Иқтисодиёт
«Бизнесга лицензиясиз кириш». Ўзбекистонда тадбиркорлар учун махсус режим синовдан ўтказилади
Ўзбекистонда «Бизнесга лицензиясиз кириш» махсус режими бўйича ҳуқуқий эксперимент ўтказилади. Бу йил охиригача рентген ускуналаридан фойдаланиш ва ветеринария лаборатория-диагностика ишларини амалга ошириш билан боғлиқ фаолиятга тааллуқли бўлади.
Ўзбекистонда Қозоғистоннинг Евросиё банки шуъба корхонаси рўйхатдан ўтди
Ўзбекистонда Қозоғистоннинг Евросиё банки шуъба корхонаси рўйхатга олинди. Банк Ибрагимовлар оиласи, тадбиркорлар Александр Машкевич ва Фаттоҳ Шодиевлар бошчилигидаги «Евросиё молия компанияси» гуруҳи таркибига киради.
Ўзбекистонда электротехника жиҳозлари ишлаб чиқарувчиларнинг имтиёзлари 2027 йилгача узайтирилиши мумкин
Ўзбекистонда электротехника маҳсулотлари ишлаб чиқарувчиларга бериладиган имтиёзлар 2027 йилгача узайтирилиши мумкин. Уларга экспортда валюта курсини хедж қилиш хизматларидан фойдаланиш харажатларини қоплаб бериш ва хом ашёни импорт қилишда транспорт харажатларини компенсациялаш режа қилинмоқда.
Ўзбекистон импорт электротехникалар сертификатларини қайта текширади
Ўзбекистон ҳукумати 2021−2022 йилларда қўшни мамлакатдан импорт қилинган «шубҳали» электротехника маҳсулотларининг CT-1 сертификатларини қайта текширади.
Ўзбекистонга маиший техника олиб киришда антидемпинг божлари жорий этилиши мумкин
Ўзбекистон ҳукумати маиший техника импортига антидемпинг божи жорий этишни режалаштирмоқда. Унинг ҳажми тахминан 10 фоиз бўлиши кутилмоқда. Электротехника соҳасида фаолият юритувчи йирик корхоналар ва экспортчиларни «ваколатли иқтисодий операторлар» рўйхатига киритиш таклиф этилмоқда.
Қайта тикланадиган энергия манбаларини импорт қилишда божхона тўловларини кечиктириб тўлашга рухсат берилди
Ҳукумат қарори билан Ўзбекистонда қайта тикланувчи энергия манбалари ва уларнинг асбоб-ускуналари, хомашё, бутловчи ва эҳтиёт қисмларини импорт қилишда божхона тўловларини 120 кун муддатга фоизлар ундирилмаган ҳолда кечиктириб тўлашга рухсат берилиши белгиланди.
Кешбэк бўйича чеклов фуқароларнинг 98 фоизига таъсир ўтказмайди — Солиқ қўмитаси
Давлат солиқ қўмитасининг маълум қилишича, кешбэк лимити харидларни амалга оширувчи фуқароларнинг 98 фоизига таъсир қилмайди. Қўмита чекловлар баъзи одамлар бошқа одамларнинг чекларини ва бу орқали кешбэкларини ўзлаштираётгани сабаб жорий этилганини тасдиқлади.
«Капитал суғурта» жаримага тортилди ва фаолияти вақтинча тўхтатилди
«Капитал суғурта» қонунчиликда белгиланган меъёрларга риоя қилинмагани сабаб 162 млн сўм миқдорида жаримага тортилди. Шунингдек, суғурта фаолиятини амалга ошириш бўйича берилган лицензияси 11 январь санасидан бошлаб 10 кун муддатга тўхтатилди.
«Ўзсаноатқурилишматериаллари» — цемент ишлаб чиқариш учун солиқ ставкаси пасайтирилгани ҳақида
«Ўзсаноатқурилишматериаллари» уюшмаси цемент ишлаб чиқарувчи корхоналар учун оҳактош бўйича солиқ ставкаси қарийб 4 баравар камайтирилганига изоҳ бериб, бу чора маҳаллий заводларнинг рақобатбардошлигини оширишга қаратилганини яна бир бор таъкидлади.
Цемент ишлаб чиқарувчиларга имтиёзлар берилди. Бунинг атроф-муҳит ва инсон саломатлигига таъсири муҳокама қилиниши керак
Цемент ишлаб чиқарувчилар учун ер қаъридан фойдаланганлик солиғи миқдори режа қилингани каби 2 баравар эмас, 4 бараварга пасайтирилди. Қарор иқтисодий рағбатлантириш дея изоҳланди, аммо бу рағбатнинг атроф-муҳит ва инсон соғлиғига таъсири атрофлича муҳокама қилинмади. «Газета.uz» масалани ўрганди.
Бир фоизли кешбэк бериладиган ойлик харидлар суммасига чеклов киритилмоқда
Энди харидорлар бир ойда сотиб олган товарлар (хизматлар) қийматининг фақат БҲМнинг 60 бараваридан ошмаган қисми учун 1 фоизли кешбэк олиши мумкин бўлади. Бу айни вақтда ойига 204 минг сўмдан кўп кешбэк ололмасликни англатади. Олдин бу бўйича максимал сумма белгиланмаганди.
«Ижтимоий ҳимоя ягона реестри»га кирганлар сотиб олганда ҚҚС қайтариладиган товарлар рўйхати кенгайди
«Ижтимоий ҳимоя ягона реестри»га киритилган жисмоний шахсларнинг харидлари учун ҚҚС қайтариб бериладиган товарлар рўйхатига ун, шакар, дори воситалари ва тиббий хизматлар ҳам киритилди.
Шаҳрисабз ва Паркент туманларида дам олиш масканлари қурилади
Шаҳрисабз ва Паркент туманларида тоғ туризми учун дам олиш масканлари қурилиши режа қилинмоқда. Шунингдек, Қашқадарёдаги Майданак платосида енгил конструкцияли ҳостеллар қуриш, мавжуд биноларни савдо ва хизмат кўрсатиш учун қайта фойдаланишга топшириш, ҳудудни ободонлаштириш режалаштирилмоқда.
Президент бозорларни реконструкция қилиш лойиҳалари билан танишди
Президент тарихий шаҳарлардаги бозорларни сайёҳлар учун жозибадор масканларга айлантириш ҳамда Тошкент ва бошқа шаҳарлардаги янги бозорлар лойиҳалари билан танишди. 515 та бозорни «тартибга келтириш» учун алоҳида дастур ишлаб чиқилмоқда.
Ўзбекистоннинг иқтисодий ўсиши 2023 йилда 5,5 фоизни ташкил этди — Жаҳон банки
Жаҳон банки Ўзбекистоннинг 2023 йилдаги иқтисодий ўсишини 5,5 фоизга баҳолади. Жорий ва келгуси йилда ЯИМ ўсиши бир хил даражада сақланиб қолиши прогноз қилинмоқда. Умуман олганда, Европа ва Марказий Осиё минтақасида ўсиш тезлашди, аммо Россиянинг Украинага босқини ҳамон ўз таъсирини кўрсатмоқда.
Таққослаш: Ўзбекистонда ва дунёда Аи-95 бензинининг ўртача нархи
GlobalPetrolPrices портали маълумотларига кўра, Ўзбекистон Аи-95 бензини арзонлиги бўйича 51-ўринда туради. Шу билан бирга, мамлакатда ушбу маркадаги ёнилғи Туркманистон ва Қозоғистонникидан мос равишда 2,6 ва 2,1 баравар қимматроқ. Мамлакатда бу бензин нархи АҚШ ва Афғонистондаги нархдан ҳам юқори.
Ўзбекистонда тадбиркорлар учун 16 турдаги лицензия ва рухсатномалар бекор қилинади
Ўзбекистонда март ойидан бошлаб тадбиркорлик субъектлари учун 16 турдаги лицензия ва рухсатномалар бекор қилинади. Бу тадбиркорларга йилига қарийб 350 млрд сўм маблағни тежаш имконини беради.
Ўзбекистонда 2024 йилда 5 млн кишини иш билан таъминлаш режалаштирилмоқда
Ўзбекистонда йил бошида ишсизлар сони 1,3 млн кишини ташкил этган бўлса, бу йил яна 2,4 млн киши меҳнат бозорига киради. 2024 йилда 5 млн аҳоли иш билан таъминланиши кутилмоқда. Президент, шунингдек, тадбиркорлик субъектлари учун ягона ҳисоботлар тизимини жорий этиш бўйича ҳам топшириқ берди.
Ўзбекистон ва Қозоғистон савдодаги тўсиқларни бартараф этиш бўйича ишчи гуруҳ тузади
Ўзбекистон ва Қозоғистон ўзаро савдодаги тўсиқларни бартараф этиш бўйича қўшма ишчи гуруҳ тузади. UzKazTrade қўшма ташқи савдо компанияси орқали онлайн савдо майдончасини яратиш режалаштирилмоқда.
Ўзбекистоннинг олтин-валюта захиралари 2023 йилда 1,2 млрд долларга камайди
Декабрда Ўзбекистон халқаро захиралари кўпайди, бироқ 2023 йил бўйича мамлакатнинг «молиявий ёстиқчаси» 1,2 млрд долларга камайиб, 34,56 млрд долларни ташкил этди. Йиллик ҳисобда захиралар камайиши 2018 йилдан бери илк марта кузатилди. Олтиннинг физик ҳажми йил давомида деярли 25 тоннага камайди.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- ИТБ Ўзбекистонда таълим ва йўл инфратузилмасини яхшилаш учун салкам $300 млн ажратади (1)
Қўшимча имкониятлардан фойдаланиш учун сайтда рўйхатдан ўтинг