Иқтисодиёт
«Ўзбекэнерготаъмир» General Electric билан 60 млн долларлик шартнома имзолади
«Ўзбекэнерготаъмир» АЖ АҚШнинг General Electric Global Parts and Products GmbH корпорацияси билан 60 млн долларлик шартнома имзолади. Шартнома доирасида Ўзбекистондаги электростанцияларнинг энергоблоклари модернизация қилинади ва янги эҳтиёт қисмлари етказиб берилади.
Тошкентда илк «гармошка»ли электробус қатнай бошлайди
Хитойнинг King Long компанияси «Тошшаҳартрансхизмат»га 18 метрли электробусни топширди. Хабар қилинишича, у яқин кунларда йўналишлардан бирида ҳаракатлана бошлайди.
«Ўзбекистон темир йўллари» холдинг компаниясига айлантирилади
«Ўзбекистон темир йўллари» холдинг компаниясига айлантирилади. Президент аҳоли чипта сотишдаги коррупция, вагонлардаги шарт-шароитлар ва хизмат кўрсатишдан норозилиги ҳамда соҳага ислоҳотлар зарурлигини маълум қилди. Юк ташувчи темир йўл станцияларини шаҳарлардан ташқарига кўчириш таклиф этилмоқда.
ОТБ Ўзбекистон учун иқтисодий ўсиш прогнозини яхшилади, бироқ аҳоли даромадлари пасайганини қайд этди
Осиё тараққиёт банки Ўзбекистонда 2023 йилда иқтисодий ўсиш прогнозини 5 фоиздан 5,5 фоизга яхшилади. Банк иш ҳақи ва пенсиялар ошишига қарамай, аҳолининг реал даромадлари камайгани сабабли истеъмолнинг секинлашишига ишора қилмоқда. Инфляция кутилмалари эса МБ прогнозидан анча юқорилигича қолмоқда.
IndiGo Деҳлидан Тошкентга тўғридан-тўғри рейсларни йўлга қўйди
Ҳиндистоннинг IndiGo авиакомпанияси Деҳли-Тошкент-Деҳли йўналиши бўйича мунтазам қатновларни йўлга қўйди. Парвозлар ҳафтасига тўрт марта амалга оширилади.
Ўзбекистонда долларнинг расмий курси 12 200 сўмдан ошди
Ўзбекистон Марказий банки томонидан доллар курси ўзининг тарихий максимал қийматини янгилади ва 12 200 сўм чегарасидан ўтди. Йил бошидан буён миллий валюта 8,6 фоизга қадрсизланди.
Энергетика вазирлиги Ўзбекистондаги газ ва электр энергияси таннархини эълон қилди
Ўзбекистонда 1 кВт/соат электр энергияси таннархи 970 сўмни (2022 йил май ойидан +21,2% ошган), газнинг бир кубометри 1890 сўмни (+35%) ташкил қилмоқда, деб хабар қилди Энергетика вазирлиги. Куни кеча Энергетика вазири бир кВт/соат электр энергияси нархи 800 сўмдан ошганини айтганди.
Иқтисодчи Беҳзод Ҳошимов ва Ботир Қобилов президент Мирзиёев билан нималар ҳақида гаплашди?
Президент Шавкат Мирзиёев АҚШга сафари давомида у ердаги ўзбекистонликлар билан учрашганди. Учрашувда қатнашган иқтисодчи Беҳзод Ҳошимов ва Ботир Қобилов тадбир тафсилотларини маълум қилди. Давлат раҳбари уларни кузатиб боришини таъкидлаган ва уларни «очиқ гапиришга» чақирган.
Фарғона вилоятида электробуслар ишлаб чиқариш йўлга қўйилади
Фарғона вилояти Фурқат туманида Хитой компанияси билан йиллик қуввати 1000 дона бўлган электробуслар ишлаб чиқариш лойиҳаси амалга оширилади. Шунингдек, электромобилларни қувватлаш ускуналарини ва электробусларга аккумуляторлар ишлаб чиқариш лойиҳаларини амалга ошириш режалаштирилган.
Фарғона шаҳрига Кампиробод сув омборидан ичимлик суви тортилади
Бир қисми Ўзбекистонга ўтган Кампиробод сув омборидан Фарғона шаҳрига тоза ичимлик суви тортиб келинади. Бу бўйича келишувга Фарғона вилояти ҳокимининг Хитойга ташрифи давомида эришилди.
15 турдаги асбоб-ускуналар божхона божи ва ҚҚСдан озод этилди
Вазирлар Маҳкамаси қарори билан Ўзбекистонга импорт қилишда божхона божи ва қўшилган қиймат солиғидан озод этиладиган, ўхшаши республикада ишлаб чиқарилмайдиган технологик асбоб-ускуналар рўйхати кенгайтирилди. Унга минора кранлари, ўзгарувчан ток генераторлари ва бошқалар киритилди.
Visa компанияси Тошкентда ўз офисини очди
Марказий Осиёда 30 йилдан ортиқ фаолият юритаётган Visa рақамли тўловлар компанияси Тошкентда ўз офисини очди. Компания раҳбарлари мазкур янгилик мамлакатда барча молия институтлари ва савдо ҳамда хизмат кўрсатиш корхоналари учун ёрдамнинг кучайишини қайд этди.
Citibank Ўзбекистонда ўз ваколатхонасини очишни режалаштирмоқда
Citibank Ўзбекистонда шўъба банки офисини очишни режалаштирмоқда. Шавкат Мирзиёев бу таклифни Citigroup молиявий корпорацияси раиси Жон Дуган билан учрашувда маъқуллади.
Тошкент марказидаги «Шарқ» ва ЎзА бинолари сотувга қўйилади
«Шарқ» нашриёт-матбаа ижодий уйи ва ЎзА кўчирилади, уларнинг Тошкент марказидаги 1975−1979 йилларда қурилган бинолари сотувга қўйилади. Бу ерда «замонавий шаҳарсозлик талабларига жавоб берадиган ягона мулкий мажмуа»ни яратиш режалаштирилмоқда.
Ўсиш 7,2 баробарми? Газ импорти бўйича Статистика агентлиги ва Иқтисодиёт вазирлиги маълумотлари фарқ қилмоқда
Иқтисодиёт вазирлиги олти ойда 2,6 млрд куб метр — 2022 йилнинг шу даврига нисбатан 7,2 баробар кўп газ импорт қилганини билдирди. Бу Статистика агентлиги маълумотларидан фарқ қилади ва МБ раҳбарининг газ импорти туфайли бюджет тақчиллиги ошгани ҳақидаги сўзларига қисман ойдинлик киритиши мумкин.
«Лукойл» йил бошидан буён Ўзбекистонга МТБ бўйича 103,1 миллион доллар тўлаган
Йилнинг биринчи ярмида Россиянинг «Лукойл» компанияси газ қазиб олиш бўйича маҳсулот тақсимлаш битимига биноан Ўзбекистонга 103,1 миллион доллар тўлади, деб хабар қилди Иқтисодиёт ва молия вазирлиги. Бошқа МТБ лойиҳалари учун маълумотлар берилмаган.
ИҲРТ 2023 йилда глобал иқтисодий ўсиш секинлашишини кутмоқда
Иқтисодий ҳамкорлик ва ривожланиш ташкилоти прогнозига кўра, 2023 йилда глобал иқтисодий ўсиш ўртачадан паст даражада — 3 фоиз бўлиб қолади. Экспертлар аксарият мамлакатларда инфляция марказий банклар мақсадли кўрсаткичларидан юқори бўлишда давом этишини кутмоқда.
UZINFOCOM Ўзбекистонда биринчи бўлиб K-root серверини ишга туширди
UZINFOCOM ягона интегратори K-root DNS серверини ишга туширди. Ўзбекистонда илдиз серверни жойлаштириш веб-ресурсларга кириш жараёнини тезлаштириши ва хорижий серверларга тобеликни камайтириши айтилмоқда.
ОТБ ва ФТА Ўзбекистонда электр энергиясини тақсимлаш тизимини рақамлаштириш учун 275 млн доллар ажратди
Осиё тараққиёт банки Ўзбекистондаги 26 та электр тақсимлаш подстанциясини рақамлаштириш учун 200 миллион доллар, Франция тараққиёт агентлиги эса 70 миллион евро ажратди. Бу экстремал об-ҳаво ҳодисалари пайтида минтақавий электр энергияси узилишларининг олдини олишга ёрдам бериши кутилмоқда.
Шавкат Мирзиёев ЖСТ бош директори билан ташкилотга аъзолик масаласини муҳокама қилди
Ўзбекистон президенти Нью-Йоркда Жаҳон савдо ташкилоти бош директори билан учрашиб, ташкилотга аъзо бўлиш бўйича ишларни муҳокама қилди. Унда ишчи гуруҳ йиғилишига тайёргарликни тезлаштириш, мутахассислар малакасини ошириш ва қонунчиликни ЖСТ талабларига уйғунлаштириш юзасидан келишувга эришилди.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- ИТБ Ўзбекистонда таълим ва йўл инфратузилмасини яхшилаш учун салкам $300 млн ажратади (1)
Қўшимча имкониятлардан фойдаланиш учун сайтда рўйхатдан ўтинг