Жамият
Қишлоқларда чет тилларини ўргатувчи марказларга 50 млн сўмгача субсидия берилади
Ҳукумат қарори билан қишлоқ ҳудудларида хорижий тилларни ўқитиш фаолиятини ташкил этиш учун тадбиркорларга 50 млн сўмгача бир марталик субсидия ажратилади. Талабгор субсидия олиш учун электрон тартибда мурожаат йўллайди. Мазкур янгилик 1 октябрдан амалга киритилади.
Тошкентда 7 қаватли турар-жой томига қўшимча қават қурилаётгани аниқланди
Тошкент шаҳрининг Олмазор туманида фуқаролар етти қаватли уйнинг томига қўшимча қават қурилаётгани юзасидан норозилик билдирди. Компания мансарда қават ва том қисмига ўзбошимчалик билан ўзгартириш киритган, шу боис тегишли даъво аризаси судга юборилади, дея маълум қилди Қурилиш вазирлиги.
Сирдарёда 4,5 гектар ерни $240 мингга сотишда гумонланган шахслар ушланди
Сирдарё вилоятида дарё қирғоғидаги 4,5 гектар ерни 240 минг долларга сотишга уринган шахслар келишилган пулнинг 13 минг долларини олаётган вақтда ушланди. Ҳолат юзасидан жиноят иши қўзғатилди.
Тадбиркорларга ходимнинг ҳомиладорлик нафақасини давлат қандай тўлаб бериши тушунтирилди
Ҳукумат қарори билан хусусий ташкилот ходимларига ҳомиладорлик нафақасини давлат томонидан тўлаш тартиби белгиланди. Нафақа фарзанд туғилгунигача 1 992 000 сўмга яқин миқдорда берилади. Пластик карта орқали ойнинг 10-санасигача, нақд кўринишда эса 27-санасигача тақдим этилади.
FlyDubai авиакомпанияси Дубайдан Самарқандга мунтазам қатновларни йўлга қўйди
21 сентябрь куни Самарқанд халқаро аэропортида FlyDubai авиакомпаниясининг Дубай — Самарқанд йўналишидаги илк ҳаво кемаси кутиб олинади. Авиакомпания томонидан янги йўналишдаги парвозлар ҳафтанинг чоршанба ва шанба кунлари амалга оширилади.
Ўктам Тўраев Термиз шаҳрига ҳоким этиб тайинланди
Қурилиш вазири ўринбосари лавозимида ишлаган Ўктам Тўраев Термиз шаҳрига ҳоким этиб тайинланди.
«Яшил макон» миллионлаб дарахт экишгина эмас, балки тўғри жойга экиш ва парвариш қилиш ҳамдир — Матильда Димовска
БМТ Тараққиёт дастури кўмагида «Яшил Макон» ташаббуси доирасида Оролбўйи ва Сурхондарёни ўрмонзорлаштириш, уларнинг қум ва чанг бўронларига чидамлилигини ошириш ҳамда Ўзбекистон шаҳарларини кўкаламзорлаштириш бош режасини ишлаб чиқиш лойиҳаси бошланди.
20 сентябрь куни Ўзбекистонда содир бўлган энг муҳим хабарлар дайжести
Онлайн мактаб шаҳодатномаси, Тошкент халқаро аэропортида ишга тушган МИБ бўлими, тожик-қирғиз чегарасидаги вазиятни икки давлат президентлари билан муҳокама қилган Шавкат Мирзиёев, АҚШ келишув эвазига Ўзбекистонга афғон самолётларини бериши мумкинлиги ва бошқалар — «Газета.uz»да кун дайжести.
Ижтимоий тармоқда «самосуд»ни ёқлаб кескин чиқиш қилган имом ноиб ишдан бўшатилди
Тошкентдаги «Азиз ота» жоме масжиди имом ноиби ижтимоий тармоқ орқали «самосуд»ни ёқлаб чиқиш қилгани учун ишдан олинди. Мусулмонлар идораси амалдаги қонунларга зид равишда зўравонликка чақирувчи бу каби чиқишларни қоралади.
Сирдарё ва Бухорода институт дипломини олиб бериш ва техникумига ўқишга киритиб қўйишни ваъда қилган фуқаролар аниқланди
Сирдарёда икки шахс фуқарони мансабдор танишлари орқали Ирригация институтининг Қарши филиалини тугатганлик тўғрисида диплом олиб беришига ишонтирган. Бухорода ҳам туризм ва маданий мерос техникумига ўқишга киритиш эвазига фуқаролардан пул олган шахслар аниқланди. Уларга нисбатан жиноят иши очилди.
Мактаб шаҳодатномасини йўқотганлар ҳужжат дубликатини онлайн олиши мумкин
Мактаб шаҳодатномасини йўқотганлар учун ҳужжат дубликатини масофадан туриб олиш хизмати яратилди. Бунинг учун ягона порталга (my.gov.uz) ариза юборилади. Дубликат электрон шаклда берилгач, мактабдан берилган аттестат ўз кучини йўқотади.
Шифокорларга қўшимча устама тўланадиган олис ҳудудлар рўйхати тасдиқланди
Шифокорлар ойлик иш ҳақига қўшимча ҳар ойлик устама тўланадиган 297 та олис ва чекка ҳудуд рўйхати тасдиқланди. Уларнинг маошига 2 млн сўм устама белгиланади ва ипотека асосида уй-жой сотиб олишда 50 фоизигача, бироқ БҲМнинг 500 баробаридан ошмаган қисми қоплаб берилади.
Food City савдо мажмуасида улгуржи бозор очилади
24 сентябрь куни Food City савдо мажмуаси улгуржи бозор очилишига таклиф қилади. Ушбу бозорда савдо эрталабки соатларда амалга оширилади.
Тошкентда юк машинаси кўприк четига ағдарилиб кетди
Тошкент шаҳрининг Яккасарой туманида қурилиш чиқиндиларини ортиб кетаётган юк машинаси янги қурилган кўприкнинг четига ағдарилди. Ҳайдовчи қўлидан жароҳат олди. Ҳозирда ушбу йўлнинг бир қисми таъмирлаш учун ёпилган.
«Сардоба иши» бўйича яна 29 кишига суд ҳукми ўқилди
Сардоба сув омборини лойиҳалаштириш ва қурилишига масъул бўлган яна 29 кишига нисбатан суд ҳукми эълон қилинди. Уларнинг 3 нафари 5 йилдан 10 йилгача қамалди, қолган 26 нафари эса жаримага тортилди. Уларга шунингдек, 3 йил мансабдорлик ва моддий жавобгарлик лавозимларида ишлаш тақиқланди.
Тошкент давлат иқтисодиёт университети халқаро дастурлар учун қабулни эълон қилди
Тошкент давлат иқтисодиёт университетида Индонезия таълим университети билан қўшма таълим дастурлари учун қабул бошланди. Қабул 21 сентябргача давом этади.
Давлат фуқаролик хизмати тизимини мониторинг қилиш таклиф этилди
«Давлат фуқаролик хизмати соҳасида мониторинг ўтказиш тартиби тўғрисида»ги низом лойиҳаси муҳокама учун порталга қўйилди. Низом билан давлат фуқаролик хизмати тизимида «Давлат фуқаролик хизмати тўғрисида»ги қонунга риоя этилишини таъминлаш мақсадида мониторинг ўтказиш тартиби белгиланиши кутилмоқда.
Тошкент вилоятида XVI-XVII асрларга оид мис тангалар топилди
Паркент туманидаги хонадонларнинг бирида XVI-XVII асрларга оид мис тангалар топилди. Уларнинг сони 939 та эканлиги аниқланиб, ўрганиш ва давлатга топшириш учун уй эгаларидан олинди.
Наманганда ЙТҲ оқибатида 5-синф ўқувчиси вафот этди
Наманганнинг Мингбулоқ туманида Lacetti юқори тезликда келиб, йўлнинг белгиланмаган қисмидан югуриб ўтаётган 5-синф ўқувчисини уриб юборди. Қиз касалхонада вафот этган.
Azerbaijan Airlines Бокудан Самарқандга авиақатновларни йўлга қўяди
Октябрь ойидан бошлаб Озарбайжоннинг йирик авиакомпанияси Самарқандга янги қатновларни йўлга қўяди. Шаҳарга парвозлар ҳафтанинг сешанба ва жума кунлари амалга оширилади. Шунингдек, Боку-Тошкент-Боку йўналиши бўйича парвозлар ҳафтасига 5 мартагача кўпаяди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг