Ўзбекистонда 2025 йилгача бирламчи тиббиёт бўғинини босқичма-босқич трансформациялаш режалаштирилмоқда
Ўзбекистонда 2025 йилда шифокор қабулига навбат тўлиқ электрон шаклга ўтказилади, стоматология хусусий секторга берилади, шифокорлар иш самарадорлиги учун устамалар ола бошлайди. Вилоят миқёсидаги ихтисослаштирилган тиббиёт муассасалари кўп тармоқли поликлиникаларга айлантирилади.
ОТМларда экология дастурлари пайдо бўлади, техника ва тиббиёт йўналишлари квоталари 25 минг ўринга етказилади
2025/2026 ўқув йилида Green University циркуляр иқтисодиёт бўйича мутахассислар тайёрлашни бошлайди, йирик шаҳарларда «яшил техникумлар» пайдо бўлади. Давлат ОТМларида аниқ ва табиий фанлар, муҳандислик-техника, тиббиёт йўналишлари бўйича грант асосида таълим квоталари 25 минг ўринга етказилади.
«Бир миллион яшил оила» платформаси қандай имтиёзлар беради?
Аҳолисининг камида ярми «яшил оила» мақомини олган маҳаллаларда энг тоза ва яшил маҳалла танловлари ўтказилади. Ғолиб маҳаллалар 500 млн сўм мукофот пулини йўлларни таъмирлаш, ёритиш, болалар майдончалари, боғлар қуриш ва чиқиндиларни йиғиш майдончалари ташкил этишга сарфлаши мумкин бўлади.
Тошкент ва бошқа йирик шаҳарларда зарарли ишлаб чиқариш тақиқланади, қатор корхоналар кўчирилади
1 майдан бошлаб Тошкент, Нукус ва вилоят марказларида экологияга салбий таъсир кўрсатувчи янги лойиҳаларни амалга ошириш тақиқланади. Улар орасида асбест ва цемент ишлаб чиқариш, паррандачилик фабрикалари ва бошқалар бор. 168 та саноат корхонасини шаҳарлардан ташқарига кўчириш ҳам режалаштирилмоқда.
Ўзбекистонда атроф-муҳитга етказилган зарар учун мажбурий суғуртани жорий этиш режалаштирилмоқда
Ўзбекистонда атроф-муҳитга юқори таъсир кўрсатадиган корхоналар учун компенсация тўловлари бўйича қатор имтиёзлар жорий этилади. Бу учун ҳаво ифлосланишини назорат қилувчи фон мониторинги станциялари ўрнатиш лозим. Шунингдек, экологияга зарардан мажбурий суғурта тизимини жорий этиш кўзда тутилган.
Эковазирлик ҳавони ўлчаш натижалари бўйича танқидларга жавоб берди
Тошкент вилоятидаги экорейд натижалари эълон қилингач, тармоқларда ҳаво ифлосланиши ўлчовининг тўғрилиги бўйича баҳслар пайдо бўлди. Эковазирлик нормадан ошиш кузатилмаганини айтди. Маълум қилинишича, Тошкентга кирувчи ҳаво оқимларининг 80 фоизи иссиқхона концентрацияси юқори ҳудудлардан ўтади.
Кўплаб мамлакатлар БМТнинг янги иқлим мақсадлари бўйича белгиланган муддатга риоя қилолмади
Дунёнинг Хитой, Ҳиндистон каби энг ифлослантирувчи давлатлари БМТнинг 2035 йилгача бўлган янги иқлим мақсадларини белгилаш муддатига амал қилмади, деб ёзмоқда Reuters. Глобал исишни тўхтатиш ҳаракатлари Дональд Трампнинг сайланишидан кейин босим остида қолгани айтилади.
Атом энергетикаси узоқ муддатли ўсиш суръатлари учун муносиб замин яратади — президент
Президент йиғилишига кўра, уран захиралари ҳисобига атом энергетикаси орқали узоқ муддатли қувват ташкил этиш режалаштирилмоқда. Давлат раҳбари бўлажак АЭС мутахассисларини ҳозироқ тайёрлашни буюрди ва технология иқтисодиёт рақобатдошлигини ошириб, ўсиш суръатлари учун муносиб замин яратишини айтди.
Малака сертификатига эга ўзбек тили ўқитувчиларига устама тўланади
Президент фармони билан, мактабларда ўзбек тили фанидан дарс беруви ва миллий баҳолаш тизимида тегишли сертификатга эга ўқитувчиларга ҳар ойда тариф ставкасига нисбатан 50% миқдорида устама тўланади.
Ўзбекистон туризм салоҳияти тарғиботида Испаниянинг «Атлетико» футбол клуби билан ҳамкорлик қилиши мумкин
Мадриднинг «Атлетико» футбол клуби Ўзбекистоннинг сайёҳлик салоҳиятини халқаро майдонда тарғиб қилишга кўмаклашиши кутилмоқда. Туризм қўмитаси раиси Испанияга ташрифи давомида клуб мутасаддилари билан учрашди ва қўшма маркетинг ҳамда реклама кампанияларини ўтказиш имкониятларини муҳокама қилди.
Россия Марказий Осиёдаги таъсирини йўқотиш хавфидан хавотирда — FT
Россия ўзининг Марказий Осиёдаги таъсирини йўқотишдан хавотирда, деб ёзди FT. Ғарб МО давлатларини санкцияларга риоя этишга мажбурлади ва уларга жаҳон бозорига киришни таклиф этди. Минтақа Россия бизнесини сиқиб чиқариш орқали санкциялардан фойда кўрди, Россиясиз иттифоқларга бирлашишга интилмоқда.
Бухорода ноқонуний сақланган шер боласи ҳайвонот боғига топширилди
Ромитан туманида фуқаро ўз хонадонида ёввойи шер боласини ноқонуний равишда сақлаб келгани аниқланди. Унга нисбатан маъмурий иш қўзғатилди. Шер боласи ҳайвонот боғига жойлаштирилди.
Ўзбекистонда ғиштдан воз кечиш рағбатлантирилади
2026 йилдан Ўзбекистонда ғишт ишлаб чиқариш солиғи икки бараварга оширилади, 2027 йилдан эса қўриқланадиган ерлардаги карьерларда қум қазиб олиш тақиқланади. Ғишт ўрнига пеноблок ва газоблокдан кенг фойдаланувчи қурилиш ташкилотларига «Шаффоф қурилиш» платформасида устуворлик берилади.
Ўзбекистонда «яшил тадбиркор» мақоми ва электр учун «яшил» тарифлар жорий этилади
1 сентябрдан «яшил тадбиркор» мақомини берувчи платформа ишга туширилиши мумкин. Бундай мақомга эга корхоналар «Шаффоф қурилиш» платформасида устуворлик, барқарорлик рейтингида баллар ва бошқа имтиёзларга эга бўлади. Қайта тикланувчи энергия манбаларидаги электр учун «яшил тарифлар» жорий этилади.
Трамп пўлат ва алюминий импортига 25 фоизли божлар жорий этмоқчи
Дональд Трамп АҚШга пўлат ва алюминийнинг барча импортига 25 фоизли божлар жорий этилишини эълон қилди. Инвесторларнинг Трамп сиёсатининг оқибатларидан хавотирлари ва хавфсиз активларга бўлган талаб фонида олтин нархи рекорд даражага етди.
Ҳуқуқ-тартибот идоралари ходимлари яна қарийб 30 кг гиёҳванд моддани мусодара қилди
ДХХ ва ИИВнинг «Қорадори» операцияси иккинчи босқичи 28,8 кг гиёҳванд модда ва 9421 та кучли таъсир этувчи дори воситаларининг мусодара қилиниши билан якунланди. Шунингдек, ҳуқуқни муҳофаза қилувчи органлар 18 та ўқотар ва 126 та совуқ қурол аниқлаб, қидирувда бўлган 53 нафар шахсни ушлади.
Инфляцион кутилмалар: аҳоли ва бизнес энг кўп коммунал хизматлар қимматлашидан ташвишланмоқда
Январда аҳолининг келгуси бир йил учун инфляцион кутилмалари ўтган ойга нисбатан ўзгаришсиз қолиб, 14,4 фоизни ташкил этди. Тадбиркорларнинг кутилмалари пасайди (-1 фоиз). Аҳоли ҳам, бизнес ҳам келгусида нархлар ошишига энг кўп коммунал хизматлар қимматлашиши сабаб бўлишини қайд этган.
Бош прокуратура қуёш панеллари ўрнатилишини назорат қилади
Давлат дастурини амалга ошириш тўғрисидаги президент фармони билан Бош прокуратурага қуёш панелларини ўрнатиш режасининг ижросини таъминлаш топширилди. Энергетика вазирлиги ҳокимликлар билан биргаликда уларни туман ва шаҳарларда ўрнатиш дастурини ишлаб чиқади.
Тошкентда болаларга лицензиясиз хизмат кўрсатган шифохона аниқланди
Рақобат қўмитаси ва ССВ Тошкентдаги Nazar Medical шифохонаси болалар терапевтик стоматологияси бўйича тиббий фаолият юритиш учун лицензияга эга эмаслигини аниқлади. Қўмита клиникадаги текширувни бир аёл ва болага сифатсиз тиббий хизмат кўрсатганидан сўнг ўтказган.
ДХХ қўшни давлатлардан олиб келинган қарийб 8 кг гиёҳванд моддалар савдосига чек қўйди
Фарғонада Тожикистон ва Қирғизистондан олиб келинган гиёҳванд моддалар айланмасига чек қўйилди. Ҳозирда барча ҳолатлар юзасидан жиноят ишлари қўзғатилган.
Қўшимча имкониятлардан фойдаланиш учун сайтда рўйхатдан ўтинг