Жамият
Сенатнинг навбатдаги ялпи мажлиси душанба куни чақирилади
Сенатнинг 27-ялпи мажлиси 13 июнь куни чақирилади. Унда давлат мулкини бошқариш, алкоголь ва тамаки маҳсулотларининг тарқатилиши ҳамда истеъмол қилинишини чеклашга оид қонунлар кўрилади. Бундан ташқари, сенаторлар Олий суд раисини сайлаши режалаштирилган.
«Когон магистрал газ қувурлари» бошқармасида ёнғин чиқди
Шанба куни эрта тонгда Бухоро вилоятидаги «Когон магистрал газ қувурлари» бошқармасида ёнғин содир бўлди. Олов 8 та ёнғин-қутқарув экипажи ва 2 та махсус техника ёрдамида 1,5 соатда бартараф этилди.
Сурхондарёда Damas автомашинасида 25 бола ташилаётгани аниқланди
Термиз туманида Damas автомашинасидан болалар боғчаси микроавтобуси сифатида фойдаланилаётгани аниқланди. Микровэнда 25 бола ташилган. Машина олд ойналарга парда тортилгани учун жарима майдончасига қўйилди.
10 июнь куни Ўзбекистонда содир бўлган энг муҳим хабарлар дайжести
Бектемир туманида ажратилган дрифт учун трасса, қурилиш вазирига тайинланган янги ўринбосар, ёшлар учун жорий этилган субсидиялар, қуёш ва шамол электр ускуналарини ўрнатганларга тўланадиган 15 млн сўмгача компенсация ва бошқала — «Газета.uz» нинг 10 июндаги хабарлар дайжестида.
Беш ойда ўтган йилнинг шу даврига нисбатан 6373 та кам никоҳ қайд этилди
Январь-май ойларида Ўзбекистонда жами 90 543 та никоҳ ҳолатлари қайд этилди. Бу ўтган йилнинг мос даврига нисбатан 6 373 тага кам.
Почта алоқаси соҳасидаги қонунчиликка «посилка», «почта курьери» каби тушунчалар киритилди
Президент томонидан «Почта алоқаси тўғрисида»ги қонун имзоланди. Ушбу ҳужжат билан қонунчиликка «посилка», «почта курьери» каби тушунчалар киритилди.
Фарғонада дўл ёғди (фото, видео)
Жума куни Фарғона вилоятида кучли шамол эсиб, ёмғир ва дўл ёғди. Ноқулай об-ҳаво бино томларини учириб кетган. ФВВ кучли шамол оқибатлари бартараф этилаётганини маълум қилди.
Хотинига нажосат едирган эркакнинг жазо муддати енгилига ўзгартирилди
Салкам икки йил олдин Тошкентда эркак киши турмуш ўртоғини калтаклаб, унга фарзандининг нажосатини зўрлаб едирган эди. 3 йилга қамалган шахс жазо муддатини енгилига алмаштиришни сўраб судга мурожаат қилди. Суд қарори билан унинг ўталмай қолган 2 йилдан ортиқ жазо муддати енгилига ўзгартирилди.
Хорижий тилни ўрганиш, даволаниш, ижара компенсацияси, моддий ёрдам — ёшлар учун субсидиялар жорий этилди
Ҳукумат қарорига кўра, «Ёшлар дафтари»даги ва моддий аҳволи оғир ёшларга 1 млн 200 минг сўм миқдорида бир марталик моддий ёрдам берилади. Янги ёш оилаларга уй қуриш учун гаровсиз кредит, ижара компенсацияси, даволаниш ва тил ўрганиш учун моддий ёрдам — ёшлар учун қатор субсидиялар жорий қилинди.
Вазирлар Маҳкамаси ёшлар билан ишлашнинг икки йиллик дастурини тасдиқлади
Ҳукуматнинг 2022−2023 йилларга мўлжалланган ёшлар сиёсати дастури ижтимоий қўллаб-қувватлаш, консультациялар, тренинглар, мусобақалар, марафонлар ва бошқаларни назарда тутади. «Ёшларнинг бўш вақти — етакчининг иш вақти» тамойили асосида уюшмаган ёшлар билан ишлаш режалаштирилмоқда.
Жалол Арашов қурилиш вазирига ўринбосар бўлди
Тошкент шаҳар қурилиш бош бошқармаси раҳбари Жалол Арашов қурилиш вазири ўринбосари лавозимига тайинланди.
5 йил иш стажига эга хотин-қизлар тавсиянома асосида ўқишга қабул қилинади
Ҳукумат қарори билан коллеж ёки техникум дипломидаги мутахассислиги бўйича 5 йил иш стажига эга хотин-қизлар контракт асосида ОТМга қабул қилинади. Бунда тавсияномага эга абитуриентлар орасида алоҳида тест ўтказилади, улар орасидан юқори балл тўплаган 500 нафаригина ОТМга кира олади.
Тошкентда икки нафар ички ишлар ходими ёшларни калтаклагани айтилмоқда
Тошкент шаҳрида икки нафар ёшлар ички ишлар ходимлари томонидан калтаклангани айтилмоқда. Бош прокуратура ҳолат юзасидан терговга қадар текширув ўтказилаётганини маълум қилди.
Шу вақтгача Ўзбекистоннинг 292,6 минг гектар майдонида чигирткалар тарқалган
Ўсимликлар карантини ва ҳимояси агентлиги шу кунгача Ўзбекистоннинг 292,6 минг гектар майдонда чигирткалар тарқалганини аниқлади. Мамлакатнинг деярли барча ҳудудларида 284 минг гектарлик майдонда кимёвий ишловлар ўтказилган.
Дам олиш кунлари ҳарорат пасаяди, ёмғир ёғиши мумкин
Шанба куни Ўзбекистонга Кавказ ҳудудларидан бироз нам ва нисбатан салқин ҳаво кириб келади. Душанбагача айрим вилоятларда ёмғир ёғиши эҳтимоли бор. Кундузи ҳаво ҳарорати аста-секин пасайиб, +31…+33 даражагача тушади.
Наманган давлат чет тиллари институти ташкил этилди
Наманган вилоятида Исҳоқхон Ибрат номидаги давлат чет тиллари институтини ташкил этилди. Ўқув жараёнлари сентябрдан бошланади.
Тошкент вилоятида ҳайдовчилар учун Ягона имтиҳон маркази очилди
Тошкент вилоятида ҳайдовчилар учун Ягона имтиҳон маркази очилди. Ҳудуднинг ҳайдовчилик гувоҳномасини олиш бўйича имтиҳонлари энди фақат шу ерда ўтказилади. Биринчилардан бўлиб вилоят раҳбари Зойир Мирзаев имтиҳон топширди.
Ўзбекистон давлат консерваторияси олдидаги кўча вақтинча ёпилади
Жума куни «Open-air» концерти ўтказилиши муносабати билан Ўзбекистон давлат консерваторияси олдидан ўтувчи кўча транспорт ҳаракати учун соат 18:30 дан 23:00 гача ёпилади.
Сирдарёда фарзандини $15 мингга сотишга уринган аёл қўлга олинди
Гулистон шаҳрида 26 ёшли аёл ўзининг 1 ёшли фарзандини 15 минг доллар эвазига сотаётган вақтида ушлангани айтилмоқда. Унга нисбатан жиноят иши қўзғатилди, гумондор ҳибсга олинди.
Учта ҳудудда чет эл валютасини ноқонуний муомалага киритишга уринган шахслар ушланди
Тошкент шаҳри, Наманган ва Қашқадарё вилоятларида валюта қимматликларини ноқонуний равишда сотишга уринганликда гумонланган шахслар қўлга олинди. Улар 13 300 долларни 147,7 млн сўмга айирбошлашга ҳаракат қилгани айтилмоқда. Гумондорларга нисбатан жиноят иши қўзғатилди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг