29 aprel kunidan boshlab Ai-92 markali benzin narxi 5500 so‘m qilib belgilandi.
O‘zbekistonning doimiy aholisi soni yanvar-mart oylarida 131,6 ming kishiga yoki 0,4 foizga ko‘payib, 34,03 mln kishini tashkil etdi.
28 va 29 aprel kunlari O‘zbekiston bo‘yicha ayrim joylarda yomg‘ir yog‘ishi, momaqaldiroq bo‘lishi kutilmoqda. Chorshanba kuni havo harorati +20…+25 darajagacha tushadi. 30 apreldan yog‘ingarchiliksiz ob-havo o‘rnatiladi va dam olish kunlariga qadar davom etadi.
2020 yilda amal qilish muddati tugaydigan akkreditatsiya to‘g‘risidagi guvohnomalar, muvofiqlikni baholash doirasida rasmiylashtirilgan muvofiqlik sertifikatlari va qiyoslash sertifikatlari ularning amal qilish muddati tugagan kundan boshlab 6 oyga uzaytiriladi.
Adliya vazirligi davlat organlarida davlat tili to‘g‘risidagi qonunchilik talablariga amal qilinmaslik uchun jarima taklifi O‘zbekistonda millatlar va elatlar huquqlarini poymol etmasligini ma’lum qildi. Qonun loyihasi tildan foydalanishga nisbatan qandaydir cheklovlarni joriy etmaydi.
Buxoroda — 50 nafar, Toshkentda — 8 nafar koronavirus tashxisi qo‘yilgan bemor to‘liq sog‘aydi. O‘zbekistonda jami tuzalganlar soni 765 nafarga yetdi. Yangi tasdiqlangan COVID-19 holatlari esa 4 taga oshib, 1869 taga yetdi.
Adliya vazirligi davlat tilida ish yuritishni ta’minlamagan mansabdor shaxslarni javobgarlik belgilashni ko‘zda tutuvchi qonun loyihasini jamoatchilik muhokamasi uchun e’lon qildi.
Doktor Maqsudova innovatsion klinikasi bemorlarni klinikaga bepul olib kelish, diagnostika va konsultatsiyalarga chegirmalar taklif qiladi.
Agrosanoat majmui ustidan nazorat qilish inspeksiyasi Asaka tumani bo‘limi rahbari fermerdan 10 ming dollar pora olayotganda ushlandi.
Juma va shanba kuni kechqurun kuchsiz yomg‘ir yog‘ib, momaqaldiroq bo‘lishi va shamolning tezligi 15−20 m/s gacha kuchayishi kutilmoqda. Kunduzgi harorat 22−25 darajagacha pasayadi.
O‘zbekistonda yagona elektron chipta sotish tizimi yaratiladi. Tizim orqali transportlar uchun va boshqa chiptalarni sotib olish mumkin bo‘ladi.
Farg‘ona viloyatining Uchko‘prik tumanida “Ma'rifat” gazetasi muxbiri faoliyatiga qarshilik ko‘rsatgan hokim kotibi bilan tuzilgan mehnat shartnomasi bekor qilindi. Holat tuman huquq-tartibot organlari tomonidan o‘rganilmoqda.
Jismoniy va yuridik shaxslarga elektron raqamli imzo kaliti va sertifikatini masofadan turib olish mexanizmi joriy qilindi. Shaxsni tasdiqlash uchun fuqaro pasportining asosiy sahifasi bilan selfi foto tushib uni yuborish kerak bo‘ladi.
O‘zbekistonda 2020 yilgi fitr sadaqa va fidya miqdori bo‘yicha qarori qabul qilindi.
O‘zbekistonda koronavirusdan davolanayotganlar, gumon qilinganlar va karantinda saqlanayotganlarning barchasi bepul, davlat byudjeti hisobidan davolanmoqda. O‘rta ahvoldagi har bir bemorga 32 mln so‘m, og‘ir ahvoldagi bemorga esa o‘rtacha 62 mln so‘m sarflanmoqda.
Boysunda yarim tunda Nexia haydovchisi cho‘pon va uning qo‘ylarini urib yubordi. Natijada cho‘pon hodisa joyida halok bo‘ldi.
Hukumat qarori bilan «Saxovat va ko‘mak» jamg‘armasi tashkil etildi. Uning mablag‘lari karantin vaqtida ehtiyojmandlar, o‘z daromadini yo‘qotgan vaqtincha ishsiz fuqarolarga pul mablag‘lari, kundalik iste’mol tovarlari, dori vositalari va boshqa mahsulotlar bilan ta’minlash uchun ishlatiladi.
Axborot va ommaviy kommunikatsiyalar agentligi Farg‘ona viloyatida jurnalist Sharifa Madrahimova bilan bog‘liq hodisani o‘rgandi. Ayni vaqtda mazkur masala Bosh prokuratura tomonidan o‘rganilmoqda.
Madaniy meros departamenti Buxoroda XVI asrga oid Xo‘ja Kalon masjidi va minorasi oldidagi xovuzda viloyat xokimligi tomonidan ruxsatsiz ta’mirlash ishlari o‘tkazilganini aniqladi. Holat yuzasidan hujjatlar Bosh prokuraturaga taqdim etiladi.
Poytaxtning Yunusobod tumanida Isuzu avtobusi yo‘ldan chiqib ketib, simyog‘ochga borib urildi. Haydovchi va ikki yo‘lovchi jarohatlandi.
Qo‘shimcha imkoniyatlarga ega bulish uchun saytda ro‘yxatdan o‘ting