Иқтисодиёт
Антикоррупция агентлиги ССВнинг 435 млн сўмлик тендерида қонун талаблари бузилганини аниқлади
Коррупцияга қарши курашиш агентлиги Соғлиқни сақлаш вазирлигининг 435 млн сўмлик тендерида қонун талаблари бузилганини аниқлади. Аввалроқ «Газета.uz» мазкур тендер бир корхона таъсисчилари иштирокида ўтказилгани ҳақида ёзганди.
«Улар буни суиистеъмол қилишга ўтиб олди». Президент ерлар тўлиқ ўзлаштирилмагунча ҳокимларга саноат зоналарини кенгайтиришни тақиқлади
Президент ҳокимларга иқтисодий зоналардаги ерлар тўлиқ ўзлаштирилмагунича уларнинг майдонини кенгайтиришни ман қилди. Ўтган йили Наманган ва Бухоро вилоятлари ҳокимлари саноат зоналарида бўш ерлар кўп бўлишига қарамай, кенгайтирган. Аукциондаги савдоларда 59 фоизга яқин ер номинал қийматда сотилган.
Korean Air авиакомпанияси Сеул ва Тошкент ўртасидаги парвозларни тўхтатади
Жанубий Кореянинг Korean Air авиакомпанияси 1 мартдан Сеул — Тошкент — Сеул йўналиши бўйича рейсларни тўхтатади. Парвозлар 2008 йилда бошланганди. Компания ваколатхонасининг хабар беришича, бунга йўловчилар оқимининг камлиги сабаб бўлган.
Хитой Эксимбанки Тошкентда минтақавий офис очишни режалаштирмоқда
Шавкат Мирзиёев ва Хитой Экспорт-импорт банки раиси ўртасидаги учрашувда банкнинг Тошкент шаҳрида минтақавий офис очиш ва бошқа режалари кўриб чиқилди. Бу банк Ўзбекистонга қарз берган энг йирик кредиторлардан бири ҳисобланади.
Ўзбек-қирғиз автозаводининг ишга туширилиши яна ортга сурилмоқда
Ўзбек-қирғиз қўшма автомобиль заводини ишга тушириш яна ортга сурилди. Қирғизистон иқтисодиёт ва савдо вазирининг сўзларига кўра, бунга об-ҳаво шароити сабаб бўлмоқда. Ишга туширишнинг янги муддати 2024 йилнинг биринчи ярми бўлиши мумкин.
Ўзбекистон Хитойнинг CNPC корпорациясини ерости газ сақлаш сиғимларини барпо этишга жалб қилиши мумкин
Президент Хитойнинг CNPC нефть-газ корпорацияси раиси билан Ўзбекистонда ерости газ сақлаш сиғимларини барпо этиш ва газ етказиш тизимларини модернизация қилиш, замонавий бурғилаш технологияларини жорий қилиш каби масалаларни муҳокама қилди.
Ўзбекистон стратегик хомашёни қайта ишлаш лойиҳаларида ОИИБдан кўмак кутмоқда
Шавкат Мирзиёев Осиё инфратузилмавий инвестициялар банки раҳбари билан учрашувда стратегик хомашёни чуқур қайта ишлаш лойиҳалари ва ижтимоий аҳамиятга молик дастурларни молиялаштириш ҳажмини ошириш муҳимлигини қайд этди.
Тадбиркорларнинг барқарорлик рейтинги 1 февралдан жорий этилади
Қонунчиликка амал қилиб ишлаётган тадбиркорларни аниқлаш ва рағбатлантиришни назарда тутувчи Тадбиркорлик субъектларининг барқарорлик рейтинги 1 мартдан эмас, 1 февралдан жорий этилиши белгиланди. Тадбиркорлар рейтинг доирасида 4 та тоифага ажратилади ва шунга мос равишда рағбатлантирилади.
Марказий банк — меҳнат бозоридаги тенденциялар ҳақида
Меҳнат бозоридаги вазият барқарорлигича қолмоқда: ишсизлик даражаси 8,1 фоизгача пасайган, жорий йил кўрсаткич 7,5−8 фоизгача тушиши прогноз қилинмоқда. Меҳнат миграциясида географик диверсификация кузатилмоқда, Россиядан пул ўтказмалари улуши 87 фоиздан 78 фоизга камайди.
2023 йилда газ қазиб олиш 5 млрд куб метрга қисқарди, бензин ишлаб чиқариш ва кўмир қазиб олиш ошди
2023 йил охирида Ўзбекистонда газ қазиб олиш қарийб 5 млрд куб метрга камайди. Нефт ва газ конденсати ишлаб чиқариш ҳам қисқарди. Шу билан бирга, кўмир қазиб олиш 15,5 фоизга — 6,2 млн тоннагача кўпайди. Электр энергияси, бензин ва дизел ишлаб чиқариш ҳам ошди.
2023 йилда аҳоли жон бошига умумий даромадларнинг реал ўсиши секинлашиб, 102,4 фоиз бўлди
2023 йилда аҳоли жон бошига умумий даромадларнинг реал ўсиши 102,4 фоизни ташкил этди (2022 йилда 107,3 фоиз). Мамлакат бўйича жон бошига умумий даромадлар 20 млн сўмни ташкил этди, энг юқори кўрсаткич Тошкентда (44,4 млн сўм), энг қуйи кўрсаткич эса Қорақалпоғистонда (14,5 млн сўм) қайд этилди.
Ўзбекистон 2023 йилда нималар билан савдо қилди?
Ўзбекистоннинг товар айланмаси 2023 йилда 23,8 фоизга ошиб, 62,6 млрд долларни ташкил этди. Савдо тақчиллиги рекорд даража — 13,7 млрд долларга етди. Экспортнинг учдан бир қисмини рекорд даражада сотилган олтин ташкил этди. Озиқ-овқат, нефть ва газ импорти кескин ошди.
Ўзбекистон 2023 йилда Хитойга 563,53 млн долларлик табиий газ экспорт қилди
2023 йилнинг январь-декабрь ойларида Ўзбекистондан Хитойга 563,53 млн долларлик табиий газ экспорт қилинди. Бу — 2022 йилги кўрсаткич (1,07 млрд доллар)дан салкам икки баравар кам.
621 минг сўм — Ўзбекистонда камбағаллик чегараси янгиланди
Ўзбекистонда минимал истеъмол харажатлари миқдори 568 минг сўмдан 621 минг сўмгача оширилди. Кўрсаткич мамлакатда камбағаллик чегарасини аниқлаш учун ишлатилади.
Uzcard фаолиятида узилишлар кузатилмоқда
Мобил иловаларда Uzcard орқали тўловни амалга ошириб бўлмаяпти, картадаги маблағ қолдиғи эса нотўғри кўрсатилмоқда. Компания соат 10:00 га қадар давом этадиган техник ва профилактик ишлар олиб борилаётганини маълум қилди (дастлаб бу ишларни 3:30 гача, кейинчалик 9:00 гача якунлаш режалаштирилганди).
«Экспертиза вақтида маиший техникалар рўйхати бўлмаган». Адлия вазирлиги — маиший техникалар импортига қўйиладиган янги талаблар ҳақида
Адлия вазирлиги маиший техникалар ва бошқа жиҳозларни олиб киришда ишлаб чиқарувчининг дилери бўлиши шартлиги белгиланган президент қарори лойиҳаси экспертизадан ўтказилганда товарлар рўйхати бўлмаганини билдирди. Чекловга Рақобат қўмитаси ва «Ўзэлтехсаноат» ҳам муносабат билдирди.
Ўзбекистон ялпи ички маҳсулоти 2023 йилда 1,07 квадриллион сўмга етди
Ўзбекистон иқтисодиёти 2023 йилда 6 фоизга ўсиб, 1,07 квадриллион сўмни (90,8 миллиард долларга яқин) ташкил этди. Аҳоли жон бошига ялпи ички маҳсулот ҳажми 28,98 миллион сўмга (2468 доллар) ўсди, дея хабар бермоқда Статистика агентлиги.
Ўзбекистонда қишлоқ хўжалиги ерларини ижарага бериш ҳуқуқини бошқа шахсларга ўтказишга рухсат этилади
Ўзбекистонда қишлоқ хўжалиги ерлари ижарачилари ўз ҳуқуқ ва мажбуриятларини ер участкасидан фойдаланиш мақсадини ўзгартирмаган ҳолда бошқа шахсга ўтказиши мумкин бўлади.
Ўзбекистонда қишлоқ хўжалиги ерлари онлайн аукцион орқали ижарага берилади
Ўзбекистонда қишлоқ хўжалигига мўлжалланган ер участкалари энди онлайн аукцион орқали 30 йил муддатга ижарага берилади.
2023 йилда Тошкентда ўртача ижара нархи 10,2 фоизга пасайди — ИТИМ
Иқтисодий тадқиқотлар ва ислоҳотлар маркази 2023 йилда Ўзбекистон кўчмас мулк бозорида битимлар ҳажми ошгани, Тошкент шаҳрида уй-жой ижараси нархи 10,2 фоизга пасайгани, иккиламчи уй-жойлар нархи ўсиш тенденциясини сақлаб қолганини маълум қилди. Мамлакатда йил давомида 272,4 мингта уй-жой сотилган.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- «„Анҳор“ ва „Наврўз“ боғларини қайта қуриш режалаштирилмаяпти» — Қурилиш вазирлиги ва Golden House
Қўшимча имкониятлардан фойдаланиш учун сайтда рўйхатдан ўтинг