«ukraina» tegli maqolalar
Yevropa Ittifoqi Ukrainaga 50 mlrd yevrolik yordam paketi berishga kelishib oldi
Yevropa Ittifoqining barcha 27 davlati Ukrainaga 50 mlrd yevro miqdoridagi yordam paketini berishga rozi bo‘ldi. “Biz nima xavf ostida turganini bilamiz”, — dedi Yevrokengash rahbari Sharl Mishel. Avvalroq Vengriya bosh vaziri Viktor Orban paketga qarshi chiqqan edi, biroq YeI u bilan murosaga erisha oldi.
Belgorodda asirlarni olib ketayotgan Il-76 harbiy samolyoti qulab tushdi. Asosiy ma’lumotlar
Belgorod viloyatida Rossiyaning Il-76 harbiy samolyoti qulab tushdi. Uning bortidagi 74 kishi, xususan, almashish uchun olib ketilayotgan 65 nafar ukrainalik harbiy halok bo‘lgani aytilmoqda. Rossiya holatni terakt deb atadi va bunda Ukrainani ayblamoqda. Zelenskiy esa xalqaro tergov o‘tkazishni talab qildi.
Yevroittifoq Ukraina uchun 20 mlrd yevrodan ortiq yangi harbiy yordam fondi yaratishni reja qilmoqda
Yevropa Ittifoqi Ukrainaga harbiy yordam bo‘yicha yangi rejani ko‘rib chiqadi. Buning uchun maxsus fond tashkil etilishi, unga Yevropa tinchlik fondidan 6,5 mlrd yevro ajratilishi, 2024−2027-yillarda esa yiliga 5 mlrd yevrodan o‘tkazib borilishi rejalashtirilmoqda.
Ukraina va Britaniya xavfsizlik bitimini imzoladi
Buyuk Britaniya G7 davlatlaridan birinchi bo‘lib Ukraina bilan xavfsizlik bo‘yicha bitim tuzdi. Britaniyaning ushbu hujjatda keltirilgan majburiyatlari Ukraina NATOga qo‘shilguncha o‘z kuchida qoladi, dedi Ukraina prezidenti.
Ukraina Rossiyaning Belgorod shahriga zarba berdi. Asosiy ma’lumotlar
Rossiyaning Belgorod shahri markazi Ukraina tomonidan o‘qqa tutildi, 20 dan ortiq odam halok bo‘ldi, 100 dan ortiq kishi jarohatlandi. Ukraina OAV buni bir kun avval Rossiyaning Ukraina shaharlariga bergan yirik raketa zarbasiga javob deya izohladi. BMT har ikki tomonga qilingan hujumlarni qoraladi.
Ukraina va Moldovani Yevroittifoqqa qabul qilish bo‘yicha muzokaralar boshlanadi
Yevropa yetakchilari Ukraina va Moldova bilan Yevropa Ittifoqiga a’zolik bo‘yicha muzokaralarni boshlashga qaror qildi. Gruziya Yevropa Ittifoqiga kirish uchun nomzod davlat maqomini oldi. Ittifoqqa Ukraina qo‘shilishiga avval qarshi chiqqan Vengriya bu qarorga to‘sqinlik qilmadi.
Ukraina O‘zbekistonning “Foton” kompaniyasiga qarshi sanksiyalar kiritdi
Ukraina hukumati O‘zbekistonning “Foton” elektronika zavodi va uning direktoriga qarshi sanksiyalar joriy etdi. Oldinroq korxonaning davlat ulushi sotuvga qo‘yilgandi.
YIning sanksiyalar bo‘yicha maxsus vakili 29−30-noyabr kunlari O‘zbekistonda bo‘ladi
Yevropa Ittifoqining sanksiyalar bo‘yicha maxsus vakili Devid O’Sallivan 29−30-noyabr kunlari O‘zbekistonga tashrif buyuradi. Bu uning so‘nggi yetti oy ichida Toshkentga qilgan ikkinchi tashrifi sanaladi.
Ukraina O‘zbekistonning ikki kompaniyasi va ikki fuqarosiga qarshi sanksiyalar qo‘lladi
Ukraina O‘zbekistonning “Ohangaronsement” zavodi va uning egasi Akkermann Cement CA kompaniyasini, shuningdek, Alisher Usmonovning jiyani Nasiba Narziyeva va uning turmush o‘rtog‘i Shohrux Nosirxo‘jayevlarni sanksiyalar ro‘yxatiga kiritdi.
Yevropa Ittifoqi Ukraina uchun xavfsizlik kafolatlari konsepsiyasini tayyorladi
Yevropa Ittifoqi Ukraina uchun harbiy yordam, dezinformatsiyaga qarshi kurashni kuchaytirish, yadro xavfsizligini ta’minlash, ittifoqqa qo‘shilish uchun zarur islohotlarni amalga oshirishda yordam va boshqalarni nazarda tutuvchi xavfsizlik kafolatlari konsepsiyasini tayyorladi.
Rossiya bilan urushda 70 ming Ukraina askari halok bo‘ldi — The Economist
AQSh hisob-kitoblariga ko‘ra, Rossiya bilan urushda 70 ming Ukraina askari halok bo‘lgan, yana 120 ming nafari yaralangan. The Economist maqolasida Ukrainada ishsizlik urushdan oldingi darajadan yuqoriligicha qolayotgani, qurilish, tog‘-kon sanoatida ko‘proq xotin-qizlarning mehnatga kirib kelayotgani qayd etilgan.
Yevrokomissiya Ukraina va Moldova bilan YeIga kirish muzokaralarini boshlashni tavsiya qildi
Yevropa Komissiyasi Yevropa Ittifoqi kengashiga Gruziyaga YeI a’zoligiga nomzod maqomini berishni, shuningdek, Ukraina va Moldova bilan ittifoqqa kirish bo‘yicha muzokaralarni boshlashni tavsiya qildi.
Sud Toshkent viloyatida yashovchi fuqaroni yollanma faoliyati uchun qamoq jazosiga hukm qildi
Yuqori Chirchiq sudi Toshkent viloyatida yashovchi fuqaroni yollanma faoliyati uchun besh yilga ozodlikdan mahrum qildi. OAV, tergovga ko‘ra, mahkum 2014−2015-yillarda Ukrainada o‘zini o‘zi mustaqil deb e’lon qilgan DXR tomonida jang qilgani haqida xabar berdi.
Barcha davlatlar boshqalar ularga hujum qila olmasligidan manfaatdor — Samanta Pauer
AQSh “Ikki xalq uchun ikki davlat” rejasiga muvofiq Yaqin Sharqda tinchlikka erishish tarafdori, dedi Samarqandga kelgan USAID rahbari Samanta Pauer. U, shuningdek, AQShning Ukraina suvereniteti va hududiy yaxlitligi poymol etilishini qoralash bo‘yicha chaqiriqlaridan ajablanmaslik kerakligini ta’kidladi.
WSJ: Ukraina ilk bor ATACMS raketalaridan Rossiya pozitsiyalariga zarba berdi
Ukraina harbiylari ilk bor AQSh tomonidan taqdim etilgan ATACMS raketalarini Rossiya qo‘shinlari pozitsiyalariga qarshi qo‘lladi, deb yozmoqda Wall Street Journal. Raketalarning kichik partiyasi yaqinda yashirincha Ukrainaga yetkazilgan edi.
Yevroparlament O‘zbekistonni Rossiyaning Ukrainaga bostirib kirishini qoralashga chaqirdi
Yevroparlament O‘zbekiston Rossiyaning Ukrainaga nisbatan harbiy harakatini qoralamaganidan afsusda ekanini bildirdi va rasmiylarni shunga chaqirdi. Yevropa Ittifoqi organi, shuningdek, “Rossiya davlat kompaniyalari va O‘zbekiston gaz sektoridan foyda ko‘ruvchi insayderlarga berilgan imtiyozlardan” afsusda.
Ukrainaning Xarkov viloyatidagi qishloq o‘qqa tutilishi oqibatida qariyb 50 kishi halok bo‘ldi
Ukrainaning Xarkov viloyati Kupyanskiy tumanidagi do‘kon va kafega raketa zarbasi berilishi natijasida 50 ga yaqin odam, jumladan, bir bola halok bo‘ldi, yana yetti kishi jarohatlangan.
Rossiyaning Qora dengiz floti shtab-kvartirasi raketa zarbasiga uchradi
Rossiya Qora dengiz flotining bosib olingan Sevastopoldagi shtab-kvartirasi raketa hujumiga uchradi. Binoning tomi va yuqori qavati vayron bo‘lgan. Rossiya Mudofaa vazirligi hujumda Ukrainani aybladi. Ukraina harbiylari esa ushbu ma’lumotni tasdiqladi.
Bayden va Zelenskiy uchrashuvi: AQSh Ukrainaga 325 mln dollarlik yangi harbiy yordam paketini e’lon qildi
AQSh prezidenti Jo Bayden Oq uyda Ukraina rahbari Vladimir Zelenskiy bilan uchrashdi. Shundan keyin Qo‘shma Shtatlar yetakchisi Ukrainaga 325 mln dollarlik yangi harbiy yordam paketi ajratilishini e’lon qildi. Bayden buni “butun dunyodagi mustaqillik va hududiy yaxlitlik uchun kiritilgan sarmoya” deb atadi.
Ukrainadagi Konstantinovka bozori o‘qqa tutilishi oqibatida 16 kishi halok bo‘ldi
Ukrainaning Donetsk viloyati Konstantinovka shahridagi bozor artilleriya yordamida o‘qqa tutilishi oqibatida 16 kishi, jumladan bir bola halok bo‘ldi.
Eng ko‘p o‘qilgan xabarlar | So‘nggi yangiliklar
- Jurnalist Ruxsora G‘ofurova ishi sudga oshirildi (1)
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- O‘zbekiston xalq artisti Nafisa To‘xtayeva vafot etdi
- Nima uchun banklar nomingizdagi kartalar haqida SMS jo‘natmoqda?
- O‘zbekistonda haydovchilar uchun jarima ballari to‘g‘risidagi qonun imzolandi. Asosiy ma’lumotlar
Qo‘shimcha imkoniyatlardan foydalanish uchun saytda ro‘yxatdan o‘ting