«o‘zbekiston» tegli maqolalar
O‘zbekiston qayerda joylashgan? — Ukrainada urush boshlanganidan so‘ng Rossiya va Belarus internet foydalanuvchilarining O‘zbekistonga bo‘lgan qiziqishi qanday o‘zgardi
24 fevral kuni Rossiyaning Ukraina hududida harbiy operatsiya boshlashi ortidan Rossiya va Belarus internet foydalanuvchilari orasida O‘zbekistonga bo‘lgan qiziqish keskin ortib ketdi. Google`da 1000 rubl o‘zbek so‘mida qancha bo‘lishi, Moskvadan O‘zbekistongacha bo‘lgan biletlar, O‘zbekistonga kirish qoidalari va boshqa so‘rovlar keskin ortgan.
O‘zbekiston fevral oyida dunyodagi eng ko‘p oltin sotgan davlat bo‘ldi
Butunjahon oltin kengashining oylik hisobotiga ko‘ra, O‘zbekiston fevral oyida 22 tonna oltin sotgan holda dunyo mamlakatlari orasida birinchi o‘rinni egalladi. 1 mart holatida O‘zbekistonning oltin zaxiralari 339 tonna yoki 20,72 mlrd dollarni tashkil qilmoqda.
«Kutganimizchalik arzon emas ekan» — Belarusdan O‘zbekistonga kelgan IT-mutaxassislarining dastlabki taassurotlari
Ukrainada urush boshlanganidan so‘ng O‘zbekistonga ko‘chib kelgan bir nechta IT-mutaxassislar o‘zlarining dastlabki taassurotlari bilan bo‘lishdi. Dasturchilar, nega aynan O‘zbekistonni tanlashgani, yashash sharoiti, ijara narxining qimmatligi haqida fikr bildirishgan.
TIV o‘zbekistonlik haydovchilar Ukrainada ushlab turilganiga izoh berdi
Ijtimoiy tarmoqlarda o‘zbekistonlik yuk tashuvchi haydovchilarning Mariupol metallurgiya kombinatida ushlab turilgani haqidagi murojaati tarqaldi. O‘zbekiston TIV ular harbiy harakatlar hududidan evakuatsiya qilingani va vatanga qaytayotganini ma’lum qildi.
O‘zbekiston Qozog‘istondan 100 ming tonna bug‘doy va qisman un import qiladi
Hukumat qarori bilan O‘zbekiston aprel-iyul oylarida Qozog‘istondan 100 ming tonna 3-sinf bug‘doyini (bir qismi un) maqbul narxlarda import qiladi. Ichki va tashqi bozorlardagi vaziyatdan kelib chiqib, yana 500 ming tonna bug‘doy xarid qilish rejalashtirilmoqda.
“Erishgan yutuqlarimizni saqlab qolishimiz kerak”. Nozim Xusanov — bolalar va majburiy mehnatga chek qo‘yilgani haqida
Mehnat vaziri Nozim Xusanov mamlakat yutug‘ining 50 foizi bolalar va majburiy mehnatga chek qo‘yishga erishilganida bo‘lsa, qolgan 50 foizi uni saqlab qolishga bog‘liqligini aytdi. Senat raisi Tanzila Narbayeva esa “odamlar yaratilgan sharoitlar, mehnatga haq to‘lash, ijtimoiy himoya tizimidan qoniqishi kerakligini” ta’kidladi. Bunga erishish uchun O‘zbekiston xalqaro Better Work dasturidan foydalanishni rejalashtirmoqda. Shuningdek, ayrim sohalar bosqichma-bosqich 5 kunlik ish haftasiga o‘tkazilishi ham mumkin.
Qozog‘istonda O‘zbekiston orqali 6 ta «inomarka»ni noqonuniy olib kirmoqchi bo‘lganlar ushlandi
Qozog‘istonda O‘zbekiston hududi orqali 1,6 mlrd so‘mlik 6 ta «inomarka"larni noqonuniy olib kirmoqchi bo‘lganlar aniqlandi. Mashinalarning tegishli hujjati bo‘lmaganligi aytildi. O‘zbekiston Davlat bojxona qo‘mitasi mashinalar Tojikistondan olib kirilganligi va mamlakat hududidan o‘tayotganda barcha hujjatlarga ega bo‘lganligini ta’kidladi.
O‘zbekiston baxtli mamlakatlar reytingida 11 pog‘ona pastladi
2022-yil uchun baxtli mamlakatlar reytingida (World Happiness Report) O‘zbekiston 11 pog‘ona pastlab, 53 o‘rinni egalladi. Natijada Markaziy Osiyo va MDH mamlakatlari orasida reytingdagi yetakchilik 40 o‘rinni qayd etgan Qozog‘istonga o‘tdi.
Qozog‘iston ham O‘zbekistonning kovid-sertifikatlarini tan oldi
O‘zbekiston va Qozog‘iston koronavirusga qarshi emlanganlik to‘g‘risidagi sertifikatlarni tan olish borasida kelishuvga erishdi. Bundan buyon sertifikatga ega fuqarolardan mamlakatlar chegarasini kesib o‘tishda PZR-testi natijasi talab etilmaydi. Avvalroq, Tojikiston, Turkiya va Buyuk Britaniya ham O‘zbekiston kovid-sertifikatlarini tan olgandi.
O‘zbekistonliklarni Ukrainadan Polsha orqali evakuatsiya qilish yakunlandi
O‘zbekiston fuqarolarini Polsha orqali Ukrainadan evakuatsiya qilish jarayoni nihoyasiga yetdi. Polshadan jami 25 aviareys vositasida 5786 nafar fuqaro vatanga olib kelindi. «Boshqa davlatlar orasida O‘zbekiston Ukrainadan o‘z fuqarolarini birinchi bo‘lib evakuatsiya qildi», — dedi O‘zbekistonning Polshadagi elchisi Bahrom Boboyev.
Afg‘oniston orqali Hindistondan O‘zbekistonga birinchi tranzit yuklari jo‘natildi
Hindistonlik treyder Pokiston va Afg‘oniston orqali birinchi tranzit jo‘natmani O‘zbekistonga jo‘natdi. 16 mart kuni 140 tonna yuk — asosan shakar ortilgan yuk mashinalari karvoni Kobuldan Toshkentga yo‘l olgan. Bungacha jo‘natma Mumbay, Karachi va Torxam shaharlaridan o‘tgan. Ushbu jo‘natma «to‘rtta davlatning hech birida hukumat ishtirokisiz amalga oshirilgan"i aytildi.
17 mart kuni O‘zbekistonda sodir bo‘lgan eng muhim xabarlar dayjesti
O‘zbekiston Ukrainaning mustaqilligini tan olishini aytgan Abdulaziz Kamilov, Qashqadaryoda yangi tashkil etilgan Ko‘kdala tumani, dori vositalarini reklama qilishi taqiqlangan mashhurlar va shifokorlar, qiynoq qurbonlariga yetkazilgan zararning qoplab berilishi, asosiy stavkani 17 foizgacha ko‘targan Markaziy bank va boshqalar — «Gazeta.uz» ning 17 martdagi eng muhim xabarlari dayjestida.
O‘zbekiston Qozog‘iston va Tojikiston bilan chegaralarni ochdi
16 martdan boshlab O‘zbekistonning Qozog‘iston va Tojikiston bilan o‘tkazish punktlari orqali fuqarolar harakatiga cheklovlar bekor qilinadi. Barcha bojxona postlari faoliyati qayta tiklanadi. Qolaversa, mamlakatga kirishda vaksina olgan xorijliklardan PZR-test natijasi talab etilmaydi.
Qozog‘istondan 10 ming dollardan ortiq naqd pul olib chiqish taqiqlandi
Qozog‘iston prezidenti mamlakatdan 10 ming dollardan ortiq miqdorda naqd valyuta olib chiqishni taqiqladi. Shuningdek, oltin quymalar hamda oltin-kumush tangalarni olib chiqish bo‘yicha taqiq o‘rnatildi. Ukrainadagi urush boshlanganidan beri tenge 16,8 foizga qadrsizlandi.
O‘zbekistonga qariyb 2 mln doza Pfizer vaksinasi olib kelindi
Dushanba kuni O‘zbekistonga COVAX dasturi doirasida salkam 2 mln doza Pfizer vaksinasi keltirildi. Mamlakatga olib kelingan vaksinalar soni 61 mln dozadan oshdi. Ayni vaqtda 14,2 mln dozadan ko‘proq vaksina zaxirasi mavjud.
Ukraina elchixonasi O‘zbekistonda Rossiya telekanallarini bloklashni so‘radi
Ukraina elchixonasi 1 mart kuni O‘zbekiston TIVga mamlakatda Rossiya telekanallari efirini taqiqlashni so‘rab nota yubordi. Xatda qayd etilishicha, Rossiya OAVlari olib borayotgan «axborot urushi harbiy kampaniyaning ajralmas qismi» va «jahon hamjamiyatini dezinformatsiyalashga qaratilgan». Elchi Nikolay Doroshenko «Ozodlik» radiosiga bergan intervyusida shuningdek, 28 tonnalik gumanitar yordamni yuborgani uchun O‘zbekistonga minnatdorchilik bildirdi.
O‘zbekistonning Rossiya va Ukraina bilan savdo aloqalari qanday edi?
Rossiya 2021 yilda O‘zbekistonning eng yirik savdo sherigi maqomini qaytarib oldi. Bu mamlakatdan oziq-ovqat, neft mahsulotlari, yog‘och va boshqa tovarlar katta hajmda keltiriladi. Ukraina esa O‘zbekistonning dori vositalari, yarim tayyor metall buyumlari va boshqalarni eksport qiladigan to‘qqizinchi yirik savdo hamkori hisoblanadi. «Gazeta.uz» O‘zbekistonning ushbu ikki davlat bilan savdo-iqtisodiy munosabatlari qanday yo‘lga qo‘yilgani, harbiy mojaro va sanksiyalar fonida qanday xavf-xatarlar borligini o‘rganib chiqdi.
Hafta davomida yomg‘ir yog‘ishi kutilmoqda
O‘zbekistonga Eron va Kaspiy dengizi hududlaridan bir qator nam havo massalari kirib kelishi hisobiga mamlakatda beqaror ob-havo saqlanib turadi. 10 mart sanasidan tashqari hafta davomida turli jadallikda va tanaffus bilan yomg‘ir yog‘ishi kutilmoqda.
10 kun ichida Ukrainani 1,5 mln qochqin tark etdi — BMT
Rossiyaning Ukrainadagi 10 kunlik harbiy harakatlari davomida mamlakatni 1,5 mln qochqin tark etdi. BMTning Qochqinlar bo‘yicha oliy komissari bu ikkinchi Jahon urushidan beri Yevropada eng tez o‘sayotgan migratsiya inqirozi ekanligini ma’lum qildi.
5 nafar o‘zbekistonlik yuk tashuvchi Ukraina-Rossiya chegarasida qolib ketdi
O‘zbekistonning Moskvadagi elchixonasi Ukrainaning Sumi, Xarkov viloyatlari hamda «Nexoteyevka» neytral hududida bo‘lgan 12 nafar yuk tashuvchini Rossiyaga kirishida yordam ko‘rsatdi. Yana 5 nafar O‘zbekiston fuqarosi 4 ta yuk mashinasida Ukraina chegarasi chizig‘idan uzoqroq masofada qolib ketdi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting