Сиёсат
2 июнь куни Ўзбекистонда содир бўлган энг муҳим хабарлар дайжести
Тошкентда очилган янги боғ, президентнинг Сурхондарёда ўтказган йиғилиши, IT Park 27 та компаниянинг резидент мақомини бекор қилиши, кучли шамолнинг оқибатлари — «Газета.uz»нинг 2 июндаги энг муҳим хабарлари дайжестида.
Қозоғистон президенти Абдулла Ариповни «Дўстик» ордени билан тақдирлади
Қозоғистон президенти Қасим-Жомарт Тоқаев мамлакатлар ўртасидаги муносабатларни ривожлантириш ва дўстлик ришталарини мустаҳкамлашга қўшган ҳиссаси учун Ўзбекистон бош вазири Абудулла Ариповни «Дўстик» ордени билан тақдирлади.
Термиз — Мозори Шариф — Кобул — Пешовар темир йўли қурилса Эрон, Покистон портларига йўл очилади — президент
Президент Шавкат Мирзиёев журналистлар билан учрашувда Термиз — Мозори Шариф — Кобул — Пешовар темир йўли қурилишининг илк босқичлари учун Жаҳон банки томонидан 35 млн доллар маблағ ажратилишини маълум қилди.
«Мен бу ерга ҳақиқий масъулиятни ўз зиммамга олиш учун келдим» — президент
Шавкат Мирзиёев Сурхондарёни «иқтисодий берк» вилоят деб атаб, у ерда тадбиркорларга Тошкентда мавжуд имкониятлар сингари бир ҳил шароит яратиш кераклигини таъкидлади. Президент вилоятдаги асосий муаммо суғориш ва ичимлик суви таъминоти эканлигини қайд этди. «Мен ҳақиқий масъулиятни ўз зиммамга олиш учун келдим, бу қийин. Одамлар гаплардан чарчаган, уларга ҳақиқий лойиҳалар, пул, инфратузилма бериш керак», — деди у.
«Бу мамлакатда деярли ўзгаришлар бўлмаганлигини англатади» — Агнешка Пикулицка
Халқаро журналист Агнешка Пикулицка ўз шахсий Twitter’ида ТИВ томонидан унинг аккредитациясини узайтирмаслик тўғрисидаги қарорига муносабат билдирди. У ушбу ҳолатни «унинг овозини ўчиришга уриниш» ва «мамлакатда деярли ўзгаришлар бўлмаганлигини англатади» деб изоҳлади.
60 та сектор раҳбари 100 фоиз иш вақтини маҳаллада ўтказиши керак — президент
Шавкат Мирзиёев Сурхондарё вилояти фаоллари билан учрашувида вилоятда маҳаллабай ишлаш тизимини такомиллаштириш кераклиги ҳақида айтиб ўтди.
Сурхондарёда Тошкентга боғлиқ бўлган бирорта муаммо қолгани йўқ — Шавкат Мирзиёев
Шавкат Мирзиёев савол бериш, муаммо ва таклифларни ўртага ташлашни сўраб, бунга қарши бўлганлар хиёнатчи бўлишини таъкидлади. Шунингдек, йиғилишда ёшлар масалаларига ҳам эътибор қаратилди.
Сурхондарёдада инфратузилмани яхшилаш учун 1,9 триллион сўм маблағ ажратиляпти — президент
Президент Шавкат Мирзиёев Сурхондарё вилоятида инфратузилмани яхшилаш учун 1 триллион 900 миллиард сўм маблағ ажратилаётганини маълум қилди.
«Тошкент кўмак бериши керак, лекин вилоятлар ўзини аравасини ўзи тортиши керак» — президент
Шавкат Мирзиёев Сурхондарё вилоятида 100 минг киши ишсиз экани ва 80 минг нафари чет элга эканликларини айтиб, «ҳокимлар бўйинбоғини ечиб қўйиб, ҳафтада бир кун фуқаролар орасида юриши кераклигини» таъкидлади. «Тошкент кўмак бериши керак, лекин вилоятлар ўзини аравасини ўзи тортиши керак», — деди давлат раҳбари.
ТИВ халқаро журналист Агнешка Пикулицканинг аккредитациясини узайтирмасликка қарор қилди
ТИВ польшалик журналист Агнешка Пикулицка томонидан «Ўзбекистон Республикаси қонунчилигининг бузилиши ҳолатлари қайд этилганлиги» сабабли унинг аккредитациясини узайтирмасликка қарор қилди.
Шавкат Мирзиёев Шерободдаги замонавий иссиқхонани бориб кўрди
Июнь ойининг бошини Ўзбекистон президенти Сурхондарё вилоятига ташрифдан бошлади. Давлат раҳбари кун тартибидан ўрин олган объектлар қаторида 29 гектарлик иссиқхона ва 5 млн долларлик «Шеробод анор импекс» лойиҳаси билан ҳам танишди. Корхона 6 минг тонна қадоқлаш, 2 минг тонна анор шарбати ишлаб чиқариш қувватига эга. Мажмуада жами 300 га яқин иш ўрни яратилган.
1 июнь куни Ўзбекистонда содир бўлган энг муҳим хабарлар дайжести
Президентнинг Сурхондарёга ташрифи, боксчиларнинг Осиё чемпионатидаги натижаси, ДХХ томонидан гиёҳвандлик моддаларининг мусодара қилиниши, UzAuto Motors`нинг «шапка тизими» ҳақидаги хабарларга изоҳи — «Газета.uz»нинг 1 июндаги энг муҳим хабарлари дайжестида.
Президент Сурхондарёда ғалла ўриш комбайнини ҳайдади — видео
Шавкат Мирзиёев «Ангор Сурхон ғурури» кластери даласида ғалла ўриш комбайнини ҳайдади.
Президент Сурхондарё вилоятига жўнаб кетди
Президент Шавкат Мирзиёев ҳудудлар иқтисодиёти, аҳоли турмуш шароитлари билан яқиндан танишиш мақсадида Сурхондарё вилоятига йўл олди. Икки кунлик ташриф мобайнида энергетика, агросаноат, савдо ва қишлоқ хўжалиги лойиҳалари билан танишиш кўзда тутилган.
31 май куни Ўзбекистонда содир бўлган энг муҳим хабарлар дайжести
Январь-апрель ойларида Ўзбекистондаги қурилишлар суммаси, президентнинг Сурхондарёга ташриф режаси, Сенатнинг қонунларга ўзгартиришлар киритишни маъқуллаши, ЙТҲларда ҳалок бўлганлар сони ошиши — «Газета.uz»нинг 31 майдаги энг муҳим хабарлари дайжестида.
Қашқадарё вилояти ҳокими ўринбосари 3 ойлик иш ҳақини давлатга қайтаради
Қашқадарё вилояти ҳокимининг ёшлар масалалари бўйича ўринбосари Рустам Йўлдошев ташкилий масалага эътибор қилмагани учун 3 ойлик иш ҳақини давлатга қайтариб тўлайди. Унинг котибият мудирига эса ҳайфсан эълон қилинди.
Марказий Осиё давлатлари раҳбарлари саммитининг юзма-юз кўринишда бўлиб ўтиши кутилмоқда
Марказий Осиё давлатлари раҳбарларининг 2021 йилга қолдирилган учинчи маслаҳат учрашуви вақти ҳозирча маълум эмас, бироқ Ўзбекистон унинг юзма-юз кўринишда бўлиб ўтишини кутмоқда. «Онлайн формат кўзда тутилаётгани йўқ», — деди президент матбуот котиби Шерзод Асадов.
Шавкат Мирзиёев эртага Сурхондарёга боради
1 июнь куни президент Шавкат Мирзиёев Сурхондарё вилоятига боради. Вилоятда давлат рахбари икки кун мобайнида бўлиши режалаштирилган.
Шавкат Мирзиёев P4G саммитида нутқ сўзлади
Ўзбекистон президенти «Яшил ўсиш ва глобал мақсадлар учун ҳамкорлик — 2030» (P4G) халқаро саммитида иштирок этди. Шавкат Мирзиёев минтақада иқлим ўзгаришлари таъсирида трансчегаравий дарёлар оқими ва биологик хилма-хиллик қисқараётгани бўйича хавотирда эканлигини маълум қилди. У «яшил иқтисодиёт»ни барпо этишга ёшларни жалб этиш бўйича махсус дастурни амалга ошириш ташаббусини илгари сурди.
29 май куни Ўзбекистонда содир бўлган энг муҳим хабарлар дайжести
Ўзбекистонда маданият ва санъат ходимлари куни белгиланиши, сенаторларнинг Сайлов кодексига ўзгартиш ва қўшимчалар киритишни маъқуллаши, Хоразмдаги иккит авария, ИИВнинг Aндижонда 5 ойлик келиннинг зўрлангани юзасидан расмий маълумоти — «Газета.uz»нинг 29 майдаги энг муҳим хабарлари дайжестида.
Энг кўп ўқилган хабарлар | Сўнгги янгиликлар
- Ўзбекистон ва Кувайт шериклик муносабатларини ривожлантириш тўғрисида қўшма баёнот қабул қилди (1)
- Канаданинг Ўзбекистондаги янги элчиси тайинланди
- Ўзбекистон президенти ва Кувайт амири тор доирада ва расмий делегациялар аъзолари иштирокида музокара ўтказди (1)
- Президент ТДТ оқсоқоллар кенгаши раиси Бинали Йилдирим билан учрашди
Қўшимча имкониятлардан фойдаланиш учун сайтда рўйхатдан ўтинг