Архив
Ўзбекистон халқ артисти, режиссёр Баҳодир Йўлдошев вафот этди
Ўзбекистон халқ артисти, таниқли режиссёр Баҳодир Йўлдошев 76 ёшида вафот этди. У нуфузли тадбирлар, шу жумладан, президент иштирок этган байрам шодиёналари, Мустақиллик куни ва Наврўз байрамига бағишлаб ўтказилган концертлар, «Шарқ тароналари», Мирзо Улуғбекнинг 600 йиллиги ва Амир Темурнинг 660 йиллиги муносабати билан ўтказилган тантаналарда бош режиссёр сифатида фаолият кўрсатган.
Masdar Сурхондарёда фотоэлектр станциясини қуриш учун энг жозибадор тарифни таклиф қилди
Амирликнинг Masdar Сурхондарёда қуриладиган фотоэлектр станция қурилиши бўйича ўтказилган тендерда энг жозибадор тарифни билдирди. Тендер ғолиби бўладиган инвестор шунингдек, 200 кВ бўлган янги подстанция ҳамда 52 км узунликдаги электр ўтказувчи линияни қуриши лозим бўлади.
Бадбўй ҳид туфайли бешта чарм саноат корхонаси Тошкент ташқарисига кўчирилади
Ҳукумат қарори лойиҳаси билан Сергели туманида ёқимсиз ҳид тарқалишига сабабчи бўлган корхоналарнинг локал тозалаш иншоотларида реконструкция қилиш ҳамда бешта чарм саноат корхонасини Тошкентдан ташқарига кўчириш режалаштирилмоқда. Аввалроқ, туманнинг Бўзсув каналига турли корхона ва ташкилотлар томонидан оқова сувлар ва чиқиндилар оқизилаётгани хабар қилинган эди.
Ўзбекистон Доминика билан дипломатик алоқаларни йўлга қўйди
Доминика Ўзбекистон дипломатик муносабатлар ўрнатган 137-мамлакат бўлди. Нью-Йоркда икки мамлакат вакиллари қўшма баёнотга имзо чекди.
Тошкент ҳокими бўш турган бинолар эгаларига пеня жорий этиш таклифини билдирди
Тошкентда ўтказиладиган тажриба доирасида бўш турган биноларнинг эгаларига пеня жорий этиш режалаштирилмоқда. Гап олти ой мобайнида мол-мулкдан фойдаланилмаган ёки ижарага берилмаган тақдирда пеня ҳисоблаш ҳақида кетмоқда. Пойтахт ҳокими Жаҳонгир Ортиқхўжаев тадбиркорлар кредит олганидан кўра, ижарага бино олиб, ўз фаолиятларини бошлагани маъқул деб ҳисоблайди.
«Ҳеч кимнинг бунга аралашишига ҳаққи йўқ». ИИВ «соқол» тадбири бўйича хабарни инкор этди
ИИВ матбуот котиби Шоҳрух Ғиёсов ички ишлар органлари «соқол» тадбирини ўтказаётгани ҳақидаги хабарларни рад этди. Интернетда ИИО ходимларига соқол қўйган фуқароларни аниқлаш ва уларни соқол олишдан олдин ва кейин суратга олиш бўйича кўрсатмалар айтилган аудиоёзув тарқалди.
Республика онкология маркази учун янги бино қурилади
Президент Шавкат Мирзиёев Жанубий Корея тажрибаси асосида Тошкент тиббиёт академияси клиникасининг бўш турган ҳудудида Республика онкология марказининг янги биноларини барпо этиш бўйича топшириқ берди. Ҳар бир ҳудудга мобиль маммографлар ва позитрон-эмиссион томографлар етказиб берилиши қайд этилди. Саратон касалликларини эрта аниқлайдиган лабораториялар ташкил этилиб, махсус онкомаркерлар текширувлари йўлга қўйилади.
Футболдаги коррупция ҳақида гапирган «Турон» мураббийи лавозимини тарк этди
Футболдаги коррупция ҳақидаги сўзлари билан танилган «Турон» футбол клуби бош мураббийи Ислом Исмоилов «Қизилқум» билан ўйиндаги мағлубиятдан сўнг истеъфога чиқди. Унинг даврида жамоа илк бор Суперлигага чиқди, бироқ саккиз тур якунлари бўйича «Турон» чемпионатда охирги ўринни эгаллаб турибди.
Нукус ва Нориндаги автоҳалокатларда саккиз киши вафот этди
Нукусда учта автомобиль тўқнуви натижасида олти киши, Норин туманида учта машина иштирокидаги ЙТҲда икки киши қурбон бўлди, ҳар икки аварияда беш киши жиддий тан жароҳатлари олди.
«Кўнгилларингиз бўлинмасин. Бир ўзларингиз эмассизлар». Президент Тошкентдаги гематология марказига ташриф буюрди
Президент Шавкат Мирзиёев Республика ихтисослаштирилган гематология илмий-амалий тиббиёт марказига ташриф буюриб, даволанаётган болалар ва уларнинг оналари билан суҳбатлашди. Шифохона учун янги бино барпо этиш, унда Россиянинг Д.Рогачёв номидаги тиббий тадқиқот маркази тажрибаси асосида болалар онкогемотологияси маркази ташкил қилиш бўйича кўрсатмалар берилди. «Кўнгилларингиз бўлинмасин. Бир ўзларингиз эмассизлар.Ҳаммамиз ҳамдардмиз», — деди у.
Ўзбекистон президенти Тожикистон бош вазирини қабул қилди
Ўзбекистон президенти Шавкат Мирзиёев Қўшма Ҳукуматлараро комиссия йиғилишида иштирок этиш учун амалий ташриф билан келган Тожикистон бош вазири Қоҳир Расулзодани қабул қилди.
Болалар устидан пул сочган ургутликка маъмурий баённома расмийлаштирилди
Ургут туманида болалар устига пул сочган фуқаро билан профилактик суҳбат ўтказилди. Унга нисбатан карантин қоидаларини бузганлик учун маъмурий баённома расмийлаштирилди.
Фото, видео: Ўзбекистонда Ҳайит намозининг ўқилиши
Рамазон ҳайити намози муносабати билан Ўзбекистон масжидларда 2,5 млндан ортиқ киши, шу жумладан Тошкент шаҳрида — қарийб 500 минг киши тўпланди. «Газета.uz» пойтахтдаги Минор масжидидан фоторепортаж тайёрлади.
Ўзбекистон ва Қирғизистон президентлари чегарадаги сўнгги воқеаларни муҳокама қилди
Шавкат Мирзиёев ва Садир Жапаров Рамазон ҳайити муносабати билан бир-бирларини муборакбод этди ва қирғиз-тожик чегарасидаги сўнгги воқеалар, қолаверса, қирғиз-ўзбек давлат чегарасидаги қолган участкаларни ҳуқуқий рўйхатга олиш масалаларини муҳокама қилишди.
Қашқадарёдаги аварияда етти киши вафот этди. Улар орасида бир ва тўрт ёшли болалар бор
Қашқадарё вилоятида «ВАЗ 21−01» ва Nexia автомашина тўқнашуви оқибатида етти киши вафот этди. Улардан икки нафари бир ва тўрт ёшли бола бўлган. ЙТҲга ҳайдовчиларнинг юқори тезликда ҳаракатланиши билан бирга йўлларнинг носозлиги сабаб бўлгани айтилмоқда. Ҳолат бўйича вилоят ҳокими Зоир Мирзаев йиғилиш ўтказди. «Барчага бу ҳолат ибрат бўлсин. Йўл эркаликни кўтармайди», — деди у.
Чигитнинг биржа нархлари тушиши ортидан пахта ёғи ҳам арзонлашди
Техник чигит нархининг 31,2 фоизга арзонлашуви пахта ёғининг биржадаги нархларига ҳам ижобий таъсир кўрсатди. Бунга Монополияга қарши курашиш қўмитаси биржада техник чигит нархини сунъий равишда оширганлик аломати билан 24 та пахта кластерига қарши иш қўзғатгани ҳам сабаб бўлди.
Жаҳон янгиликлари дайжести
Aвстрия канцлери ва Буюк Британия бош вазирига қарши терговлар, Германияда кейинги ҳафтадан бошлаб эмлаш паспортининг жорий этилаётгани, Фаластин-Исроил можароси бўйича сўнгги хабарлар ва бошқа янгиликлар — «Газета.uz»нинг жаҳон янгиликлари дайжестида.
Президент Рамазон ҳайити арафасида 100 нафар маҳкумни афв этди
Чоршанба куни президент қилмишига чин кўнгилдан пушаймон бўлган ва тузалиш йўлига қатъий ўтган 100 нафар фуқарони афв этишга оид фармонни қабул қилди. Улар орасида чет эл фуқаролари, 60 ёшдан ошган эркаклар, аёллар ҳамда тақиқланган ташкилотлар фаолиятида қатнашган шахслар бор.
Сурхондарё вилояти ҳокимига янги ўринбосар тайинланди
Касаба уюшмалари федерацияси тасарруфидаги корхона директори Алишер Хидиров Сурхондарё вилояти ҳокими ўринбосари этиб тайинланди.
Ўзбекистон ва Туркия етакчилари бир-бирларини Рамазон ҳайити билан табриклади
Чоршанба куни телефон орқали мулоқотда президентлар Шавкат Мирзиёев ва Режеп Таййип Эрдоған бир-бирларини Рамазон ҳайити билан табриклашди. Қолаверса, улар Шарқий Қуддусдаги вазиятнинг кескин тус олиши муносабати билан чуқур хавотирда эканлигини билдирди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг