Жамият
Тошкент аэропорти терминаллари ўртасида бепул шаттл-бас (автобус) қатнови йўлга қўйилди
Тошкент аэропортининг маҳаллий ва халқаро терминаллари ўртасида бепул автобус қатнови йўлга қўйилди. Автобус ҳар куни соат 5:00 дан 23:30 гача ишлайди.
Сирдарёда автобус газ баллони портлаши оқибатида 6 киши ҳалок бўлди
Сирдарёнинг Оқолтин туманида Хоразм вилояти Боғот туманидаги автомактабга тегишли «Исузу» автобусининг газ баллони портлади. Дастлабки маълумотларга кўра, 6 киши воқеа жойида вафот этган ва 15 киши жароҳатланган.
Фавқулодда вазиятларда муҳофаза қилишга оид ахборотни яшириш қонун билан тақиқланмоқда
Аҳолини фавқулодда вазиятлардан ҳимоя қилиш тўғрисидаги қонун имзоланди. Ҳужжатда фавқулодда вазиятлар даражасига қараб ҳокимлар ёки ҳукумат томонидан амалга оширилиши белгиланди. Қолаверса, ФВ бўйича ахборотни яшириш, ўз вақтида тақдим этмаслик ёки ёлғон ахборот бериш тақиқланиши назарда тутилган.
Меҳнат вазирлигида ишга жойлаштириш билан боғлиқ учта коррупцион ҳолат аниқланди — Нозим Хусанов
Шу йилнинг 6 ойи давомда Бандлик ва меҳнат муносабатлари вазирлигида ходимлар учта ҳолатда ишсиз фуқароларни ишга жойлаштириш учун пул талаб қилгани аниқланди, дея маълум қилди вазир Нозим Хусанов. «Бу ҳолатлар учраётган соҳа масъуллари билан ишлашга ҳаракат қиламиз», — деди у.
Гулистон университетига $10 минг эвазига ўқишга киритиб қўймоқчи бўлган шахс ушланди
Сирдарёнинг Сардоба туманида фуқарони юқори лавозимда ишловчи танишлари ёрдамида $10 минг эвазига ўқишга киритмоқчи бўлган шахс ушлангани айтилмоқда. Бухорода эса икки фуқаронинг тиббиёт техникумига ўқишга киритиш мақсадида $400 олгани аниқланди. Ҳолатлар юзасидан жиноят ишлари қўзғатилган.
«Мени совунимга кир ювмабсан». Тўра Боболов Ангор туман прокурорини ҳақорат қилди
Тармоқларда Сурхондарё ҳокими Тўра Боболов Ангор туман прокурорини ҳақорат қилгани акс этган аудио тарқалди. Унда ҳоким прокурорга вазифаларини бажармагани, қолаверса, ташкилотларга нисбатан жиноят иши очгани учун танбеҳ берган. Ҳолат юзасидан вилоят ҳокимлиги ва Бош прокуратура муносабат билдирди.
Истеъмолчилар газдан узилиши мумкинлиги ҳақида SMS-хабарнома олаётганига изоҳ берилди
Шу кунларда табиий газ истеъмолчиларига тармоқдан узилиши ҳақида SM-хабарномалар келмоқда. «Ҳудудгазтаъминот» маълум қилишича, газ ускуналарини масофадан назорат қилувчи янги дастурий таъминот ишга тушган ва унинг ёрдамида ускуналари техник назоратдан ўтмаган хонадон эгалари огоҳлантирилмоқда.
Сурхондарёда 30 сотих ерни 105 млн сўмга сотмоқчи бўлган шахс ушланди
Сурхондарёнинг Термиз туманида фермер хўжалигига тегишли 30 сотих ер майдонини 105 млн сўмга сотишни ваъда қилган шахс қўлга олинди. Текширув давомида гумонланувчи айбига иқрор бўлиб, 15 млн сўмни қайтарган. Ҳолат юзасидан жиноят иши қўзғатилди.
Uzbekistan Airways`нинг 18 та самолёти сотувга қўйилади
Давлат активларини бошқариш агентлиги Uzbekistan Airways`нинг 18 та самолёт ва 1 та симуляторини сотиш учун консалтинг компания танлаб олиш юзасидан танлов эълон қилди. Активлар 6 та лотга бўлинган тартибда сотувга чиқарилади.
Тошкентда авария оқибатида йўловчи вафот этди
Тошкентнинг Миробод тумани Кичик халқа автомобиль йўли кўчасида Nexia ҳайдовчиси бошқарувни йўқотиб, йўлни ажратиб турувчи бетон тўсиққа бориб урилди. Натижада автомобиль йўловчиси олган тан жароҳатлари билан шифохонага олиб кетилаётганда вафот этди.
«Бизга керак бўлгани — озгина илиқлик ва ғамхўрлик». Қайта очилган уйсизлар марказидан репортаж
Тошкентдаги уйсизлар учун реабилитация маркази уч ойлик таъмирдан сўнг қайтадан ишга тушди. 2023 йилгача бу ерда яна бир турар-жой биноси ва спорт майдончалари қурилади. «Газета.uz» мухбири Фарзона Ҳамидова улар бу ерга қандай келиб қолгани ҳамда келажакдаги орзулари ҳақида суҳбатлашди.
18−19 август кунлари Ўзбекистонда кучли магнит бўрони бўлиши кутилмоқда
18−19 август кунлари шимолий ярим шар хусусан, Ўзбекистонда G3 ва G4 даражага эга 5−6 баллик магнит бўронлари бўлиши прогноз қилинмоқда. Мутахассисларнинг фикрича, бу вақтда кўпчиликда бош орқа қисмида карахтлилик ва бироз кўнгил айниш ҳолатлари кузатилиши мумкин.
6 ойда муносиб меҳнат шароити яратилмагани оқибатида 116 киши вафот этди — Меҳнат вазирлиги
Йил бошидан бери иш жойида муносиб меҳнат шароитлари яратилмаганлиги натижасида 398 та бахтсиз ҳодиса юз берди. Бунинг оқибатида 116 киши ҳалок бўлди, 317 киши оғир ва енгил турдаги тан жароҳатлари олди. Энг кўп бахтсиз ҳодисалар Тошкент шаҳри, Тошкент ва Навоий вилоятларида содир бўлди.
Маҳаллаларда ижтимоий-иқтисодий муаммоларини ҳал этиш жамғармалари ташкил қилинади
Ҳар бир маҳаллада ижтимоий-иқтисодий муаммоларини ҳал этиш жамғармаси ташкил қилинади. Президент бу ҳақдаги қарорни имзолади.
Омбудсман идораси қийноқлар эҳтимоли ҳақидаги хабарга раддия берди
Омбудсман идораси «Газета.uz»нинг Қорақалпоғистондаги маҳбусларнинг адвокатлари қийноқлар тўғрисида маълум қилгани ҳақидаги хабарига раддия берди. Хабарда адвокатлардан қийноққа солиш ҳолатлари кузатилдими, деган саволга жавоб олинган, дея аниқлик киритди омбудсман матбуот хизмати.
Бўстонлиқда тоғдан туша олмай қолган бобо ва унинг 4 набираси қутқарилди
Тошкент вилоятининг Бўстонлиқ туманида бобо ва унинг тўрт набираси тоққа чиқиб, туша олмай қолишди. Чимён тоғ-қутқарув отряди мутахассислари уларга ёрдамга келишди.
Ўзбекистонда ЙТҲларда болалар ўлими даражаси Европа мамлакатларига қараганда 4 баравар юқори
Ўзбекистонда 5 ёшдан 14 ёшгача бўлган болалар ўлимининг асосий сабаби йўл-транспорт жароҳатлари ҳисобланади. Бу кўрсаткич Европадагидан 4 баробар кўп. Бундай маълумотлар Ўсмирлар саломатлиги ва фаровонлигини мустаҳкамлаш бўйича Миллий ҳаракатлар стратегияси лойиҳасида келтирилган.
«Қорақалпоғистонда ҳеч қандай репрессия ва босим йўқ» — Алишер Қодиров
Алишер Қодиров Қорақалпоғистондаги тартибсизликларнинг мингдан ортиқ иштирокчиси «айбсиз бўлгани учун эмас, яхши ният намойиши сифатида» қўйиб юборилганини маълум қилди. Қолганлар тергов қилинмоқда (қанча одамлиги айтилмади). Ҳеч қандай репрессия ва босим йўқ, дея қўшимча қилди депутат.
«Тоғлар бағридаги Ғелон қишлоғи» — Мадина Аъзам объективида
Ташқи дунёдан узилган, мобил алоқа ишламайдиган, бироқ, аҳолисининг юзидан доимо табассум аримайдиган Ғелон қишлоғи ҳаётининг бир куни — «Газета.uz» мухбири Мадина Аъзам фотоҳикоясида.
Қорақалпоғистонда ҳибсга олинганлар қийноққа солинган бўлиши мумкинлиги ҳақида илк бор расман хабар берилди
Омбудсман Қорақалпоғистондаги намойишларда ҳибсга олинганларнинг адвокатларига таяниб, учрашувларга тўсқинлик қилингани ва терговда қийноққа солишлар бўлганини маълум қилди. «Газета.uz» репортажида қийноққа солиш ҳолатлари ҳақида ёзганди, комиссия аъзоси Алишер Қодиров эса буни ёлғон дея атаганди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг