«senat» tegli maqolalar
«Sog‘liqni saqlash xodimlari uyma-uy yurib, aholining ko‘proq kaysi kasalliklar bilan og‘riyotganini aniqlashi kerak» — Tanzila Narbayeva
Senat raisi Tanzila Narbayevaning ta’kidlashicha, tibbiyot xizmat sohasidagi ko‘plab muammolar joylarda vaqtida o‘rganishlar olib borilmaganligi sababli kelib chiqmoqda. U aholining salomatligini ta’minlashda mahalliy kengashlar ham faol bo‘lishi kerakligini qayd etdi.
O‘zbekistonda yangi mehribonlik uylarini ochmaslik taklif etilmoqda
Toshkentda noinstitutsionllashtirishni tezlashtirish bo‘yicha birinchi xalqaro konferensiya o‘tkazildi. Tadbir ishtirokchilari yangi internat muassasalarining ochilishiga yo‘l qo‘ymaslikni va mavjud muassasalarni ijtimoiy xizmatlar markazlariga aylantirishni taklif qilishdi.
Toshkent viloyatining tuman va shaharlari chegaralariga o‘zgartish kiritish ma’qullandi
Oliy Majlis Senati Toshkent viloyatining umumiy maydoni 17,3 ming gektar bo‘lgan tuman va shaharlar chegaralarini o‘zgartirish to‘g‘risidagi qarorni qabul qildi. Bu jinoyatchilikka qarshi samarali kurashish va aholining ijtimoiy ta’minotini yaxshilashga yordam berishi ta’kidlandi.
Toshkent viloyatida bir yarim ming gektardan ortiq yer o‘zboshimchalik bilan egallab olingan
Toshkent viloyatida 9 ming 614 ta holatda 1618 gektar yer maydoni o‘zboshimchalik bilan egallab olinganligi aniqlandi. Bundan tashqari, yer uchastkalari davlat va jamoat ehtiyojlari uchun olib qo‘yilishidan oldin yetkazilgan zararni qoplash choralari ko‘rilmagani qayd etildi.
Senat bir qator qonunlarni ko‘rib chiqadi
15 yalpi majlisda Senat transport to‘g‘risidagi qonun, Saylov kodeksiga va boshqa qonunlarga o‘zgartirishlar, 2030 yilgacha gender tengligi strategiyasi to‘g‘risidagi masalani ko‘rib chiqadi va hukumatning davlat budjeti ijrosi to‘g‘risidagi hisobot eshitiladi.
«Mingo‘rik» yodgorligi yonidagi qurilish ishlari ruxsat olinmasdan boshlangan — Senat
Toshkent shahrining Mirobod tumanidagi Mingo‘rik arxeologiya yodgorligi yonida Toshkent shahar IIBB Ma’naviyat va ma’rifat markazining qurilishi tegishli ruxsat olinmasdan boshlangan, deya ma’lum qildi Senatning Yoshlar, madaniyat va sport masalalari qo‘mitasi.
Ta’mirlanmagan yo‘llar sabab ikki yilda 191 kishi vafot etgan
Ikki yilda ta’mirlash ishlari olib borilayotgan, oxiriga yetkazilmagan hamda ta’mirlanishi lozim bo‘lgan yo‘llarda 532 ta YTH sodir bo‘ldi. Ularda 191 kishi vafot etib, 511 nafar fuqaro jarohatlangan.
«Sen o‘g‘il farzand tug‘maysan». Senator navoiylik ayol o‘limi tafsilotlarini o‘rgandi
Senator Malika Qodirxonova Navoiyda qizlari bilan birgalikda poyezd ostiga o‘zini tashlagan 31 yoshli ayol o‘limi tafsilotlarini o‘rgandi. Ma’lum bo‘lishicha, ayolning eri o‘g‘il tug‘mayotganini ro‘kach qilib janjallashib turgan. Yanvarda ayol navbatdagi homilasining ham qizligini bilib, abort yo‘li bilan undan voz kechgan ekan.
2,7 mlrd dollarlik investitsiya loyihalarining ijrosi kechikmoqda — Senat
Prezidentning Yaponiya va Turkiyaga tashriflari vaqtida imzolangan 31 ta investitsiya loyihaning ijrosi kechikmoqda. Mazkur loyihalar jami 2,7 mlrd dollarlik investitsiya jalb qilishi ko‘zlangan edi. Ushbu loyihalarning eng katta ulushi energetika va uy-joy kommunal xizmat ko‘rsatish sohalariga to‘g‘ri keladi. Senat ushbu kechikishlarga sabab bo‘lgan omillarni ma’lum qildi.
O‘zbekistonda tizimli majburiy va bolalar mehnati yo‘q — Tanzila Narbayeva
Xalqaro mehnat tashkilotining 2020 yilgi «Uchinchi tomon monitoringi» natijalariga bag‘ishlangan davra suhbati o‘tkazildi. Unda O‘zbekistonda o‘tgan yili tizimli majburiy va bolalar mehnati qayd etilmagani ma’lum qilindi. Bundan tashqari, hisobot davomida 46 ta majburiy mehnat holati aniqlangani, 42 nafar mansabdor javobgarlikka tortilgani aytildi.
