Иқтисодиёт
Навоийдаги 188 та яйловда жойлашган норуда конлари аукционга чиқарилади
Халқ депутатлари Навоий вилояти Кенгаши сессиясида президент саноатда 186 та лойиҳани амалга ошириб, 15 мингта янги иш ўрни яратиш зарурлигини айтди. 188 та яйловларда жойлашган норуда конларни аукционга чиқариш ва 8 та Ёшлар саноат зонаси инфратузилмасига 20 миллиард сўм ажратиш шулар жумласидан.
Банкларда долларнинг сотиш ва сотиб олиш курслари яна кўтарилди
25 ноябрда тижорат банкларида 1 АҚШ доллари 11 280 — 11 290 сўмдан сотилмоқда. Сотиб олиш 11 180 — 11 265 сўм оралиғида.
Имтиёзлар, кредит компенсациялари, давлат ёрдами. Электромобиль саноати қандай ривожланади?
Ўзбекистонда маҳаллий электромобилларни утилизация йиғими, бутловчи, эҳтиёт қисмлар, асбоб-ускуналар ва хомашёни эса божхона тўловларидан озод қилиш режалаштирилмоқда. Шунингдек, инвесторларга маълум миқдордаги электромобилларни имтиёзли шартлар асосида олиб киришга рухсат берилиши мумкин.
Ўзбекистон ва Франция уран қазиб олиш ва қайта ишлашни кенгайтиришга келишиб олди
Давлат геология қўмитаси, «Навоийуран» ва Франциянинг Orano компанияси ўртасида уран қазиб олиш ҳамда қайта ишлашни кенгайтириш бўйича уч томонлама шартнома имзоланди. Orano «бир неча юз миллион евро» миқдорида сармоя киритишни режалаштирмоқда.
Октябрь ойида автомобиль бозорида пасайиш кузатилди
Октябрь ойида Ўзбекистонда 112,7 мингта автомобиль сотилди. Бу сентябрь ойига нисбатан 8 фоизга кам. Иккиламчи бозорда сотувларнинг пасайиши бирламчи бозорга қараганда камроқ кескинлашиб, 1,4 фоиз камайишни қайд этди.
Тижорат банклари 1 долларни 11 280 сўмдан сотишни бошлади
Банкларда 24 ноябрь куни 1 АҚШ доллари 11 180 — 11 260 сўмдан сотиб олинмоқда, сотиш курси эса 11 280 сўмгача кўтарилди.
Бошланғич синф ўқувчиларини бепул тушлик билан таъминлашга қўшимча 106 млрд сўм ажратилади
Молия вазири қуйи палата сессиясида 2022 йилдаги давлат бюджети ҳисобидан ХТВга қўшимча 922 млрд сўм ажратилишини маълум қилди. Шундан 106 млрд сўм Қорақалпоғистон ва Хоразмда 1−4-синф ўқувчиларини бепул овқатлантириш учун, 400 млрд сўм эса дарслик ижарасини бюджетдан қоплаш учун йўналтирилади.
Консолидациялашган бюджет тақчиллиги уч фоиздан тўрт фоизга оширилади
Молия вазири Тимур Ишметов «2022 йил учун Давлат бюджети тўғрисида»ги қонунга ўзгартириш киритиш бўйича муҳокамада бюджет тақчиллиги 3%дан 4%га оширилишини маълум қилди. Аввалроқ ҳукумат лимитга мослаша олмаётгани учун депутатлардан бюджет тақчиллигининг чекланган миқдорини оширишни сўраганди.
Франциянинг Alstom компанияси Тошкентда трамвай йўлларини қуради
Франциянинг Alstom машинасозлик компанияси Тошкентда трамвай йўлларини қуради. Лойиҳа қиймати 167,4 млн еврога баҳоланмоқда. Линиялардан бири «Дўстлик» метро станциясидан бошлаб, Янги Ўзбекистон кўчаси бўйлаб ўтиши мумкин.
Ўзбекистоннинг ташқи савдо айланмаси $40 млрддан ошди
Январь-октябрь ойларида Ўзбекистон ташқи савдо айланмаси 40,1 млрд долларни ташкил этди. Жумладан, экспорт ҳажми қарийб $15,5 млрдга (+23,8%), импорт эса $24,6 млрдга (+21,2% га) етди. Ҳисобот даврида — $9,1 млрд қийматида пассив сальдо қайд этилди.
Ўзбекистон 800 млн еврога 17 та Airbus ва ATR самолётларини сотиб олади
Франция Ўзбекистонга умумий қиймати салкам 800 млн еврога тенг 12 та Airbus А320neo ва А321neo самолётлари, шунингдек, 5 та ATR 72−600 самолётларини етказиб беради. Бундан ташқари, иккита Airbus H145 вертолётини харид қилиш режалаштирилган.
Марказий банк 2025 йилгача иқтисодий ривожланишнинг икки сценарийсини тақдим этди
Марказий банк 2023−2025 йилларда Ўзбекистон иқтисодиётини ривожлантиришнинг асосий ва муқобил сценарийларини тақдим этди. Регулятор асосий эътибор иқтисодиётда нархлар барқарорлигига эришишга қаратилишини таъкидлаб, пул-кредит сиёсатида инфляцион таргетлаш жараёни давом этишини қайд этди.
Октябрь ойида кўчмас мулк сотиб олишга бўлган талаб бироз пасайди
Кўчмас мулк бозори таҳлили йил бошидан буён сотиш ҳажмининг 9,2 фоизга ўсганини кўрсатди. Шу билан бирга, Тошкент шаҳрида уй-жойларнинг ўртача нархи қарийб 20 фоизга ошди. Экспертларнинг фикрича, уй-жой ижарасига бўлган талабнинг ортиши октябрь ойида савдо ҳажмининг бироз пасайишига хизмат қилди.
Банклар долларнинг сотиш ва сотиб олиш курсини бироз кўтарди
Тижорат банкларида 23 ноябрь куни доллар 11 260 — 11 265 сўмдан сотилмоқда. Сотиб олиш курси эса 11 180 — 11 240 сўм.
«Битта вазирлик бошқаларнинг устидан қўриқчи бўлиши билан муаммо ҳал бўлмайди» — Тимур Ишметов
Қўйи палатанинг навбатдаги мажлисида Ўзбекистонда қарийб 705 млрд сўмлик бюджет маблағлари мақсадсиз сарфлангани маълум бўлди. Молия вазири Тимур Ишметов бунга жавобан бюджет тақсимотини тўғри амалга оширишда барча вазирликлар жавобгар эканини айтиб, уларни масъулиятли фаолият олиб боришга чақирди.
Ўзбекистонда 704,9 млрд сўмлик бюджет маблағлари ноқонуний ва мақсадсиз сарфлангани маълум бўлди
Ўтган 9 ой давомида 704,9 млрд сўмлик бюджет маблағлари ноқонуний ва мақсадсиз сарфлангани маълум бўлди. Хусусан, халқ таълими тизимида 47 млрд сўм, соғлиқни сақлашда 30 млрд сўмга яқин қонун бузилиши ҳолатлари аниқланди. «Бундай ҳолатлар йилдан-йилга ошиб бормоқда», — дейилади қуйи палата хабарида.
Тижорат банклари доллар курси бўйича таклифларни пасайтирди
22 ноябрь куни банкларда доллар 11 260 сўмдан сотилмоқда, сотиб олиш курси эса 11 240 — 11 175 сўм оралиғида.
ФТА Ўзбекистондаги 1 млрд евролик лойиҳаларни қўллаб-қувватлайди
Ўзбекистон ва Франция тараққиёт агентлиги ўртасида 2025 йилгача бўлган стратегик ҳамкорлик дастури имзоланди. У 1 миллиард евродан ортиқ лойиҳаларни биргаликда амалга оширишни назарда тутади.
Биринчи ярим йилликда Ўзбекистон ташқи қарзи $0,3 млрдга камайди
Молия вазирлиги ҳисоботига кўра, январь-июнь ҳолатига давлат қарзи 26 млрд долларни (ЯИМга нисбатан 35,1%) ташкил этди. Январь-июнь ойларида давлат ташқи қарзи портфели таркибидаги валюта курсларининг ўзгариши (япон иенаси, СДР ва евро) қарз қолдиғининг камайишига олиб келди.
«Туркистонбанк» омонатчиларининг маблағлари муддатидан аввал қайтарилади
Фуқароларнинг банклардаги омонатларини кафолатлаш фонди Кузатув кенгашининг қарорига кўра, 21 ноябрдан «Туркистон банк» омонатчилари ўз маблағларини қайтариб олиш ва омонатга қўйиш юзасидан агент-банк сифатида танланган «Қишлоқ қурилиш банк»га мурожаат этишлари мумкин бўлади.
Энг кўп ўқилган хабарлар | Сўнгги янгиликлар
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
- Германиянинг Deutsche Bahn компанияси ўзбекистонликларни ишга жалб қила бошлайди
- Inbazar дўконларида 1 эмас, 44 нафар ходим расман ишлаяпти — ДСҚ
- Солиқ қўмитаси «тўловлар»ни жўнатишдаги муаммоларга изоҳ берди
Қўшимча имкониятларга эга булиш учун сайтда рўйхатдан ўтинг