«o‘zbekiston» tegli maqolalar
O‘zbekistonda 2023-yil — suratlarda
Anomal sovuq va energoinqiroz, muddatidan avvalgi O‘zbekiston prezidenti saylovi, jahon yetakchilarining tashriflari, dorilar bilan bog‘liq bolalar fojialari, Sergelidagi portlash. “Gazeta.uz” O‘zbekistonda yakuniga yetayotgan yilning asosiy voqealari haqida so‘zlovchi fotosuratlarni jamladi.
“O‘zbekiston hech qachon hech kimga mustamlaka bo‘lmaydi” — Tanzila Narbayeva
Tanzila Narbayeva mamlakat mustaqilligi bilan bog‘liq chiqishlarga to‘xtaldi. “O‘zbekiston hech qachon hech kimga mustamlaka bo‘lmaydi”, — dedi Senat raisi yoshlar bilan uchrashuvda.
“Bu O‘zbekistonga tajovuz qilishdek gap”. Jamoatchilik — rossiyalik siyosatchining SSSR hududlarini qayta tiklash taklifi haqida
Rossiyalik siyosatchi Zaxar Prilepin SSSRga tegishli bo‘lgan barcha hududlarni tiklash taklifi bilan chiqdi. U misol sifatida O‘zbekistonni qo‘shib olib, u yerda rus tilini o‘rgatish kerakligini aytdi. Jamoatchilik taklifni mustaqillikka tajovuz sifatida baholab, TIV rasmiy nota yuborishi kerakligini ta’kidladi.
Eron hukumati O‘zbekiston fuqarolari uchun viza rejimini bekor qilishni ma’qulladi
Eron hukumati 33 ta davlat, jumladan, O‘zbekiston fuqarolari uchun bir tomonlama viza talablarini bekor qilish haqidagi qarorni ratifikatsiya qildi. Mamlakat turizm vaziri bu qaror Eron haqidagi salbiy propaganda va eronofobiyaga chek qo‘yishini bildirdi.
“Kaztransoyl” 2024-yilda Rossiya neftining O‘zbekistonga tranzitini uch baravar oshirmoqchi
Qozog‘istonning magistral neft quvuri milliy operatori “Kaztransoyl” 2024-yilda Rossiya neftini O‘zbekistonga tranzit qilishni uch baravarga oshirmoqchi. Yetkazib berish hajmini 154 ming tonnadan 500 ming tonnagacha ko‘paytirish rejalashtirilgan.
O‘zbekistonda AES qurish yuzasidan shartnoma bo‘yicha ishlar yakuniy bosqichda — “Rosatom” bosh direktori
Rossiyaning “Rosatom” davlat korporatsiyasi bosh direktori Aleksey Lixachev O‘zbekistonda atom elektr stansiyasini qurish yuzasidan shartnoma bo‘yicha ishlar yakuniy bosqichda ekanini ta’kidladi. “Shartnoma yuzasidan ishlar ancha qizg‘in davom etmoqda, umuman olganda, biz shartnoma imzolashdan yiroqda emasmiz”, — dedi u.
O‘zbekiston 2023-yil Grin kard orqali viza olishda dunyoda 7-o‘rinni egalladi
AQShning Toshkentdagi elchixonasi DV-2023 (Grin kard) dasturi orqali immigratsion vizalarni taqdim etish bo‘yicha dunyoda 7-o‘rinni egalladi. Bu mavsumda lotoreya yutug‘ining 5,5 mingdan ziyodrog‘i o‘zbekistonliklarga chiqqan, berilgan vizalar soni esa 3100 dan ko‘proqni tashkil etgan.
Futbol: U-17 JCH chorak finalida O‘zbekiston Fransiyaga mag‘lub bo‘ldi
Futbol bo‘yicha o‘smirlar o‘rtasidagi Jahon chempionati chorak finalida O‘zbekiston terma jamoasi Fransiyaga 1:0 hisobida mag‘lub bo‘ldi va turnirni tark etdi.
Srechko Katanets — Turkmaniston ustidan qozonilgan g‘alaba, “dahshatli” maydon va Eronga qarshi bo‘lajak o‘yin haqida
O‘zbekiston bosh murabbiyi Srechko Katanets futbol bo‘yicha 2026-yilgi jahon chempionati saralash bosqichining ilk uchrashuvida Turkmanistonni mag‘lub etganidan so‘ng jamoasi g‘alabaga haqli ekanini aytdi. Murabbiy va futbolchi Otabek Shukurov Ashxoboddagi “o‘ynab bo‘lmaydigan” sun’iy maydondan shikoyat qildi.
O‘zbekiston JSTga a’zo bo‘lish borasida Saudiya Arabistoni bilan muzokaralarni yakunladi
15-noyabr kuni O‘zbekiston prezidentining Jahon savdo tashkiloti masalalari bo‘yicha maxsus vakili Aziz O‘runov va Saudiya Arabistonining JSTdagi elchisi Saqer Almoqbel tovar va xizmatlar bozoriga chiqish bo‘yicha ikki tomonlama muzokaralarni yakunlash to‘g‘risida bayonnoma imzoladi.
O‘zbekistonga chet el fuqarolarini taklif qilish uchun endi onlayn ariza berish mumkin
Xorij fuqarolari va fuqaroligi bo‘lmagan shaxslarni O‘zbekistonga taklif qilish xizmatlari endi my.gov.uz portali orqali ham ko‘rsatiladi. DXXning hududiy boshqarmasi yuborilgan so‘rovnomani 7 ish kuni ichida tekshirib, xulosa beradi. Taklifnoma 3 oyga amal qiladi.
AQSh O‘zbekiston suvereniteti va JSTga a’zo bo‘lishini qo‘llab-quvvatlashini yana bir bor tasdiqladi
Toshkentda AQSh davlat kotibi yordamchisi Donald Lu ishtirokida strategik sheriklik muloqotining uchinchi sessiyasi bo‘lib o‘tdi. Diplomat Qo‘shma Shtatlar O‘zbekiston mustaqilligi va hududiy yaxlitligi, shuningdek, Jahon savdo tashkilotiga a’zo bo‘lishini so‘zsiz qo‘llab-quvvatlashini yana bir bor tasdiqlashini bildirdi.
Endi Chat GPT`dan O‘zbekistonda rasman foydalansa bo‘ladi
ChatGPT sun’iy intellekt bilan ishlovchi chat botini ishlab chiqqan OpenAI kompaniyasi o‘z servisi ishlaydigan hududlar ro‘yxatiga O‘zbekistonni qo‘shdi. Endilikda mamlakatda ChatGPT ro‘yxatidan rasman o‘tish va uni ishlatish mumkin.
Rossiyadan O‘zbekistonga neft yetkazib berish hajmini 1 mln tonnagacha oshirish kutilmoqda
Moskvada imzolangan uch tomonlama hujjatga ko‘ra, Rossiyadan Qozog‘iston orqali O‘zbekistonga neft yetkazib berish hajmini 1 million tonnaga oshirish rejalashtirilmoqda.
Biz Falastin xalqi bilan birdam ekanimizni qat’iy bildiramiz — Shavkat Mirziyoyev
Prezident O‘zbekiston Falastin xalqi bilan birdamligi va uning qabul qilingan rezolyutsiyalarga muvofiq o‘z mustaqil davlatini barpo etishga bo‘lgan huquqini qo‘llab-quvvatlashini ta’kidladi. U, shuningdek, yoshlarni yolg‘on tashviqotlarga berilmaslikka chaqirdi.
YeI va BMTTD O‘zbekistonda afg‘onlarni o‘qitish va kasbga tayyorlash loyihasining ikkinchi bosqichini boshladi
YeI va BMT Taraqqiyot dasturi amalga oshirgan O‘zbekistonda vaqtincha yashayotgan Afg‘oniston fuqarolarini o‘qitish va kasbga tayyorlash bo‘yicha loyihaning birinchi bosqichida 330 dan ortiq kishi ishtirok etdi. Termizda loyihaning 400 nafar Afg‘oniston fuqarosini qamrab olgan ikkinchi bosqichi boshlandi.
O‘zbekiston zilziladan jabr ko‘rgan Afg‘onistonga qariyb 100 tonna insonparvarlik yordami yubordi
7-oktabrdagi kuchli zilzilalardan jabr ko‘rgan Afg‘onistonga O‘zbekistondan qariyb 100 tonna insonparvarlik yordami yetkazildi. Jo‘natma tarkibida oziq-ovqat va birlamchi tibbiy yordam vositalari bor.
Isroildan O‘zbekistonga aviareyslar bekor qilingani yo‘q — elchixona
O‘zbekistonning Tel-Avivdagi elchixonasi Isroilda bo‘lib turgan fuqarolardan O‘zbekistonga uchish uchun bemalol aviachipta olishi mumkinligini bildirdi. Shuningdek, fuqarolardan Isroildagi yaqinlari yo‘qolgan yoki yaralangan bo‘lsa, konsullik bo‘limini xabardor qilish so‘raldi.
O‘zbekiston ilk bor 4,25 trln so‘mlik yashil suveren xalqaro obligatsiyalarni London fond birjasida joylashtirdi
O‘zbekiston birinchi marta 4,25 trln so‘m miqdoridagi yashil suveren xalqaro obligatsiyalar hamda 660 mln dollar miqdoridagi xalqaro obligatsiyalarni London fond birjasida joylashtirdi.
Germaniya olti davlat, jumladan, O‘zbekiston bilan noqonuniy migrantlarni qaytarish bo‘yicha kelishuv tayyorlamoqda
Germaniya olti davlat, jumladan, O‘zbekiston va Qirg‘iziston bilan noqonuniy migratsiyaga qarshi kurash bo‘yicha kelishuvga erishmoqchi. Bu, jumladan, noqonuniy migrantlarning o‘z vatanlariga tezroq qaytishlariga imkon beradi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- O‘zbekistonning har bir tuman va shahrida kamida bittadan inklyuziv maktab tashkil etiladi
- Video: Buxorodagi xonadonda gaz portladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- O‘zbekistonda dollarning rasmiy kursi ilk bor 13 000 so‘mdan oshdi
Qo‘shimcha imkoniyatlardan foydalanish uchun saytda ro‘yxatdan o‘ting