Senatorlar Konstitutsiyaga o‘zgartish kiritish to‘g‘risidagi qonunni ma’qulladi
Senat 11-yalpi majlisda “O‘zbekiston Respublikasining Konstitutsiyasiga o‘zgartishlar kiritish to‘g‘risida"gi qonunni ma’qulladi. Unga ko‘ra, 14 ta hududda umumyurisdiksiya sudlari tashkil etilmoqda. Qolaversa, tuman va shaharlarda ma’muriy sudlar tugatilib, hududlar markazlarida tumanlararo ma’muriy sudlar tashkil etilmoqda.
Konstitutsiyaga o‘zgartishlar kiritish to‘g‘risidagi qonun Senat saytida e’lon qilindi
Senati sud hokimiyati faoliyati oid Konstitutsiyaga o‘zgartishlar to‘g‘risidagi qonunni o‘z saytida e’lon qildi. Ushbu qonun matni Qonunchilik palatasi tomonidan ma’qullangan bo‘lsa-da, jamoatchilik muhokamasi uchun taqdim etilmagan edi.
Senat tuhmat uchun qamoq jazosini bekor qilishga oid qonunni ma’qulladi
Senat tuhmat va haqorat uchun ozodlikdan mahrum qilish jazosini bekor qiluvchi qonunni ma’qulladi. Shu bilan birga, yolg‘on ma’lumot tarqatganlik uchun jazo choralarini qo‘llash belgilanmoqda.
Senat nikohlanuvchi yoshlarni tibbiy ko‘rikdan o‘tkazish masalasi bo‘yicha hukumatga so‘rov yubormoqchi
Senat navbatdagi yalpi majlisda nikohlanuvchi yoshlarni tibbiy ko‘rikdan o‘tkazish masalasi bo‘yicha hukumatga so‘rov yubormoqchi. Vazirlar Mahkamasining bu boradagi qarori qabul qilinganiga 17 yil to‘ldi. Senat raisi dispanserlar haqida, — «Hisobda turmasa, kasalmas deb yozib beradi», — degan edi. Tizimni monitoring qiluvchi yagona tashkilotni belgilash taklif etilmoqda.
20 noyabr kuni Oliy Majlis Senatining yalpi majlisi bo‘lib o‘tadi
Oliy Majlisi Senatining to‘qqizinchi yalpi majlisi 20 noyabr kuni chaqiriladi. Yalpi majlisda genom bo‘yicha davlat ro‘yxatiga olish, ayrim qonun hujjatlariga o‘zgartish kiritish va boshqa qonunlar ko‘rib chiqiladi.
Yomon yo‘llar sababli 20 oy davomida 191 kishi halok bo‘lgan — Senat
Ta’mirtalab yo‘llar sabab yuzaga kelgan YTHlarda 191 kishi halok bo‘ldi, deya ma’lum qildi Senat. Bunday hodisalarning oldini olish bo‘yicha dastur ishlab chiqish rejalashtirilmoqda.
Senatning sakkizinchi yalpi majlisi 21 oktyabr kuni bo‘lib o‘tadi
Senat 21 oktyabr kuni bo‘lib o‘tadigan sakkizinchi yalpi majlisda qimmatbaho metallar va qimmatbaho toshlar to‘g‘risidagi qonunlarni, Ma’muriy kodeksga va ayrim qonun hujjatlariga o‘zgartish kiritish to‘g‘risida va boshqa qonun hujjatlarini ko‘rib chiqadi
Shuhrat G‘aniyev Senat a’zoligidan chiqarildi
Markaziy saylov komissiyasi qaroriga binoan Shuhrat G‘aniyev senatorlar ro‘yxatidan chiqarildi. Bunga uning oldinroq bosh vazir o‘rinbosari etib tayinlangani sabab bo‘ldi.
Bir qator hududlarning chegaralari o‘zgartirildi
Toshkent shahri tarkibida Yangihayot, Namangan shahri tarkibida Davlatobod tumanlarini tashkil etish to‘g‘risidagi Oliy Majlis Senati qarorlari tasdiqlandi.
Sug‘urta polisi yonida bo‘lmagan haydovchilarning transport vositalarini ushlab turish tartibi bekor qilinadi
Senat Ma’muriy javobgarlik to‘g‘risidagi Kodeksining 291-moddasiga kiritilayotgan o‘zgartishni ma’qulladi. Unga ko‘ra, qonun kuchga kirgach, transport vositalari egalarining fuqarolik javobgarligini majburiy sug‘urta qilish bo‘yicha sug‘urta polisi yonida bo‘lmagan haydovchilar transport vositalarini boshqarganda ularning avtotransport vositalarini ushlab turish tartibi bekor qilinadi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting