Жамият
Тошкент жамоат транспорти ҳаракатидаги оралиқ вақт икки баробарга қисқартирилади
Президент қарори билан 2025 йилгача Тошкент шаҳридаги жамоат транспортининг ҳаракатланиш оралиқ вақтини икки баробарга камайтириш, қолаверса, 1063 та автобус ва 673 та электробус харид қилиш кўзда тутилган. Шунингдек, велосипедларни ижарага бериш, «ақлли чорраҳа», «ақлли автобус» ва «ақлли бекат» тизимлари ҳам жорий этилади.
Одам савдосида гумон қилинган ўзбекистонлик аёл БААдан депортация қилинди
Одам савдоси билан шуғулланганликда гумон қилиниб, 9 йилдан бери Интерпол каналлари орқали халқаро қидирувда бўлган ўзбекистонлик аёл БААдан депортация қилинди. У қизларни алдаб, БААга олиб боргани ва паспортларини олиб қўйиб, фоҳишалик билан шуғулланишга мажбур қилгани айтилмоқда.
Қорақалпоғистонда автомобиль йўлини тўсган 3 киши 15 суткага қамалди
2 февраль куни Нукус шаҳридаги марказий дехқон бозор ёнидаги савдо мажмуасида ижара нархининг кўтарилишидан норози бўлган тадбиркорлар автомобиль йўлини тўсиб қўйганди. 4 февраль куни ЖИБ Нукус шаҳар суди унда қатнашган 3 нафар фуқарога 15 суткадан маъмурий қамоқ жазосини тайинлади. Қорақалпоғистон ИИВ матбуот хизмати раҳбари Дауран Елмуратов эса фуқароларни митинг ва кўча юришлари қонун билан тақиқлангани ҳақида огоҳлантирди.
Сенат Ҳукуматга миллий контентни ривожлантириш ва зарарли ахборотдан ҳимояланиш тўғрисида сўров юборади
Сенат интернет тармоғида ёшлар ва вояга етмаганлар учун миллий контентни ривожлантириш, ижтимоий тармоқлардан фойдаланиш маданиятини ошириш ва зарарли маълумотлардан ҳимоя қилиш бўйича Вазирлар Маҳкамасига сўров юборади. Сенатор Фарҳод Боқиев интернет тармоғида «миллий менталитетга ёт, фуқаролар онги, руҳияти, маънавий-маърифий тарбиясига салбий таъсир кўрсатувчи» материаллар тарқалаётганини маълум қилди.
Нима тайёрлаймиз: тўйимли салатлар
Римча ҳамда немисча салат, қўзиқорин ва бодрингли, маккажўхори ва пишлоқли, картошка ва маринадланган бодрингли, товуқ гўшти ва пекин карамидан тайёрланадиган салат — Zira.uz тўйимли салатлар рецептлари рўйхатини тақдим этади.
Коронавируснинг кунлик ҳолати 912 тагача камайди
Жума куни Ўзбекистонда 912 нафар фуқаронинг коронавирусга топширган тест намуналари мусбат натижани кўрсатди, бир кун аввал бу кўрсаткич 961 тага етганди. Қолаверса, 155 кишида пневмония аниқланди.
Ўзбекистоннинг деярли барча ҳудудларида зилзила сезилди
Эпицентри Афғонистонда бўлган зилзила Ўзбекистоннинг деярли барча ҳудудларида сезилди.
4 февраль куни Ўзбекистонда содир бўлган энг муҳим хабарлар дайжести
Пекинга етиб борган Шавкат Мирзиёев, ҳайдовчилик гувоҳномаси учун имтиҳон маркази кимникилиги ва бунга Avtotest`нинг қандай алоқаси борлиги, йўллардаги носозликлар ҳақида хабар беришга мўлжалланган «Shaffof yo’l» платформаси, «прописка» сўзидан воз кечишни маъқуллаган сенаторар, уч марта суиқасд уюштирилган дарахтлар, қишда чўмилиш ҳақида Тошкент моржларидан интервью ва бошқалар — «Газета.uz» нинг 4 февралдаги энг муҳим хабарлари дайжестида.
Тошкент маҳаллалари ЮНЕСКОнинг Бутунжаҳон маданий мероси рўйхатига киритилиши мумкин
ЮНЕСКО Тошкент маҳаллаларини Бутунжаҳон маданий меросининг дастлабки рўйхатига киритди. Саида Мирзиёева Эски шаҳардаги маҳаллаларда ҳеч қандай инвестиция қурилиш лойиҳаларини амалга оширишга рухсат бўлмаслигини маълум қилиб, Зарқайнар кўчасининг тақдири учун қайғурган барчага миннатдорчилик билдирди.
Бюджет маблағларини ўзлаштирганликда гумон қилинган мансабдор ўзини осиб қўйгани маълум қилинди
Ижтимоий тармоқларда Жиззахдаги мактаб бош ҳисобчиси уйда ўзини осиб қўйгани ҳақида хабарлар тарқалди. Вилоят прокуратураси ҳодиса 2019 йил 22-сон мактаб мансабдорлари 160 млн сўм маблағ ўзлаштиргани аниқланганидан кейин содир бўлганини маълум қилди.
Абдуқодир Тошқулов Ўзбекистон волейбол федерацияси президентлигига сайланди
Эндиликда Олий ва ўрта махсус таълим вазири Абдуқодир Тошқулов Ўзбекистон волейбол федерациясининг президенти сифатида ҳам фаолият юритади.
Ҳайдовчилик гувоҳномаси учун имтиҳон маркази кимники ва бунга Avtotest`нинг қандай алоқаси бор?
3 февраль куни Autodriver Study компанияси Ҳайдовчилик гувоҳномаси учун имтиҳон топширишга мўлжалланган Ягона имтиҳон марказини ишга туширди. Унга эгалик қилаётган яна иккита автомактабнинг бири Avtotest билан айни манзилга рўйхатга олинган. Марказнинг ишга туширилиши яқинда президентнинг ЙТҲлар натижасида ўлимлар сони ошгани ва ҳайдовчиларни тайёрлаш тизимини қайта кўриб чиқиш ҳақидаги нутқи билан бирвақтга тўғри келди.
Энди фуқаролар йўллардаги носозликлар ҳақида «Shaffof yo’l» платформаси орқали хабар бериши мумкин
Ҳукумат қарори билан 1 июлдан аҳоли йўллардаги носозликлар, светофор ва йўл белгилари ўрнатилмагани ҳақида фото ва видеомурожаатларни «Shaffof yo’l» платформаси орқали юбориш мумкин. Ички йўлларни таъмирлашга оид таклифлар овоз бериш йўли билан танлаб олинади. Ғолиб таклифлар бўйича йўлларни таъмирлашга ҳар йили маҳаллий бюджетдан маблағ ажратилади.
Тошкент моржлари — қишда чўмилиш ҳақида
Ҳаво совуқ бўлган кунлар ҳам Анҳор каналида чўмилаётганларни учратиш мумкин. «Газета.uz» фотомухбири Мадина Аъзам йилнинг ҳар қандай фаслида чўмилишни хуш кўрадиган моржлар билан суҳбатлашди.
Вакцина олганлар ўртасидаги лотереяда фақат 15 январдан кейин эмланганлар қатнаша олади
Коронавирусга қарши эмланганлар ўртасида бош соврини Malibu бўлган ютуқли ўйин 22 январдан бошлаб ҳар шанба ZO’R TV орқали эфирга узатилмоқда. Бироқ, ССВ таъкидлаганидек, лотереяда ҳозирга қадар вакцина олган ҳамма эмас, балки фақат 15 январдан кейин эмланганлар қатнашмоқда. Танлов шартларининг эълон қилинган ваъдаларга тўғри келмаслиги ҳақида «Газета.uz» суриштирувида.
Юнусободдаги дарахтларни Экопатруль ва Миллий гвардия ходимлари 24 соат қўриқлайди
Давлат экология қўмитаси раиси Нарзулло Обломурадов пайшанба куни Тошкентнинг Юнусобод туманидаги дарахтлар таги билан бетонлаб ташланган ҳолатни ўрганди. Натижада Экология қўмитаси, Экопатруль ва Миллий гвардия ходимлари ҳамкорлигида мазкур ҳудудда 24 соат назорат ўрнатилиши белгиланди.
Аномал илиқ ҳаво кескин совуқ билан алмашади
Илиқ жума ва шанба кунларидан сўнг, якшанба куни об-ҳавонинг кескин ёмонлашиши прогноз қилинмоқда. Бутун мамлакат бўйлаб ёғингарчилик кузатилиб, шамол кучайиши кутилмоқда.
Пайшанба куни 961 кишида коронавирус аниқланди
3 февралда яна 961 кишида коронавирус инфекцияси қайд этилиб, 4 бемор вафот этди. Касалланганларнинг энг кўпи ҳалигача Тошкент шаҳри ва вилоятида аниқланяпти.
Тошкент ЙҲХБ РИБлари ҳайдовчилик гувоҳномаси учун имтиҳон олишни тўхтатишди
4 февралдан Тошкент шаҳар ИИББ ЙҲХБ рўйхатлаш ва имтиҳон олиш бўлим-бўлинмаларида ҳайдовчилик гувоҳномаси учун имтиҳонларни қабул қилиш тўхтатилди. Эндиликда ҳайдовчилик гувоҳномасини олиш учун имтиҳонлар хусусий компаниялар томонидан ўтказилади. Тошкентда Autodriver Study томонидан очилган Ягона имтиҳон маркази ўз фаолиятини бошлади.
Россиялик блогер Бухорода дрон туфайли уй қамоғига олинди
Россиялик тревел-блогер Максим Лимар Бухородан Новосибирскка учиб кетаётганида багажида квадрокоптер топилгани сабабли қўлга олинган. Ҳозир у уй қамоғида сақланмоқда. Россия элчихонаси вазиятни ҳал қилиш учун Ўзбекистон ҳуқуқ-тартибот идоралари билан алоқада эканлигини билдирган. Бухоро вилояти божхона бошқармаси ушбу ҳолат бўйича экспертиза тайинланганини, блогерга нисбатан эркин яшаши учун ҳеч қандай чеклов ўрнатилмаганлигини таъкидлади.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг