2021 yildan barcha elektr energiyasi iste’molchilariga elektr energiyasini yetkazib berish faqat oldindan to‘lov asosida amalga oshirilishi taklif etilmoqda. To‘lovni amalga oshirmagan iste’molchilarga nisbatan elektr tarmoqlaridan to‘liq uzish chorasi ko‘rilishi mumkin.
Farg‘ona viloyat prokuraturasi hududlarda 3 soatdan 28 soatgacha elektr uzilishlari kuzatilayotganini aniqlab, elektr tarmoqlari mansabdorlariga nisbatan ma’muriy ish qo‘zg‘atdi.
Namangan viloyatidagi To‘raqo‘rg‘on issiqlik elektrostansiyasining har ikki energobloki avariyaviy to‘xtadi. Natijada vodiy viloyatlari, Toshkent shahri, Samarqand, Buxoro va Qashqadaryo viloyatlariga elektr energiyasini yetkazib berish cheklandi.
Shavkat Mirziyoyev videoselektorda elektr energetikasi sohasi transformatsiyasi orqali tannarx kamaytirilishi lozimligini ta’kidladi. Soha transformatsiyasini esa tannarxga ta’sir qilmagan holda, harajatlarni kamaytirish evaziga amalga oshirish bo‘yicha topshiriqlar berdi.
Prezident elektr energiyasi raqobatli bozoriga o‘tish bosqichlari va qoidalarini belgilovchi hujjat ishlab chiqish zarurligini ta’kidladi. Hozirda investorlar bilan energiyani qat’iy narxlarda xarid qilish bo‘yicha uzoq muddatli shartnomalar imzolanmoqda.
Ijtimoiy tarmoqlarda Toshkentning ko‘plab tumanlarida yashovchi aholi elektr energiyasi o‘chirilganidan shikoyat qildi. Qarzdorlik uchun to‘lov amalga oshirilishiga qaramasdan, bir necha soat davomida tarmoqqa ulanmagan. «Hududiy elektr tarmoqlari» kompaniyasining «Gazeta.uz»ga izoh berishicha, bir vaqtning o‘zida ommaviy o‘chirish va qayta ulash bo‘yicha avtomatlashtirilgan tizimiga yuklanish ortishi natijasida tizim qayta ulanishni 4−5 soatga kechikib amalga oshirgan.
O‘zbekistonda elektr energiyasi va tabiiy gazni hisobga olish va nazorat qilish bo‘yicha yaxlit onlayn tizim yaratiladi. Bu maqsadlar uchun qariyb 1,2 milliard dollar mablag‘ yo‘naltirilmoqda. «Bu mablag‘larning natijadorligi va qaytimi faqatgina hisoblagichlarni o‘rnatish bilan hal bo‘lib qolmaydi. Iste’molchi sarf qilgan energiya resursi hajmini bilish bilan tizimdagi yo‘qotishlar va o‘g‘irliklarga chek qo‘yib bo‘lmaydi», — deya ta’kidladi prezident Shavkat Mirziyoyev.
Toshkentning Shayxontohur tumanida elektr kabeli ilingan issiq suv quvurini ushlagan 8 yoshli qiz tok urishidan vafot etdi. Prokuratura tuman elektr tarmoqlari korxonasi mansabdor shaxslariga nisbatan jinoyat ishi qo‘zg‘atdi.
Poytaxtda elektr energiyasini hisobga olish tizimi ma’lumotlarini qayta ishlash markazi ochildi. Uning vazifasi — ko‘p tarifli abonentlar hisobini yuritish, qarzdor iste’molchilarni tarmoqdan avtomat ravishda uzish va ularni takror ulash kabilardan iborat.
Qo‘shimcha imkoniyatlarga ega bulish uchun saytda ro‘yxatdan o‘ting