«avtobuslar» tegli maqolalar
Toshkentdagi 500 ta bekatda yanvar oyi oxirigacha bir martalik chiptalar sotuvchi infokiosklar o‘rnatiladi — Transport boshqarmasi
Toshkent shahar transport boshqarmasi poytaxt hokimligi va tadbirkorlar bilan hamkorlikda yanvar oyi oxirigacha avtobuslarda yo‘lkira to‘lash uchun bir martalik QR-chiptalar sotuvchi infokiosklar sonini 675 taga yetkazishni rejalashtirmoqda. Ularning aksariyati avtobus bekatlariga joylashtiriladi.
Naqd pulsiz to‘lovga o‘tilgandan so‘ng Toshkent jamoat transportini qanday o‘zgarishlar kutmoqda?
Toshkent avtobuslarida naqd pulsiz to‘lov tizimiga o‘tish yo‘lovchilarning haqiqiy sonini ko‘rish imkonini beradi. Olingan ma’lumotlar asosida poytaxt yo‘nalishlarni optimallashtirish va tariflarni joriy etish mumkin bo‘ladi, deya ta’kidladi TSHTX va Transport boshqarmasi mas’ullari.
Toshkent sotib olish rejalashtirilayotgan 1000 ta avtobusni qanday tasarruf qiladi?
Transport vaziri Ilhom Mahkamov Toshkentga yana 1000 ta avtobus kelishini aytgandi. Poytaxt transport boshqarmasi boshlig‘i shaharda avtobuslarga bo‘lgan ehtiyoj, yangi mashinalar qaysi yo‘nalishlarga berilishi va ularning kelishiga qanday tayyorgarlik ko‘rish kerakligini tushuntirib berdi.
Deputatlar jamoat transporti yo‘laklarida harakatlanganlik uchun taklif qilingan jarima miqdorini pasaytirdi
Qonunchilik palatasi jamoat transporti uchun ajratilgan yo‘laklarda harakatlanganlik uchun jazoni nazarda tutuvchi qonunni qabul qildi. Huquqbuzarliklar uchun 1,12 mln va 1,87 mln so‘m jarima solish taklif qilingandi, biroq deputatlar bu miqdorlarni kamaytirishga qaror qildi.
Toshkentga 2025-yilda yana 1000 ta avtobus olib kelinadi — transport vaziri
Prezident 2025-yilda Toshkentga yana 1000 ta yangi avtobus olib kelishni buyurdi, dedi transport vaziri Ilhom Mahkamov. Avvalroq hokimlik BYD bilan K9UD eBus elektrobuslarini yetkazib berish bo‘yicha shartnoma tuzgandi. QR-chipta xarid qilish uchun bekatlarda qo‘shimcha 675 ta infokiosk o‘rnatish rejalashtirilgan.
Transport vazirligi Toshkent avtobuslarida yo‘l haqini naqd pulda to‘laydigan yo‘lovchilar uchun jarimani rad etdi
O‘zA Toshkent avtobuslarida yo‘l haqini naqd pulda to‘laydigan yo‘lovchilar “chiptasiz sayohat” moddasi bo‘yicha jarimaga tortilishi haqida xabar berdi. Xabarni aksariyat OAV va “Toshshahartransxizmat” qayta chop etdi. Transport vazirligi esa ma’lumotni rad etdi.
Salonni erkak va ayollar uchun ikkiga ajratgan avtobus haydovchisi intizomiy jazoga tortildi
Samarqandda avtobusga “Ayollar oldinda, erkaklar orqada” plakatini osib qo‘ygan avtobus haydovchisi intizomiy jazoga tortildi. Yo‘nalishga xizmat ko‘rsatuvchi korxona haydovchilari bilan bunday xatti-harakatlarga yo‘l qo‘yib bo‘lmasligi haqida suhbat o‘tkazildi.
Toshkent viloyati uchun 1000 ta yangi avtobus xarid qilinadi
Toshkent viloyatida 1000 ta yangi avtobus xarid qilinishi rejalashtirilgan. Yo‘nalishlar viloyatning barcha shahar va tumanlarini ma’muriy markaz — Nurafshon bilan bog‘laydi. Shuningdek, mehnat migrantlari bilan muloqot qilish, xorijdagi ayollarni qo‘llab-quvvatlash, xohlaganlarini uyiga qaytarish topshirig‘i berildi.
Toshkentda avtobuslar tezligi 50 km/s bilan cheklanadi
Endi Toshkentda avtobuslar 50 km/soatdan yuqori tezlikda harakatlana olmaydi — tezlikni dastur darajasida cheklash boshlanadi. O‘tgan yili alohida yo‘l qatorlari joriy etilgandan so‘ng ayrim yo‘nalishlarda o‘rtacha tezlik 23 km/soatni (bungacha — 18 km/soat) tashkil etishi aytilgan edi.
“Yuksalish” Toshkent jamoat transporti yo‘lovchilarining fikrini o‘rgandi
“Yuksalish” harakati Toshkent shahrida jamoat transporti yo‘lovchilari orasida so‘rovnoma o‘tkazdi. Ular tig‘iz vaqtlardagi tirbandlik, “poygalar”, yo‘l harakati qoidalari va jadvalining buzilishi, konditsionerlar yoqilmasligi, ajratilgan yo‘laklarni nazorat qilmaslik kabi muammolarni ko‘rsatdi.
2024-yilda 10 ta yangi xalqaro avtobus yo‘nalishini ochish rejalashtirilgan — Transport vazirligi
Hozirda Rossiya, Qozog‘iston, Qirg‘iziston va Tojikistonga 37 ta yo‘nalish bo‘yicha 196 ta avtobus qatnovi yo‘lga qo‘yilgan va yil boshidan buyon 173 ming yo‘lovchi tashilgan. Transport vazirligi yil oxirigacha yana 10 ta yangi xalqaro avtobus yo‘nalishi ochilishini ma’lum qildi.
Toshkentda 4 ta avtobusning harakat yo‘nalishi o‘zgardi
Toshkent shahri Temur Malik ko‘chasidagi burilish joyi yopilgani munosabati bilan 9-maydan 30, 95, 110 va 129-sonli avtobuslarning harakat yo‘nalishi o‘zgaradi. Shuningdek, 72-avtobusning ish vaqti 5:00 dan boshlanadi.
O‘zbekistonda jismoniy shaxslarga tegishli avtomobillar soni 4 milliondan oshdi
O‘zbekistonda jismoniy shaxslarga tegishli avtomobillar soni 4 mln 20 mingtani tashkil etdi. Bir yil davomida ko‘rsatkich salkam 400 mingtaga ko‘paygan. Aholiga tegishli jami avtotransport vositalaridan 93 foizi yengil avtomobillar hisoblanadi.
Toshkentda 18 metrli avtobus yog‘ingarchilik sababli sirpanib, qiyalikka tushib ketdi (video)
Toshkent shahrida 11-yo‘nalishdagi “garmoshka”li avtobus 18-avtosaroydan chiqayotib, yog‘ingarchilik tufayli sirpandi va uning orqa qismi qiyalikka tushib ketdi. Salonda yo‘lovchilar bo‘lmagan. Avtobus maxsus texnika yordamida chiqarib olindi.
Endi avtobus xarid qilishda yo‘lovchilar sig‘imi hisobga olinadi, metro vagonlari sonini ko‘paytirish jadallashtiriladi
Prezident avtobus xarid qilishda ularning yo‘lovchi sig‘imiga e’tiborni kuchaytirish, shuningdek, Toshkent metropolitenining vagonlarini ko‘paytirish chora-tadbirlarini jadallashtirish bo‘yicha topshiriq berdi. Aholining elektromobillarga o‘tishi rag‘batlantiriladi.
Transport vazirligi vakili — ko‘chalar o‘rtasidagi “ajratilgan yo‘laklar”, 35 metrli avtobuslar va ekspress yo‘nalishlar haqida
Toshkentda, nihoyat, ko‘chalar o‘rtasida avtobus yo‘laklari tashkil etiladi. Unda 5 ta seksiyali 32 va 35 metrli avtobuslar harakatlanishi rejalashtirilgan, dedi Transport vazirligi vakili. Infratuzilma yukini kamaytirish uchun poytaxtga kiraverishda 12 ta yangi ekspress yo‘nalishni yo‘lga qo‘yish ko‘zda tutilgan.
Toshkent viloyatidagi avtobus va mikroavtobuslarda yo‘lkira narxi oshdi
Toshkent viloyatida yo‘lovchilarni tashish xizmatlari bo‘yicha yangi tariflar belgilandi. Endilikda avtobuslardan foydalanganlik uchun 1500 so‘m, yo‘nalishli taksi (mikroavtobus)lar uchun 2000 so‘m to‘lanadi.
31-dekabr kuni Toshkentda avtobuslar ham soat 01:00 gacha ishlaydi
Poytaxtda avtobuslar ham 31-dekabr kuni metropoliten kabi (farqi — o‘sha kuni metrodan foydalanish bepul) soat 01:00 gacha ishlaydi. “Toshshahartransxizmat” bayram tadbirlari o‘tkaziladigan 18 ta manzilga olib boruvchi avtobus yo‘nalishlarini e’lon qildi.
Samarqand shahri uchun Xitoydan 10 ta avtobus olib kelindi
Xitoyning CRRC kompaniyasidan Samarqand shahri jamoat transporti uchun 10 ta avtobus keltirildi. Yana 20 ta shunday avtobus olib kelinishi reja qilinmoqda.
Bayram kunlari Toshkentdagi avtobuslar qisqartirilgan jadval asosida harakatlanadi
Toshkentda avtobuslar 30-dekabrdan 2-yanvarga qadar yakshanba kunlari uchun tasdiqlangan jadvallar asosida, 6-yanvar — shanba kuni esa ish kunlari uchun tasdiqlangan jadvallar asosida harakatlanadi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting