Иқтисодиёт
Ўзбекистонда қалбаки маркировкали маҳсулотлар савдоси учун жиноий жавобгарлик жорий этиш режа қилинмоқда
Ўзбекистонда контрафакт ёки қалбаки маркировкаланган маҳсулотларни сотганлик учун жиноий жавобгарлик, шунингдек, маркировка қоидаларини бузганлик учун жарима жазосини жорий этиш режа қилинмоқда. Белгиланган товарларнинг улгуржи савдоси нақд пулсиз шаклда амалга оширилади.
Термиз давлат педагогика институтининг 2 млрд сўмлик тендери натижалари бекор қилинди
Рақобат қўмитаси танлов таклифларини баҳолаш мезонларининг нисбий қиймати ишлаб чиқилмагани учун Термиз давлат педагогика институтининг 2 млрд сўмлик тендери бекор қилинганини маълум қилди. Институтга нисбатан иш қўзғатилди.
Uzbekistan Airways’нинг фойдаси биринчи ярим йилликда 5,4 бараварга ошди
Uzbekistan Airways авиакомпаниясининг 2024 йилнинг биринчи ярмидаги соф фойдаси 269 млрд сўмни ташкил этди. Бу 2023 йилнинг шу даврига нисбатан 5,4 баробарга кўпдир.
Реновацияга тушган ҳудудлар аҳоли мурожаатлари асосида таклиф этилган — Тошкент ҳокимлиги
Тошкент ҳокимлигининг таъкидлашича, реновацияга тушган ҳудудлар маҳаллий аҳолининг мурожаатлари асосида таклиф этилган. Уй-жойларнинг таҳлили шаҳарсозлик меъёрларига жавоб бермаслигини тасдиқлади, дея қайд этди ҳокимлик. Лойиҳа ҳудудларни яхлит ривожлантиришни назарда тутади.
Президент Рақобатни ривожлантириш концепцияси билан танишди. Асосий маълумотлар
Президентга рақобатни ривожлантириш концепцияси тақдим этилди. Энергетика, аэропорт хизматлари ва бошқа соҳалардаги 17 турдаги давлат монополияларини тугатиш кутилмоқда. Рухсатномалар ва лицензиялар мажбурий суғуртага алмаштирилади, табиий монополиялар соҳасида мустақил регуляторлар пайдо бўлади.
Япония Марказий Осиё давлатларига Россияни четлаб, Европага йўл очиш учун молиявий ёрдам таклиф қилади — ОАВ
Япония бош вазири Фумио Кишида Марказий Осиё давлатларига Россияни четлаб ўтиб, минтақа ва Европани боғлайдиган янги савдо йўлини яратиш учун иқтисодий ёрдам таклиф қилади, деб хабар бермоқда Япония ОАВ. Аввалроқ АҚШда ҳам шунга ўхшаш режалар ҳақида гапирилган эди.
«Элита конституцияни халқ учун ёзиб, ўзи учун истисно қилса, у ишламайди» — Беҳзод Ҳошимов
Иқтисодчи Беҳзод Ҳошимов «Газета.uz»га берган интервьюсида нима учун матни деярли бир хил бўлган конституциялар турли мамлакатларда турлича ишлаши ҳақида фикр билдирди. «Агар элита халқ учун конституция ёзса ва ўзи учун истисно қилса, демак, бу ишламайди», — дея таъкидлади у.
Ўзбекистонда «яшил» станциялар ишлаб чиқарадиган электр энергияси улуши 25−30 фоизга етди — Энергетика вазирлиги
Ўзбекистонда 2024 йилда ишлаб чиқарилаётган электр энергиясининг 25−30 фоиз қисми «яшил» станциялар ҳиссасига тўғри келмоқда. 3 йилда ИЭСлар ишлаб чиқарган электр энергияси улуши 90 фоиздан 70 фоизгача тушди.
Урганч аэропорти модернизация қилиниб, бошқарувга ўтказилади
Урганч аэропортини модернизация қилиш — янги учиш-қўниш йўлаги, янги терминал ва бошқа объектларни қуриш ҳамда «Қуриш, фойдаланиш, топшириш» ((Build-Operate-Transfer — BOT) модели бўйича давлат-хусусий шериклик асосида бошқарувга ўтказиш режалаштирилмоқда.
Нима учун баъзида Сингапур «иқтисодий мўъжизаси» сабабларини хато тушунишади?
Иқтисодчи Беҳзод Ҳошимов «Газета.uz»га берган интервьюсида нима учун Сингапур «мўъжизаси» сабаблари хато талқин қилиниши ҳақида гапирди. Ли Куан Ю ва унинг партияси кўп ислоҳотлар қилган, аммо китобини ўқисангиз, ўша иқтисодий ривожланиш бош вазирнинг столида яратилгандек туйилиши мумкин, дейди у.
Метан нархи кескин ошишига сабаб йўқ — Рақобат қўмитаси
Метан нархлари эркинлаштирилаётгани фонида Рақобат қўмитаси АГТКШлардаги нархларни мониторинг қилди. Унга кўра, нарх чеклови бекор қилинган бўлса-да, уларнинг 71 фоизи 3750 сўм нархни сақлаб қолган, 25 фоизи эса 200 сўмгача оширган. Нархлар кескин ошишига сабаб бўлувчи омиллар йўқ, деб ёзди қўмита.
Июнда Ўзбекистон олтин харид қилиш бўйича дунёда етакчилардан бирига айланди
Июнь ойи якунига кўра, Ўзбекистон Марказий банки Ҳиндистон билан биргаликда дунёда олтиннинг асосий икки харидоридан бирига айланди.
ССП раҳбари электромобиллар импортига бож жорий этилишини «100 фоиз» қўллаб-қувватлади. Иқтисодчилар бунга қарши
Савдо-саноат палатаси раҳбари Даврон Ваҳобов электромобиллар импортига бож жорий этиш таклифини қўллаб-қувватлади. Унинг айтишича, автомобиль саноатини қўллаб-қувватлаш малакали кадрлар шаклланишини таъминлайди. Иқтисодчилар эса бошқа мамлакатлар йўл қўйган хатоларни такрорламасликка чақирди.
«Метан нархини бозор белгилайди» — бош вазир матбуот котиби
Бош вазир Абдулла Арипов йиғилишда метан нархини давлат томонидан тартибга солиш бекор қилинишини маълум қилди. Унинг матбуот котибига кўра, президент топшириғига билан, нон ва ғалла нархларини эркинлаштиришда бўлгани каби, бу соҳада ҳам нархларни рақобат асосида барқарорлаштириш чоралари кўрилади.
Июль ойида дефляция 0,3% бўлди. Ўзбекистонда озиқ-овқат ва бошқа товарлар нархи қандай ўзгарди?
Июлда Ўзбекистонда сабзавот ва мевалар ҳамда деярли барча асосий озиқ-овқат маҳсулотлари (гўшт, сариёғ ва гуручдан ташқари) нархларининг мавсумий пасайиши фонида 0,28 фоизли дефляция қайд этилди. Йиллик инфляция 10,47% гача секинлашди. Дори-дармон, поезд ва самолёт чипталари, пропан нархи ошди.
Ўзбекистонда автомобиллар учун метан ва пропан нархи ошди
Ўзбекистонда енгил автомобиллар учун метаннинг 1 августгача белгиланган 3750 сўм миқдоридаги чакана нарх чеклови тўхтатилди. Энди ёнилғи қуйиш шохобчалари нархни ўзлари белгилайди, у ўртача 200−500 сўмга кўтарилди. Пропан нархи кескин ошиб, икки ой ичида 44 фоизга юқорилади.
«Ўзбекистонда YouTube секинлашмаяпти» — РТВ
Россияда YouTube видеоҳостинг хизматининг секинлашиши ушбу хизматнинг Ўзбекистондаги фаолиятига ҳеч қандай таъсир кўрсатмайди, деб хабар қилди Рақамли технологиялар вазирлиги.
Гугурт ишлаб чиқарувчи 5 та корхонанинг маҳсулотлари сифатсизлиги аниқланди
Ўзбекистондаги дўконларда сотилаётган бешта савдо белгисининг гугурт маҳсулотлари сифат стандарти талабларига номувофиқ экани аниқланди. Рақобат қўмитасининг ёзишича, уларнинг қутиларига меъёрдан кам гугурт чўпи солинади. Уларга нисбатан чора кўрилади.
ОТБ Ўзбекистонга 400 млн доллар қарз ажратди
Осиё тараққиёт банки Ўзбекистонга 400 млн доллар қарз ажратди. Пуллар мамлакат молия бозорларини мустаҳкамлаш ва барқарор бозорга йўналтирилган энергетика секторини ривожлантириш бўйича ташаббусларни қўллаб-қувватлашга йўналтирилади.
Доллар март ўрталаридан бери энг паст даражага тушди
АҚШ доллари ўзбек сўмига нисбатан пасайишда давом этмоқда, у 12 мартдан бошлаб ўзининг минимал қийматига — 12 541 сўмгача тушди. Ўзбекистонга пул ўтказмалари, инвестициялар ҳажмининг ўсиши ва бошқа омиллар фонида миллий валюта мустаҳкамланмоқда.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг