Архив
БМТда Гигиена ва санитария жамғармаси ташкил этилди
БМТ тизимида Гигиена ва санитария жамғармаси ташкил этилди. Сўнгги беш йил ичида одамларни сув, ҳожатхоналар ва гигиена воситаларини таъминлаш учун жамғармага 2 млрд доллар миқдорида маблағ ажратилиши кутилмоқда.
«Обқочишга мажбурмиз энди, нима қиламиз» — мактабгача таълим вазири ўринбосари
Олий Мажлис Қонунчилик палатасининг навбатдаги мажлисида депутатлар саволига жавоб бериб бўлгач, микрофонини ўчиришни эсдан чиқарган мактабгача таълим вазири ўринбосари Мақсуд Юлдашев: «Обқочишга мажбурмиз энди, нима қиламиз», — деди. Вазирлик расмий муносабат билдирди.
Бир ойда 10 трлн сўм солиқ тушади, ортиқча тўланган 126 млрд сўм, бу — нормал рақам — ДСҚ раиси
Қонунчилик палатаси депутатлари 9 ойда ортиқча тўланган 126 млрд сўм солиқни қайтариш масаласи билан қизиқишди. «Бир ойда 10 трлн солиқ тушумлари тушади, ортиқча тўланган 126 млрд сўм бу нормал рақам», — деди ДСҚ раиси Шерзод Қудбиев. У, шунингдек, ортиқча тўланган солиқ тадбиркорлик субъекти мурожаати ёки судни қарори билан қайтарилишини маълум қилди.
«Волонтёрлар фаолиятини бир кўриб чиқишимиз керак» — Жаҳонгир Ортиқхўжаев
Тошкент ҳокими Жаҳонгир Ортиқхўжаев волонтёрлар томонидан товар ва пул олиш, кимгадир нималардир олиб бориш ҳолатлари кўпайиб бораётганидан шубҳага тушаётганини таъкидлади. «Ҳаммаси сумка-сумка нарса олиб бориб ташаш билан овора. Буни бир кўриб чиқишимиз керак», — деди у.
Қашқадарёда битирувчилари ОТМга кирмаган мактаб директорлари бўшатилди
Халқ таълими вазири Шерзод Шерматов Қашқадарё вилоятида бирорта ҳам битирувчиси ОТМга кира олмаган 20 та мактаб директорини ўз лавозимидан четлатди. Юқори натижаларга эришган мактаб директорлари эса рағбатлантирилди.
9 ойда табиий газни қазиб олиш 19,6 фоизга, газ канденсати эса 34,7 фоизга камайган
Олий Мажлис Қонунчилик палатасининг навбатдаги мажлисида 9 ойда табиий газни қазиб олиш 19,6 фоизга, газ канденсати эса 34,7 фоизга тушгани, бу дунё бозоридаги талаб камайиши туфайли кузатилгани айтилди. Депутат Мақсуда Ворисова, — «Ички бозорда талаб кундан-кунга ошиб бораяпти, тадбиркорларни ҳам қиш олдидан газ тармоғидан узишга мажбур бўлаяпмиз, бунга қандай изоҳ берасизлар», — дея савол берди. Энергетика вазири ўринбосари қўшма корхоналар экспортни тўхтатгани ва ишлаб чиқариш шунинг ҳисобига қисқарганини маълум қилди.
Олтин-валюта захиралари камайишда давом этмоқда
Ўзбекистоннинг расмий захира активлари кетма-кет учинчи ой камайишда давом этмоқда ва умумий 33,3 млрд долларни ташкил этмоқда.
Электрон кундалик учун пуллик обуна 30 ноябрдан бошланади
30 ноябрдан электрон кундалик учун тўловни амалга ошириш мумкин. Обуна нархи қоғоз кундаликнинг ўртача нархи каби — 9 200 сўм этиб белгиланди. У орқали ота-оналар бир йил давомида боланинг мактаб ҳаётини кузатиш имконига эга бўлади. Ўқитувчилар электрон журналдан бепул фойдалана олади.
Туркияда карантин чоралари кучайтирилмоқда
Туркияда карантин чоралари кучайтирилмоқда. Савдо марказлари, бозорлар ва сартарошхоналар иш вақтига чекловлар қўйилди. Бар ва ресторанлар фақат олиб кетиш хизмати орқали ишлайди. Кинотеатрлар йил охиригача ёпилади, мактаб ўқувчилари масофавий таълимга ўтади. Дам олиш кунлари кўчага соат 20:00 дан 10:00 гача чиқиш тақиқланади.
Uzauto Motors 2020 йилда 582,6 млрд сўм йиғимни бюджетга тўламаган — Ҳисоб палатаси
Uzauto Motors компанияси 2020 йилнинг январь-сентябрь ойлари давомида давлат бюджетига 582,6 млрд сўм йиғимни тўламаган. 2019 йил 1 октябрдан бошлаб жорий қилинган ушбу йиғим автомашиналар нархига киритилган, натижада ушбу йиғим харидорлар ҳисобидан ундирилади.
Андижонда 65 ёшли эркак вояга етмаган қизни зўрлашда айбланмоқда
Андижон вилоятининг Пахтаобод туманида вояга етмаган қиз (ногирон, 2004 йилда туғилган) 65 ёшли қўшниси томонидан жинсий зўравонликка учради. Ҳуқуқни муҳофаза қилиш органларининг маълумотларига кўра, эркак 2018 йилдан бери қиз билан жинсий алоқада бўлган.
Ўзбекистондаги 26 та кўприк аянчли ҳолатга келиб қолган
«Ўзйўлинспекция» Ўзбекистондаги 26 та аянчли ҳолатга келиб қолгани, уларни сақлашга масъул бўлган корхоналар ҳам зарур чора-тадбирларни амалга оширмаганини маълум қилди. Айрим кўприкларга яқин ўзанларда карьерлар фаолияти ҳануз тугатилмаган.
Суд ҳужжатларини ижро этиш тизими такомиллаштирилади
Ижро иши юритишни тўхтатиб туриш тўғрисида қарор қабул қилиш ваколати судлардан давлат ижрочисига ўтказилмоқда. Шунингдек, ССП ва Бизнес-омбудсманга тадбиркорларнинг қарзлари юзасидан ижрони кечиктириш ёки бўлиб-бўлиб ижро этиш тўғрисида мурожаат қилиш ҳуқуқи берилмоқда.
Президент COVID-19 шифохоналарини оптимизация қилиш бўйича топшириқ берди
Давлат раҳбари бугун ўтказилган видеоселектор йиғилишда мутасаддиларга коронавирусга ихтисослашган шифохоналарни оптимизация қилиш бўйича топшириқ берди. Шунингдек, президент матбуот хизмати COVID-19 шифохоналарида 6570 нафар бемор даволанаётганини қайд этди. ССВ эса 17 ноябрь ҳолатига мамлакатда 2123 нафар коронавирус бемори борлигини маълум қилган.
ССВ коронавирус бўйича расмий статистикадаги фарқларга изоҳ берди
Соғлиқни сақлаш вазирлиги коронавирусга ихтисослашган шифохоналардаги беморлар сони ва даволанаётган коронавирус беморлари кўрсаткичлардаги фарқларга изоҳ берди. Унга кўра, расмий статистикага фақатгина махсус лаборатор текширувларда коронавирус тасдиқланганлар киритилади. Шифохоналар статистикасида эса касаллик белгилари мавжуд ёки пневмония бўлганлар, лекин инфекция тасдиқланмаган беморлар ҳам киритилган бўлади.
Жаҳон янгиликлари дайжести
Франсиско Сагастининг вақтинчалик Перу президенти этиб сайланиши, Дания ҳукумати парранда гриппи сабабли 25 минг жўжани йўқ қилиш қарорига келгани, Россия биринчи сайёҳлар гуруҳини ХКСга юбориши ва бошқа янгиликлар — «Газета.uz»нинг жаҳон янгиликлари дайжестида.
Ўзбекистон янги еврооблигациялар чиқарилишини эълон қилди
Ўзбекистон ташқи бозорда 10 йиллик еврооблигацияларни жойлаштириш режаларини эълон қилди. Облигациялар қиймати ҳозирча маълум қилинмади.
2021 йилнинг июнига қадар Ўзбекистонда аҳолининг 60 фоизи коронавирусдан эмланади
Ўзбекистонда коронавирусга қарши вакциналарнининг сотуви йўлга қўйилади ва уларни харид қилиш бўйича музокаралар олиб борилмоқда. 2021 йил июнигача аҳолининг 60 фоизи эмланиши режалаштирилган.
«Сўх воқеалари» бўйича навбатдаги суд мажлиси бўлиб ўтди
«Сўх воқеалари» бўйича 22 нафар шахсга нисбатан навбатдаги суд мажлиси бўлиб ўтди. Давлат айбловчиси Сўх воқеаларида бир қанча автомашина ва яшаш хонадонларига моддий зарар етганини айтди. Айбланувчиларнинг бир қисми айбига иқрор бўлмаган, айримлари эса қисман иқрорлигини маълум қилган.
Энди яшаш жойида рўйхатдан ўтганлар ҳақида маълумотномани электрон олиш мумкин
«Доимий яшаш жойида рўйхатдан ўтиб яшовчилар сони тўғрисида маълумотнома»ни [17 форма] электрон тарзда, бир неча дақиқалар ичида олиш имконияти яратилди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг