Жамият
Оҳангаронда 30 гектар майдонда маиший чиқинди полигони ташкил этилади
Президент видеоселекторда Оҳангарон туманининг 30 гектар майдонида 17 млн долларлик маиший чиқинди полигони қурилишини маълум қилди. Қолаверса, у ресурсини ўтаб бўлган 24 та чиқинди полигонини кўмишни буюрди. Бундан ташқари, полигонлар ташкил этиш ва уларни ёпишни тартибга солувчи қонун лойиҳасини ишлаб чиқиш зарурлиги айтилди.
«Одамларимиз ҳатто ҳовлиси атрофини тозалашдан эринадиган бўлиб қолган». Мирзиёев ҳудудлардаги экологик ҳолат ҳақида
Президент Шавкат Мирзиёев Ўзбекистонда йиллик ҳосил бўлаётган маиший чиқиндилар миқдори 7 миллион тоннага етганини маълум қилди. Давлат раҳбари 2022 йилда маиший чиқинди тўплаш қамровини 95 фоизга, қайта ишлаш ҳажмини 40 фоизга етказиш вазифасини қўйди. «Одамларимиз ҳатто эшиги ва ҳовлиси атрофини тозалашдан, дарахт, гул, кўчат экиб, саранжом-саришта қилиб қўйишдан эринадиган бўлиб қолди», — деди президент.
Асака тумани ҳокимлиги масъул ходими $8 минг пора билан қўлга тушди
Асака туман ҳокимлиги масъул ходими иссиқхона қуриш учун 30 сотих ер майдони ажратиб бериш эвазига фуқародан 15 минг доллар сўрагани айтилмоқда. У шундан 8 минг долларни олаётган вақтида ушланган. Унга нисбатан жиноят иши қўзғатилди.
Ўзбекистонда ОИТС билан касалланганлар сони 45 мингга етгани маълум қилинди
Ўзбекистонда ОИТСни (СПИД) юқтириб олганларнинг умумий сони 45 мингни ташкил қилди, шундан 55 фоизи эркаклар ва 45 фоизи аёллардан иборат. Касалликка чалинганларнинг 14 фоизи эса 18 ёшга тўлмаган болаларга тўғри келмоқда. Касалланиш кўрсаткичи энг юқори ҳудуд эса Тошкент шаҳри ҳисобланади. Шифокорлар ОИТС юқиши эҳтимоли юқори ҳолатлар ва уни олдини олиш чоралари ҳақида маълумот берди.
Вакциналар ҳомилага ҳеч қандай ножўя таъсир кўрсатмайди — СЭС бўлим бошлиғи
«Газета.uz»га коронавирусга қарши ZF-UZ-VAC2001 вакцинаси билан эмланган ҳомиладор аёл мурожаат қилиб, вакцинанинг ҳомилага таъсири тўғрисида ишончли маълумот сўради. Вирусология институти шифокори Жалолиддин Тўйчиевнинг таҳририятга маълум қилишича, шу вақтгача ҳомиладор аёллар ва туғилган болаларда вакцинанинг салбий таъсири кузатилмаган. СЭС вакциналар бўлими бошлиғи Дилорам Турсунова эса ЖССТ вакцина олганлик сабабли ҳомиладорликни тўхтатишни тавсия этмаслигини эслатди.
Ҳафта охирларида шамол тезлиги 28 м/с гача кучайиши кутилмоқда
Ўзгидромет 4−6 февраль кунлари Ўзбекистоннинг баъзи жойларда шамол кучайиши ва чанг-тўзон кузатилиши мумкинлигини маълум қилди. Шамол тезлиги 18−23 м/с гача кучаяди, айрим жойларда эса 25−28 м/с гача бўлиши кутилмоқда. 6 февраль куни республиканинг барча ҳудудларида ёмғир ёғади.
USAID Ўзбекистонда ёшлар бандлигини таъминлаш учун 10 млн долларлик дастурни ишга туширди
АҚШ Халқаро тараққиёт агентлиги Ўзбекистонда ёшлар бандлиги ва тадбиркорлигини ривожлантириш бўйича беш йиллик дастурни ишга туширди. Бюджети 10 млн доллар бўлган дастур халқаро таълим бўйича Америка кенгашлари ҳамда Халқ таълим вазирлиги томонидан халқаро ва маҳаллий экспертларни жалб қилган ҳолда амалга оширилмоқда.
Uzbekistan Airways Express багаж нормасини 23 кг гача оширди
1 февралдан Uzbekistan Airways Express «тўлиқ эконом» форматидаги қатновларда багаж нормасини 15 кгдан 23 кг гача оширди. Қўл юки нормаси ва багаж параметрлари ўзгаришсиз қолган.
Япония ҳукумати Фарғона водийси қишлоқ хўжалигининг иқлим ўзгаришига мослашуви учун қарийб 1 млн доллар ажратди
БМТ Тараққиёт Дастури Фарғона водийсида қишлоқ хўжалигининг иқлим ўзгаришига мослашуви учун агрометеорологик станциялар тармоғини кенгайтириш бўйича лойиҳани амалга оширади. Япония ҳукумати ушбу мақсадларга қарийб 1 млн доллар ажратди.
«Адолат» партияси TikTok тармоғини бутунлай блоклашни таклиф қилмоқда
«Адолат» СДП Ўзбекистонда TikTok тармоғини бутунлай блоклашни таклиф қилди. Партия буни тармоқдаги видеолар орасида ўзгалар ҳаётига дахл қилувчи номақбул кадрлар кўпаяётганлиги билан изоҳлаган.
Паркент тумани ҳокимлиги археология ёдгорлигини тадбиркорга сотиб юборгани аниқланди
2018 йилда Паркент тумани ҳокимлиги «Тепа (Култепа)» археология ёдгорлигига тегишли 2 гектар ерни тадбиркорга хом ғишт ишлаб чиқариш учун аукцион орқали сотиб юборган. 2020 йилда эса тадбиркор ушбу ерни бошқа бир жамиятга сотиб юборган. Хом ғишт ишлаб чиқариш учун эса ёдгорлик ҳудудидан тупроқ қазиб олинган. Антикоррупция агентлиги бунинг натижасида тадбиркор маданий мерос объектига 1,5 трлн сўмлик моддий зарар етказганини аниқлади.
Иккиламчи бозордан уй сотиб олиш учун ажратилган ипотека кредитларини қайта молиялаштириш давом эттирилади
2022 йилнинг биринчи чорагида тижорат банклари томонидан ажратилган ипотека кредитлари 42 млн доллар миқдорида Молия вазирлиги маблағлари ҳисобидан қайта молиялаштирилади. «Ўзбекистон ипотекани қайта молиялаштириш компанияси» АЖ ўз фаолиятини тиклаб, иккиламчи бозордан уй-жой сотиб олиш учун ипотека кредитларини қайта молиялаштиришни давом эттиради.
Ўзбекистондан $1,6 млнни ноқонуний олиб чиқмоқчи бўлган 6 нафар қирғизистонлик ушлангани айтилмоқда
ДХХ томонидан Наманган ва Андижонда ўтказилган тезкор тадбирлар натижасида Ўзбекистондан 1,6 млн долларни ноқонуний олиб чиқиб кетмоқчи бўлган 8 нафар шахс қўлга олинди. Уларнинг 2 нафари ўзбекистонлик, гуруҳ етакчиси ва аъзолари деб гумон қилинаётган 6 нафари эса қирғизистонлик эканлиги айтилмоқда. Уларга нисбатан жиноят иши очилди.
Февралнинг биринчи кунида 1087 кишида коронавирус аниқланди
Сешанба куни 1087 кишининг коронавирус инфекциясига топширган ПЗР-тести мусбат натижани кўрсатди. Шунинг ярмидан кўпи пойтахт ҳисобига тўғри келди — 589 та ҳолат. Қолаверса, 209 кишида пневмония аниқланди. COVID-19 асоратлари оқибатида эса 3 киши вафот этди.
Қурилиш учун пудратчиларни аниқлаш тендер орқали амалга оширилади
Ҳукумат қарори билан БҲМнинг 6000 бараваридан (1 млрд 620 млн сўм) ортиқ бўлган қурилиш ишларига пудратчи ташкилотларни аниқлаш электрон тендер орқали амалга оширилади. Қолаверса, БҲМнинг 200 000 бараваригача (54 млрд сўм) бўлган лойиҳалар учун танловларда эса фақат қурилиш амалга ошириладиган ҳудудда рўйхатдан ўтган ташкилотларгина қатнаша олади.
Ўзбекистондаги барча ОТМлар махсус ишчи гуруҳ томонидан танқидий ўрганилади
Олий таълим вазири ва Таълим сифатини назорат қилиш давлат инспекцияси бошлиғи бошчилигидаги ишчи гуруҳ республикадаги ОТМларни 23 та мезон асосида танқидий, таҳлилий ўрганади.
«Ўзимни фойдали ҳис қиламан». Тоғ инструктори Иван Золотухин — ҳаёт ва иш ҳақида
Ҳудудлардаги аҳоли кўпинча фаровон ҳаёт излаб пойтахтга кўчиб ўтади. Когонлик Иван Золотухин, тенденциялардан фарқли ўлароқ, ташландиқ Янгиобод шаҳри яқинидаги тоғларга кўчиб ўтди. У «Газета.uz»га тоғ инструкторлиги фаолияти, ҳақиқий дўстлик ва янги уйида орттирган бебаҳо хотиржамлик ҳақида сўзлаб берди. «Инсон ўзини фойдали ҳис қилиши, жамиятга фойда келтириши керак, акс ҳолда ҳаёт бўшаб қолади», — деб ҳисоблайди у.
Туркияда яшовчи ўзбек тадбиркори ИШИДга алоқадор шахсларга қалбаки паспорт сотмоқда — The Guardian
Туркияда яшовчи ўзбек тадбиркори раҳбарлигидаги тармоқ ИШИДга алоқадор шахсларга Сурияни тарк этиб, Буюк Британия, Европа Иттифоқи, Канада ва АҚШ каби мамлакатларга кириш имкониятини берувчи қалбаки паспорт ясаш ва сотиш билан шуғулланиши айтилмоқда. The Guardian нашрига кўра, тармоқ ҳозирги кунда турли мамлакатлар фуқаролигини акс эттирувчи, юқори сифатли қалбаки паспортларни 15 минг долларгача бўлган нархда пулламоқда.
«Кинотеатр» телеканали «Баунти» фильми билан боғлиқ вазият учун ходимини ишдан бўшатди
«Кинотеатр» давлат телеканали «Баунти» фильмидаги очиқ саҳналар учун эфирга тайёрлаш гуруҳи масъул ходимини ишдан бўшатди, шунингдек, раҳбарлардан бирига хайфсан берди.
1 февраль куни Ўзбекистонда содир бўлган энг муҳим хабарлар дайжести
Тошкентда жорий этиладиган Инсон қадри индекси ва унинг кўрсаткичлари, қонун номига тортишган депутатлар, сносга тушган ҳужжати йўқ уйларга ҳам компенсация тўланиши, телеканаллардаги фильмлар кетига тушган АОКА, ўқувчиларга уй вазифаларини мессенжер ва ижтимоий тармоқлар орқали жўнатишга руҳсат берилгани, Фирдавс Абдухолиқовга нисбатан қўзғатилган маъмурий иш ва бошқалар — «Газета.uz» нинг 1 февралдаги энг муҳим хабарлари дайжестида.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг