«oliy sud» tegli maqolalar
Oliy sud bloger Otabek Sattoriy ishi bo‘yicha chiqarilgan hukmni o‘zgarishsiz qoldirdi
Oliy sud muqaddam 6,5 yilga qamalgan surxondaryolik bloger Otabek Sattoriyga oid jinoyat ishiga kassatsiya tartibida berilgan shikoyatni ko‘rib chiqib, hukmni o‘zgarishsiz qoldirdi.
Sud Miraziz Bozorovga uy qamog‘i jazosini tayinladi
Sud toshkentlik bloger Miraziz Bozorovni g‘arazgo‘ylik yoki boshqa past niyatlarda tuhmat qilganlikda aybli deb topib, unga 3 yil muddatda ozodlikdan cheklash jazosini tayinladi.
Qashqadaryoda 500 ming so‘m pora olgan shifokor 5 yilga qamaldi
Kasbi tumani tibbiyot birlashmasi boshlig‘i o‘rinbosari fuqaroning o‘g‘liga nogironlik nafaqasini chiqarib berishni va’da qilib, buning evaziga 500 ming so‘m pora olgani aytilmoqda. Kitob tuman sudi shifokorni aybli deb topib, unga 5 yilga ozodlikdan mahrum qilish jazosini tayinladi.
120 nafar qatag‘on qurbonlari nomlari oqlandi — Oliy sud
Oliy sud 6 ta jinoyat ishi bo‘yicha surgun qilingan, otilgan va mol-mulki musodara qilingan 120 nafar qatag‘on qurbonlari nomini oqladi.
Jizzax viloyati hokimining sobiq o‘rinbosari 7,5 yilga qamaldi
Jizzaxdagi bino qulashi ortidan viloyat hokimining ishdan bo‘shatilgan o‘rinbosari Akram Rahmonqulov bir qancha jinoyatlarni sodir etganlikda aybdor deb topildi. Unga 7 yil 6 oyga ozodlikdan mahrum qilish va 111,5 mln so‘m jarimaga tortish jazosi tayinlandi. Jinoyat ishi doirasida jami 27 kishi, jumladan, Akram Rahmonqulovning to‘rt nafar ukasi va o‘g‘li javobgarlikka tortildi.
Oliy sudga uch nafar sudya saylandi
Senatorlar navbatdagi yalpi majlisda Shuhrat Mahmudov, Rustam Haydarov va Djamol Choriyevni 10 yillik muddatga Oliy sud sudyasi etib saylash to‘g‘risidagi qarorni qabul qildi.
Soliqchining o‘limida sobiq YPX xodimlari aybdor deb topildi
Sud Kattaqo‘rg‘on viloyati soliq inspeksiyasi boshlig‘ining birinchi o‘rinbosarining o‘limida yo‘l-patrul xizmatining ikki sobiq xodimini aybdor deb topdi. Har biriga 2 yilu 10 oyga ozodlikdan mahrum qilish jazosi tayinlandi.
Oliy sud raisining xizmat mashinasi YTHga uchragan. Haydovchi davolanmoqda
Toshkentda Oliy sud raisi Kozim Komilovga tegishli Malibu rusumli xizmat mashinasi YTHga uchradi. Hodisa yuz berganda rais mashinada bo‘lmagan. Avtomobil haydovchisi hozirda davolanmoqda.
Andijonda 6 kishi zo‘rlaganini aytgan ayol tuhmat uchun javobgarlikka tortildi
Andijon tumanida 6 nafar erkak tomonidan dala shiyponida zo‘rlanganini aytgan 20 yoshli kelin tuhmat qilganlikda aybdor deb topildi. Sud unga 2 yil-u 6 oy muddatga ozodlikni cheklash jazosini tayinladi. Noyabrdagi jinoyat ishi appelyatsiyada ham ko‘rib chiqilgan va hukm o‘zgarishsiz qoldirilgan.
Effect.uz`ning sobiq bir va hozirgi ikki jurnalistiga sud hukmi o‘qildi
Qashqadaryoda Termiz tuman sudida sudya bilan janjallashib qolgan voqeadan so‘ng qo‘zg‘atilgan jinoyat ishi bo‘yicha Effect.uz internet-nashrining uch jurnalistiga hukm chiqarildi. Ulardan biri uch yilga ozodlikdan mahrum etildi, ikki nafariga turli muddatlarga ozodlikni cheklash jazosi tayinlandi.
Oliy sud tarkibiga o‘zgartirishlar kiritildi
O‘zbekiston Oliy sudi tarkibiga o‘zgartirishlar kiritildi. Oybek Barakabayev va Doniyorjon Tojiboyev o‘n yil muddatga Oliy sud sudyasi lavozimiga saylandi.
115 nafar qatag‘on qurbonlari nomlari oqlandi — Oliy sud
6 ta jinoyat ishi bo‘yicha reabilitatsiya qilinmay qolib ketgan 115 nafar qatag‘on qurbonlari oqlandi.
Sportchi Elbek Rahimovni o‘ldirganlikda gumon qilinayotganlar orasida maktab o‘quvchilari ham bor
Qashqadaryoda sportchi Elbek Rahimov o‘limi yuzasidan o‘tkazilgan matbuot anjumanida sportchi qotillikda gumonlanuvchilardan biri bilan o‘zaro nizoda bo‘lgani aytildi. Gumonlanuvchilarning eng kattasi 29 yoshda, eng kichigi — 16−17 yoshli maktab o‘quvchilari. Mazkur ish bo‘yicha sud ishi barcha uchun ochiq tarzda o‘tkazilishi ma’lum qilindi.
Otabek Sattoriy ishi: sud hukmi o‘z kuchida qoldirildi
Apellyatsiya sudi avvalroq 6,5 yilga ozodlikdan mahrum qilingan surxondaryolik bloger Otabek Sattoriy uchun jazo muddatini o‘z kuchida qoldirdi. Blogerga ikkita uyi qaytariladi.
Korrupsionerlarga jazoni o‘tashda yengillik berilmaydi — Oliy sud
Oliy sud raisi o‘rinbosari Ikrom Muslimovning qayd etishicha, qonunchilikka o‘zgartirish kiritish orqali korrupsionerlarga jinoiy jazoni o‘tashda yengillik berilmaydi. Masalan, korrupsion jinoyatni sodir etganlar muddatidan oldin ozodlikka chiqarilmaydi, ularga tayinlangan jazo yengilrog‘iga almashtirilmaydi.
Oliy sud Bobur ko‘chasidagi 7-uyning himoyachilari foydasiga qaror chiqardi
Toshkentdagi 7-uy ishi bo‘yicha avvalgi instansiyalar sudlarining qaroriga qarshi Universal Packing Master va Jemchug House`larning murojaati qanoatlantirilmadi. Oliy sud shahar aholisi foydasiga qaror chiqardi.
Oliy sud 16 nafar mahkuma ayolga jazoni o‘tash muddatini qisqartirdi
Oliy sud og‘ir va o‘ta og‘ir jinoyatlarda aybdor deb topilgan 16 nafar ayolning aybini tan olganligini va pushaymonligini inobatga olgan holda, ularning jazosini yengillashtirdi. Shulardan 14 nafari ozod qilindi va oilalariga qaytarildi.
Senatorlar Xalilillo To‘raxo‘jayevni Oliy sud raisi o‘rinbosarligiga tasdiqladi
Senatorlar Xalilillo To‘raxo‘jayevni Oliy sudi raisining o‘rinbosari — fuqarolik ishlari bo‘yicha sudlov hay’ati raisi lavozimiga tasdiqladi. U bunga qadar Kadastr agentligi direktori sifatida ishlab kelayotgan edi.
Sud «Universam» binosi joylashgan yerni tortib olish bo‘yicha Toshkent hokimi qarorini bekor qildi
Toshkent tumanlararo ma’muriy sudi Yunusobod tumanidagi 65 ta tadbirkorga tegishli bino va inshootlar joylashgan yerni («Universam») olib, «Urban Developers»ga berish to‘g‘risidagi Toshkent hokimi qarorini haqiqiy emas deb topdi.
2020 yilda ajralishlar bo‘yicha sud ishlarining 14 481 tasida da’vo talablarini qanoatlantirish rad etilgan
2020 yilda O‘zbekiston fuqarolik ishlari bo‘yicha sudlari tomonidan 291 182 ish ko‘rib chiqilgan, ularning asosiy qismini bitimlar, ajralishlar va binolarni ruxsatsiz buzish bilan bog‘liq ishlar tashkil qilgan.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting