«biznes» tegli maqolalar
O‘zbekistonda biznes optimizmni yo‘qotmoqda: tadbirkorlar energetika muammolaridan shikoyat qilmoqda
MB so‘rovi ko‘rsatdiki, tadbirkorlar ishbilarmonlik muhitini nisbatan pessimistik baholamoqda. To‘rtinchi chorakda o‘rta va yuqori quvvatdagi kompaniyalar ulushi 50% gacha kamaydi — bu 1,5 yildagi minimum. Asosiy sabab — gaz va elektr ta’minotidagi uzilishlar. Yaxshilanish kutilmasi 62% dan 56% gacha tushdi.
O‘zbekiston va BAA o‘rtasida 15 ta yangi hujjat imzolandi
O‘zbekiston hamda BAA rasmiylari va tadbirkorlari o‘rtasida yangi shartnoma va bitimlar imzolandi. Jetex kompaniyasi bilan hamkorlikda qurilayotgan “Toshkent-Sharqiy” aeroportida VIP va CIP mijozlarga xizmat ko‘rsatish, shuningdek, aerotaksi va VIP taksi xizmatlarini joriy etish loyihasi shular jumlasidandir.
Limitdan o‘tgan tadbirkorlarga elektr va gaz uchun oshirilgan tariflar miqdori o‘zgardi
O‘zbekiston hukumati kechikib bo‘lsa-da, belgilangan limitdan ortiq iste’mol qilingan elektr energiyasi va gaz uchun qo‘shimcha to‘lovlar miqdorini pasaytirdi. Limitning o‘zi esa oshirildi.
O‘zbekiston banklari tadbirkorlikni qo‘llab-quvvatlash uchun davlat kafolatisiz 6 mlrd dollar jalb qilmoqchi
2025-yilda O‘zbekiston banklari tadbirkorlar ehtiyojlarini moliyalashtirish uchun davlat kafolatisiz 6 mlrd dollar jalb qilishni rejalashtirmoqda, dedi prezident. Davlat rahbari kichik biznes uchun kreditlar ulushi 28 foizdan 40 foizga oshishini ta’kidladi.
Raqamli markirovkalash qoidalarini buzgan tadbirkorlar uchun javobgarlikni bekor qilish rejalashtirilmoqda
Prezidentga tadbirkorlarning huquqiy himoyasini kuchaytirish bo‘yicha takliflar taqdim etildi. Raqamli markirovkalash va fiskal belgilarni aks ettirish qoidalarini buzish, xodimlar sonini yashirish uchun javobgarlikni, shuningdek, YTT sifatida ro‘yxatdan o‘tmay ishlash uchun jarimani bekor qilish rejalashtirilmoqda.
O‘zbekiston va Ozarbayjon hamkorligi kelajagi biznesga bog‘liq — Shavkat Mirziyoyev
O‘zbekiston va Ozarbayjon prezidentlari ikki mamlakat ishbilarmon doiralari vakillari bilan uchrashdi. Shavkat Mirziyoyev biznes ikki davlat o‘rtasidagi munosabatlarni rivojlantirishning asosiy omiliga aylanishi kerakligini ta’kidladi. Davlat rahbarlari qo‘shma loyihalarni ishga tushirishda ham ishtirok etdi.
O‘zbekistonda umumiy ovqatlanish korxonalariga QQSning bir qismi keshbek shaklida qaytariladi
1-yanvardan boshlab umumiy ovqatlanish korxonalariga QQSning bir qismi keshbek sifatida qaytariladi. Oylik aylanmasini naqd pulsiz amalga oshirganlarga esa QQSning 40 foizi to‘langan zahoti qaytariladi. QQS to‘lashga o‘tgan restoran va kafelarning foyda solig‘i 2 karraga kamayadi.
Tadbirkorlarga limitdan oshgan elektr va gaz uchun qo‘llanadigan yuqori tariflar o‘zgartiriladi
Tadbirkorlarga eletr energiyasi va gazdagi limitdan ortiqcha foydalanishdagi yuqori tariflarlar summasi pasaytiriladi. Prezidentning aytishicha, endi tadbirkorlar limitdan 20 foizgacha oshib ketsa ham bazaviy tarif saqlanib qoladi, oshgan qismiga to‘lov esa 20 foiz qimmatlashadi.
Tadbirkor limitdan 10 foiz oshib ketilgan taqdirda, 2 baravar to‘lanadigan tarifni bekor qilishni so‘radi
Oziq-ovqat mahsuloti ishlab chiqaruvchi tadbirkor yuridik shaxslar uchun limit 10 foizdan oshib ketganda, elektr energiyasi uchun to‘lanadigan ikki baravarli tarifni bekor qilishni so‘radi. Uning fikricha, “Energetika vazirligi tizimdagi aybini tadbirkorlar hisobiga yopmoqchi”.
Kiyevda urushdan zarar ko‘rgan Ukraina korxonalarini O‘zbekistonga ko‘chirish bo‘yicha takliflar muhokama qilindi
Kiyev shahrida O‘zbekiston tomonidan tadbirkor Zafar Hoshimov raisligida O‘zbekiston-Ukraina biznes kengashining yig‘ilishi bo‘lib o‘tdi. Unda ikki davlat ishbilarmon doiralarining o‘zaro hamkorligi, urushdan jabr ko‘rgan Ukraina korxonalarini O‘zbekistonga ko‘chirish bo‘yicha takliflar muhokama qilindi.
Toshkentning Amir Temur shoh ko‘chasidagi davlat muassasalari binolari biznes loyihalariga beriladi — prezident
Prezident tadbirkorlarga Yunusobod tumanida loyihalar uchun bo‘sh joy topish qiyinligini aytdi. U Amir Temur shoh ko‘chasidagi sakkizta davlat idorasining eski binolarini rekonstruksiya qilish va savdo obyektlari, ofis va yerosti avtoturargohiga ega mehmonxonalar qurish uchun tadbirkorlarga berishni taklif etdi.
Biznesga Soliq kodeksining 227−1-moddasi bo‘yicha qo‘llangan jarimalarning 98 foizi hisobdan chiqariladi
Prezident Soliq kodeksining 227−1-moddasida nazarda tutilgan fiskal huquqbuzarliklar uchun jarima miqdorini 50 baravarga — aylanmaning 100 foizidan 2 foizigacha kamaytirishni tasdiqladi. Shuningdek, biznesga bu modda qo‘llanilishi natijasida yuzaga kelgan qarzlarning 98 foizi hisobdan chiqariladi.
Tadbirkorlar reytingi qanday tuziladi? Mezonlar
O‘zbekistonda tadbirkorlarning barqarorlik reytingini hisoblash uchun 23 ta mezon, jumladan, 9 ta jarima va 4 ta rag‘batlantirish qo‘llanadi. Bu kompaniyaning faoliyat davri, rentabellik darajasi, ko‘chmas mulk yoki yer uchastkasining mavjudligi, xodimlar ish haqi va boshqalarni o‘z ichiga oladi.
Prezident transport vaziriga ogohlantirish berdi
Prezident yuk tashish uchun qo‘shimcha yig‘imlar, haydovchilar uchun viza rejimi murakkabligi va boshqa masalalar bilan lozim darajada shug‘ullanmayotgani uchun transport vazirini ogohlantirdi. Davlat rahbari ayrim elchilar va savdo maslahatchilarini ham tanqid qildi.
Hukumat komissiyasiga elektrotexnika korxonalarini qo‘llab-quvvatlash va bu uchun budjetdan mablag‘ olish vakolati beriladi
Investitsiyalar, sanoat va savdo bo‘yicha hukumat komissiyasiga 2027-yilgacha O‘zbekiston elektrotexnika sanoati korxonalarini qo‘shimcha qo‘llab-quvvatlash choralarini ko‘rish va ularni amalga oshirish uchun budjetdan mablag‘ olish huquqi beriladi.
O‘zbekistonda brend mahsulotlar ishlab chiqaruvchi korxonalarga imtiyoz va yengilliklar beriladi
O‘zbekistonda brendlar nomi ostida ishlab chiqarishni boshlayotgan korxonalarga qator imtiyoz va yengilliklar beriladi. Xususan, ularning xalqaro standartlarni joriy qilishdagi xarajatlari qoplab beriladi hamda xomashyolari bojxona to‘lovlaridan ozod qilinadi.
Noyabrda aholining inflyatsion kutilmalari deyarli o‘zgarmadi, biznesniki esa sezilarli pasaydi
O‘zbekistonda noyabr oyida aholining inflyatsion kutilmalari oktabrga nisbatan deyarli o‘zgarmadi, biznesning kutilmalari esa sezilarli pasaydi. Ish haqi, nafaqalar oshishi narxlarga bosim o‘tkazishini qayd etganlar ko‘paydi. Inflyatsiya 8 foiz va undan kamroq bo‘lishini kutayotganlar ulushi poytaxtda eng kam bo‘ldi.
Aholi va biznesning inflyatsion kutilmalari biroz oshdi
Oktabr oyida aholi va biznesning inflyatsion kutilmalari biroz oshib, mos ravishda 13,7 va 14,4 foizni tashkil etdi. Markaziy bankning bu oydagi infografikasi hududlar, daromadlar va tadbirkorlik faoliyati kesimidagi ma’lumotlarsiz e’lon qilindi.
Prezident huzuridagi Tadbirkorlikni qo‘llab-quvvatlash kengashining tarkibi yangilandi
Prezident Tadbirkorlikni qo‘llab-quvvatlash bo‘yicha jamoat kengashining yangilangan tarkibini tasdiqladi. Kengash a’zoligini Prezident administratsiyasining sobiq rahbari Sardor Umurzakov, investitsiyalar, sanoat va savdo vaziri Laziz Kudratov, Murad Buildings asoschisi va boshqalar tark etgan.
Baliqchilik loyihalariga 50 mln so‘mgacha garovsiz kredit ajratiladi
Aholi va tadbirkorlar baliqchilik bilan shug‘ullanish uchun 50 mln so‘mgacha garovsiz kredit olishlari mumkin. Baliqchilik xo‘jaliklari uchun suv havzalari uchastkalari onlayn-auksion orqali ijaraga beriladi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- O‘zbekistonning har bir tuman va shahrida kamida bittadan inklyuziv maktab tashkil etiladi
- Video: Buxorodagi xonadonda gaz portladi
- Samarqandda avtobus Cobalt bilan to‘qnashib ag‘darildi, bir kishi vafot etdi
- Komil Allamjonovga suiqasd bo‘yicha ayblanuvchilar 23 yilgacha qamoq jazosiga hukm qilindi
Qo‘shimcha imkoniyatlardan foydalanish uchun saytda ro‘yxatdan o‘ting