Иқтисодиёт
Ўзбекистонда аёллар ва эркакларга тенг ҳақ тўланишини таъминлаш 700 минг кишини камбағалликдан чиқаради — Жаҳон банки
Ўзбекистонда аёлларнинг эркаклар билан бир хил даражада маош олишини таъминлаш 700 мингдан ортиқ одамни камбағалликдан чиқаришга ёрдам беради. Бу Жаҳон банки томонидан тайёрланган «Ўзбекистонда гендер тенглиги таҳлили» ҳисоботида келтирилади.
Ўзбекистондан Россияга бораётган меҳнат мигрантлари оқими қисқаришда давом этиши мумкин
Иш ҳақи Россиядаги маошлар билан рақобатлаша оладиган Ўзбекистонда қурилиш саноатининг ривожланиши ушбу мамлакатга меҳнат муҳожирлари оқимининг янада қисқаришига сабаб бўлиши мумкин. Бу ҳақда Ташқи меҳнат миграцияси агентлиги вакили маълум қилди.
Сенатнинг аралашувидан сўнг Ўзбекистонга лифтларни олиб кириш муаммоси ҳал бўла бошлади
Март ойида тадбиркорлар аввал берилган мувофиқлик сертификатлари амал қилиши тўхтатилгани сабабли Ўзбекистонга лифтларни олиб киришда муаммоларга дуч келганди. Божхона омборларида 9,5 млн долларлик 332 та лифт ва эскалатор ушлаб турилганди. Сенатор сўровидан сўнг сертификатлар бериш қайта тикланди.
Ўзбекистон Кореянинг инфратузилма ва шаҳарсозлик соҳасидаги илғор тажрибасини ўрганишдан манфаатдор — Шавкат Мирзиёев
Ўзбекистон-Корея бизнес форумида Шавкат Мирзиёев «юқори технологик ва инновацион ҳамкорликнинг янги даври» бошланаётганини айтди. Инфратузилма ва шаҳарсозлик, транспорт, машина бутловчи қисмларини маҳаллийлаштириш, хомашёни қайта ишлаш соҳасида ҳамкорликни ривожлантиришга келишиб олинди.
«Ўзбекистон темир йўллари» ва Hyundai Rotem электропоездлар хариди бўйича шартнома имзолайди
Жанубий Корея президентининг Ўзбекистонга ташрифи доирасида «Тошкент — Урганч — Хива» янги йўналиши бўйича юқори тезликда ҳаракатланувчи Hyundai Rotem электропоездларини етказиб бериш тўғрисида келишув имзоланади. Жами олтита поезд сотиб олиш режалаштирилмоқда.
Humo тўлов тизимини хусусийлаштириш бўйича консультант танлови эълон қилинди
«Миллий банклараро процессинг маркази» (Humo тўлов тизими) устав капиталидаги давлат улушининг 100 фоизини оммавий савдолар орқали хусусийлаштиришни ташкил этиш бўйича профессионал консальтинг компаниясини танлаш юзасидан танлов эълон қилинди.
Uzum Click билан келишувдан воз кечишга қарор қилди
Uzum директорлар кенгаши Click билан келишувдан воз кечишга қарор қилди. Компания ўз экотизимига асосланган финтех хизматларини ривожлантиришга эътибор қаратмоқчи.
Хорижий валютадаги депозитлар бўйича мажбурий захиралаш меъёри 4 фоиз бандга пасайтирилди
Марказий банк хорижий валютадаги депозитлар бўйича мажбурий захиралаш меъёрини 4 фоиз бандга пасайтирди ва 14 фоиз даражасида белгилади. Қарор банкларнинг ликвидлик ҳолатидан келиб чиқиб, кредитлар бўйича фоиз ставкаларини пасайтиришга шароит яратиш мақсадида қабул қилинган.
Тошкент аэропортида янги фудкорт майдони кимошди савдосига қўйилди
Тошкент халқаро аэропортининг учиш терминалидаги июль ойи охиригача фойдаланишга топшириладиган янги қисмидаги жойлар кимошди савдосига қўйилди. Лойиҳага кўра, у ерда турли тоифадаги учта умумий овқатланиш шохобчаси — Европа таомлари ресторани, миллий таомлар ресторани ва фаст фуд жойлашади.
Марказий банк асосий ставкани 14 фоиз даражасида ўзгаришсиз қолдирди
Марказий банк асосий ставкани йиллик 14 фоиз даражасида ўзгаришсиз қолдириш тўғрисида қарор қабул қилди. Ставкани ўзгартирмаслик бўйича қарор энергия тарифлари ўзгаришининг инфляцион кутилмаларга таъсирини жиловлаш мақсади билан изоҳланган.
Жаҳон банки Ўзбекистонга 7,5 млн доллар грант ажратди
Жаҳон банки Ўзбекистонга энерготарифлар ислоҳотининг аҳолининг ижтимоий заиф қатламига таъсирини юмшатиш мақсадида 7,5 млн доллар миқдоридаги 1-транш маблағини ажратди. Грант халқаро иссиқхона газлари савдоси симуляцияси сифатида иссиқхона газлари эмиссияси қисқартирилгани учун берилган.
Қўшма Штатлар Ўзбекистоннинг ЖСТга аъзо бўлишини тўлиқ қўллаб-қувватлайди — АҚШ савдо вакили Кэтрин Тай
АҚШ савдо вакили Кэтрин Тай Тошкентда қатор вазирлар билан учрашувлар ўтказди. Элчи АҚШ Ўзбекистоннинг ЖСТга аъзо бўлишини қўллаб-қувватлаш ва GSP тизими доирасида савдо имтиёзларини беришни қайта тиклаш ниятини тасдиқлади.
Май ойида Ўзбекистон уй-жой бозорида сотувлар 9 фоизга ошди
Май ойида Ўзбекистонда 21,6 мингта уй-жой сотилди, бу апрель ойига нисбатан 9 фоизга кўпроқ ҳисобланади. Икки ойлик ўсишга қарамай, фаоллик даражаси ҳали ҳам бир йил олдинги даражадан паст бўлиб қолмоқда.
Май ойида сезилган инфляция даражаси 14 фоизни ташкил этди
Май ойида аҳоли томонидан сезилган инфляция даражаси апрелга нисбатан бироз тезлашиб, 14 фоизни ташкил қилди. Энг юқори кўрсаткич Тошкент шаҳрида кузатилди (17,4 фоиз). Ой давомида аҳоли энг кўп дорилар, бензин ва ёнилғи, шунингдек, қурилиш моллари нархи кўтарилганини сезди.
«Навоийазот» нарх манипуляцияси орқали 20,5 млрд сўм даромад олган — Рақобат қўмитаси
Рақобат қўмитаси «Навоийазот» ишлаб чиқарган юқори ликвидли ва монопол турдаги маҳсулотлар биржа орқали сотилишида нарх манипуляцияси ҳолатларини аниқлади. Минерал ўғитлар бозорида устун мавқега эга жамият жами 20,5 млрд сўм асоссиз даромад олган.
Май ойида аҳолининг инфляцион кутилмалари ўзгаришсиз қолди, бизнесники эса пасайди
Ўзбекистонда аҳолининг келгуси 12 ой учун инфляцион кутилмалари май ойида 14 фоизни ташкил этди ва ўтган ойга нисбатан ўзгаришсиз қолди. Тадбиркорларнинг кутилмалари эса пасайди. Аҳоли учун ҳам, бизнес учун ҳам кутилмалардаги асосий омил коммунал хизматларнинг қимматлашиши бўлиб турибди.
Президент: «Энергияни тежаш йўқотишларни камайтириш ҳисобига бўлиши шарт»
Президент иссиқ ойларда объектларни совутишга қишдаги билан бир хил энергия сарфланаётганини таъкидлаб, айрим бинолар учун энергия самарадорлиги бўйича техник шартлар ишлаб чиқишни топширди. «Тежаш йўқотишларни камайтириш, тежамкор технологияларни жорий қилиш ҳисобига бўлиши шарт», — деди у.
Кўмир импорти учун уч йил муддатга револьвер кредитлар бериш режалаштирилмоқда
Президент электр энергияси ишлаб чиқаришни кўпайтириш бўйича кўрсатмалар берди. Унга кўра, мазут ва кўмир 2 йилга бождан озод қилинади, кўмир импорти учун 3 йилга револьвер кредитлар берилади. 1 октябргача 600 минг тонна кўмир ва 350 минг тонна мазут захирасини яратиш вазифаси қўйилди.
Ўзбекистонда электромобилни уйда қувватлашни рағбатлантирувчи тунги тариф жорий қилинади
Ўзбекистонда электромобилни хонадонда қувватлантириш учун рағбатлантирувчи тунги тариф жорий этилади. Бунда қувватлаш ускунасига ҳисоблагич ўрнатганлар машинасини тунги вақтда қувватлантиргани учун электр энергиясига арзон тарифда ҳақ тўлайди.
Ўзбекистон Туркия тажрибаси асосида тоғ-адирларни ўзлаштиради
Президент ҳузурида Туркия ва Саудия Арабистони билан иқтисодий ҳамкорлик режалари кўриб чиқилди. Биринчи давлат билан тўқимачилик, чарм ва электротехника маҳсулотларига божларни пасайтириш, иккинчиси билан транспорт, рақамлаштириш ва энергетика соҳаларидаги лойиҳаларни амалга ошириш режалаштирилган.
Энг кўп ўқилган хабарлар | Сўнгги янгиликлар
- Ўзбекистон банкларидаги кафолатланган омонатлар суммаси 200 млн сўмгача пасайтирилди
- «Трест-12»даги давлат улушини Дониёр Комилов компанияси сотиб олди
- Сўм бешинчи сессиядирки долларга нисбатан мустаҳкамланмоқда. Сабаби нима?
- ИТБ Ўзбекистонда таълим ва йўл инфратузилмасини яхшилаш учун салкам $300 млн ажратади (1)
Қўшимча имкониятлардан фойдаланиш учун сайтда рўйхатдан ўтинг