Давлат ОТМлари бакалавриатига кириш тест синовлари натижаларига кўра, 193 421 нафар абитуриент талабаликка тавсия этилди (шундан 42,6 минги грант асосида). Давлат гранти асосида ўртача балл 119,3 ни, тўлов-контрактники эса 93,3 баллни ташкил этди.
Нью-Йорк шаҳрида Ўзбекистоннинг БМТдаги янги доимий вакили Улуғбек Лапасов бош котиб Антониу Гутерришга ишонч ёрлиқларини топширди ва иш фаолиятини бошлади.
Қўқон давлат педагогика институти декани фуқарони ўқишга киритиб қўйиш учун 4 минг доллар олаётганда қўлга тушгани айтилмоқда. Бу каби ҳолат Хоразм вилоятида ҳам қайд этилди.
Пойтахтдаги ҳайдовчилар чорраҳалар олдига нотўғри жойлаштирилган машиналар туфайли йўл ҳаракати қоидаларини бузишга мажбур бўлган вазиятларни «тузоқ» деб атамоқда. Расмийлар вазиятни ўрганаётганини билдирди.
Муборак туманидаги Хўжа Равшан обидаси ҳудудида Амир Темур даврига мансуб қишлоқ харобалари, хусусан, 4 та хона, кошин, сирланган сопол, металлдан ясалган хўжалик жиҳозлари топилди.
Дэвид Хофман USAIDнинг Ўзбекистондаги миссияси директори бўлди. Миссия 2020 йил сентябрь ойида иш бошлаган. Микаэла Мередит унинг илк директори эди. USAID раҳбари Саманта Пауэр АҚШ Ўзбекистон халқини янада қўллаб-қувватлашга содиқлигини таъкидлади.
БААда ёшлар ўртасида пара пауэрлифтинг бўйича ўтган Жаҳон чемпионатида 7 нафар ўзбекистонлик спортчининг 4 нафари олтин, 1 нафари кумуш ва 2 нафари бронза медалига сазовор бўлди. Унда қатнашган аёл атлетлардан бири Руҳшона Ўктамова 95 кг тош кўтариб, Осиё рекордини янгилади.
Тошкентда рўй берган иккита ЙТҲда икки пиёда ҳалок бўлди. Урбанистлар томонидан бир неча бор танқид қилинган собиқ Оқтепа айланма йўлида 69 ёшли аёл уриб юборилди. Шунингдек, Қонунчилик палатаси биноси ёнидаги тугатилган, тартибга солинмаган ўтиш жойида йўлни кесиб ўтаётган эркак ҳалок бўлди.
Сенатнинг 24 августдаги ялпи мажлисида валютани тартибга солиш, ижара ва лизинг муносабатларини такомиллаштириш, ўсимликларни ҳимоя қилиш ва ер қаъри тўғрисидаги қонунлар кўриб чиқилади. Сурхондарё ва Хоразм вилоятларини ижтимоий-иқтисодий ривожлантириш дастурлари натижалари ҳам муҳокама қилинади.
14 август куни Доғистондаги ёнилғи қуйиш шохобчаси портлаб, ўнлаб одамлар ҳалок бўлганди. Республика раҳбари уларнинг 4 нафари Ўзбекистон фуқароси бўлганини билдириб, вафот этганларнинг оилаларига 1 млн рублдан ёрдам кўрсатилишини қўшимча қилди.
Шавкат Мирзиёевнинг қайта сайланганидан кейинги илк давлат ташрифида Ўзбекистон ва Озарбайжон ўртасида Олий давлатлараро кенгашни ташкил этиш тўғрисидаги шартнома ва бошқа ҳужжатлар имзоланди. Савдо, саноат кооперациясини ривожлантириш, логистика масалалари ва бошқалар муҳокама қилинди.
Футбол бўйича Осиё Чемпионлар лигаси (ОЧЛ)нинг 2023/2024 йилги мавсуми гуруҳ босқичида Ўзбекистондан тўрт жамоа — «Пахтакор», «Насаф», «Навбаҳор» ва ОКМК иштирок этадиган бўлди. Қитъа клубларининг энг нуфузли мусобақаси гуруҳ босқичида сўнгги бор 2016 йили Ўзбекистон номидан тўрт жамоа қатнашган эди
Халқаро меҳнат ташкилоти тадқиқоти кўпчилик иш ўринлари фақатгина қисман автоматлаштирилиши ҳамда ChatGPT каби генератив сунъий интеллект иш ўринларини эгалламаслиги, балки уларни тўлдиришини кўрсатди. Канцелярия ишлари кўпроқ хавф остида.
Қирғиз-қозоқ чегарасидаги «Ақ-Тилек» НЎПда юзлаб юк машиналари тўпланди. Қирғизистон матбуотида бунга қўшниларга сув етказиш тўхтатилгани сабаб бўлиши мумкинлиги ҳақидаги хабарлар пайдо бўлди. Қозоғистон чегарачилари чекловлар қўйилмагани ва ўтказиш кўрсаткичлари ёзги мавсумга хослигини айтишди.
Эълон қилинган мандат, апелляция аризаларига қабул, «Андижон» футболчиларига машина ва iPhone14 ваъда қилган Шуҳрат Абдураҳмонов, Самарқандда фаст фуддан заҳарланган 49 киши, Ўзбекистондан Қатарга авиарейс, бир аёлни зўрлаган 4 эркакка ўқилган суд ҳукми ва бошқалар — «Газета.uz»нинг кун дайжестида.
Дастлабки етти ойда Ўзбекистоннинг ташқи савдо айланмаси қарийб 35 млрд долларга (+23,3 фоиз) етди. 5,6 млрд долларга ёки ўтган йилнинг шу даврига нисбатан 2,1 баробар кўпроқ олтин сотилди. Озиқ-овқат, нефть маҳсулотлари, кўмир, автомобиллар импорти ўсди.
2024 йилдан Ўзбекистон ҳуқуқ-тартибот органлари учун АҚШ Давлат департаментининг Antiterrorism Assistance дастури доирасида терроризмга қарши курашиш бўйича махсус тактик ўқув курслари ўтказилади.
20 августдан Ўзбекистон ва Венгрия ўртасида тўғридан-тўғри авиақатновлар йўлга қўйилди, 100 млн долларлик қўшма жамғарма ташкил этишга келишиб олинди. Венгрия фармацевтика компаниялари Ўзбекистонда дори заводлари қуришни режалаштирмоқда. Венгриялик инвесторлар учун саноат зонаси ишга туширилади.
Ўзбекистонда АЭС қурилиши масаласида силжиш кузатилса, станция учун Венгриянинг қуруқ совитиш технологиясидан фойдаланилади. Бу бўйича мамлакатлар ўзаро келишиб олди, деди Венгрия ташқи ишлар вазири Петер Сийярто. Унинг айтишича, лойиҳа юзлаб млн евролик ҳамкорликни назарда тутади.
Тожикистон билан чегарадаги «Ойбек» божхона постида 55 кг га яқин гиёҳвандлик воситаларини Ўзбекистонга олиб кирмоқчи бўлган шахс тўхтатиб қолинди. У моддаларни газ баллони ва бензин бакига яширган.
Қўшимча имкониятларга эга булиш учун сайтда рўйхатдан ўтинг