Жамият
Фото: Ўзбекистонда «Дунёни мовий рангга бўя» акцияси
Тошкент ва бошқа вилоятлардаги 100 дан ортиқ бинолар Ўзбекистоннинг болалар ҳуқуқларини қўллаб-қувватлаётганидан далолат сифатида бугун оқшом мовий ранг билан ёритилди. «Дунёни мовий рангга бўя» глобал акцияси Жаҳон болалар кунига бағишланди.
«Американинг юридик хизматлар бозори — дунёдаги энг катта бозор». Америкадаги магистрант Зухра Хайруллаева билан суҳбат
«Хориждаги ўзбекистонликлар» лойиҳасининг навбатдаги меҳмони — Пенсильвания штати университетида (АҚШ) таҳсил олаётган магистрант Зухра Хайруллаева. Биз ундан нега Америкада ўқишни танлагани, АҚШ университетининг Ўзбекистондаги ОТМлар билан фарқи, хориждаги қийинчиликлар ва Ўзбекистондаги ёшларга берадиган маслаҳатлари ҳақида сўрадик.
Сурхондарёда 115 кгдан ортиқ наркотик моддаларнинг ноқонуний айланмасига чек қўйилди
Сурхондарё вилоятида ДХХ ходимлари томонидан Тожикистон ва Афғонистонда тайёрланган йирик партиядаги гиёҳвандлик воситаларининг ноқонуний айланмасига чек қўйилди. 67 кгдан ортиқ опий, 48 кгга яқин гашиш ва 450 грамм героин топилиб, мусодара қилинди.
2022 йилдан кўп квартирали уйлар камида 1 Гбит/с тезликли интернетга уланади
Ҳукумат қарори билан 2021 йил якунигача барча ИИО таянч пунктлари, МФЙ, жазони ижро этиш муассасалари, профилактика инспекторлари хоналари, халқ таълими муассасалари, давлат архивлари ва ташкилотлари интернетга кенг полосали уланади. 2022 йил 1 январдан маъмурий бинолар ва кўп квартирали уйларни камида 1 Гбит/с ўтказувчанлик қобилияти билан улаш кўзда тутилмоқда.
Меҳнат вазирлиги эмланмаган ходимларни ишдан четлатиш тартибини тушунтирди
Меҳнат вазирлиги иш берувчиларга вакцина олмаган ходимларини ишдан четлаштириш тартибини тушунтирди. Унга кўра, ходимдан эмлашни рад этиш бўйича ёзма ариза олинади. Агар у ёзма ариза беришдан бош тортса, далолатнома тузилади. Соғлиғи ҳолатига кўра эмланмайдиганлар масофавий иш режимига ўтказилиши мумкин.
Тошкентда минтақадаги энг йирик вакциналар омбори очилди
Тошкентда Марказий Осиёдаги энг йирик вакциналар омбори очилди. У турлича сақлаш ҳарорати билан барча турдаги вакциналарни сақлаши мумкин. Омбор UNICEF кўмагида қурилиб, Соғлиқни сақлаш вазирлигига топширилди.
Метрони қандай узайтириш режалаштирилмоқда ва бу қанчага тушади?
Тошкент метрополитенининг Чилонзор линиясини «Буюк ипак йўли» бекатидан Мирзо Улуғбек кўчаси ёки Буюк ипак йўли кўчаси орқали ТТЗгача узайтириш режалаштирилган. Қурилишнинг биринчи варианти 220 млн доллардан ортиқ баҳоланмоқда. Шунингдек, ҳалқали метрополитеннинг иккинчи босқичи қурилишида «муаммоли» қисмидан ўтиш вариантлари ҳам муҳокама қилинмоқда. Йўл ўтказгични қуриш учун 132 та бинони бузиш ва 300 дан ортиқ дарахтни кесиш талаб этилади. Ер ости линияси зарари камроқ, аммо у кўпроқ харажат талаб этади. Трамвай эса «тақиқланган» мавзу бўлиб қолмоқда.
Нима тайёрлаймиз: нонушта учун қуймоқлар
Пишлоқ ва кўкатли, гўштли, творогли ва шоколадли — Zira.uz турли усулда пишириладиган қуймоқлар рецептлари рўйхатини тақдим этади.
19 ноябрь куни Ўзбекистонда содир бўлган энг муҳим хабарлар дайжести
Янги қабул қилинган қарорлар, Олий Мажлис Сенатининг 21 ялпи мажлиси, Inkuzart`нинг янги граффитиси яна бўяб ташланиши — «Газета.uz»нинг 19 ноябрдаги энг муҳим хабарлари дайжестида.
ТДИУ 90 йиллигини нишонлашга ажратилаётган 2,25 млрд сўм нималарга сарфланиши маълум қилинди
Тошкент давлат иқтисодиёт университетининг 90 йиллигини нишонлаш учун 300 минг доллар ажратилаётгани ҳақидаги хабарларга изоҳ берилди. Университет матбуот хизмати «Газета.uz»га юбилейни нишонлаш бўйича комплекс чора-тадбирлар дастури доирасида ажратилаётган 2,25 млрд сўмнинг нималарга йўналтирилишини маълум қилди.
2021 йилда Ўзбекистонга мигрантларнинг пул ўтказмалари 7,6 млрд долларни ташкил этиши кутилмоқда
Жаҳон банки ҳисоботига кўра, Ўзбекистонга меҳнат мигрантларининг пул ўтказмалари ҳажми 2021 йилда қарийб 7,6 млрд долларни ёки мамлакат ЯИМнинг 11,6 фоизини ташкил этиши кутилмоқда. Глобал макроиқтисодий прогнозларга мувофиқ, 2022 йилда пул ўтказмалари ҳажми 2,6 фоизга ўсиши кутилмоқда.
ОТМга киришда мактаб баҳоларини ҳисобга олиш низоми тасдиқланди
Мактаб битирувчиларининг шаҳодатномасидаги 11 йиллик таълимнинг сўнгги 6 йиллик баҳолари ОТМга киришдаги балга қўшилади. Баҳолар электрон платформалар орқали ҳисобланади. Максимал балл 100 фоиз деб олинади ва баллар баҳо тизимига ўтказилади.
Ногиронлиги бор болаларни жамиятдан ажратиб қўйиш амалиётини тўхтатишга чақираман — Зироат Мирзиёева
«Замин» фонди Васийлик кенгаши раиси Зироат Мирзиёева имконияти чекланган болаларни жамиятдан ажратиб қўйиш амалиётига чек қўйиш ва бу борадаги эзгу ташаббусларни қўллаб-қувватлашга чақирди. UNICEF`нинг Европа ва Марказий Осиё мамлакатлари бўйича минтақавий директори Афшан Хан билан ногиронлиги бўлган болаларга нисбатан стигма ва дискриминацияга барҳам бериш бўйича умуммиллий кампания бошланиши эълон қилинди.
Inkuzart`нинг янги граффитиси яна бўяб ташланди
Стрит-арт рассоми Inkuzart бензин нархи ошишига ишора қилиб, «Ўзбекнефтгаз» ёқилғи қуйиш шохобчаси ёнидаги деворда янги граффити чизди. Бир неча соатдан кейин расм бўяб ташланди.
Бош прокуратура жиддий хато ва камчиликларга йўл қўйган 18 нафар ходимни интизомий жазога тортди
Бош прокуратура ҳайъат йиғилишида 18 нафар ходим интизомий жазога тортилди. Ушбу ходимлар фаолиятида жиддий хато ва камчиликларга йўл қўйган ҳамда хизмат вазифаларига совуққонлик билан муносабатда бўлгани учун жазоланган.
Сенаторлар «Истеъмолчилар ҳуқуқларини ҳимоя қилиш тўғрисида»ги қонунга ўзгартиришларни маъқуллади
Сенаторлар томонидан маъқулланган «Истеъмолчиларнинг ҳуқуқларини ҳимоя қилиш тўғрисида»ги қонунга киритилган ўзгартишларга кўра, сотувчига тўлов шаклига қараб товарларга турли нархлар белгилаш тақиқланади. Истеъмолчилар ҳуқуқларини ҳимоя қилиш агентлигининг ушбу соҳадаги ваколатли давлат органи сифатидаги ваколатлари қонун ҳужжатларида мустаҳкамланмоқда.
Yoshlar, Navo ва Kinoteatr каналларига рекламадан даромад олишга рухсат берилди
Yoshlar, Navo ва Kinoteatr телеканаллари ихтисослаштирилган реклама хусусиятига эга бўлган канал сифатида фаолият кўрсатишига рухсат берилди.
Сенат рулда bluetooth орқали телефонда гаплашишга рухсат берувчи қонунни маъқуллади
Сенат машина бошқараётганда bluetooth ва қўлни банд қилмайдиган бошқа ускуналар орқали телефонда суҳбатлашишга рухсат берувчи қонунни маъқуллади. Паспорт (ID-карталар) бўлган тақдирда, ҳайдовчилик гувоҳномаси, суғурта полиси ва техпаспортни олиб юриш шарт бўлмайди. Монитор учун жарима бекор қилинмоқда, суғурта полиси йўқлиги учун жарима пасайтирилади. Қонун президент томонидан имзоланиши лозим.
«Пасткаш эркаклари бор ҳуқуқни ҳимоя қилувчилар ишлаётган жамиятнинг борлиги уятли» — Расул Кушербаев
Олий Мажлис Қонунчилик палатаси депутати Расул Кушербаев депутат аёл Феруза Бабашева атрофида бўлаётган воқеаларга муносабат билдирди. У аёлнинг бир эркак билан биргаликдаги фотосуратлари ва видеосининг ижтимоий тармоқларга тарқалиб кетганини кескин қоралаб, «ким ва нима бўлишидан қатъи назар, одамни синдириш бундай усул билан уюштирилмаслигини» таъкидлади.
Оролбўйида кардиология маркази очилади
Ҳукумат қарори билан Оролбўйида кардиология тиббиёт маркази ташкил этилади. Марказ Оролбуйи минтақасидаги ҳамда Бухоро ва Навоий вилоятларида туғма юрак нуқсони билан туғилган болаларга тиббий ёрдам кўрсатади. Марказ касалликларнинг олдини олиш, уларга ташхис қўйиш, даволаш бўйича илмий тадқиқотлар олиб бориш билан шуғулланади.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг