Иқтисодиёт
Ўзбекистонда йилига иккитадан ортиқ автомобиль сотганлик учун солиқ жорий этилиши мумкин
Ўзбекистонда йил давомида иккитадан ортиқ автомобиль сотганларга солиқ солиш тизими жорий этилиши мумкин. Ушбу чора автомобилларни қайта сотишда чайқовчиликнинг олдини олишга қаратилган. Шунингдек, даромад солиғини ҳисоблашда чегириб ташланмайдиган харажатлар сони камайтирилиши мумкин.
Япония Ўзбекистонга иқтисодий ислоҳотларни давом эттириш учун 246,2 млн доллар кредит ажратади
Ўзбекистон иқтисодий ислоҳотларни давом эттириш ва аҳолининг ижтимоий ҳимояга муҳтож қатламларини қўллаб-қувватлаш учун Япониядан 246,2 млн доллардан ортиқ кредит олади.
Ўзбекистондаги чиқинди полигонларида иқтисодий зоналар режими жорий этилади
Ўзбекистонда чиқинди полигонларини инвестициялар киритишга жозибадор қилиш учун уларнинг буфер ҳудудларига махсус иқтисодий зоналар режимини жорий этиш, чиқиндиларни ёқиш орқали электр энергияси ҳамда органик усулда ўғитлар ишлаб чиқариш корхоналарини ташкил этиш бўйича янги тизим йўлга қўйилади.
Ўзбекистонда ногиронлиги бор фарзандини парваришлаш нафақасини олиши мумкин бўлган 33 минг ота-она имтиёздан фойдаланмаяпти
Президент ижтимоий ҳимоя тизими билан 250 та хизмат қамраб олинган бўлса-да, маҳалладаги аҳоли уларнинг ярмидан ҳам хабардор эмаслигини таъкидлади. Ногиронлиги бор фарзандини парваришлаш нафақасини олиши мумкин бўлган 33 минг ота-она ушбу имтиёздан фойдалангани йўқ.
Нукусдан Истанбулга авиақатновлар йўлга қўйилади
Апрель ойидан Нукусдан Истанбулга парвозлар йўлга қўйилиши режа қилинмоқда. Шунингдек, битта L-410 самолёти Қорақалпоғистонга ички рейслар учун ажратилади.
Ўзбекистонда айрим хизматлар ва товарлар учун нақд пулда тўлашни тақиқлаш режалаштирилмоқда
Ўзбекистонда аҳолига хизмат кўрсатувчи бюджет ташкилотлари, уй-жойларни жисмоний шахсларга сотишда қурувчилар ва бошқалар учун нақд пулдан фойдаланишни қисқартириш ва нақдсиз тўловларни жорий этиш режалаштирилмоқда. Ёғоч, шиналар ва шакар улгуржи савдосини нақдсиз шаклга ўтказиш ҳам режада бор.
Андижонда Хитой ва Ипак йўлидаги бошқа мамлакатлар инвесторлари иштирокидаги лойиҳаларни амалга ошириш учун «Ипак йўли» иқтисодий зонаси ташкил этилади
Андижон вилоятида Буюк ипак йўлида жойлашган давлатлар, жумладан, Хитой билан ҳамкорликни кенгайтириш мақсадида 218 гектар майдонда «Ипак йўли» эркин иқтисодий зонаси ташкил этилмоқда. Аввалроқ Андижон вилояти ва Хитой инвесторлари ўртасида 3 миллиард долларлик келишувларга эришилган эди.
Ўзбекистонда электр таъминотига чекловлар жорий этилмоқда
Ўзбекистонда ишлаб чиқарилган ва Туркманистондан импорт қилинган электр ҳажми талабни қондириш учун етарли бўлмагани учун якшанба куни тиғиз вақтларда 400 МВтгача чекловлар киритилди, деб хабар қилди Энергетика вазирлиги. Маълумотга кўра, бунга электр узатиш линиясидаги носозлик сабаб бўлган.
Энергетика вазирлиги газ босими пасайгани ва метан «заправка»лар ёпилганига изоҳ берди
Энергетика вазирлиги Бухорода кучли шамол туфайли электр узатиш тармоқларининг авариявий ўчиши кузатилгани ва бу 10 та газ ҳайдаш агрегати тўхташига олиб келганини маълум қилди. Оқибатда магистраль газ қувурларида босим пасайган ва барча метан «заправка»лар фаолияти вақтинча тўхтатилган.
Silk Avia тўртинчи ATR 72−600 самолётини қабул қилиб олди
Uzbekistan Airways таркибига кирувчи Silk Avia минтақавий авиакомпанияси тўртинчи ATR 72−600 самолётини қабул қилиб олди. У Тулузадаги ATR заводидан йўлга чиқиб, Истанбулда техник тўхташни амалга ошириб, Тошкентга етиб келди.
Андижон маҳаллаларини 7 та соҳага чуқур ихтисослаштириш дастури амалга оширилади
Президент Андижондаги маҳаллаларни мева-сабзавот, чорвачилик, ҳунармандчилик, касаначилик, саноат, савдо ва хизматга чуқур ихтисослаштириш бўйича дастур амалга оширилишини маълум қилди. Бу мақсадлар учун 850 млрд сўм кредит ресурслари ва 50 млрд сўм субсидия ажратилади.
Шавкат Мирзиёев Андижонда ишлаб чиқариладиган илк электробусларга ном қўйиб берди
Андижон вилоятида Хитойнинг Lanzhou Guangtong New Energy Automobile компанияси билан биргаликда электробуслар йиғиш бошланади. Президентдан хитойлик ҳамкорлари электробусга ном беришни сўради, Мирзиёев эса уни «Ипак йўли» деб номлади.
Иқтисодий санкциялар бўйича қонун лойиҳаси ҳеч қайси давлатга қарши қаратилмаган — Қонунчилик палатаси
Қонунчилик палатаси иқтисодий санкциялар бўйича қонун лойиҳаси ҳеч қайси давлатга қарши қаратилмаганини маълум қилди. Аввалроқ тармоқларда Ўзбекистон Россияга қарши молиявий санкцияларга қўшилишга қарор қилгани ҳақида хабарлар тарқалганди.
Ўзбекистонда сув ва ер ресурслари соҳасида 18,6 млн долларлик лойиҳалар амалга оширилади
Глобал экологик фонд Марказий Осиёда сув ва қуруқлик ресурслари соҳасидаги лойиҳалар учун 26 млн доллар ажратди. Унинг 18,6 млн доллари Ўзбекистон иштирокида заиф экотизим ерларни тиклаш, Амударё, Зарафшон, Панж, Сирдарё ва Норин дарёларидаги сув ресурсларини бошқариш кабиларга йўналтирилади.
Январда Тошкентда ўртача таъмирланган 1 хонали уйнинг ижара нархи 395 долларни ташкил этди
МҲТИ таҳлилига кўра, январь ойида Тошкент шаҳрида ўртача таъмирланган хонадонлар ижара нархлари пасайди, тўлиқ таъмирланган туркумдаги уй-жойларники эса 0,5 фоизга ўсди. Ўртача таъмирланган 1 хонали уйлар ижараси 395 долларни ташкил этмоқда.
Пахта саноатида ишлаб чиқариш таннархини 15 фоизга қисқартириш режалаштирилмоқда
Президент Андижон вилоятига ташрифи чоғида Асакадаги тўқимачилик корхонасида бўлди. У ерда вилоят мисолида пахта-тўқимачилик саноатини ривожлантириш концепцияси бўйича ахборот берилди. Таннархни 15 фоизга қисқартириш, 65 фоиз қўшилган қиймат яратиш режалари таъкидланди.
Газ ва электр тарифлари «ислоҳоти», инфратузилма модернизацияси. Энергетика хавфсизлиги учун нималар таклиф қилинмоқда?
Президент энергетик хавфсизликни таъминлаш чора-тадбирлари билан танишди. Жумладан, 1 апрелдан газ ва электр энергияси тарифларини ислоҳ қилиш ва ижтимоий нормаларни жорий этиш, 49 млрд долларлик электр энергиясини харид қилиш бўйича келишувларни қайта расмийлаштириш ва бошқалар режалаштирилган.
Ўзбекистонда халқаро интернет тармоғидаги монополия ниҳоят тугатилиши мумкин
1 апрелгача провайдерларга халқаро интернет тармоқларига тўғридан-тўғри уланиш имкониятини тақдим этиш режа қилинмоқда. 2020 йилда бундай монополияни бекор қилиш мақсад қилинганди, аммо бу ҳалигача амалга ошмаган. Телекоммуникация сектори бўйича мустақил регулятор 1 сентябргача пайдо бўлиши мумкин.
Пиёз нархи ошиши ҳақидаги хабарлар ҳақиқатга тўғри келмайди — Қишлоқ хўжалиги вазирлиги
Қишлоқ хўжалиги вазирлиги мамлакатга кириб келадиган совуқ ҳаво оқими пиёз нархи кўтарилишига сабаб бўлиши мумкинлиги ҳақидаги хабарларни рад этди.
Saneg Италиянинг CGC Lubricants Italy нефть ишлаб чиқарувчи компаниясини сотиб олди
Saneg нефть-газ компанияси Италиянинг мой ва мойлаш материаллари ишлаб чиқарувчи CGC Lubricants Italy компаниясини сотиб олди. Битим Фарғона нефтни қайта ишлаш заводидаги мойлар учун формулалар, технологиялар ва Европа хавфсизлик сертификатларини олиш соҳаларида тажриба алмашишни ўз ичига олади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг