«firibgarlik» tegli maqolalar
Shavkat Mirziyoyev nomidan profil ochib, pul ishlagan shaxs 3 yilga qamaldi
Chirchiq shahrida yashovchi fuqaro Facebook`da O‘zbekiston prezidentining soxta akkauntini ro‘yxatdan o‘tkazib, o‘zini prezident Administratsiyasi rahbari deb tanishtirgan. U odamlarga muammolarini ma’lum miqdordagi pul evaziga hal qilishda yordamni taklif qilgan. Mazkur shaxsga nisbatan 3 yil muddatga ozodlikdan mahrum etish hamda internet tarmog‘idan 3 yilga cheklash jazosi tayinlandi.
DXX Toshkent va Farg‘ona viloyatlarida firibgarlik holatlariga chek qo‘ydi
Parkent tumanida yashovchi shaxs fermer xo‘jaligi rahbariga bankdan 3 mlrd so‘m kredit ajratilishini aytib, undan kredit miqdorining 10 foizini berishini so‘radi. Shuningdek, Farg‘ona viloyatida mansabdor shaxs qum barxanlaridan litsenziyasiz foydalanishiga ruxsat berish uchun 5,6 ming dollar olgan vaqtida ushlandi.
$70 ming evaziga qamoqxonadagi shaxsni ozod qilishga va’da bergan fuqaro qo‘lga olindi
Toshkentda IIV Jazoni ijro etish departamentidagi tanishlari orqali 19 yilga qamalgan shaxsni ozodlikka chiqarishga va’da bergan surxondaryolik fuqaro qo‘lga olindi.
Angrenlik yigit Telegram-guruh ochib, fuqarolarning 13 mln so‘mini o‘zlashtirdi
Angrenlik yigit «UNIVERSAL KREDIT» nomli soxta Telegram-guruh ochib, 15 daqiqa ichida mikroqarz berilishi haqidagi e’lon bilan 10 nafardan ziyod fuqaroning 13 mln so‘mini o‘zlashtirdi.
«Asakabank» xodimlari $2 mlnlik kredit ajratishda firibgarlikka yo‘l qo‘yganlikda gumonlanmoqda
Ikkita kompaniya hamda «Asakabnk» bosh ofisi va filiali xodimlari 2 mln dollar miqdoridagi kredit mablag‘larini o‘zlashtirganlikda gumon qilinmoqda. Mazkur mablag‘lar Osiyo taraqqiyot bankidan jalb qilingan.
Toshkentda deyarli 900 mln so‘m kredit mablag‘larini noqonuniy qo‘lga kiritgan shaxs aniqlandi
Toshkent shahrida 34 nafar fuqarolarning nomidan 897 mln so‘m onlayn-kredit mablag‘larini noqonuniy tarzda qo‘lga kiritgan shaxs aniqlandi. Firibgarlik va hujjatlarni qalbakilashtirish moddalari bilan jinoyat ishi qo‘zg‘atildi.
TATU filiali xodimi va uning sherigi pora bilan qo‘lga tushdi
Bosh prokuratura ma’lumotiga ko‘ra, TATUning Samarqand filiali bo‘limi boshlig‘i va uning sherigi samarqandlik fuqaroga Qozog‘istondagi institutlardan birida o‘qiyotganligi haqida hujjat tayyorlab berish evaziga 3000 dollar olganida ushlangan.
O‘zini prezident Administratsiyasi rahbari deb tanishtirgan shaxs pul evaziga yordam taklif qilgan
Chirchiq shahrida yashovchi fuqaro Facebook saytida O‘zbekiston prezidentining soxta akkauntini ro‘yxatdan o‘tkazib, o‘zini prezident Administratsiyasi rahbari deb tanishtirgan. Shu bilan birga, odamlarga muammolarini ma’lum miqdordagi pul evaziga hal qilishda yordamni taklif qilgan.
4 ming dollar evaziga Milliy gvardiyaga ishga kiritib qo‘ymoqchi bo‘lgan shaxs ushlandi
Qashqadaryo viloyatida yuqori lavozimdagi tanishlari orqali Milliy gvardiyaga ishga kiritmoqchi bo‘lib, 4 ming AQSH dollari so‘ragan shaxs aniqlandi. Fuqaroga nisbatan jinoyat ishi qo‘zg‘atildi.
The Guardian: 7 nigeriyalik O‘zbekistonga futbol o‘ynash uchun aldov yo‘li bilan olib kelingan
The Guardian nashri ma’lumotiga ko‘ra, nigeriyalik 7 nafar yosh yigit o‘zini futbol agenti deb tanishtirgan shaxs tomonidan O‘zbekistonga aldov yo‘li bilan olib kelingan. Ularga professional futbolda faoliyat boshlashlari uchun yordam berish va’da qilingan.
Qirg‘iziston universitetiga o‘qishga kiritishni va’da qilgan samarqandlik talaba qo‘lga tushdi
Samarqandlik talaba fuqaroni Qirg‘izistondagi universitetga kiritib qo‘yish, keyinchalik o‘qishni Samarqandga ko‘chirishni va’da qilib, 5 ming dollarni olgan vaqtida qo‘lga tushdi. Unga nisbatan jinoyat ishi qo‘zg‘atildi. Talaba 5 yilgacha ozodlikdan mahrum etilishi mumkin.
3,7 mln dollarga yerni rasmiylashtirib berishini aytgan fuqaro ushlandi
Toshkent viloyatidagi korxona rahbari Q.T. 460 ga yerni bir tadbirkorga noqonuniy rasmiylashtirib berishni taklif qiladi. Evaziga esa 3 mln 720 ming AQSH dollari talab qiladi. Tadbirkordan aytilgan summani olayotgan vaqtida Q.T. ashyoviy dalil bilan qo‘lga olinadi.
Toshkentda odamlarni qariyb 95 ming dollarga chuv tushirgan aviakassa rahbari qo‘lga olindi
Toshkentda pandemiya sharoitida chet elga davolanish uchun borishga asos bo‘luvchi kasallik haqidagi hujjatlarni 1200 dollardan pullagan aviakassa rahbari jinoyat ustida qo‘lga olindi.
Qashqadaryoda qozonxona binosini 6000 dollarga sotmoqchi bo‘lgan maktab direktori qo‘lga olindi
Qashqadaryo viloyati Shahrisabz tumanidagi 7-sonli maktab direktori B.S. maktab balansida bo‘lgan yaroqsiz qozonxona binosini firibgarlik yo‘li bilan 6000 dollarga sotmoqchi bo‘lganida ashyoviy dalil bilan qo‘lga olindi.
Temir mahsulotlarini arzon narxda olmoqchi bo‘lgan fuqaro $30 mingga aldandi
Rishton tumanida Qirg‘izistondan arzon temir mahsulotlarini olib kelishi uchun tanishiga $30 ming AQSH dollarini bergan fuqaro aldanib qoldi. Uning ishonchiga kirgan shaxs pullarni o‘z ehtiyojlari uchun sarflab yuborgan.
Urganch, Yakkasaroy, Jalaquduq tumanlari va Marg‘ilonda firibgarlarga jinoyat ishlari qo‘zg‘atildi
Urganchda 40 ming dollarga 3 gektar yer, Yakkasaroyda 74 ming dollarga turli rusumdagi mashinalar, Jalaquduqda 354 kishiga 49 mln so‘mga un sotmoqchi bo‘lgan firibgarlarga jinoyat ishlari qo‘zg‘atildi. Yana bir firibgarlik universitetga kiritib qo‘yish bilan bog‘liq.
1 trln so‘mni naqdlashtirib, 30 mln dollarni xorijga chiqargan jinoiy guruh fosh etildi
1 trln so‘m mablag‘ni naqdlashtirgan, 30 mln dollarni chet elga chiqarib yuborgan jinoiy guruh ishi sudga oshirildi. Aniqlanishicha, jinoiy guruh 300 mlrd so‘mga yaqin mablag‘ni sohta rahbarlarning hisobiga tushirgan va keyinchalik ushbu mablag‘lar sherik banklarda naqdlashtirilgan. Har bitta operatsiyada o‘rtacha 500−600 ming dollardan naqdlashtirilgan.
To‘rtta hududda universitetlarga kiritib qo‘yishga va’da berganlar hibsga olindi
Andijon, Farg‘ona va Namangan viloyatlari hamda Qoraqalpog‘istonda oliy o‘quv yurtlariga kiritib qo‘yishni va’da qilgan fuqarolar hibsga olindi.
Sud Korean and Migrations bandlik agentligi ishi bo‘yicha sudlanuvchilarga hukm chiqardi
Korean and Migrations mansabdorlari, shuningdek, xususiy bandlik agentligi faoliyati bilan aloqador boshqa shaxslar firibgarlik va qalbakilashtirishda aybdor deb topildi. Agentlik direktori va Namangan viloyat filiali boshlig‘iga 9 yildan ozodlikdan mahrum etish jazosi tayinlandi.
Samarqandda Milliy gvardiyaga ishga kiritaman, deb 27200 dollar olgan firibgar ushlandi
Samarqandda Milliy gvardiyaga ishga kiritib qo‘yaman, deb 27200 dollar olgan firibgar ushlandi. U yana 300 dollar talab qilib, pullarni olgan vaqtida ashyoviy dalillar bilan qo‘lga tushirilgan.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting