Иқтисодиёт
Президент Hyundai Rotem (Жанубий Корея) тезюрар поездларини харид қилиш лойиҳасининг ТИА параметрларини тасдиқлади
Президент Жанубий Кореядан олтита тезюрар Hyundai Rotem электропоездини харид қилиш лойиҳасининг техник-иқтисодий параметрларини тасдиқлади. Кореянинг Эксимбанки 40 йил муддатга 185,18 млн евро миқдорида анча қулайроқ кредит ажратади. Лойиҳанинг ўзини оқлаш муддати 25 йилга баҳоланмоқда.
Қирққа яқин тадбиркор орден ва медаллар билан тақдирланди
Президент Тадбиркорлар куни муносабати билан соҳа вакилларидан бир гуруҳини, жумладан, 37 кишини мукофотлаш тўғрисида фармон имзолади. Уларга «Меҳнат шуҳрати», «Дўстлик» орденлари ва «Келажак бунёдкори» ҳамда «Шуҳрат» медаллари берилди (рўйхат).
Президент 100 дан ортиқ ишбилармонни «Фаол тадбиркор» кўкрак нишони билан тақдирлади
Шавкат Мирзиёев Тадбиркорлар куни олдидан 104 нафар ишбилармонни «Фаол тадбиркор» кўкрак нишони билан тақдирлаш бўйича фармойиш чиқарди (рўйхат).
Тошкент вилоятида пойтахт оқова сув тизими учун янги тозалаш иншооти қурилади
Тошкент вилоятида кунига 1 млн куб метр оқова сувни тозалаш қувватига эга иншоот қурилади. Бу орқали 100 мингдан ортиқ аҳоли ва 100 дан ортиқ корхона марказлашган оқова сув хизматидан фойдаланади. Лойиҳа БАА, Франция ва Япония компаниялари консорциуми томонидан амалга оширилади.
Америка компанияси Ўзбекистон учун олтита Pilatus PC-12 самолётини қайта тиклайди
АҚШнинг Sierra Nevada Corporation компанияси Ўзбекистон учун олтита Pilatus PC-12 самолётини таъмирлаш бўйича шартнома имзолади. Лойиҳа қиймати 64,2 миллион долларни ташкил этади. Ишларни 2027 йил августида якунлаш режалаштирилган.
Аҳолига суюлтирилган газни хусусий сектор ёрдамида етказиб бериш таклиф этилмоқда
Ўзбекистон аҳолисига суюлтирилган газ етказиб бериш учун хусусий секторни жалб этиш режалаштирилмоқда. Президент бу масалани ўрганиб, таклифлар киритишни топширди. Бугунги кунда аҳолининг қарийб 47 фоизи суюлтирилган газ олади.
Ўзбекистонда кузда иш ҳақи, пенсиялар ва нафақалар миқдори оширилади
Ўзбекистонда 1 сентябрдан бошлаб пенсиялар ва нафақалар 15 фоизга оширилади. 1 октябрдан эса бюджет ташкилотлари ходимларининг маоши 10 фоизга, ўқитувчилар ва тиббиёт ходимларининг маоши эса 15 фоизга кўтарилади.
Қуёш панели ўрнатилганда солиқ имтиёзларини қўллашга чеклов олиб ташланди
Президент Солиқ қўмитасига қуёш панелларини ўрнатишда ер ва мол-мулк солиғи имтиёзларидан тўлиқ фойдаланиш бўйича чекловни олиб ташлаш топшириғини берди. Ҳозирда имтиёз фақат майдоннинг қайта тикланувчи энергия манбалари ускуналари ўрнатилган қисмига тегишли.
Енгил автомобилларнинг ойлик савдоси 18,6 фоизга ошди, лекин йиллик савдо ҳажми пасайишда давом этмоқда
Июль ойидаги ўсишга қарамай, Ўзбекистонда автомобиль савдоси йиллик кўрсаткичларда, айниқса, хорижий енгил автомобиллар сегментида (-46,5 фоиз) пасайишда давом этмоқда. Иккиламчи бозорда тузилган шартномалар сони ошди, аммо умумий тенденция савдо ҳажмининг камайганини кўрсатмоқда.
Ҳайратон — Найбобод — Мозори Шариф темирйўл линиясини таъмирлаш ишлари якунланди
Афғонистонда Найбобод темирйўл станцияси очилди, у ва унинг Ҳайратон — Найбобод — Мозори Шариф линияси «Ўзбекистон темир йўллари» компанияси томонидан қайта тикланди. Очилиш маросимида станцияга биринчи юк вагонлари етиб келди.
Тошкентда ўртача таъмирланган хонадонлар учун ижара нархлари пасайишда давом этмоқда — МҲТИ
Макроиқтисодий ва ҳудудий тадқиқотлар институти таҳлилига кўра, июль ойида Тошкент шаҳрида ўртача таъмирланган хонадонлар учун ижара нархлари 0,7 фоизга пасайган. Тўлиқ таъмирланган хонадонлар учун ўртача 0,3 фоизга ошган.
Мирзиёев ва Тоқаев Транскаспий йўлаги ва Трансафғон темирйўлини муҳокама қилди
Мирзиёев ва Тоқаев юк ташишни оширишга шароитлар яратиш, автомобиль ва темирйўллар қуриш ҳамда модернизация қилишни жадаллаштиришни муҳокама қилди. Транскаспий йўлаги ва «Шимол-Жануб» коридоридан самарали фойдаланиш ва чегарада янги ўтказиш пунктларини очиш масалаларини кўриб чиқди.
Ўзбекистон ва Қозоғистон чегарасида саноат кооперацияси маркази ташкил этилмоқда
Сирдарё туманида Ўзбекистон ва Қозоғистон ишлаб чиқариш корхоналари ўртасида саноат кооперациясини амалга ошириш учун эркин иқтисодий зона форматида «Марказий Осиё» халқаро маркази ташкил этилмоқда.
Ўзбекистоннинг олтин-валюта захиралари 37,4 млрд долларга етди
Июлда Ўзбекистоннинг олтин-валюта захиралари олтин жамғарилиши ва қимматлашиши фонида 1,06 млрд долларга — рекорд даражадаги 37,4 млрд долларгача ошди. Қимматбаҳо металлнинг физик ҳажми яна 9,6 тоннага, қиймати эса 1,8 млрд долларга кўтарилди.
Рақобат қўмитаси Tok Bor компаниясини устун мавқега эга деб топди
Электромобиль ва гибрид автомобилларни қувватлаш хизматларини кўрсатувчи Tok Bor компанияси Рақобат қўмитаси томонидан устун мавқега эга деб топилди. Унинг бозордаги улуши 40 фоиздан ортиқни ташкил қилмоқда.
Тошкент аэропортида учиб кетаётганлар учун кутиш ҳудуди кенгайтирилди
Тошкент халқаро аэропорти учиш залининг «стерил» ҳудуди 2000 квадрат метрга кенгайтирилди. Бу умумий зални B5-B6-B7 чиқиш йўлаклари билан улаш имконини беради. Ушбу ҳудудда Hardee’s, Pizza Hut, La Croissanterie ва Pinkberry брендлари мавжуд фудкорт очилади.
«ЖСТ тор доирадаги манфаатдор гуруҳларнинг савдо сиёсатига таъсирини заифлаштириш учун ташкил этилган» — Беҳзод Ҳошимов
Иқтисодчи Беҳзод Ҳошимов «Газета.uz»га берган интервьюсида Жаҳон савдо ташкилоти Ўзбекистонга ўзини ўзидан ҳимоя қилиш учун кераклигини таъкидлади. Унга кўра, ташкилотга аъзолик давлат энг катта ишлаб чиқарувчи бўлган шароитда ҳукуматнинг маҳаллий корхоналар босимига қарши ҳимоя қобиғи каби ишлайди.
Ўзбекистон давлат бюджети дефицити 36,4 трлн сўмга етди
Жорий йилнинг етти ойида Ўзбекистон давлат бюджети дефицити 36,4 трлн сўмни (тахминан $2,88 млрд) ташкил этди. Июлда дефицитнинг ўсиш суръати пасайиб, 2,5 трлн сўмни кўрсатди. Собиқ депутат Дониёр Ғаниев июнь ўрталарида нега биринчи яримйилликда харажатлар даромаддан ошиб кетганини тушунтирганди.
Автокредит бериш икки баравар қисқарди, микроқарзга талаб кескин ошди
Ўзбекистонда биринчи яримйилликда автокредитлар бериш ҳажми икки баробардан кўпроққа — 18,5 трлн сўмдан 8,9 трлн сўмга, шунингдек, унинг кредитлаш умумий ҳажмидаги улуши 40,2% дан 19,7% га қисқарди. Бунинг фонида микроқарз ва микрокредит бериш 1,5 баробар ошди. Ипотека кредитлаш секинлаша бошлади.
Урганч аэропорти УҚЙ реконструкциясидан сўнг биринчи рейсни қабул қилди (фото)
Урганч аэропорти учиш-қўниш йўлагининг капитал таъмиридан сўнг биринчи самолётни қабул қилди. Тошкентдан учиб келган Uzbekistan Airways лайнери ҳаво аркаси билан кутиб олинди, йўловчиларга Хоразм нонлари узатилди. Фото.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг