Архив
Ўзбекистон Россияга COVID-вакцинация сертификатларини ўзаро тан олиш тўғрисидаги ҳужжатни юборади
Ўзбекистонда бошқа давлатлар билан эмлаш сертификатларини ўзаро тан олиш бўйича намунавий ҳужжат тайёрланмоқда. Ноябрь ойи ўрталарида у кўриб чиқиш учун Россияга юборилади.
Гўшт, балиқ, картошка маҳсулотлари ҚҚСдан озод қилинади
Президент қарори билан 10 октябрдан 31 декабргача бўлган даврда гўшт (мол, қўй, товуқ), картошка ҳамда музлатилган балиқни реализация қилиш бўйича айланма ва Ўзбекистонга олиб кириш қўшилган қиймат солиғидан озод қилинади.
Президентнинг расмий белгилари қабул қилинди
Президент фаолиятининг асосий кафолатлари тўғрисидаги қонунга давлат раҳбарининг расмий белгилари тўғрисидаги моддалар киритилди. Энди президентнинг ўз белгиси ва штандарти бўлади.
Ишлаб чиқарувчилар томонидан сотиладиган газга акциз солиғи солинмайди
Президент қарори билан 1 октябрдан юридик шахслар томонидан Ўзбекистонга импорт қилинган табиий газни реализация қилишда акциз солиғининг ноль фоизлик ставкаси белгиланди. 2022 йил 1 январдан ишлаб чиқарувчи корхоналар томонидан сотиладиган суюлтирилган газга акциз солиғи солинмайди.
«Сайлов кучли рақобат руҳида кечди» — «Адолат» номзоди Баҳром Абдуҳалимов
«Адолат» СДП президентлик сайлови «янги Ўзбекистонга хос мутлақо янги сиёсий-ҳуқуқий муҳитда ўтказилганини» маълум қилди. «Ушбу президентлик сайлови илк бор Сайлов кодекси асосида ташкил этилгани билан ҳам аҳамиятлидир. У тенглик, очиқлик ва ошкоралик, кўппартиявийлик, муқобиллик, кучли рақобат руҳида кечди», — дейилади хабарда.
2020 йилда Ўзбекистонда атмосферага 920 минг тоннадан ортиқ ифлослантирувчи моддалар чиқарилган
Ўтган йили Ўзбекистонда атмосферага чиқарилган ифлослантирувчи моддалар миқдори 924,4 минг тоннани ташкил этди. Энг юқори улуш Тошкент ва Қашқадарё вилоятларига тўғри келган.
«Яхши хабар тез тарқалади» — Шерзодхон Қудратхўжа сайлов натижаси эълон қилинишдан аввал келган табриклар ҳақида
Шерзодхон Қудратхўжа президент сайловларининг дастлабки натижаларини эълон қилишдан аввал билдирилган табриклар МСКни ҳам ҳайрон қолдирганини таъкидлади. «Яхши хабар тез тарқалади. Шунинг учун ҳайратланмаса ҳам бўлади, менимча», — дейди у.
Илмий даражага эга музей ходимлари маоши оширилди
Илмий даражага эга давлат музейлари, музей-қўриқхоналари, уй музейлари ходимлари маоши оширилди. Фан докторлари ва ёки хорижий давлатларнинг илмий даражаларга эга бўлганлар маоши 2,5 коэффициентга, фан номзоди илмий даражасига ёки фалсафа доктори бўлганларники эса 2 коэффициентга оширилди.
АҚШ Давлат департаменти Ўзбекистондаги президент сайловлари бўйича баёнот берди
АҚШ Давлат департаменти Ўзбекистонда бўлиб ўтган президентлик сайловлари якунлари бўйича эълон қилган баёнотида «АҚШ Ўзбекистон халқини ўз сайлов ҳуқуқидан фойдаланишда қўллаб-қувватлаши» ва «ҳукумат билан келгусида ҳамкорлик қилиш тарафдори» эканини маълум қилди.
Кобулда аҳолини буғдой эвазига иш билан таъминлаш дастури ишга туширилди — ОАВ
«Толибон» ҳукумати Кобул тепаликларида ариқлар қазишга аҳолини жалб қилиб, иш ҳақи сифатида буғдой тарқатишини маълум қилди. Дастур доирасида 40 мингдан ортиқ одам иш билан таъминланади ва келгуси икки ой ичида мазкур ташаббус бошқа вилоятларда ҳам жорий қилиниши режалаштирилган.
Тошкент аэропортида биринчи расмий споттинг бўлиб ўтди (фото)
Тошкент аэропортида 15 нафар авиация ишқибозлари иштирокида биринчи расмий авиаспоттинг бўлиб ўтди. «Кўплаб ҳолатлар таъсирида аэропорт журналистлар, блогерлар ва споттерлар учун ёпиқ эди», — деди Uzbekistan Airports раҳбари Раъно Жўраева. Тадбир қандай ўтди ва споттерлар қандай фотосуратларни қўлга киритди — «Газета.uz» мақоласида.
«Янги Ўзбекистонни ҳаммамиз биргаликда қурамиз» — Шавкат Мирзиёев
Шавкат Мирзиёев сайловдаги рақиблари билдирган таклифлар албатта инобатга олинишини маълум қилди. «Биз кеча рақобат қилган бўлсак, энди бир мушт бўлиб ҳаракат қилишимиз керак», — деди у. Аҳоли томонидан билдирилган таклиф ва танқидларни «ҳаётимиз ўзгаргани, демократик ислоҳотлар натижаси» деб атади. Шавкат Мирзиёев ғалабасини нишонлаш маросимидан фотосуратлар.
25 октябрь куни Ўзбекистонда содир бўлган энг муҳим хабарлар дайжести
Шавкат Мирзиёев 80,1 фоиз овоз билан президентликка қайта сайланиши, ЕХҲТ ва Европа парламентининг ҳамкорликдаги миссияси «кўплаб жиддий қонунбузарликлар» кузатилганини қайд этиши, дунё давлатлари раҳбарларининг Шавкат Мирзиёевга йўллаган табриги — «Газета.uz»нинг 25 октябрдаги энг муҳим хабарлари дайжестида.
Нарзулла Обломуродов партиядошларини «тарихий ғалаба» билан табриклади
Президентликка номзод Нарзулла Обломуродов Экопартиянинг давлат раҳбари сайловида илк бор иштирок этишини «тарихий ғалаба» деб атади. У Шавкат Мирзиёевни ғалабаси билан табриклаб, «Партия сайланган президентнинг барча ғоя ва ташаббусларини қўллаб-қувватлашини» айтди.
Алишер Қодиров Шавкат Мирзиёевни сайловдаги ғалабаси билан табриклади
«Миллий тикланиш»дан номзод Алишер Қодиров Шавкат Мирзиёевни президентлик сайловида ғолиб бўлгани билан табриклади. У «халқнинг фаровонлиги йўлида қўлни-қўлга бериб, биргаликда фаолият кўрсатиш лозимлигини» таъкидлади.
«„Янги Ўзбекистон Стратегияси“ халқимиз қалбидан чуқур ўрин эгаллади» — Ворисова Мирзиёевни ғалаба билан табриклади
ХДПдан номзод Мақсуда Ворисова Шавкат Мирзиёевни президентлик сайловида ғолиб бўлгани билан табриклади. У «сайлов натижаларини тўла-тўкис тан олишини» айтди. «Шавкат Мирзиёев томонидан ишлаб чиқилиб, эълон қилинган „Янги Ўзбекистон Стратегияси“ халқимизнинг қалбидан чуқур ўрин эгаллади», — дея қўшимча қилди Мақсуда Ворисова.
Шавкат Мирзиёев дунё давлатлари раҳбарларидан табриклар қабул қилмоқда
Туркия, Туркманистон, Қирғизистон, Тожикистон давлат раҳбарлари Шавкат Мирзиёевни сайловда ғалаба қозониб, қайтадан Ўзбекистон президентлигига сайлангани билан муборакбод этмоқда.
«Менга ишонч билдирганингиз учун таъзим қиламан» — Шавкат Мирзиёев
Президентликка қайта сайланган Шавкат Мирзиёев унга овоз берган сайловчиларга миннатдорчилик билдирди. «Халқимизнинг 80 фоиздан кўпи сайловда иштирок этгани, уларнинг янги Ўзбекистондаги эртанги кунига бефарқ эмаслигидан далолат», — дея таъкидлади давлат раҳбари.
«Cамарали ислоҳотларга қарамай, сайловларга ҳақиқий рақобат муҳити етишмади» — ЕХҲТ ва ПА миссияси
ЕХҲТ ва Европа парламентининг ҳамкорликдаги миссияси «кўплаб жиддий қонунбузарликлар» кузатилганини қайд этди: кўплаб сайловчилар тегишли тартиблар қўлланилмаган тарзда сайловчилар рўйхатига қўшилган, ҳужжатларсиз сайлов бюллетенлари топширилган, бошқалар номидан овоз бериш ҳолатларига йўл қўйилган. Бир қатор сайлов участкаларида кузатувчилар бир нечта бюллетенлар ташланган вазиятларга ҳам гувоҳ бўлишган.
«Рақобатбардош, эркин, очиқ ва ошкора» — МДҲ, ШҲТ ва ИҲТ Ўзбекистон президенти сайловлари ҳақида
Ўзбекистонда ўтказилган президентлик сайловларида кузатувчи сифатида иштирок этган Мустақил Давлатлар Ҳамдўстлиги, Шанхай ҳамкорлик ташкилоти, Иқтисодий ҳамкорлик ташкилотининг вакиллари сайловлар «юқори сиёсий, ҳуқуқий ва ташкилий даражада ўтганини» таъкидлади. Улар шунингдек, мазкур сайловлар «рақобатбардош, эркин, очиқ ва ошкора бўлганини, демократик сайловларнинг умумий эътироф этилган тамойилларига тўла жавоб берганини» қайд этишди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг