Аэропорт узоқ, йўллар носоз, инфратузилма қониқарли эмас — Ўзбекистоннинг Британиядаги сайёҳлик элчиси Мўйноқ ҳақида
Ўзбекистоннинг Лондондаги сайёҳлик элчиси Софи Ибботсон Мўйноқнинг туристик салоҳиятини ошириш ҳақида фикр билдириб, Нукус халқаро аэропортининг шаҳардан узоқлиги, Мўйноққача бўлган йўллар носозлиги ҳамда инфратузилма қониқарли даражада эмаслигини таъкидлади. У бориш ва қайтиш осон ва тез, қолаверса, яшаш шароитлари яхши бўлган шаҳарларда туристлар сони тез ортишини айтиб, расмийларни Мўйноққа кўпроқ эътибор қаратишга чақирди.
«Тошкентда дарахтларни кесишаяпти — Мўйноқда эса битта баргнинг ҳам қадри баланд»
Мўйноқда бўлиб ўтаётган Стихия мусиқий фестивали доирасида маҳаллий туроператор Дилфуза Кутлимуротова Оролбўйи ҳудудига бир марта келган одам табиатнинг қадрига етиб кетишини таъкидлади. «Тошкентда дарахтларни кесишаяпти — Мўйноқда эса битта баргнинг қадри баланд, ҳаттоки болалар тегинмайди», — деди у. Унинг сўзларига кўра, ўз вақтида бу ерда на сув, на электр энергия, на йўл бўлган. 2017 йилдан бери туманда инфратузилма яхшиланиши ортидан маҳаллий аҳоли билан бирга туристларнинг ҳам сони орта бошлаган.
Энергия истеъмоли деярли нолга тенг бўлган уй — у қандай қурилган?
Энергия самарадор уй — бу қандай уй? Жуда кам миқдорда энергия истеъмол қиладиган, ўз истеъмоли учун энергияни ўзи ишлаб чиқарадиган, иссиқ сув билан таъминланган ва иссиқликни йўқотмаслик хусусиятига эга бўлган қишлоқ ёки шаҳар турар-жой биносини тасаввур қилинг. Ўзбекистонда илк бор ана шундай намунавий уй БМТТД ва ГЭФ маблағлари ҳисобидан Нурафшонда қуриб битказилди.
«Бу Тошкентнинг бренди». Чорсудаги 7 та кичик гумбаз ҳам маданий мерос объектлари рўйхатига киритилади
Маданий мерос агентлиги Чорсу бозоридаги марказий гумбазга ҳамоҳанг тарзда қурилган 7 та кичик гумбаз давлат муҳофазасига олинганини маълум қилди. Агентлик раҳбарининг биринчи ўринбосари Турсунали Кузиевнинг сўзларига кўра, гумбазлар Тошкентнинг юзи ҳисобланади. Илмий эксперт кенгаши аъзоси Зафар Ҳакимовнинг фикрича, Эски-Жува маконини археологик ёдгорлик сифатида сақлаб қолиш керак. Агентлик Чорсу бозорини Эски шаҳарнинг тарихий ҳудуди сифатида рўйхатга олишни режалаштираяпти.
«Тедди костюми Микки Маус костюмидан қулайроқ». Айиқвойлар ниқоблари ортида кимлар яширинади?
Туғруқхоналар олдида, истироҳат боғларида ва тўй-базмларда Микки Маус, Бурундуқ ҳамда бошқа машҳур мультфильмлар қаҳрамонлари костюмларини кийиб олган одамларни учратиш мумкин. Аниматорлар ниқоблари ортида ким яширинади, бу иш учун қанча ҳақ тўлашади ва бундай кийимнинг ичида бўлиш қанчалик иссиқ — «Газета.uz» фотомухбири Мадина Аъзам ушбу саволларга жавоб излади.
«Ҳақиқатни айтаман деб 5 суткага қамалдим». Жумагул Келдиярова Сардоба фожиаси ҳақида
2020 йил 1 май санаси сардобаликлар хотирасида ўчмас из қолдирди. Давлат томонидан уларга кўплаб ёрдам берилган бўлса-да, ҳозиргача ноҳақликлар қилингани ҳақида сўзловчилар топилади. 51 ёшли Жумагул Келдиярова «Газета.uz»га сўзлаб берган ҳикоясида сув омбори ёрилганидан кейин ҳаётида бўлган ўзгаришлар, дўконсиз қолгани, Вазирлар Маҳкамасига шикоят қилиб боравергани учун туҳмат билан 5 суткага қаматилгани, маҳаллий аҳоли ишсиз эканлиги, лекин шунга қарамасдан шукур қилиб яшаб келишаётгани ҳақида сўзлади.
Чирчиқ шаҳридаги бинолар ёши интерактив харитада акс эттирилди
1 май куни Чирчиқ шаҳри ўзининг туғилган кунини нишонлайди. Бу йил шаҳар 87 ёшга тўлади. Ушбу сана муносабати билан Тошкент шаҳар ҳокимлиги Рақамли ривожланиш департаменти Чирчиқдаги бинолар ёши акс эттирилган интерактив харитани тузди. Картограф Жонибек Қутлимратов хаританинг тузилиши жараёни ва Тошкент вилоятидаги энг муҳим шаҳарлардан бирига асос солиниши тарихи ҳақида сўзлаб беради.
1 майдан нималар ўзгаради?
Кучга кирган янги таҳрирдаги Йўл ҳаракати қоидалари, олд ўриндиқдаги йўловчи ҳам хавфсизлик камарини тақиши шартлиги, пенсия ва нафақалар миқдори 12 фоизга оширилиши, авиаспоттингга рухсат берилиши, ягона тергов ахборот тизими ишга туширилиши, мигрантлар ва уларнинг оила аъзоларига моддий ёрдам кўрсатилиши — 1 майдан Ўзбекистонда нималар ўзгаради?
«Ҳаётимни бутунлай ўзгартириб юборди». Илмий иши сувда оқиб кетган Камола Аброрхонова Сардоба фожиаси ҳақида
2020 йил 1 май куни Камола Аброрхонованинг илмий иши қўлёзмалари Сардоба сув омбори ёрилиши оқибатида сувда зарарланганди. 15 май куни мирзаободликлар билан мулоқотда президент Шавкат Мирзиёев Камолага истисно тариқасида фалсафа доктори дипломи берилишини маълум қилганди. Камола «Газета.uz»га сув омбори ёрилиши унинг ҳаётини қай даражада ўзгартириб юборгани, ҳозирда кафедра мудири сифатида 35 нафардан ортиқ профессор-ўқитувчиларга раҳбарлик қилаётгани, доцент бўлгани ва 2 йил давомида бошидан ўтказганларини сўзлаб берди.
Сардоба сув омбори ёрилганига 2 йил тўлди
2020 йил 1 май куни соат 05:55. «Сардоба» сув омбори ёрилиб, аҳоли зудлик билан эвакуация қилина бошланди. Техноген офат оқибатида 6 киши вафот этди, 70 мингга яқин фуқаро яшаш жойини тарк этди, минглаб уйлар вайронага айланди. Бунга сабабчи деб кўрилган 17 киши қамалди. «Газета.uz» фожиа ва ундан кейинги воқелар хронологиясини бир материалга жамлади.
«Вазият яхшиланди, аммо ҳали қайтишни тавсия қилмаймиз». Ўзбекистонлик шифокор Киевдаги вазият ҳақида
Киевда ишлаётган ўзбекистонлик шифокор Темурбек Юсупов «Газета.uz»га берган интервюсида Украина пойтахтида вазият анча яхшилангани, комендантлик соати қисқаргани, жамоат транспорти иши тикланганини айтди. Бироқ, унинг сўзларига кўра, расмийлар ҳозирча шаҳарга қайтишни тавсия этмаяпти, чунки вазият кескин ёмонлашиши мумкин. Шунингдек, у Польша билан чегарада содир бўлган ЙТҲда яна бир ўзбекистонлик ҳалок бўлганини маълум қилиб, Украинадаги «бандеровчилар ва нацистлар» ҳақидаги хабарлар бўйича фикр билдирди.
«Дадам: „Жефф Безосни кўрдингми?“ — деб сўрарди» — Amazon компаниясининг реклама бўйича консультанти Ирина Аблязова
Amazon компаниясининг тематик рекламаларнинг автоматлаштирилган хариди бўйича консультанти Ирина Аблязова — «Хориждаги ўзбекистонликлар» лойиҳасининг навбатдаги меҳмони. Биз ундан Америкадан бўлмаслик иш топишга қандай ёрдам бериши, компаниянинг қатъий корпоратив маданияти, нима учун раҳбариятга чуқур ҳурмат билан муносабатда бўлиш шарт эмаслиги ва АҚШга қандай қилиб бориш мумкинлиги ҳақида сўрадик.
Жиззахдаги сел қабристоннинг ярмини оқизиб кетди, юқумли касалликлар тарқалишига қарши чоралар кўрилмоқда
Жиззах вилояти Эгизбулоқ маҳалласига келган сел 70 дан ортиқ қабрни оқизиб кетган. СЭС ходимлари аҳоли орасида турли касалликлар тарқалишининг олдини олиш учун сув ва тупроқ намуналарини олишди ҳамда аҳолига дори ва антисептик воситалари тарқатди.
Дамбами ёки кучли ёғингарчилик: Жиззахнинг Эгизбулоқ қишлоғидаги талофатли селга нима сабаб бўлди?
Жиззах вилояти Фавқулодда вазиятлар бошқармаси бошлиғи Равшан Ибрагимов Эгизбулоқдаги селга аввалига дўл, унинг ортидан кучли ёмғир ёғгани сабаб бўлганини маълум қилди. Маҳаллий аҳоли эса тоғда «Huaxin» цемент заводи карьер учун йўл қурган ва сой йўлида дамба ҳосил қилган деган фикрда. «Газета.uz» ушбу масала юзасидан суриштирув олиб борди.
«Қадрли тошкентликлар, шинам, кўркам, зилзилага бардошли уй — сизларга совға». Иттифоқ республикалари янги Тошкентни қандай қуришган?
1966 йил 26 апрель куни эрта тонгда Тошкент даҳшатдан ларзага тушди. Тахминан 8 баллик зилзила бутун кўча ва мавзеларни ер билан яксон қилди. Вайрон бўлган пойтахтни қайта тиклаш учун Ўзбекистон вилоятлари ва бутун Совет иттифоқи қурувчилари Тошкентга ошиқдилар. Шаҳарнинг турли қисмларида «Бутуниттифоқ ҳашари» усулида қурилган уйлар бугунги кунгача сақланиб қолган. Айримларининг ён ва олд томонлари эсдалик ёзувлар билан безатилган. "Газета.uz" 1966−1970-йиллардаги биноларнинг шаҳар архитектураси ва аҳоли маданияти учун қандай аҳамияти ва қиймати борлигини таҳлил қилди.
Қардош шаҳар. Қардошлик муносабатлари нимани англатади?
Тошкент дунёдаги 26 шаҳар билан, Самарқанд эса 29 шаҳар билан қардошлик алоқаларига эга. Апрель ойининг сўнгги якшанбасида Бутунжаҳон қардош шаҳарлар куни нишонланади. Ўзбекистон шаҳарлари қанча қардошларга эга ва бу муносабатлар нимани англатади — «Газета.uz» мақоласида.
«Бу ерда ҳаммаси бошқача эканини билардим. Ва бу билан ҳисоблашиш керак». Релокантлар — Ўзбекистондаги биринчи ой ҳақида
«Газета.uz» ўз мамлакатларини тарк этиб, Ўзбекистонга кўчиб ўтишга қарор қилган Россия, Беларусь ва Украина фуқаролари ҳақида туркум материалларни тақдим этади. IT-мутахассис Даниил ва «Эхо Москвы» журналисти Ксения Тошкентдаги ҳаётларининг биринчи ойида олган таассуротлари ҳақида сўзлаб беришди.
«Овозимизни ҳам чиқармай, жимгина уруш тугашини кутишдан бошқа чорамиз йўқ» — Анна Франк кундалиги
Уруш адабиётида Иккинчи жаҳон уруши хотиралари билан боғлиқ кундаликлар орасида «Анна Франк кундалиги» энг кўп шуҳрат қозонган. Кундаликда 13 ёшли қизалоқ — Анна 1942−1944 йилларда яхудийларга қарши қирғин сабаб нацистлардан яшириниб, махфий бошпанада кечган оғир турмуши, ён-атрофида ва дунёда содир бўлаётган ҳодисаларга нисбатан ўсмирларга хос муносабати ҳақида ҳикоя қилади.
«Эшикни очиб қарасам, олдимда 2 метр баландликда сув турибди». Форишдаги селдан жабр кўрганлар
Жиззахдаги селдан талофат кўрган уйлардан бирининг эгаси Исроил Алиев «Газета.uz»га сел қандай келгани ҳақида сўзлаб берди. «Уйдан эшикни очиб қарасам, олдимда 2 метр баландликдаги сув турганини кўрдим. Сув пасайгунча шундай жон сақлаб турдик», — деди у. Фавқулодда вазиятлар вазири хотини ва боласини қутқариб қолган Исроилни «қаҳрамон» деб атади. Исроил Алиевнинг сўзларига кўра, ҳокимият вакиллари уйсиз қолган аҳолига 3 хонали уй қуриб беришини айтган.
Биз ҳақимизда бизсиз қарор: ўзбек имо-ишора тилини унинг ташувчиларисиз ривожлантиришмоқчими?
Февраль ойида ҳукуматнинг ўзбек имо-ишора тилини шахслараро мулоқот воситаси сифатида ривожлантириш тўғрисидаги қарори жамоатчилик муҳокамасига қўйилди. Унда яна ногиронликнинг ижтимоий модели эмас, тиббий жиҳатига эътибор қаратилган. Карлар ҳуқуқлари фаоли Маъмур Аҳлиддинов ва «Газета.uz» колумнисти Дилмурод Юсупов ҳужжатнинг хом эканлигини таъкидлаб, уни такомиллаштиришни таклиф қилишмоқда.
Энг кўп ўқилган хабарлар | Сўнгги янгиликлар
- Ўзбекистонда 17−23 февраль кунлари об-ҳаво қандай бўлади? «Газета.uz» шарҳи
- «Диссертация учун 3000−5000 доллар». Ўзбекистонда докторантура ислоҳоти нима учун натижа бермади? Тадқиқот
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Март ва августдан иш ҳақи ва пенсияларнинг ошиши ҳақидаги хабарлар ёлғон — Молия вазирлиги
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
Қўшимча имкониятлардан фойдаланиш учун сайтда рўйхатдан ўтинг