Жамият
Ўзбекистон бўйлаб «Меҳрли мактаб» филиаллари ташкил этилади
Болалар гематологияси, онкологияси ва клиник иммунологияси марказида даволанаётган болаларга мўлжалланган «Меҳрли мактаб» давлат таълим муассасаси филиаллари република бўйлаб ташкил этилади.
Қорақалпоғистондаги ҳар бир маҳаллага қўшимча 500 млн сўмдан ажратилади
Шавкат Мирзиёев Қорақалпоғистонда аҳоли фаровонлигини ошириш бўйича 3 та ташаббусни илгари сурди. Унга кўра, 452 та маҳалланинг ҳар бирига 500 млн сўмдан қўшимча маблағ ажратилади, 38 минг одамнинг кадастри тўлиқ қилиб берилади. Шунингдек, йил охиригача 4 мингта уй-жой қурилади.
Фарғонада қиз тушиб кетган аттракцион қўлбола усулда ясалган — Контехназорат
Риштон туманидаги «Ар-Рошидоний» боғидаги 17 ёшли қиз тушиб кетган аттракцион қўлбола усулда ясалгани, техник паспорти йўқлиги маълум бўлди. Қолаверса, статик ва динамик синовлардан ўтказилмаган. Жабрланувчи эса воқеа вақтида ҳимоя занжирини ўз қўли билан бўшатиб юборгани айтилмоқда.
Нукус воқеалари бўйича судланувчиларнинг 22 нафардан 16 таси апелляция берди
Нукус воқеалари бўйича судланган 22 нафар судланувчидан 16 нафари суд қарори устидан апелляция шикояти билан мурожаат қилди. Улар орасида февраль ойи бошида тергов изоляторида вафот этган Қорақалпоғистон Ички ишлар вазирлиги Жиноят қидирув бошқармаси собиқ бошлиғи Полат Шамшетов ҳам бор.
Самарқанд вилоятидаги парранда фабрикасида портлаш юз берди
Каттақўрғон туманида парранда фабрикасида портлаш содир бўлди. Унинг оқибатида икки киши жароҳат олди.
2022 йилда саноат корхоналаридаги бахтсиз ҳодисаларнинг 28 таси ўлим билан тугади
Саноат хавфсизлиги қўмитаси назоратидаги корхона ва ташкилотларда 2022 йилда 81 та бахтсиз ҳодиса юз берди. Шулардан 28 тасида ўлим ҳолати қайд этилди. Ҳодисалар 60 фоиздан ортиқ ҳолатда ташкилий сабаб билан боғлиқ, дея изоҳ берилди.
Қорақалпоғистонда Cobalt ва юк машинаси тўқнашиши оқибатида бир киши вафот этди
Тўрткўл туманида Cobalt ва MAN русумли автотранспортлар ўртасида йўл транспорт ҳодисаси юзага келди. Оқибатда бир фуқаро вафот этди. Ҳолат сабаб суриштирув ишлари бошланган.
Самарқандда фуқаро Тожикистондан Ўзбекистонга 19,8 кг гиёҳванд моддани олиб ўтмоқчи бўлди
Ургут тумани ҳудудидан ўтувчи ўзбек-тожик давлат чегарасидан 1997 йилда туғилган маҳаллий фуқаро Тожикистондан 19 кг 799 гр опий моддасини контрабанда йўли билан олиб ўтаётганида ушланди. Унга нисбатан жиноят иши очилди.
Фарғонада 17 ёшли қиз аттракциондан тушиб кетиб, жароҳат олди
Риштон туманида 17 ёшли қиз истироҳат боғидаги аттракциондан эҳтиётсизлик сабаб тушиб кетиб, тан жароҳати олди. «У Бағдод туманидаги шифохонада даволанмоқда, аҳволи яхшиланяпти», дейилади вилоят ИИБ хабарида. Ҳолат бўйича судга оид тиббий экспертиза тайинланди, терговга қадар текширув кетмоқда.
Ўзбекистонда биринчи автоматлаштирилган ҳожатхона ишга тушди
Тошкентнинг Миробод туманида Ўзбекистонда биринчи автоматлаштирилган санитар-гигиеник шохобча ишга туширилди. Унга киришдан аввал нақд пул ёки QR код орқали тўлов қилинади. Фойдаланиш жараёнида барча қурилмалар инсон омилисиз бошқарилади. Шохобча 24/7 режимида фаолият юритади.
Айрим қишлоқ хўжалиги техникалари божхона тўловлари ва утилизация йиғимидан озод қилинади
Президент қарори билан 2023 йил 1 апрелдан тегишли рўйхат бўйича хориждан олиб келинадиган барча турдаги қишлоқ хўжалиги техникалари ва агрегатлари ҳамда уларнинг бутловчи буюмлари ва эҳтиёт қисмлари 2025 йилгача божхона тўловларидан ва утилизация йиғимидан озод қилинади.
29 март куни Ўзбекистонда содир бўлган энг муҳим хабарлар дайжести
Ўзбекистонга келтириладиган қўшимча 20 та самолёт, ЙПХ ходимларига наркотестердан фойдаланишга руҳсат этилгани, «свет» ва газ нархлари бу йил ошмайди, божларнинг нолга туширилиши озиқ-овқат ва товарлар нархи ҳамда иқтисодиётга қандай таъсир қилиши ва бошқалар — «Газета.uz»нинг кун дайжестида.
Ўқувчилари Open budget учун SIM-карта олишга пул йиққан мактаб директори ишдан бўшатилди
Тошкент вилояти Оққўрғон туманида ўқувчилари «Очиқ бюджет» лойиҳасида овоз тўплашга SIM-карта сотиб олиш учун пул йиғишга жалб қилинган мактаб директори ишдан бўшатилди. Вилоят ҳокими ҳақиқатан ҳам эҳтиёж бўлса, мактабни маҳаллий бюджет ҳисобидан жиҳозлаш бўйича топшириқ берди.
Тошкент метросида аёлларга нисбатан зўравонликка қарши кураш ҳақидаги ижтимоий реклама жойлаштирилди
Тошкент метрополитенида аёлларнинг зўравонликка қарши ёрдам сўраб қилган мурожаатларини радиотўлқинлар шаклида акс эттирган баннер ва постерлар жойлаштирилди. Уларнинг ҳар бирида QR-код мавжуд бўлиб, у орқали ёрдам ҳақида батафсил маълумот олиш мумкин.
«Ўзидаги қўрқувни енгганлар» — эшитишда нуқсони бор ёшларнинг фотокўргазмасидан репортаж
Тошкент Фотосуратлар уйида эшитишда нуқсони бўлган ёшлар учун мўлжалланган махсус фотография курси битирувчиларининг кўргазмаси очилди. Ёш ижодкорлар фоторассом Ҳусниддин Атодан 1,5 йил мобайнида сабоқ олган. Кўргазма 31 мартгача давом этади.
Қирғиз-ўзбек чегарасида қурол яширилган ўра аниқланди
Қирғизистон чегарачилари Ўзбекистон чегараси яқинидаги водопровод люки ичига 16 калибрли ов милтиғи яшириб қўйилганини аниқлади.
Ўзбекистон туризм салоҳиятини қандай оширмоқчи?
Ўзбекистонда туризм салоҳиятини ошириш бўйича янги тизим жорий қилинади. Жумладан, ҳар бир вилоятнинг «ташриф қоғози» ишлаб чиқилади, туристик мавсум узайтирилади, 2023 йил мамлакатнинг туристик салоҳиятини жаҳонга тарғиб қилиш йили бўлиб, бунга 100 млрд сўм ажратилади.
Қамчиқ ва Жиззах довонларида туристик автобус ва микроавтобуслар қатновига рухсат этилади
10 апрелдан Қамчиқ ва Жиззах довонлари, Чимён ва Чорвоқда туристик автобус ҳамда микроавтобуслар қатновини йўлга қўйишга рухсат этилади. Шунингдек, туроператор, меҳмонхона ва ташувчиларга айрим автотранспортларни олиб киришда божхона имтиёзлари берилади.
Тошкент вилоятида Open budget`га овоз тўплаш учун ўқувчилардан пул йиғилгани айтилмоқда
Тармоқларда Оққўрғон туманида ўқувчиларнинг Open budget лойиҳасига овоз кўпайтириш мақсадида зарур бўлган сим-карталарни сотиб олиш учун мактабга пул олиб бораётгани акс этган видео тарқалди. Тошкент вилояти ҳокимлиги ҳолат ўрганилаётганини билдириб, бундай ҳаракатни қоралади.
«Азимут» авиакомпанияси Ўзбекистонга янги йўналиш очди
Россиянинг «Азимут» авиакомпанияси Сочи ва Урганчни тўғридан-тўғри рейслар билан боғлади. Парвозлар ҳафтада бир марта — чоршанба куни амалга оширилади. Компания Урганчга Москва ва Минералние Водидан ҳам йўловчи ташийди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг