘i qurilishini ma’lum qildi. Bog‘ni loyihalashtirish va qurish bo‘yicha e’lon qilingan tenderga o‘zbek kompaniyalari ham taklif etildi.
Qashqadaryoda «Jiguli» 15 yoshli qizni urib yubordi
Qashqadaryo viloyatida «Jiguli» haydovchisi yo‘lning katnov qismini kesib o‘tayotgan 15 yoshli qizni urib yubordi. Piyoda tan jarohati bilan shifoxonaga yotqizilgan.
Samarqandda xotini va uning o‘ynashini o‘ldirgan erkak 22 yilga qamaldi
Samarqandda xotinini xiyonatda gumonsirab, uni va u bilan bo‘lgan erkakni savdo markazida pichoqlab o‘ldirgan fuqaroga 22 yil muddatga ozodlikdan mahrum qilish jazosi tayinlandi.
Yo‘l harakati xavfsizligiga qarshi sodir etilgan jinoyatlar uchun jazoni kuchaytirish taklif etildi
Yo‘l harakati xavfsizligi va transport vositalaridan foydalanish qoidalariga qarshi jinoyatlarni og‘ir jinoyat deb topish tavsiya etildi. Jinoyat kodeksining yangi tahririda bunday qonunbuzarliklar uchun javobgarlik kuchaytirilishi mumkin.
AQSH O‘zbekistonga mingga yaqin tilshunos o‘qituvchilarni yuboradi
Amerika Kengashlari tomonidan O‘zbekistonga ingliz tilini rivojlantirish uchun 1000 ga yaqin o‘qituvchilarning yuborilishi rejalashtirmoqda. 2022 yil oxirigacha respublika hududida ta’lim yarmarkasi tashkil etiladi. Bundan tashqari, «English Speaking Nation» dasturi doirasida 15 mingdan ziyod o‘rta maktab ingliz tili o‘qituvchilarining malakasini oshirish ko‘zda tutilmoqda.
Toshkent avtovokzalidagi reyslar qayta tiklandi
Avvalroq noqulay ob-havo sharoiti sababli barcha shaharlararo avtobus qatnovlari bekor qilingani haqida xabar berilgan edi. Hozirgi paytga kelib esa Toshkent avtovokzalidagi shaharlararo reyslar qayta tiklandi.
Foto: Toshkentda qor yog‘ishi
Chorshanba kuni Toshkentni kuchli qor qopladi. Qor yog‘ishi kechgacha davom etdi. So‘nggi kunlarda poytaxt qanday ko‘rinishda edi — Yevgeniy Sorochin fotoreportajida.
IELTS, TOEFL va boshqa xalqaro imtihonlarda yuqori ball olganlarga imtihon xarajatlari kompensatsiya qilinadi
Hukumat qarori loyihasiga ko‘ra, 1 maydan boshlab IELTS, TOEFL, GMAT, GRE va SAT imtihonlaridan yuqori ball to‘plagan yoshlarga imtihon xarajatlari to‘liq qoplab berilishi kutilmoqda. 2022 yildan boshlab yana 12 ta xalqaro imtihon bo‘yicha ham ushbu tartib joriy etiladi. Kompensatsiya olish tartibi va har bir imtihon uchun minimal ko‘rsatkich haqida.
Bankomatlarga joylashtirish uchun ajratilgan pullarni o‘zlashtirgan shaxslarga nisbatan jinoyat ishi qo‘zg‘atildi
Chilonzor tumanidagi 18 ta bankomatdan 7 oy davomida jami 2,3 mlrd so‘m naqd pulni o‘zlashtirish yo‘li bilan talon-toroj qilgan shaxslarga nisbatan jinoyat ishi qo‘zg‘atildi.
Toshkentdan qatnaydigan barcha shaharlararo avtobuslar qatnovi bekor qilindi
Noqulay ob-havo sharoiti sababli Toshkent shahridan qatnaydigan 25 fevral sanasidagi barcha shaharlararo avtobus qatnovlari bekor qilindi.
Toshkentda yangi yo‘llar quriladi, yopilganlari qayta ochiladi va mavjudlari kengaytiriladi — IIV
Prezidentning poytaxt ko‘chalarini kengaytirish bo‘yicha bergan topshirig‘idan so‘ng, IIV tomonidan poytaxtda kengaytiriladigan ko‘chalar, qayta ochiladigan yo‘llar hamda yangi qurish reja qilingan yo‘nalishlar ro‘yxati e’lon qilindi. Batafsil.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting