Январь-август ойларида ичимлик суви таъминоти тармоқлари ва канализация тизимларига 2798 та ноқонуний уланиш ҳолатлари аниқланган. Мазкур қонунбузарликлар оқибатида давлат бюджетига жами 8,4 млрд сўмлик зарар етказилган. Тошкент шаҳрида сув таъминоти тармоқларига ноқонуний уланиш ҳамда қарздорлик туфайли тармоқдан узилиш ҳолатларининг 90 фоизи юридик шахслар ҳиссасига тўғри келади.
5 октябрдан бошлаб Москвадан Ўзбекистон шаҳарларига доимий авиақатновлар оширилади. Бунда Москва — Тошкент йўналиши бўйича ҳафтасига 4 тагача рейс, Москва — Самарқанд, Бухоро бўйича ҳафтасига 2 та рейс йўлга қўйилади.
«Ижтимоий фикр» марказининг президентлик сайлови бўйича сўрови фуқаролар сайловолди дастурлари билан тўлиқ танишишга ҳали улгурмаганини кўрсатди. Респондентларнинг деярли ярми номзодлар орасидаги очиқ теледебатларни дастурлар ҳақида маълумот олишнинг энг жозибали шакли деб аташди.
Президентликка номзодлар мактабларда бепул овқатланишни таклиф қилиши, Тошкентда «Тунги велосайр» фестивали ўтказилиши, Мўйноқда яшовчи оилаларга 5 млн сўмдан тарқатилиши — «Газета.uz»нинг 22 сентябрдаги энг муҳим хабарлари дайжестида.
Исломободдан Лондонга учган British Airways самолёти 83 ёшли йўловчининг аҳоли ёмонлашиб қолгани сабабли эрта тонгда Тошкентга қўнди. Аёл самолёт қўнганидан кўп ўтмай оламдан ўтди. Йўловчилар ҳали ҳам аэропортда қолишмоқда.
1 октябрдан шаҳарсозлик ҳужжатлари «Шаффоф қурилиш» миллий ахборот тизими, лойиҳа ҳужжатлари эса аккредитация қилинган эксперт ташкилотлари — юридик шахслар, «Шаҳарсозлик ҳужжатлари экспертизаси» ДУК ёки унинг ҳудудий филиаллари томонидан кўриб чиқилади.
Маданият ва санъатни ривожлантириш жамғармаси Тошкентдаги Романовлар cаройи биносини реконструкция қилади. Унда, аввал хабар қилинганидек, музей жойлаштирилади, Ғарбий Европанинг рассомчилик коллекцияси, чинни буюмлар, интерер буюмлари ва бошқа қимматли санъат асарларини музейга қайтариш режалаштирилган. Саройнинг боғ ҳудудида жамоатчилик учун очиқ майдон барпо этилади.
Президент Шавкат Мирзиёев бир вақтлар Тошкентда «прописка» олиш азоб бўлгани, унинг ўзи ҳам институтда фан номзоди бўлмагунча «прописка"сиз бўлганини эсга олди. «Битта айбим — Тошкентда туғилмаганим учун эди. Нима дегани бу? Адолат эмас-ку бу», — дея таъкидлади у.
Суд марҳум шарқшунос олим Андрей Кубатиннинг оиласига етказилган маънавий зарарни қоплаш тўғрисидаги даъвони қисман қаноатлантирди. Тошкент шаҳар Молия бошқармаси унинг яқинларига 150 млн сўм тўлаши керак. Оиласи эса даставвал 3,5 млрд сўм миқдорида товон пули сўраган.
Навоий вилоятида икки ёшли фарзандини сотишга уринган самарқандлик эр-хотин қўлга олинди.
Каттақўрғон туманида «кетма-кет қиз фарзандлар кўргани» учун эри ва қайнонасининг тазйиғига учраб келган аёл ва унинг катта қизи ўз жонига қасд қилди. Улар ўлимида айбли деб топилган эр 7 йилга қамалди, қайнонага 4 йил озодликни чеклаш жазоси тайинланди. Аёлга ҳимоя ордери берилган бўлган.
Миллий эмлаш календарига асосан, гриппга қарши эмланиш жараёнлари сентябрь-октябрь ойларидан бошланади. Санитария-эпидемиология хизмати бўлиб бошлиғи Рустам Икромов гриппга қарши эмланиш жараёнлари ҳақидаги саволларга жавоб берди.
ЎзЛиДеПнинг президентликка номзоди Шавкат Мирзиёев Хоразмда ҳам 1−4 cинф ўқувчиларига бепул тушлик бериш жорий этилишини маълум қилди. ХДПнинг президентликка номзоди Мақсуда Ворисова бошланғич синф ўқувчилари учун бепул нонушталар ташкил этилиши ҳақида айтди.
Садриддин Айний номидаги Бухоро давлат мусиқали драма ва комедия театри биринчи ўзбек профессионал театрларидан бири. Театрнинг эски биноси бир неча йилдан бери таъмирталаб, унинг ижодий жамоаси эса бошқа манзилда ўз намойишларини кўрсатади. Журналистика ва оммавий коммуникациялар университети 3-босқич талабаси Зиёда Алойиддин қизи театрнинг эски биноси янгисидан нимаси билан афзаллиги ва нега театр авариявий ҳолатдан ҳали ҳам чиқмаганлигини ўрганди.
Андижон шаҳрида содир бўлган ЙТҲ натижасида 3 нафар шахс вафот этган ва 1 нафар шахс тан жароҳати олган. Ҳалок бўлган шахслар талабалар эканлиги айтилган эди. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Орол денгизи фожиаси оқибатларидан ҳаммадан кўп жабр кўрган Қорақалпоғистоннинг Муйнов туманида яшовчи ҳар бир оилага 5 млн сўмдан бир марталик ёрдам пули тарқатилмоқда.
Сурхондарё вилоят экология бошқармаси Денов тумани марказида ноқонуний кесилган 109 туп дарахт учун 65 млн сўм миқдорида зарар ҳисоблади. Депутат Расул Кушербаевнинг сўровидан сўнг зарар қайта ҳисобланиб, аслининг унинг миқдори 995 млн сўм экани маълум бўлди. Ҳолат юзасидан жиноий иш қўзғатилди.
Ҳукумат қарори билан ИИВ, ФВВ ва Миллий гвардияга савдо ва кўнгилочар кўчаларида қўшимча патруллик постларини ташкил қилиш, хизматга жалб қилинган отрядлар зичлигини ошириш, тадбиркорлик субъектлари мол-мулкини қўриқлаш вазифалари топширилди.
Пойтахтнинг Чилонзор ва Яккасарой туманларидаги дорихоналарда тегишли ҳужжатлари бўлмаган кучли таъсир қилувчи «Регапен», «Тропикамид», «Зардекс» дориларининг ноқонуний савдоси тўхтатилди.
Пойтахтда видеокамералар ёрдамида метрода 13 ёшли қизга беҳаё ҳаракатлар қилган эркак қидирилмоқда. Суратдаги шахс ҳақида маълумотга эга бўлган фуқаролардан ички ишлар органларига мурожаат қилишлари сўралди.
Қўшимча имкониятларга эга булиш учун сайтда рўйхатдан ўтинг