Иқтисодиёт
Хитой — Қирғизистон — Ўзбекистон темир йўли қурилиши бўйича ҳужжат сентябрь ойида имзоланади
Сентябрда Самарқандда ўтказиладиган ШҲТ саммитида Хитой — Қирғизистон — Ўзбекистон темир йўли қурилиши бўйича уч томонлама ҳужжат имзоланиши кутилмоқда. Ҳозир томонлар лойиҳанинг техник-иқтисодий асосларини ишлаб чиқиш устида фаол ишламоқда, — деди Ўзбекистон ТИВ раҳбари в. б. Владимир Норов.
Япония Ўзбекистонга тиббий контейнер ва томография учун сканерлар топширди
Япония Ўзбекистонга компьютер томографияси учун учта сканер, ультратовуш ва рентген аппарати билан жиҳозланган мобил тиббий-диагностика контейнерини топширди. У чекка ҳудудлар аҳолисига, шу жумладан, табиий офатлар пайтида ёрдам бериш учун ишлатилади.
Қишлоқ хўжалиги техникаларини сотиб олиш учун $100 млнлик имтиёзли кредитлар ажратилади
Молия вазирлиги қишлоқ хўжалиги техникалари хариди учун 100 млн доллар миқдорда имтиёзли кредитлар ажратади. Банклар қарзларни миллий валютада 10 йил муддатга имтиёзли давр билан 10 фоиз ставкада тақдим этади. Аввалроқ МБ ҳукуматдан имтиёзли ва директив кредитлар ҳажмини қисқартиришни сўраганди.
Ўзбекистон ва Озарбайжон 500 млн долларлик инвестиция фондини ишга туширади
Ўзбекистон ва Озарбайжон қўшма лойиҳаларни молиялаштириш учун инвестиция фондини ишга туширади. Бир ҳафта ичида уни яратиш бўйича йўл харитаси ишлаб чиқилади, дея маълум қилди бош вазир ўринбосари, инвестициялар ва ташқи савдо вазири Жамшид Ходжаев.
Афғонистон 2022 йилда электр энергияси учун тўловларни тизимли равишда амалга оширмоқда — Ўзбекистон Энергетика вазирлиги
Афғонистоннинг 2021 йил учун Ўзбекистондан электр энергияси бўйича қарзи йўқ. Ўтган йил етказиб берилган электр энергияси учун тўлов тўлиқ амалга оширилган, 2022 йил учун етказиб бериш бўйича ҳисоб-китоблар тизимли асосда амалга оширилмоқда, деб хабар қилди Энергетика вазирлиги.
Чорвоқдаги «Пирамидалар» дам олиш маскани 208 млрд сўмга сотилди
Чорвоқ сув омборининг чап қирғоғида жойлашган «Чорвок оромгоҳи» («Пирамидалар») дам олиш маскани 208 млрд сўмга сотилди. Тендерда VIP Logistics ғолиб бўлди.
НКМК $1,2 млрдлик халқаро кредитни жалб қилди
JPMorgan Chase, Citi, Societe Generale и Credit Suisse`дан иборат хорижий банклар консорциуми Навоий кон-металлургия комбинатига инвестиция дастурини амалга ошириш учун 1,2 млрд доллар кредит ажратди.
Ўзбекистон Ҳиндистондан банан, манго, соя ва гуруч импорт қилинишига рухсат берди
Ҳиндистон Ўзбекистонга банан, манго, соя ва гуруч экспорт қилишга рухсат олди, ўзбекистонлик ишлаб чиқарувчилар эса Ҳиндистон бозорига узум, олхўри ва гилос етказиб бера олади. Томонлар бошқа қишлоқ хўжалиги маҳсулотлари учун чекловларни олиб ташлашни муҳокама қилмоқда.
Умумий овқатланиш ва чакана савдо фаолиятини тартибга солувчи талаблар соддалаштирилади
Ўзбекистонда умумий овқатланиш ва чакана савдо фаолиятини тартибга солиш талаблари соддалаштирилади, соҳадаги тадбиркорлар фаолиятини қўллаб-қувватлаш чоралари кўрилади. Адлия вазирлиги ДСҚ ва СЭС билан бирга 1 сентябргача тегишли ҳужжат лойиҳасини Вазирлар Маҳкамасига киритади.
Долларнинг расмий курси яна пасайди
АҚШ долларининг сўмга нисбатан расмий курси 34,29 сўмга арзонлаб, 10 908,11 сўм этиб белгиланди. Шунингдек, евро курси ҳам пасайди, рубль эса кўтарилди.
Олти ой ичида онлайн аукцион орқали 174 млрд сўмлик авторақамлар сотилди
2022 йилнинг январь-июнь ойларида 174 млрд сўмлик 77 мингдан зиёд авторақамлар онлайн-аукционлар орқали сотилди. Тузилган битимларнинг ўртача қиймати 2,2 млн сўмни ташкил этган.
Айрим банклар халқаро пластик карталардан нақд валюта ечиб олишга комиссия ўрната бошлади
Халқаро пластик карталардан нақд пул ечиб олиш учун «Капиталбанк» 0,7 фоиз, «Ипак Йўли» банки эса 1 фоиз миқдорда комиссия ўрнатди. Банклар буни нақд хорижий валюта муомаласини тартибга солиш билан изоҳлади. Иқтисодчи Отабек Бакиров қолган банклар ҳам комиссия ўрната бошлаши мумкинлигини таъкидлади.
Бизнес-омбудсман давлат органлари ва ҳокимиятларда текширувлар ўтказади
Бизнес-омбудсман тадбиркорларни текшириш жараёни қонунийлиги ва ҳужжатлар ижроси юзасидан давлат органлари ва ташкилотлари, жумладан, маҳаллий ҳокимиятларда ҳам текширувлар ўтказади. Қолаверса, ҳудудларда сайёр қабуллар ташкил этилиб, тадбиркорлар муаммоларини жойида ҳал қилиш чоралари кўрилади.
Тадбиркорлар билан мулоқот қилиш учун махсус портал ташкил этилди
Президент фармони билан «Business.gov.uz» портали «Тадбиркор виртуал офиси» ахборот порталига айлантирилди. У орқали тадбиркорларнинг мурожаати 24 соат давомида қабул қилинади, онлайн муҳокамалар ва сўровномалар ўтказилади, якуни бўйича эса бизнес-омбудсман президент ва ҳукуматга таклифлар киритади.
Икки ойда бешта вилоятдаги АГТКШлар 41 млрд сўмлик газни ноқонуний ишлатгани аниқланди
Ўзбекистоннинг бир қатор вилоятларидаги газ қуйиш шохобчаларида икки ой давомида 41 млрд сўмлик газдан ноқонуний фойдаланиш ҳолатлари аниқланди. Жиззах вилоятидаги 17 та ёқилғи қуйиш шохобчасидаги газ ўлчов тизимларига ташқи таъсир этиш ҳолатлари кузатилган.
Ўзбекистонда 2021 йилда ўртача ойлик иш ҳақи 2,6 млн сўм бўлди
Статистика қўмитаси Ўзбекистонда 2021 йилда ўртача ойлик иш ҳақи 2,6 млн сўмни ташкил этганини маълум қилди. Аввалроқ қўмита (қишлоқ хўжалиги ва кичик бизнес субъектлари бўйича кўрсаткичларни киритмай) 2021 йилда юридик шахсларнинг ўртача ойлик маоши 3,2 млн сўм бўлганини қайд этган эди.
«Ўзбекнефтгаз» акцияларини халқаро бозорларга жойлаштиришни кечиктириши мумкин
Rothschild & Cie компанияси маслаҳатчилари капитал бозорларининг юқори ўзгарувчанлиги сабабли «Ўзбекнефтгаз» акциядорлик жамиятига IPO`ни чиқариш муддатини кейинроққа қолдиришни тавсия қилди.
Январь-июнь ойларида истеъмолчиларга 248 млрд сўм кешбэк қайтарилди
Солиқ қўмитаси июнь ойи учун истеъмолчиларга 61,9 млрд сўм кешбэк тўлаб берди. Шундай қилиб, 2022 йилнинг олти ойи давомида фуқароларга қайтарилган сумма 248,6 млрд сўмга етди.
Афғонистонда электр узатиш тармоғи қурилишини бошлаш муддати 31 августгача узайтирилди
Афғонистонда «Сурхон — Пули-Хумри» электр узатиш тармоғи қурилишини бошлаш муддатини 31 августга қадар узайтиришга келишиб олинди. Ҳозирда Ўзбекистон ҳудудида тармоқнинг фақат бир қисми қурилган, лойиҳа 2021 йил июлидан тўхтатилган.
Tracker-2 ва Onix учун шартнома тузишни август ва октябрдан бошлаш режалаштирилмоқда
UzAuto Motors компанияси Chevrolet Tracker-2 учун шартнома тузишни августдан, Onix учун эса октябрдан бошлашни режалаштирмоқда.
Энг кўп ўқилган хабарлар | Сўнгги янгиликлар
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
- Германиянинг Deutsche Bahn компанияси ўзбекистонликларни ишга жалб қила бошлайди
- «Германия Ўзбекистондан 800 нафар ҳамширани қабул қилмоқда, улардаги иш ҳақи камида 2200 евро» — бандлик вазири (1)
- Ўзбекистонлик кара ҳайдовчилари Словакияга ишга таклиф қилинмоқда
Қўшимча имкониятларга эга булиш учун сайтда рўйхатдан ўтинг