Коронавирус
Шавкат Мирзиёев коронавирусга қарши вакцина олган
Президент Шавкат Мирзиёев коронавирусга қарши тўлиқ эмланган, дея таъкидлади президент матбуот котиби Шерзод Асадов. Аммо у давлат раҳбари қайси вакцина билан эмланмаганини айтмади.
1 август куни Ўзбекистонда 863 кишида коронавирус аниқланди
Кеча кун давомида Ўзбекистонда 863 кишида коронавирус инфекция қайд этилди. 6 нафар COVID-19 бемори вафот этди. Шунингдек, якшанба куни 498 кишида пневмония қайд этилди, 3 нафар пневмония бемори вафот этди.
31 июль куни Ўзбекистонда 889 кишида коронавирус аниқланди
Кеча кун давомида Ўзбекистонда 889 кишида коронавирус инфекция қайд этилди. 6 нафар COVID-19 бемори вафот этди. Шунингдек, шанба куни 512 кишида пневмония қайд этилди, 3 нафар пневмония бемори вафот этди.
Иш берувчи эмлашдан бош тортганни ишдан четлаштириши мумкин, ишдан бўшатиши эмас — адлия вазири
«Агарда фуқаро вакцина олишни рад қиладиган бўлса, ҳеч ким унинг қўл-оёғини боғлаб, тиббий муассасага олиб бориб вакцина қилмайди», — деди адлия вазири Русланбек Давлетов. Унинг таъкидлашича, фуқаро рад қилса, ҳуқуқий оқибатлари бўйича масъулиятни ўз зиммасига олиши керак бўлади. У иш берувчи эса эмланишни хоҳламаган ходимини маълум муддат ишдан четлаштириш ва ўша давр учун иш ҳақи тўламаслиги мумкинлигини айтиб ўтди.
Сенат мажбурий профилактик эмлашлар тўғрисидаги ўзгартишни маъқуллади
Сенаторлар аҳолининг айрим тоифаларини мажбурий профилактик эмлашни қонунийлаштириш ҳамда иш берувчига профилактик эмлашдан ўтишни рад этган (қарши кўрсатма мавжуд бўлмаганда) ишчини ишга қўймаслик ҳуқуқини беришни кўзда тутган ўзгартишни маъқулладилар.
Яна антирекорд: 30 июль куни Ўзбекистонда 924 кишида коронавирус аниқланди
30 июль куни Ўзбекистонда пандемия бошидан бери энг кўп кунлик коронавирус ҳолатлари аниқланди: 924 нафар кишида ушбу инфекция қайд этилган. 8 нафар COVID-19 бемори вафот этди. Шунингдек, жума куни 559 кишида пневмония қайд этилди, 4 нафар пневмония бемори вафот этди.
Исроил Pfizer`нинг учинчи дозаси билан оммавий эмлашни бошлади
Исроилда 60 ёшдан ошганларни COVID-19`га қарши Pfizer вакцинасининг учинчи дозаси билан эмлаш ишлари бошланди. Бунинг учун фуқаролар камида беш ой олдин икки дозали курсни тамомлаган бўлиши керак. Ҳозирча Исроил ревакцинацияни бошлаган биринчи мамлакат ҳисобланади.
Навбатдаги антирекорд: коронавирус бўйича кунлик ҳолатлар 900 га яқинлашди
Кеча Ўзбекистонда 897 нафар кишида коронавирус инфекцияси қайд этилди. 546 нафар кишида пневмония аниқланиб, 7 нафар бемор вафот этди.
Тошкентга 3 млн доза Moderna вакцинаси олиб келинди
Ўзбекистонга COVAX механизми доирасида АҚШдан 3 миллион доза Moderna вакцинаси олиб келинди. Ушбу вакцина бутун мамлакат бўйлаб 18 ёшдан ошган фуқароларни эмлашда қўлланилади. Кузда AstraZeneca ва Pfizer вакциналарини етказиб бериш режалаштирилган.
1 ноябрга қадар аҳолининг 70 фоизини эмлаш режалаштирилмоқда
1 ноябргача Ўзбекистон аҳолисининг 70 фоизини коронавирусга қарши эмлаш режалаштирилмоқда. Ҳозирга қадар республика бўйлаб 5,4% аҳоли инфекцияга қарши тўлиқ эмланган. Энг юқори кўрсаткичлар Наманган, Андижон, Жиззах ва Фарғона вилоятларида қайд этилган.
Ўзбекистонга 1,2 млн доза Pfizer вакцинаси олиб келинади
Ўзбекистонга коронавирусга қарши яна 17,9 млн доза вакцина олиб келиниши режалаштирилмоқда. Улар орасида Pfizer/Bio N Tech вакцинасининг 1,2 млн дозаси олиб келиниши ҳам кўзда тутилган.
Ўзбекистонда «Спутник V» вакцинасини ишлаб чиқариш қачондан бошланади?
Jurabek Laboratories томонидан «Спутник V» вакцинасининг биринчи намунаси ишлаб чиқилиб, Гамалея институтига текшириш учун юборилган. Ижобий жавоб олингач ва Россиядан хом-ашё келтирилгач, Ўзбекистонда «Спутник V» вакцинасини қуйиш август ўрталарида бошланиши мумкин. Jurabek Laboratories ишлаб чиқариш директорининг маълум қилишича, компания биринчи босқичда 2 млн доза «Спутник V» ва 10 млн доза хитой-ўзбек вакциналарини ишлаб чиқаришни режалаштирган.
Вакцина дозалари орасида 3 ойдан кўп вақт ўтса, қайта эмланиш кераклиги айтилди
Коронавирусга қарши вакцинанинг биринчи дозаси олингандан сўнг, иккинчисини олгунга қадар 12 ҳафта (3 ой)дан ортиқ вақт ўтса, фуқаро ревакцинация қилинади, дея маълум қилди СЭС бошлиғи ўринбосари Ботир Қурбонов.
Омбдусман мажбурий эмлаш ортидан инсон ҳуқуқларига путур етиш ёки етмаслигига оид саволларга жавоб берди
17 июлда Ўзбекистон Бош давлат санитария врачи қарори билан 14 тоифадаги фуқаролар коронавирусга қарши мажбурий эмланиши шарт этиб белгиланди. Орадан 11 кун ўтиб, қуйи палата депутатлари мажбурий эмлашни қонунийлаштиришга оид қонун лойиҳасини маъқуллаб, Сенатга юборди. «Газета.uz» сўровига биноан омбудсман Феруза Эшматова мажбурий эмлаш ва уни қонунийлаштириш жараёни, бу борада халқаро норма ва тажриба, фақат бир вакцина мавжудлиги туфайли аҳолининг танлов ҳуқуқи бузилиши каби саволларга жавоб берди.
Яна антирекорд: бир кунда 879 кишида коронавирус аниқланди
Кеча Ўзбекистонда 879 нафар кишида коронавирус инфекцияси қайд этилди. 529 нафар кишида пневмония аниқланиб, 6 нафар бемор вафот этди.
«Вакцина олганлар шифохонадан 4 кунда чиқяпти, эмланмаганларга жуда оғир бўляпти» — Шавкат Мирзиёев
Шавкат Мирзиёев олимларнинг тадқиқотига асосланиб коронавирус билан кураш ҳали яна камида 10 йил давом этишини маълум қилди. Унинг сўзларига кўра, шу сабабдан «Спутник V» ва хитой-ўзбек вакциналарини Ўзбекистонда ишлаб чиқариш бўйича муҳокамалар бормоқда. Президент фуқароларни коронавирусга қарши эмланишга чақирди. «Вакцина олганларга шифохонадан 4 кунда чиқяпти, эмланмаганларга эса жуда оғир бўляпти», — деди у.
Ўзбекистонда 5 июлдан бери пневмониядан 60 киши вафот этди
Ўзбекистонда 5 июлдан бери 8723 нафар беморларда пневмония аниқланган бўлиб, уларнинг 2770 нафари соғайиб чиққан. Шу кунгача беморларнинг 60 нафари вафот этди. Вилоятлар кесимида энг юқори кўрсаткич Тошкент шаҳри (3240), Тошкент (1288) ва Жиззах вилоятида (998) қайд этилган.
1 сентябрдан Россияга ташриф буюрувчи ўзбекистонликлар махсус мобил иловадан фойдаланиши керак бўлади
Ўзбекистон коронавирус пандемияси шароитида фуқароларнинг эркин ҳаракатланиши учун яратилган «Путешествую без COVID-19» («COVID-19`сиз саёҳат қиламан») иловасига қўшилди. 1 сентябрдан бошлаб иловадан фойдаланиш Россияга ташриф буюраётган ўзбекистонликлар учун мажбурий бўлади. Иловада таҳлил натижаларини кўриш учун белгиланган лабораторияларда ПЗР-тестини топшириш керак бўлади.
Яна антирекорд: бир кунда 843 кишида коронавирус аниқланди
Кеча Ўзбекистонда 843 нафар кишида коронавирус инфекцияси қайд этилди. 556 нафар кишида пневмония аниқланиб, 8 нафар бемор вафот этди.
Вакцинадан бош тортганлар ишдан четлатилиши мумкин
Қонунчилик палатаси депутатлари маъқуллаган қонун лойиҳасига кўра, эндиликда аҳолининг айрим қатламларини коронавирусга қарши мажбурий эмлаш ҳамда вакцина олмаган ходимни ишдан четлатиш мумкин бўлади. Қуйи палата вакиллари оммавий эмлаш коронавируснинг янги тўлқинларининг олдини олишга ёрдам беришига ишонмоқда. Қонун лойиҳаси Сенат томонидан кўриб чиқилади.
Қўшимча имкониятлардан фойдаланиш учун сайтда рўйхатдан ўтинг