Ҳукумат қарори билан БҲМнинг 6000 бараваридан (1 млрд 620 млн сўм) ортиқ бўлган қурилиш ишларига пудратчи ташкилотларни аниқлаш электрон тендер орқали амалга оширилади. Қолаверса, БҲМнинг 200 000 бараваригача (54 млрд сўм) бўлган лойиҳалар учун танловларда эса фақат қурилиш амалга ошириладиган ҳудудда рўйхатдан ўтган ташкилотларгина қатнаша олади.
Олий таълим вазири ва Таълим сифатини назорат қилиш давлат инспекцияси бошлиғи бошчилигидаги ишчи гуруҳ республикадаги ОТМларни 23 та мезон асосида танқидий, таҳлилий ўрганади.
Ҳудудлардаги аҳоли кўпинча фаровон ҳаёт излаб пойтахтга кўчиб ўтади. Когонлик Иван Золотухин, тенденциялардан фарқли ўлароқ, ташландиқ Янгиобод шаҳри яқинидаги тоғларга кўчиб ўтди. У «Газета.uz»га тоғ инструкторлиги фаолияти, ҳақиқий дўстлик ва янги уйида орттирган бебаҳо хотиржамлик ҳақида сўзлаб берди. «Инсон ўзини фойдали ҳис қилиши, жамиятга фойда келтириши керак, акс ҳолда ҳаёт бўшаб қолади», — деб ҳисоблайди у.
Туркияда яшовчи ўзбек тадбиркори раҳбарлигидаги тармоқ ИШИДга алоқадор шахсларга Сурияни тарк этиб, Буюк Британия, Европа Иттифоқи, Канада ва АҚШ каби мамлакатларга кириш имкониятини берувчи қалбаки паспорт ясаш ва сотиш билан шуғулланиши айтилмоқда. The Guardian нашрига кўра, тармоқ ҳозирги кунда турли мамлакатлар фуқаролигини акс эттирувчи, юқори сифатли қалбаки паспортларни 15 минг долларгача бўлган нархда пулламоқда.
«Кинотеатр» давлат телеканали «Баунти» фильмидаги очиқ саҳналар учун эфирга тайёрлаш гуруҳи масъул ходимини ишдан бўшатди, шунингдек, раҳбарлардан бирига хайфсан берди.
Тошкентда жорий этиладиган Инсон қадри индекси ва унинг кўрсаткичлари, қонун номига тортишган депутатлар, сносга тушган ҳужжати йўқ уйларга ҳам компенсация тўланиши, телеканаллардаги фильмлар кетига тушган АОКА, ўқувчиларга уй вазифаларини мессенжер ва ижтимоий тармоқлар орқали жўнатишга руҳсат берилгани, Фирдавс Абдухолиқовга нисбатан қўзғатилган маъмурий иш ва бошқалар — «Газета.uz» нинг 1 февралдаги энг муҳим хабарлари дайжестида.
Тошкент ҳайвонот боғчасида айиқ вольерига ўзининг уч ёшли қизини ташлаб юборган аёл психоневрологик диспансер рўйхатида турган, оилада босимга учраган ва турмуш ўртоғи билан ажрашмоқчи бўлган. Ҳодиса тафсилотлари.
Тошкентда ички ишлар органларининг деярли барча бўлинмалари электрошокер қурилмалари билан таъминланди. Улардан йўл-патруль хизматини ва жамоат тартибини таъминлаш учун махсус рухсатномага эга бўлган ходимлар фойдаланади. Ходимлар ССВ билан келишилган махсус тайёргарликдан ҳам ўтган.
Қонун лойиҳаси номида ер участкаларини олиб қўйиш «давлат эҳтиёжи учун» эмас, балки «жамоат эҳтиёжлари учун» деб қайд этилгани депутатлар ўртасида баҳс-мунозараларга сабаб бўлди. Расул Кушербаев «гап номда эмас, балки қонунни ишлашида» эканлигини қайд этди. Бошқа депутатлар эса «жамоат» тушунчасига қонунчиликда таъриф йўқлиги, «мавҳум нарса ҳеч қачон халққа фойда келтирмаслигини» таъкидлашди. Дониёр Ғаниев эса адлия вазири ўринбосари билан тортишди. Баҳсларга қуйи палата спикери якун ясади.
Бош прокуратура Кинематография агентлиги директори Фирдавс Абдухолиқовга нисбатан маъмурий иш қўзғатди. У ўзининг турмуш ўртоғи, қизи ва ўғли таъсисчилари бўлган Sevimli телеканалига давлат буюртмаларини берганликда гумон қилинмоқда. Абдухолиқов кўпи билан 8,1 млн сўм жаримага тортилиши мумкин.
Халқ таълими вазирлиги ўқувчиларга масофавий таълим жараёнида бажарилган уй вазифаларини ўқитувчиларга фақатгина Kundalik тизими орқали эмас, балки мессенжер ва ижтимоий тармоқлар орқали ҳам юборишга рухсат берди.
Ахборот ва оммавий коммуникациялар агентлиги «Кинотеатр» давлат телеканалида намойиш этилган «Баунти» фильмининг очиқ саҳналари юзасидан ўрганиш ишлари олиб бормоқда.
Президентнинг тегишли фармонига кўра, 1 мартдан барча имтиёзли тоифага кирувчи қўшимча 30 минг нафар фуқарога, уларнинг пенсия нафақа олиши ёки меҳнат фаолиятини олиб бормаслигидан қатъий назар, 130 минг сўм миқдорида компенсация тўлови жорий қилинади. Бундан ташқари, 100 ёшга тўлган ва ундан ошган пенсионерларга ҳар ой 289 минг сўм миқдорида қўшимча тўлов амалга оширилади.
ДХХ Тожикистондан Ўзбекистонга олиб кирилган 10,7 кг «гашиш» ва 2 кгдан ортиқ «опий» гиёҳванд моддаларини мусодара қилди. Шунингдек, Сирдарё вилояти ва Тошкент шаҳрида Қирғизистондан олиб келинган кучли таъсир қилувчи дори воситалари савдоси билан шуғулланганлар аниқланган.
Ўзгидромет Ўзбекистонда февраль ойидаги об-ҳавонинг ўзига хос хусусиятлари ҳамда энг иссиқ ва энг совуқ кечган февраль ойлари ҳақида маълумот берди. Синоптиклар бу йил февраль ойида об-ҳавонинг дастлабки прогнозини ҳам тузиб чиқди.
Тошкентдаги маҳаллалар аҳолиси муаммоларини ўрганиш учун жорий қилинадиган Инсон қадри индексини 8 та кўрсаткич асосида ҳисоблаб чиқиш таклиф этилган. Буларга соғлиқни сақлаш, таълим, хавфсизлик, бандлик, даромад ва бошқа йўналишлар киради. Президент ушбу индекс қайси фуқаро ёки хонадон билан биринчи навбатда ишлаш кераклигини аниқлаб беришини таъкидлади.
Сенат ҳукуматга газ баллон билан жиҳозланган транспорт воситалари хавфсизлиги бўйича парламент сўрови тайёрламоқда. 2021 йилда шу турдаги транспорт воситаларидаги 14 та портлаш ва 2 та ёнғин натижасида 14 киши ҳалок бўлган, 9 киши жароҳатланган.
Зангиота юқумли касалликлар шифохонаси директори Дониёр Миразимов Ўзбекистонда коронавирус билан янги касалланиш ҳолатларининг 85 фоизи «омикрон», 15 фоизи «дельта» штаммига тўғри келаётганлигини таъкидлади. Унинг айтишича, аксарият беморлар касалхонада даволаниши шарт эмас, лекин ваҳима сабабли одамлар турли йўллар билан шифохонада даволанишга ҳаракат қилмоқда.
Андижон вилояти ИИБ ижтимоий тармоқларда тарқалган Балиқчи туманида фуқаролар ИИБ ходимларини тош бўрон қилгани ҳақидаги хабарларга муносабат билдирди. Мазкур ҳолат туман Сувоқавага қарашли сув қазиб чиқариш иншоотини хонадонига қўшиб олган оила ҳамда уларнинг маҳалладошлари ўртасидаги низо оқибатида содир бўлган. Таъкидланишича, «отилган тошлар ИИБ ходимлари ва фуқароларга тегмаган».
Фирдавс Абдуҳолиқов Ўзбекистон Электрон оммавий ахборот воситалари миллий Ассоциацияси бошқарув раиси лавозимидан кетди. Унинг ўрнига Халқаро пресс-клуб раиси Шерзодхон Қудратхўжа ассоциация раҳбари бўлди.
Қўшимча имкониятларга эга булиш учун сайтда рўйхатдан ўтинг