Жамият
Фарзанд асраб олган оилаларни солиқлардан озод қилиш таклифи билдирилди
Миллий гвардия қўмондони фарзанд асраб олган оилаларни солиқлардан озод қилиш, қолаверса, уларга алоҳида тўловлар, имтиёзлар ёки компенсациялар тўлаб беришни таклиф қилди. «Фарзандликка олганга ҳам қандайдир пул тўловлари берилса, бола асраб олиш кескин кўпайиб кетади деган умиддамиз», — деди у. Шунингдек, болани авваламбор ўз оиласида қолдириш ёки яқин қариндошига васийликка бериш чораларини кўриш зарурлиги айтилди.
Тошкент шаҳрида квартира нархлари 5−7 фоизга ошган
Ўзбекистонда кўчмас мулк савдолари бўйича тузилган шартномалар ўтган йилга нисбатан 17 фоизга ошди. Кўчмас мулк битимларининг умумий сонининг қарийб 40 фоизи Тошкентга тўғри келади. Тошкентда квартира нархлари ўтган чоракка нисбатан ўртача 5−7% га ошган.
Йиллаб навбатда туриш фуқароларни бола сотиб олишга мажбур қилмоқда — Рустам Жўраев
Сенатнинг 20-ялпи мажлисида Миллий гвардия қўмондони Рустам Жўраев йиллар давомида навбатда туриш фуқароларни ноқонуний йўллар билан бола сотиб олишга мажбур қилаётганини маълум қилди. У ҳозирги кунда 500 нафардан ортиқ болани асраб олишга қарийб 5800 нафар фуқаро навбатда турганини қайд этди.
Метро бекатларида савдо ва хизмат кўрсатиш майдончалари ташкил этилади
Президент қарорига кўра, метрополитен учун йил охиригача 5 та, 2022 йилда 14 та тўрт вагонли метро поездлари харид қилинади ва поездларнинг сони 80 тага етказилади. Метро бекатларида савдо ва хизмат кўрсатиш майдончалари ташкил этилиб, тадбиркорларга электрон аукцион шартларида ижарага берилади.
«Маданий мерос объектларини сақлашнинг шаффоф ҳуқуқий механизмини яратиш керак» — Танзила Нарбаева
Сенат маданий мерос объектларини сақлаш ва ҳимоясини таъминлаш бўйича давлат дастури доирасидаги ишлар тўлиқ бажарилмаётганлигини таъкидлади. Сенат қўмитаси Тошкентда маданий мерос рўйхатига киритилган айрим объектлар кўрсатилган манзилда йўқлиги, 4 та объект мавжуд эмаслигини, 56 та объектнинг кадастр ҳужжатлари бўлмаганлигини аниқлаган. Сенат раиси Танзила Нарбаева маданий мерос объектларини сақлашнинг ҳуқуқий механизмини яратиш кераклигини қайд этди.
Халқаро қидирувда бўлган икки ўзбекистонлик Жанубий Кореядан экстрадиция қилинди
Интерпол Ўзбекистонда фирибгарлик қилгани учун халқаро қидирувда бўлган икки фуқарони Жанубий Кореяда қўлга олиб, Ўзбекистонга экстрадиция қилди. «Энди улар қилмишлари учун судда жавоб беришларига тўғри келади», — дейилади хабарда.
1869 йилда қурилган Хўжа Порсо жоме масжиди бузиб ташланди
Гид Жамил Қосимов 1869 йилда Марғилонда қурилган қадимий Хўжа Порсо жоме масжиди бузиб ташланганини хабар қилди. У Моддий маданий мероснинг кўчмас мулк объектлари миллий рўйхатига киритилганди. Маданий мерос агентлиги бино бир неча жойидан ёрилгани боис бузиб, янгидан қурилаётганини маълум қилди.
Жаҳонгир Ортиқхўжаев Тошкентнинг 12 та қадимий дарвозасини тиклаш бўйича қарорни имзолади
Пойтахт ҳокими Жаҳонгир Ортиқхўжаев Тошкентнинг 12 та қадимий дарвозасини тиклаш ва қуриш бўйича қарорни имзолади. Дарвозаларнинг жойлашуви Рақамли ривожланиш департаменти томонидан хариталарни боғлаш орқали аниқланган. Олдинроқ «Газета.uz» департаментнинг тадқиқоти қандай борганлиги ва дарвозаларнинг аниқ жойлашуви ҳақида ёзган эди.
Гулруҳбегим Тоҳиржонова АҚШ миллий терма жамоаси таркибига кирди
Ўзбекистонлик шахматчи Гулруҳбегим Тоҳиржонова АҚШ чемпионатида иккинчи ўринни қўлга киритиб, АҚШ миллий терма жамоасидан жой эгаллади.
Ўзбекистонлик қиз Сан-Ремодаги мусиқа фестивалида биринчи ўринни эгаллади
Ўзбекистонлик 6-синф мактаб ўқувчиси София Сингҳ Гилл Италиядаги Sanremo Junior болалар халқаро мусиқа фестивалида биринчи ўринни эгаллади.
Сергелида янги йўлнинг бир қисми очилди (фото)
Пойтахтда Яккасарой ва Сергели туманларини боғлайдиган янги йўл қурилишининг биринчи босқичи якунланди (фото).
19 октябрь куни Ўзбекистонда содир бўлган энг муҳим хабарлар дайжести
Шавкат Мирзиёевнинг Тошкент шаҳри сайловчилари билан учрашуви, Ўзбекистон муфтийси ва Тошкент шаҳри бош имом-хатиби тайинланиши, коррупцияга қарши курашиш бўйича ҳудудий кенгашларга ҳокимлар раис бўлиши — «Газета.uz»нинг 19 октябрдаги энг муҳим хабарлари дайжестида.
Коррупцион жиноятларни содир этган шахсларнинг реестри тўғрисидаги қонун қабул қилинади
Антикоррупция агентлиги раҳбари Акмал Бурхонов Коррупцион жиноятларни содир этган шахсларнинг реестри тўғрисидаги қонун ишлаб чиқилганини маълум қилди. Унинг сўзларига кўра, қонун лойиҳаси яқин кунларда жамоатчилик муҳокамасига қўйилади.
Раҳматуллоҳ Сайфуддинов Тошкент шаҳри бош имом-хатиби бўлди
Юнусобод тумани ва «Мирза Юсуф» жоме масжиди имом-хатиби Раҳматуллоҳ Сайфуддинов Тошкент шаҳри бош имом-хатиби вазифасига тайинланди.
Нуриддин Холиқназаров Ўзбекистон муфтийси этиб сайланди
Тошкент шаҳар бош имом-хатиби Нуриддин Холиқназаров Ўзбекистон мусулмонлари идораси раиси, муфтий этиб сайланди.
Фото: Тошкент сайловдан олдин
Келаётган якшанба, 24 октябрь куни президент сайлови ўтказилади. Сайловдан олдинги пойтахт қиёфаси — «Газета.uz» фоторепортажида.
Жаҳонгир Отажонов 3 нафар фарзандидан алимент қарздорлиги сабаб Ўзбекистондан чиқиб кетолмади
Жаҳонгир Отажонов Ўзбекистонни тарк этишига тақиқ қўйилганини маълум қилди. МИБнинг маълум қилишича, фуқарода 3 нафар вояга етмаган фарзандлари учун алимент ундирувига оид 3 та ижро ишлари мавжудлиги аниқланган ва унинг Ўзбекистондан чиқиш ҳуқуқи вақтинча чекланган.
Андижонда маст ҳолда «Тез ёрдам» шифокорини дўппослаган шахс қамоққа олинди
Андижон вилоятининг Пахтаобод туманида беморнинг ўғли маст ҳолатда «тез ёрдам» шифокорини дўппослаб, унга оғир тан жароҳати етказди. Унга нисбатан жиноят иши қўзғатилди. Зўравон беш йилгача муддатга қамалиши мумкин.
Таълим даражаси юқори бўлмаган мактабга бошқа ҳудуддан ўқитувчи жалб қилиш тартиби белгиланди
Ҳукумат қарорига кўра, таълим даражаси юқори бўлмаган мактабларга бошқа ҳудудлардан жалб қилинган ўқитувчи-педагогларнинг базавий тариф ставкаларига махсус устамалар жорий қилинади. Шунингдек, педагогика йўналишларининг 3-курсида таҳсил олаётган талабаларга мактабларда дарс бериш ҳуқуқи берилди.
Тошкент ҳавосида чанг миқдори меъёридан икки баравар кўп — президент
Шавкат Мирзиёев пойтахт сайловчилари билан учрашувда Тошкент ҳавосидаги чанг миқдори белгиланган меъёрлардан 2 баробар кўплигини маълум қилди. Президент қурилиш майдонларида чангни бостирувчи замонавий усуллар ва технологияларни жорий қилиш зарурияти ҳақида ҳам гапирди. ЎзЛиДеП номзоди келгуси йилда ҳар бир туманда сайилгоҳ ҳамда шаҳар бўйича 25 та «яшил ҳудуд» ва аллеялар ташкил этилишини таъкидлади.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг